24/07/2025
طب ایک مقدس پیشہ ہے، اور اس سے وابستہ ہونا نہ صرف فخر کی بات ہے بلکہ انسانیت کی خدمت کا ایک اعلیٰ مقام بھی ہے۔ ڈاکٹرز اپنی زندگی کے قیمتی سال کتب، امتحانات اور ہسپتالوں کے بے لوث ماحول میں گزار دیتے ہیں۔ وہ اپنے بچپن کو نمبروں کی دوڑ میں کھو دیتے ہیں اور جوانی کو درد بانٹتے ہوئے گزار دیتے ہیں۔ ان کی عیدیں، خوشیاں، اور غم کے لمحات اکثر کسی تنہا لائبریری یا مریض کے بستر کے کنارے بیت جاتے ہیں۔ Kreb's Cycle
ان کی یادداشت میں تو ہوتا ہے، لیکن زندگی کی عام خوشیاں اکثر ان سے دور رہتی ہیں۔
ان کی قربانی کا یہ سفر نہ تھمتا ہے، نہ سست ہوتا ہے — وقت ان کے بالوں کو چاندی میں بدل دیتا ہے مگر ان کی خدمت کا جذبہ قائم رہتا ہے۔ وہ انسانیت کے ان خاموش سپاہیوں کی مانند ہیں جو دوسروں کے سکون کے لیے اپنی نیند، راحت اور زندگی وقف کر دیتے ہیں، بغیر کسی شکایت کے۔
ایسے سب ہیروز کو سلام، جنہوں نے درد سمیٹنے کو اپنی پہچان اور شفا بانٹنے کو اپنا مشن بنایا۔ آج اگر کوئی ان کا ہاتھ تھام کر کہے کہ "ہم تمہاری قربانی کو نہیں بھولے" — تو شاید یہی ان کے
دل کی سب سے بڑی تسلی ہو۔
#تحریر
ڈاکٹر عبدالرزاق مغل
