What is human Psychology

28/04/2026

تخيل… 🤍
اگر آپ اپنا سب کچھ اللہ کے گھر مکہ مکرمہ کی زیارت پر خرچ کر دیں
اور پھر پتہ چلے کہ آپ نے کچھ بھی نہیں کھویا
بلکہ آپ ہی اصل میں فائدے میں رہے 🤍
اکثر لوگ کہتے ہیں
عمرہ مہنگا ہے
پہلے بچوں کا مستقبل بنا لیں، پھر عمرہ کر لیں گے
مگر اچانک عمر گزر جاتی ہے
اور وہ بعد میں کبھی آتا ہی نہیں 🥺
حقیقت 🤌
جو اللہ کی راہ میں خرچ ہو
وہ کم نہیں ہوتا… بلکہ بڑھتا ہے 🤍
﴿اور تم جو کچھ خرچ کرتے ہو، اللہ اس کا بدل دیتا ہے﴾
نبی ﷺ نے فرمایا:
"حج اور عمرہ فقر اور گناہوں کو دور کرتے ہیں"
✨ عمرہ مال کم نہیں کرتا
بلکہ دل کو سکون، رزق میں برکت اور زندگی میں آسانی لاتا ہے
مال تو واپس آ سکتا ہے
لیکن کعبہ کے سامنے کھڑے ہونا 🕋
وہ لمحے… بار بار نہیں ملتےیہ نہ کہیں: "میں عمرہ کروں گا"
کہیں میں عمرہ کرنے جا رہا/رہی ہوں… ان شاء اللہ" 🤲

11/04/2026

"سیلف میڈ لوگوں کا المیہ"

زندگی کے رستے میں
بچھنے والے کانٹوں کو
راہ سے ہٹانے میں
ایک ایک تنکے سے
آشیاں بنانے میں
خوشبوئیں پکڑنے میں
گلستاں سجانے میں
عمر کاٹ دیتے ہیں
اور اپنے حصے کے
پھول بانٹ دیتے ہیں
کیسی کیسی خواہش کو
قتل کرتے جاتے ہیں
درگزر کے گلشن میں
ابر بن کے رہتے ہیں
صبر کے سمندر میں
کشتیاں چلاتے ہیں
یہ نہیں کہ ان کو اس
روز و شب کی کاوش کا
کچھ صلہ نہیں ملتا
مرنے والی آسوں کا
خون بہا نہیں ملتا
زندگی کے دامن میں
جس قدر بھی خوشیاں ہیں
سب ہی ہاتھ آتی ہیں
سب ہی مل بھی جاتی ہیں
وقت پر نہیں ملتیں
وقت پر نہیں آتیں
یعنی ان کو محنت کا
اجر مل تو جاتا ہے
لیکن اس طرح جیسے
قرض کی رقم کوئی
قسط قسط ہو جائے
اصل جو عبارت ہو
پسِ نوشت ہو جائے
فصلِ گُل کے آخر میں
پھول ان کے کھلتے ہیں
ان کے صحن میں سورج
دیر سے نکلتے ہیں !!!

05/03/2026

سنو جو شخص تمہیں کہتا ہے کہ معجزے ہوتے ہیں وہ اپنی زندگی میں کئی معجزوں کے انتظار میں ہو ، وہ شخص جو تم سے کہتا ہے کہ دعائیں ہر حال میں قبول ہوتی ہیں وہ خود نجانے کتنی دعاؤں کی قبولیت کے لیے ہر روز آسمان کو تکتا ہو ، وہ شخص جو تمہیں کہتا ہے کہ صبر کرو صبر والوں کے ساتھ رب ہے وہ خود نجانے اپنی زندگی اپنی زندگی میں کتنی بار ٹوٹا ہو ، وہ جو تمہیں کہتا ہے کہ رب سب کی سنتا ہے سب کی آرزوئیں پوری کرتا ہے نا جانے اس نے آرزو سے کتنی بار دھوکہ کھایا ہو ، سنو ! ایسا نہیں ہوتا کہ جو تسلی دیتے ہیں وہ بکھرتے نہیں جو یقین رکھتے ہیں ان کا اپنا یقین نہیں ڈگمگاتا ، یقین مانوں روشنی دینے کے لیے خود جلنا پڑتا ہے سہارا دینے کے لیے بوجھ اٹھانا پڑتا ہے اور فصل دینے سے پہلے زمین کو خود اپنا سینا چیڑنا پڑتا ہے ، اس لیے کبھی کوئی ایسا دیکھو کہ جو تمہیں یقین دے تو چپکے سے دعا دے دیا کرو کہ رب یقین دینے والوں کے یقین کو پکا کرے ۔

Mubarak to all of you

19/02/2026

05/02/2026

*کبھی آپ نے شیطان کو دھوکہ دیا ہے؟*
یہ کوئی مشکل کام نہیں…
بس ذرا سی ہوشیاری
ذرا سی تیزی
اور نیت میں خلوص چاہیے۔
یہ دراصل ایک بہت مزے کی گیم ہے —
جس میں ہار شیطان کی ہوتی ہے،
اور جیت… اللہ کی رضا کی۔

