IDF KP Media Cell

09/09/2025

انصاف ڈاکٹرز فورم خیبرپختونخوا کی تحصیل ہیڈکوارٹر ہسپتال اپر چترال میں ڈاکٹر فواد کے ساتھ بدسلوکی اور تشدد کی شدید مذمت

انصاف ڈاکٹرز فورم خیبر پختونخوا تحصیل ہیڈکوارٹر ہسپتال اپر چترال میں ڈیوٹی کے دوران ایمرجنسی یونٹ میں میڈیکل آفیسر ڈاکٹر فواد پر ہونے والے تشدد، بدسلوکی، گالم گلوچ اور دھمکیوں کی شدید الفاظ میں مذمت کرتا ہے۔

میڈیکل آفیسر ڈاکٹر فواد، جو گذشتہ چھ سالوں سے چترال کے عوام کی خدمت کر رہے ہیں اور ایک نہایت پروفیشنل، محنتی اور فرض شناس معالج کے طور پر جانے جاتے ہیں۔

تفصیلات کے مطابق، چند افراد ایک مریض کو Mild Headache کی شکایت پر ایمرجنسی میں لائے۔ ابتدائی معائنے کے بعد مریض کو طبی طور پر Vitally Stable قرار دیا گیا، تاہم ان افراد نے بلاوجہ ایمرجنسی اسٹاف سے بدتمیزی شروع کر دی۔ کچھ دیر بعد یہی افراد دوبارہ ایمرجنسی یونٹ میں واپس آئے اور وہاں موجود ڈاکٹر فواد پر حملہ کرنے کی کوشش کی اور شدید قسم کا تشدد کیا۔ اس دوران بار بار جھگڑا، گالم گلوچ اور عملے کو دھمکیاں دیتے رہے جو کہ کارِ سرکار میں مُداخلت کے زُمرے میں بھی آتا ہے۔

انصاف ڈاکٹرز فورم انتظامیہ سے مطالبہ کرتا ہے کہ اس واقعے میں ملوث عناصر کے خلاف فوری اور سخت قانونی کارروائی عمل میں لائی جائے تاکہ مستقبل میں کسی کو بھی وائٹ کوٹ پہننے والے مسیحاؤں، معالجین اور ہسپتال کے ماحول کے تقدس کو پامال کرنے کی جرات نہ ہو۔

ہم ڈاکٹر فواد اور چترال کے طبی عملے کے ساتھ مکمل یکجہتی کا اظہار کرتے ہیں اور اُن کی خدمات کو خراجِ تحسین پیش کرتے ہیں۔

انصاف ڈاکٹرز فورم خیبرپختونخوا
میڈیا سیل

09/09/2025

وہ جیت کر آرہا ہے!

انشاءاللّٰہ

08/09/2025

ایم ٹی آئی بنوں میں کرپشن کا دھماکہ خیز انکشاف 🚨

ایم ٹی آئی بنوں میں پچھلی انتظامیہ کی لوٹ مار کا پردہ فاش! موجودہ صاف شفاف انتظامیہ نے کروڑوں کی بچت کر کے ثابت کر دیا کہ نیت صاف ہو تو ادارے بچتے بھی ہے اور کارکردگی بھی دیکھاتے ہیں۔

پچھلے ہسپتال ڈائریکٹر ڈاکٹر احمد فراز، جو کہ YDA بنوں کا پیٹرن انچیف بھی ہے، نے ادارے کو ماہانہ 50 لاکھ اور سالانہ 6 کروڑ روپے کا نقصان پہنچایا۔

ایم ٹی آئی بنوں میں پچھلے ایڈمنسٹریشن کی کرپشن اور بدنظمی کی ایک نہایت ہی عجیب و غریب اور افسوسناک کہانی سامنے آئی ہے۔ عوام کے پیسوں کو بغیر کسی شفافیت اور مقابلہ جاتی عمل کے ضائع کیا گیا، اور مخصوص کمپنیوں کو نواز کر ادارے کو کروڑوں روپے کا نقصان پہنچایا گیا۔

آج ہم آپ کو پچھلی اور موجودہ انتظامیہ کے درمیان ایک ہی چیز کی خریداری کا تفصیلی تقابلی جائزہ پیش کرتے ہیں تاکہ آپ خود دیکھ سکیں کہ کس طرح پچھلی انتظامیہ نے عوامی وسائل کے ساتھ کھلواڑ کیا اور موجودہ انتظامیہ نے شفافیت اور مقابلہ جاتی عمل کے ذریعے کس طرح غیر ضروری اخراجات کو کم کیا۔

