29/03/2026
28/03/26 SKBZ Hospital quetta
شیخ خلیفہ بن زید ہسپتال میں ایمرجنسی یونٹ، مختلف
وارڈز اور آپریشن تھیٹر میں خدمات سرانجام دینے والے پیرامیڈیکل اسٹاف میں یونیفارم تقسیم کرنے کا سلسلہ جاری ہے۔ یہ اقدام ایگزیکٹو ڈائریکٹر ڈاکٹر عمران بلوچ اور ڈپٹی ڈائریکٹر ڈاکٹر جہانگیر بلوچ کی ہدایت پر کیا جا رہا ہے۔ اس اقدام کا مقصد ہسپتال میں نظم و ضبط، یکسانیت اور پیشہ ورانہ ماحول کو مزید بہتر بنانا ہے تاکہ پیرامیڈیکل اسٹاف کی پہچان واضح ہو اور ہسپتال کا مجموعی ماحول مزید منظم اور خوبصورت نظر آئے۔
ہسپتال انتظامیہ کا کہنا ہے کہ پیرامیڈیکل اسٹاف ہسپتال کا ایک اہم ستون ہے جو ڈاکٹرز کے ساتھ مل کر دن رات مریضوں کی خدمت میں مصروف رہتا ہے، اس لیے ان کے لیے بہتر سہولیات اور ایک باوقار ماحول فراہم کرنا ضروری ہے۔ یونیفارم کی فراہمی سے نہ صرف اسٹاف کی شناخت آسان ہوگی بلکہ ہسپتال میں نظم و ضبط اور سروس کے معیار میں بھی بہتری آئے گی۔
انتظامیہ نے اس عزم کا اظہار کیا کہ ہسپتال میں مریضوں کو بہترین طبی سہولیات کی فراہمی کے لیے تمام دستیاب وسائل بروئے کار لائے جائیں گے اور ہسپتال کے نظام کو مزید بہتر اور منظم بنایا جائے گا
