Dr Umm E Salma Rashid

07/07/2025

یورین کلچر کے لیے اہم ہدایات:

🩺 "مکمل تشخیص کے لیے صحیح نمونہ ضروری ہے"

جب پیشاب کے انفیکشن (UTI) کا شک ہو، تو ڈاکٹر یورین کلچر تجویز کرتے ہیں تاکہ جراثیم کی صحیح قسم معلوم کی جا سکے اور موزوں دوا دی جا سکے۔

ایسا درست نتیجہ تبھی آ سکتا ہے جب سیمپل ٹھیک طریقے سے لیا جائے — یعنی "مڈ اسٹریم یورین"۔

✅ درمیانی پیشاب لینے کے فوائد:
✨باہر کے جراثیم شامل نہیں ہوتے۔
✨ پیشاب کی نالی سے نکلنے والے اصلی جراثیم کی شناخت ممکن ہوتی ہے۔
✨زیادہ قابلِ اعتماد رپورٹ ملتی ہے۔
✨ غلط رپورٹ اور دوبارہ ٹیسٹ کی ضرورت کم ہو جاتی ہے۔
✨درست دوا تجویز کی جا سکتی ہے۔
✨ مریض کو غیر ضروری اینٹی بایوٹک سے بچایا جا سکتا ہے۔
✨یورین کلچر میں کنٹیمنیشن (آلودگی) سے بچاؤ ہوتا ہے۔
✨ غلط جراثیم یا غلط تشخیص کا خطرہ کم ہو جاتا ہے۔

بروقت اور مؤثر علاج ممکن ہوتا ہے۔

🧼 کیسے لیا جائے؟ (مختصر ہدایات):
✅پیشاب کرنے سے پہلے ہاتھ اور پرائیویٹ ایریا اچھی طرح دھوئیں۔
✅پیشاب کا پہلا حصہ نہ لیں۔
✅درمیانی پیشاب کو صاف بوتل میں جمع کریں۔
✅بوتل کو بند کر کے فوراً لیب میں پہنچائیں۔

"درست ٹیسٹ، درست علاج کا پہلا قدم ہے — مڈ اسٹریم یورین دے کر اپنے علاج کو مؤثر بنائیں۔"

Dr Umm E Salma

Send a message to learn more

05/07/2025

ہائپر تھائرائیڈزم کیا ہے؟
ہائپر تھائرائیڈزم ایک ایسی حالت ہے جس میں تھائرائیڈ گلینڈ، جسم میں ضرورت سے زیادہ ہارمونز بناتا ہے۔ یہ ہارمونز جسم کے میٹابولزم کو تیز کر دیتے ہیں۔

⚠️ علامات:
♦️دل کی دھڑکن کا تیز ہونا
♦️وزن کا تیزی سے کم ہونا
♦️بے چینی، گھبراہٹ
♦️ہاتھوں کا کپکپانا
♦️پسینہ زیادہ آنا
♦️کم نیند یا نیند کی کمی
♦️ماہواری میں بے ترتیبی
♦️آنکھوں کا باہر کی طرف آ جانا (کبھی کبھار)

❤️ اہم پیغام:
"ہائپر تھائرائیڈزم کا علاج ممکن ہے — علامات کو نظر انداز نہ کریں۔ اگر آپ کو اوپر دی گئی علامات میں سے کوئی نظر آئے تو فوراً مستند ڈاکٹر سے رجوع کریں۔"

Dr Umm E Salma

02/07/2025

🌸 خوبصورتی کا جنون یا صحت سے کھلواڑ؟
💉 "اینٹی ایجنگ ٹریٹمنٹس اور نئی ایستھیٹک کلینکس کی بڑھتی ہوئی بھرمار – ایک خاموش خطرہ"
آج کل ہر دوسرا چہرہ ایک جیسا لگنے لگا ہے —
جھریاں غائب، جلد کھنچی ہوئی، اور عمر کا کوئی نشان باقی نہیں۔
اینٹی ایجنگ ٹریٹمنٹس، بیوٹی انفیوژن، فلرز، بوٹاکس اور لیزرز نہ صرف شہروں میں بلکہ چھوٹے علاقوں میں بھی روزانہ کی بنیاد پر کیے جا رہے ہیں۔