بغیر ٹینڈر، بغیر مقابلہ → من پسند کمپنی کو نواز دیا گیا۔

ریٹ سن کر سر پکڑ لیں ⬇️
🔴 لیکویڈ آکسیجن: 190 روپے فی m³
🔴 آکسیجن سلنڈر ریفلنگ: 2,250 روپے فی سلنڈر

یعنی کروڑوں روپے کا نقصان عوام کے خون پسینے کے پیسے سے! 💔

اب دیکھیں موجودہ شفاف انتظامیہ کا کمال 👇
✅ مقابلہ جاتی بولی
✅ دو کمپنیاں میدان میں
✅ ہر آئٹم کا سب سے کم ریٹ منتخب

ریزلٹ
🟢 لیکویڈ آکسیجن: 172 روپے فی m³ (پچھلے سال سے 18 روپے سستی)
🟢 سلنڈر ریفلنگ: 1,450 روپے فی سلنڈر (پچھلے سال سے 800 روپے سستی)

فرق دیکھیے ⬇️
💰 ماہانہ بچت: 50 لاکھ روپے
💰 سالانہ بچت: 6 کروڑ روپے

پچھلی انتظامیہ = لوٹ مار 🚫
موجودہ انتظامیہ = شفافیت ✅

یہ بات انتہائی اہم ہے کہ عام طور پر وقت کے ساتھ ساتھ چیزوں کی قیمتیں بڑھتی ہیں، مگر موجودہ انتظامیہ نے مقابلہ جاتی عمل اور شفاف پالیسی کے ذریعے ان ریٹس میں کمی کروائی۔ اس مقابلہ جاتی عمل کی بدولت ایم ٹی آئی بنوں کو قیمتوں میں نمایاں کمی ملی، جس سے اندازاً ماہانہ 50 لاکھ روپے اور سالانہ تقریباً 6 کروڑ روپے کی بچت ممکن ہوئی۔ یہ بچت پچھلی انتظامیہ کے غیر شفاف معاہدوں اور اقربا پروری کے مقابلے میں ایک بہت بڑا فرق ہے اور یہ اس بات کا واضح ثبوت ہے کہ شفافیت کے ذریعے ادارے کو کس قدر فائدہ پہنچایا جا سکتا ہے۔

یہ ہے اصل تبدیلی! 💯
اب عوام کو فیصلہ کرنا ہوگا کہ کرپٹ ٹولے کو بچانا ہے یا شفافیت کو سپورٹ کرنا ہے۔

ترجُمان
انصاف ڈاکٹرز فورم بنوں

07/09/2025

صدر انصاف ڈاکٹر فورم خیبرپختونخوا ڈاکٹر نبی جان آفریدی کا ایوب میڈیکل کالج میں عمران خان ویلفیئر آرگنائزیشن کے زیرِ اہتمام یوتھ فیسٹا کی تقریب سے خطاب

07/09/2025

06/09/2025

إِنَّا لِلّٰہِ وَإِنَّا إِلَیْهِ رَاجِعُونَ

انصاف ڈاکٹرز فورم خیبرپختونخوا کے عہدیداران و ممبران سابقہ ڈسٹرکٹ ہیلتھ آفیسر ڈاکٹر حفیظ اللّٰہ داوڑ کے ایک افسوسناک حادثے میں جاں بحق ہونے کی خبر سن کر گہرے دکھ اور افسوس کا اظہار کرتے ہیں۔

ذرائع کے مطابق مرحوم مہمند سے ڈیوٹی کے بعد گھر واپس آتے ہوئے حادثے کا شکار ہوئے۔ اُن کی نمازِ جنازہ آج شام چار بجے اُن کے آبائی گاؤں زیرکی، شمالی وزیرستان میں ادا کردی گئی۔

ڈاکٹر حفیظ اللّٰہ داوڑ ایک قابل، مخلص اور محنتی شخصیت تھے جنہوں نے اپنی زندگی عوام کی خدمت اور صحت کے شعبے کی بہتری کے لیے وقف کر رکھی تھی۔ اُن کی ناگہانی وفات سے محکمہ صحت اور میڈیکل برادری ایک مخلص افسر اور ساتھی سے محروم ہو گئی ہے۔

انصاف ڈاکٹرز فورم خیبرپختونخوا مرحوم کی بلندی درجات اور پسماندگان کے لیے صبر جمیل کی دعا کرتا ہے۔

إِنَّا لِلّٰہِ وَإِنَّا إِلَیْهِ رَاجِعُونَ

انصاف ڈاکٹرز فورم خیبرپختونخوا
میڈیا سیل

06/09/2025

04 ستمبر 2025

انصاف ڈاکٹرز فورم خیبرپختونخوا کی ڈینٹسٹری کمیونٹی کے لیے ایک اور بڑی کامیابی!