🚨 لیکن کیا ہم نے کبھی سوچا کہ ان کا ہماری صحت پر کتنا گہرا اثر ہو سکتا ہے؟
زہر بھی اگر حد سے زیادہ دیا جائے، تو دوا نہیں رہتا۔
اسی طرح یہ انجیکشن، کیمیکل، اور جلد میں دی جانے والی دوائیں وقتی خوبصورتی تو دیتی ہیں،
لیکن دل، گردے، جگر اور مدافعتی نظام پر دیرپا اثرات چھوڑ سکتی ہیں۔

🕯️ اداکارہ شِفالی جریوالا کی المناک موت – ایک لمحۂ فکریہ:
حال ہی میں مشہور بھارتی اداکارہ شِفالی جریوالا کی موت نے ان بیوٹی ٹریٹمنٹس پر سوالیہ نشان لگا دیا ہے۔
رپورٹس کے مطابق وہ بار بار بیوٹی انفیوژنز اور اینٹی ایجنگ تھراپیز کرواتی تھیں، جن کے ممکنہ ریئیکشنز اور سائیڈ ایفیکٹس کو شاید سنجیدگی سے نہیں لیا گیا۔
یہ ایک ویک اپ کال ہے — کہ خوبصورتی کے نام پر ہم کہیں
اپنی جان کی قیمت تو نہیں دے رہے؟

⚠️ طویل المدتی خطرات:
قوتِ مدافعت میں کمی۔
الرجی یا آٹوایمیون ریسپانس۔
جگر یا گردے پر بوجھ۔
دل کی دھڑکنوں کا بے ترتیب ہونا۔
جلدی کینسر کا خطرہ۔
بار بار کے فلرز سے چہرے کا قدرتی توازن بگڑ جانا۔

🩺 کیا کرنا چاہیے؟
✔️ ہر ٹریٹمنٹ سے پہلے ماہر ڈاکٹر سے مشورہ کریں
✔️ صرف رجسٹرڈ اور قابل اعتماد کلینک کا انتخاب کریں
✔️ دل، جگر، گردے اور خون کی رپورٹس کروائیں
✔️ اپنی صحت کو خوبصورتی پر ترجیح دیں
✔️ سادہ غذا، نیند، اور دھوپ سے حاصل ہونے والی خوبصورتی سب سے پائیدار ہے

"خوبصورتی اگر زندگی کی قیمت پر ہو… تو وہ خوبصورتی نہیں، خطرہ ہے۔
خدارا، خود کو مصنوعی چمک کے پیچھے ختم نہ کریں۔ اپنی قدرتی خوبصورتی کو اپنائیں — وہی اصل شان ہے۔"

26/06/2025

معصوم ہاتھ، معصوم دعائیں 🌸✨🩷

Send a message to learn more

25/06/2025

جب کسی بچے کو ذیابیطس لاحق ہوتی ہے، تو اس کی پوری زندگی کا معمول بدل جاتا ہے۔ روزانہ انسولین لینا، خون میں شوگر چیک کرنا، اپنی غذا پر مکمل قابو رکھنا — یہ سب ایک ننھے ذہن اور جسم کے لیے بہت بڑا بوجھ بن سکتا ہے۔

ایسے بچے کھیل کود، اسکول، اور دوسروں بچوں کی صحبت میں اکثر پیچھے رہ جاتے ہیں، کیونکہ ان کا دھیان مسلسل اپنی صحت پر ہوتا ہے۔ وہ کبھی کبھار جذباتی دباؤ، احساسِ کم تری یا تنہائی کا شکار بھی ہو سکتے ہیں۔

ہماری ذمہ داری کیا ہے؟
والدین، اساتذہ اور معاشرے کو ایسے بچوں کو محبت، اعتماد اور تعاون فراہم کرنا چاہیے۔

یہ بچے عام بچوں کی طرح ہنس سکتے ہیں، سیکھ سکتے ہیں اور آگے بڑھ سکتے ہیں — بس تھوڑی سی رہنمائی اور بہت سا حوصلہ درکار ہوتا ہے۔

ذیابیطس کے ساتھ زندگی ممکن ہے، اور خوبصورت بھی — اگر شعور اور سمجھداری سے چلا جائے۔