پشاور – انصاف ڈاکٹرز فورم خیبرپختونخوا کی کاوشوں کے نتیجے میں باچاخان ڈینٹل کالج مردان کو انتظامی و مالی خودمختاری دلوانے کے تاریخی مراحل مکمل ہو گئے ہیں۔

• پہلے مرحلے میں، محکمہ صحت خیبرپختونخوا نے باضابطہ آرڈر No. SOB-I/HD/1-16/BKMC dated 18-07-2025 کے تحت پرنسپل باچاخان ڈینٹل کالج مردان پروفیسر ڈاکٹر منیر خان کو DDO (Drawing & Disbursing Officer) کے اختیارات تفویض کیے تھے۔

• دوسرے اور حتمی مرحلے میں، حکومت خیبرپختونخوا فنانس ڈپارٹمنٹ نے نوٹیفکیشن No. BVI/FD/1-26/2018-19/Vol-V dated 04-09-2025 کے تحت باچاخان میڈیکل کالج اور باچاخان ڈینٹل کالج کا بجٹ باضابطہ طور پر منقسم کر دیا ہے اور ڈینٹل کالج کے لیے نیا DDO کوڈ الاٹ کر دیا ہے۔

ان اقدامات کے بعد باچاخان ڈینٹل کالج مردان:

• باچاخان ڈینٹل کالج مردان کو مالی و انتظامی طور پر مکمل خودمختاری حاصل ہو گئی ہے۔

• خیبر کالج آف ڈینٹسٹری کی طرز پر صوبے کا دوسرا آزاد ڈینٹل کالج تسلیم کیا جا چکا ہے۔

یہ کامیابیاں ایڈیشنل سیکرٹری جنرل انصاف ڈاکٹرز فورم خیبرپختونخوا و فوکل پرسن برائے ڈینٹسٹری ڈاکٹر سردار محمد سعد اور ان کی ٹیم کی انتھک جدوجہد کا نتیجہ ہیں، جو ڈینٹل ایجوکیشن اور مریضوں کو معیاری خدمات کی فراہمی کے نئے دور کا آغاز ہیں۔

انصاف ڈاکٹرز فورم خیبرپختونخوا اپنے اس عزم کو دہراتا ہے کہ صوبے کے تمام میڈیکل و ڈینٹل اداروں کی اصلاحات، ترقی اور خودمختاری کے لیے اپنی جدوجہد جاری رکھے گا۔

انصاف ڈاکٹرز فورم خیبرپختونخوا
میڈیا سیل

06/09/2025

انصاف ڈاکٹرز فورم خیبر پختونخوا اپنے تمام ساتھیوں کو زبردست خراجِ تحسین پیش کرتا ہے جنہوں نے بونیر، شانگلہ، صوابی، باجوڑ اور سوات میں حکومتِ خیبر پختونخوا کے ساتھ شانہ بشانہ کھڑے ہو کر آغاز ہی سے سیلاب متاثرین کی خدمت کو اپنا اولین فرض سمجھا۔ ہمارے ساتھیوں نے جس جواں مردی، پروفیشنلزم اور ٹیم ورک کا مظاہرہ کیا وہ نہ صرف متاثرین کے لیے امید اور سہارا ثابت ہوا بلکہ انصاف ڈاکٹرز فورم کے عوامی خدمت کے عزم اور نظریاتی وابستگی کو بھی اجاگر کرتا ہے۔

انصاف ڈاکٹرز فورم خیبر پختونخوا نے ضلع بونیر میں سیلاب متاثرین کی خدمت کے لیے اپنی تمام تر توانائیاں وقف کر دیں۔ آغاز ہی سے متاثرہ عوام کے ساتھ کھڑے ہو کر انصاف ڈاکٹرز فورم خیبر پختونخوا نے خدمتِ خلق میں ایک نمایاں کردار ادا کیا اور اب تک 60 میڈیکل ریلیف کیمپس منعقد کیے ہیں۔ ان کیمپس میں میڈیکل، ویٹرنری، ذہنی صحت کے کیمپس کے ساتھ ساتھ خوراک و کپڑوں کی تقسیم کے مراکز بھی شامل تھے۔

ان منظم اور ہمہ جہت اقدامات کے نتیجے میں 7000 سے زائد متاثرین کو علاج، ادویات، راشن اور دیگر بنیادی سہولیات فراہم کی جاچکی ہیں۔ یہ اعداد و شمار اس حقیقت کا واضح ثبوت ہیں کہ انصاف ڈاکٹرز فورم اپنے نظریاتی عزم اور عوامی خدمت کے مشن کو عملی جامہ پہنانے میں پیش پیش ہے اور سیلاب متاثرین کو کسی صورت تنہا نہیں چھوڑے گا۔