Dr Umm E Salma Rashid

23/06/2025

سوات کی ایک محترم مریضہ، جو ذیابیطس کے پیچیدہ فُٹ انفیکشن کے ساتھ ہسپتال میں داخل ہوئی تھیں، آج مکمل بہتری کے بعد او پی ڈی میں تشریف لائیں۔

انہوں نے نہ صرف ہماری ٹیم کا شکریہ ادا کیا، بلکہ سوات کے تازہ آلوچے (plums) بطور تحفہ پیش کیے۔

یہ پھل صرف ایک میٹھا ذائقہ نہیں، بلکہ دعا، محبت، اور شکرگزاری کی مٹھاس کا پیغام تھا۔

ایسے لمحے ہمیں یاد دلاتے ہیں کہ ایک مریض کی مسکراہٹ، ایک معالج کی سب سے بڑی کامیابی ہے۔

23/06/2025

♦️ ٹائپ 1 ذیابیطس — بچوں میں تشخیص اور والدین کے جذبات !!

جب کسی بچے کو ٹائپ 1 ذیابیطس کی بیماری لاحق ہوتی ہے تو یہ صرف ایک طبی تشخیص نہیں بلکہ والدین کے لیے ایک گہرا جذباتی صدمہ ہوتا ہے۔ بچے کو روزانہ انسولین لگانا، خون میں شوگر چیک کرنا، ہر کھانے پینے کا حساب رکھنا — یہ سب کچھ والدین کے لیے بہت پریشان کن اور الجھا دینے والا ہو جاتا ہے۔

اکثر والدین گھبرا جاتے ہیں کہ ان کا بچہ اب نارمل زندگی کیسے گزارے گا؟ کیا وہ اسکول جا سکے گا؟ کھیل سکے گا؟ دوسروں بچوں کی طرح جی سکے گا؟ اسی خوف اور دباؤ میں وہ غذائی ہدایات اور انسولین کے اصولوں پر عمل کرنے میں دشواری محسوس کرتے ہیں۔

🌸 والدین کے لیے پیغام:
یہ بیماری ضرور مستقل ہے، مگر اس کا مطلب یہ نہیں کہ زندگی رک گئی ہے۔ آپ کے بچے کو آپ کی محبت، صبر اور اعتماد کی ضرورت ہے۔ اگر آپ سیکھیں گے، تو بچہ بھی سیکھے گا۔ آپ کی رہنمائی سے وہ ایک مکمل، صحت مند اور خوش باش زندگی گزار سکتا ہے۔

Dr Umm E Salma

20/06/2025

تھائیرائیڈ گلینڈ — ایک خاموش مگر طاقتور غدود✨

تھائیرائیڈ گلینڈ گردن کے اگلے حصے میں موجود ایک چھوٹا سا غدود ہے، جو بظاہر عام نظر آتا ہے لیکن یہ جسم کے میٹابولزم (توانائی کے نظام)، دل کی دھڑکن، وزن، جسمانی درجہ حرارت، اور دماغی کارکردگی کو کنٹرول کرتا ہے۔ اگر یہ گلینڈ کمزور یا زیادہ فعال ہو جائے، تو انسان تھکن، وزن میں تبدیلی، دل کی بے ترتیبی، چڑچڑاپن، یا نیند کی کمی جیسی علامات محسوس کر سکتا ہے۔ بدقسمتی سے بہت سے لوگ ان علامات کو عام تھکن سمجھ کر نظر انداز کر دیتے ہیں۔

20/06/2025

خاموش ہارٹ اٹیک — ذیابیطس کے مریضوں کے لیے ایک خاموش خطرہ !!!

ذیابیطس کے مریضوں میں ہارٹ اٹیک اکثر "خاموش" ہوتا ہے، یعنی بغیر کسی نمایاں علامات کے۔ یہ اس وقت ہوتا ہے جب دل کو خون کی فراہمی متاثر ہو جائے لیکن مریض کو سینے میں درد یا دباؤ محسوس نہ ہو۔ اس کی بڑی وجہ ذیابیطس کی وجہ سے اعصابی نظام کو پہنچنے والا نقصان (diabetic neuropathy) ہے، جو درد کے احساس کو کمزور کر دیتا ہے۔ اندازاً ہر تین میں سے ایک ہارٹ اٹیک، ذیابیطس کے مریض میں بغیر علامات کے ہوتا ہے۔ اس کا پتا اکثر تب چلتا ہے جب دل کو پہلے ہی نقصان ہو چکا ہوتا ہے۔

🔍 علامات (جو اکثر عام نہیں ہوتیں):
خاموش ہارٹ اٹیک کی علامات واضح نہیں ہوتیں، مگر درج ذیل معمولی یا غیر مخصوص علامات ہو سکتی ہیں:

🛑ہلکا یا غیر معمولی سینے کا دباؤ-
🛑تھکن یا کمزوری کا اچانک احساس-
🛑سانس لینے میں دقت-
🛑بازو، جبڑے، گردن یا پیٹھ میں ہلکا درد-
🛑متلی یا ہاضمے کی خرابی-
🛑پسینہ آنا بغیر کسی جسمانی مشقت کے-
🛑بےچینی یا بے سکونی کا احساس-

✅ بچاؤ کیسے ممکن ہے؟
☑️خون میں شکر، بلڈ پریشر اور کولیسٹرول کو قابو میں رکھیں-
☑️روزانہ چہل قدمی یا ہلکی ورزش-
☑️سگریٹ نوشی سے پرہیز-
☑️باقاعدہ چیک اپ کروائیں، خاص طور پر ECG اور stress test-
☑️دل کی بیماریوں کی فیملی ہسٹری کا جائزہ لیں-

18/06/2025

ذیابیطس کے مریضوں میں بعض اوقات جب وہ لیٹنے یا بیٹھنے کے بعد اچانک کھڑے ہوتے ہیں، تو ان کو سر چکرانے، نظر دھندلانے، کمزوری محسوس ہونے یا حتیٰ کہ بے ہوش ہونے جیسی علامات کا سامنا ہوتا ہے۔کی اس کی اہم وجہ ذیابیطس کی وجہ سے آٹونومک نیوروپیتھی یعنی جسم کے خودکار اعصابی نظام کو پہنچنے والا نقصان ہوتا ہے۔ یہ نظام دل کی دھڑکن، بلڈ پریشر اور خون کی روانی کو خودکار طریقے سے کنٹرول کرتا ہے۔ جب یہ نظام متاثر ہو جائے تو کھڑے ہونے پر خون دماغ تک مناسب مقدار میں نہیں پہنچتا، جس سے یہ علامات پیدا ہوتی ہیں۔

🔬 اہم وجوہات:
🔴 طویل عرصے تک کنٹرول میں نہ رہنے والی ذیابیطس۔
🔴 اعصابی نظام کو نقصان (Autonomic Neuropathy).
🔴 پانی یا نمکیات کی کمی (Dehydration / Hyponatremia)۔
🔴 بعض دواؤں جیسے بلڈ پریشر یا پیشاب آور دوائیں۔

🚨 علامات:
♦️ کھڑے ہونے پر چکر آنا یا ہلکا محسوس کرنا۔
♦️ آنکھوں کے سامنے اندھیرا چھا جانا۔
♦️ دل کی دھڑکن تیز ہونا۔
♦️ پسینہ آنا یا بیہوشی کا خدشہ۔
♦️ روزمرہ کاموں جیسے وضو، نماز، غسل یا صفائی کے دوران گرنے کا خطرہ۔

✅ علاج اور احتیاط:
🔹 طرزِ زندگی میں تبدیلی:
👍آہستہ آہستہ پوزیشن تبدیل کریں، خاص طور پر صبح کے وقت۔
👍دن میں زیادہ مقدار میں پانی پینا۔
👍نمک کا مناسب استعمال (اگر دیگر بیماریوں جیسے ہائپرٹینشن کی اجازت دے)۔
👍رات کو بستر کے سرہانے کو تھوڑا بلند رکھیں۔
👍تنگ کپڑوں سے گریز کریں اور کمپریشن جرابیں استعمال کریں۔
👍کھانے کے بعد آرام کریں اور گرم ماحول سے بچیں۔
💊 ادویاتی علاج (ڈاکٹر کی ہدایت پر)۔