ہم ان تمام اداروں، تنظیموں اور مخیر حضرات کے بھی تہہ دل سے مشکور ہیں جنہوں نے دل کھول کر تعاون کیا۔ تاہم یہ حقیقت فراموش نہیں کرنی چاہیے کہ اصل امتحان ابھی باقی ہے۔ اُس وقت تک ہماری جدوجہد جاری رہے گی جب تک سیلاب زدہ خاندان دوبارہ آباد ہو کر اپنے پاؤں پر کھڑے نہیں ہوجاتے۔

انصاف ڈاکٹرز فورم اس عہد کا اعادہ کرتا ہے کہ ہم عمران خان کے وژن اور عوامی خدمت کے مشن کے تحت اپنی کوششیں جاری رکھیں گے تاکہ خیبر پختونخوا کے عوام کو اس کڑے وقت میں کبھی تنہا نہ چھوڑا جائے۔

انصاف ڈاکٹرز فورم خیبر پختونخوا اپنی عوامی خدمت کے اس سفر کو مزید منظم انداز میں آگے بڑھانے کے لیے پرعزم ہے۔

انصاف ڈاکٹرز فورم خیبرپختونخوا
میڈیا سیل

06/09/2025

وزیر اعلیٰ خیبرپختونخوا علی امین خان گنڈاپور کی زیرِ صدارت صوبائی کابینہ کا 38واں اجلاس

پشاور: وزیر اعلیٰ خیبرپختونخوا علی امین خان گنڈاپور کی زیرِ صدارت صوبائی کابینہ کا 38واں اجلاس منعقد ہوا، جس میں عوامی فلاح اور صحت کے حوالے سے اہم فیصلے کیے گئے۔

اجلاس میں مانسہرہ اوگی ہسپتال کو کیٹیگری-ڈی ہسپتال میں اپ گریڈ کرنے کی منظوری دی گئی۔ اس اقدام سے مقامی آبادی کو جدید اور معیاری طبی سہولیات ان کی دہلیز پر میسر آئیں گی، جبکہ مریضوں کو بڑے شہروں کا رخ کرنے کی ضرورت بھی نمایاں حد تک کم ہو جائے گی۔

یہ فیصلہ انصاف ڈاکٹرز فورم ہزارہ کی طویل جدوجہد اور انتھک کاوشوں کا نتیجہ ہے۔ انصاف ڈاکٹرز فورم ہزارہ نے عوامی مسائل کو اجاگر کرنے اور صحت کے شعبے میں بہتری کے لیے مسلسل کوششیں کی، جس کے نتیجے میں صوبائی حکومت نے یہ تاریخی قدم اٹھایا۔

انصاف ڈاکٹرز فورم خیبرپختونخوا
میڈیا سیل

05/09/2025

پیشِ خدمت ہے مریم نواز عُرف گڑیا نانی کا سٹیٹ آف دی آرٹ مون سون ایمرجنسی میڈیکل ریلیف کیمپ!

04/09/2025

صدر انصاف ڈاکٹرز فورم شانگلہ ڈاکٹر شریف اللّٰہ ثاقب اور نائب صدر آئی ڈی ایف پشاور ریجن ڈاکٹر جاید یوسفزئی کا مشیرِ صحت خیبرپختونخوا احتشام علی اور صوبائی صدر انصاف ڈاکٹرز فورم خیبرپختونخوا ڈاکٹر نبی جان سے ملاقات۔

ملاقات میں ضلع شانگلہ کے صحت عامہ کے اہم مسائل پر تفصیلی تبادلہ خیال کیا گیا۔ اس دوران خاص طور پر ضلع کے ہسپتالوں میں جدید تشخیصی مشینری کی عدم دستیابی اور ہیومن ریسورس کی کمی جیسے اہم مسائل اجاگر کیے گئے۔

مشیرِ صحت خیبرپختونخوا نے تمام مسائل کے حل کی یقین دہانی کرائی۔ اس موقع پر ڈاکٹر شریف اللّٰہ ثاقب نے مشیرِ صحت کو ضلع شانگلہ کے دورے کی دعوت دی جو انہوں نے قبول کی۔

مشیرِ صحت خیبرپختونخوا احتشام علی عنقریب ضلع شانگلہ کا خصوصی دورہ کریں گے۔

انصاف ڈاکٹرز فورم خیبرپختونخوا
میڈیا سیل

‏