*یہ گیم مجھے*
*میرے پیارے بابا جان رحمہُ اللہ نے سکھائی تھی*
وہ کہا کرتے تھے:
“نیکی کو ہر وقت لمبی چوڑی سوچ میں
مت الجھایا کریں، بس فوراً کرلیا کریں
تاکہ شیطان کو وسوسہ ڈالنے کا موقع ہی نہ ملے۔”

`چلیں آئیں میں سمجھاتا ہوں کیسے`

📍کبھی قضاء حاجت سے فراغت پر ہاتھ دھوتے ہوئے
اچانک وضو شروع کردیا کریں
شیطان کو موقع ہی نہ دیں کہ کہے
“بعد میں کر لینا”
"ابھی کیوں کرنا ہے"
"اس وضو نے رہنا نہیں ہے"
بس آپ کرلیں۔۔۔۔بنا کچھ سوچے
آپ کے گناہ بہتے جائیں گے
اور شیطان سر پکڑے بیٹھا ہوگا

📍گھر والوں کو اچانک مسکرا کر دیکھ لیجیے
کسی ایک کو بلا وجہ دعا دے دیجیے
یہ بھی صدقہ ہے…

📍کبھی گھر میں ادھر اُدھر آتے جاتے ہوئے
اچانک جائے نماز پر کھڑے ہوجائیے،
دو نفل کی نیت باندھ لیجیے
بغیر کسی لمبی تمہید کے،
بس اللہ کی رضا کے لیے

📍کبھی موبائل استعمال کرتے ہوئے
اچانک قرآن ایپلیکیشن کھول کر چند آیات پڑھ لیں

آپ تسبیح کو دیکھ سوچ رہے ہوں گے فارغ ہو کر پڑھوں گا سوچیں نہیں
اور پڑھنا شروع کردیں
چاہے 30,40 بار ہی کچھ پڑھیں

📍صدقے کا خیال آئے تو
“بعد میں” کا دروازہ بند کرکے
جو ابھی ہے
اسی میں سے فوراً نکال دیجیے

📍دل میں کسی کے لیے کبھی حسد سا ابھر آئے تو
اچانک اس کے لیے بہترین سی دعا کر دیجیے
یہ دل کو صاف کر دیتا ہے
اور حقوقُ العباد کی خاموش عبادت ہے

📍اذان کی آواز پر
نماز کو ٹالنے کی بجائے
اچانک اٹھ جائیے اور کہیے
لبیک یا ربی
"میں اسی لمحے حاضر ہو رہا ہوں میرے اللہ”

📍کبھی بیٹھے بیٹھے
اچانک مسکرا کر “الحمدللہ” کہہ دیجیے
شکر… شیطان کی سب سے بڑی شکست ہے

📍خاموشی سے کام کاج میں مصروف ہیں تو
اچانک کلمہ طیبہ پڑھ لیں
کبھی سورہ اخلاص پڑھ لیجیے
یہ ایمان کی تازگی بھی ہے
اور توحید کا اعلان بھی
شیطان کو سب سے زیادہ ناپسندیدہ بھی۔۔۔

📍کھانا کھانے لگے ہیں
اچانک ایک پلیٹ کسی اور کے لیے نکال لیجیے

📍کسی نے دل دکھا دیا تھا
اور وہ باتیں یاد آرہی ہوں تو
اچانک خود سے کہہ دیجیے کہ
اللہ آپ کی رضا کے لیے اسے معاف کیا
یہ نفس پر سب سے بھاری
اور اللہ کے ہاں سب سے وزنی عمل ہے۔

📍پڑھائی یا کام کاج کی مصروفیات میں
ہلکان ہوتے ہوئے
اچانک کچھ وقت کے لیے ماں باپ کے پاس
آکر بیٹھ جائیے
کبھی مسکراتے ہوئے ان کے ہاتھ تھام لیجیے

کسی اہم موقع کا انتظار کیے بغیر کبھی اچانک انہیں گرمجوشی سے گلے مل لیجیے
خاموشی سے دعا لے لیجیے
یہ جنت کے خوبصورت دروازے ہیں

📍اور سب سے خوبصورت لمحہ وہ ہوتا ہے
جب کسی خاص موقع کی تلاش کی بجائے
کام کاج میں مصروف ہی
آپ اچانک اللہ سے کہہ دیں:
“اللہ… میں آپ سے محبت کرتا ہوں”
مجھے نفس و شیطان کے شر سے بچالیجیے
امیجن کریں ذرا شیطان کی شکل
وہ سر پیٹتا رہا جائے گا

`یقین کیجیے…`
*یہ “اچانک” والی نیکیاں*
*شیطان کو سب سے زیادہ پریشان کرتی ہیں*
`کیونکہ اسے مہلت ہی نہیں ملتی کہ`
`اس نیکی کو delay کروانے کا وسوسہ ڈالے`

تو آج ہی سے یہ گیم کھیلنا شروع کیجیے
ہر اچانک والی نیکی اللہ کے قریب
اور شیطان سے دور لیتی جائے گی 🌸

✍🏻مبشرۃ الراعی

02/02/2026

Beauty everywhere 💗🤩

28/01/2026

ان تمام خوبصورت دِلوں کو سلام
جو دھڑکتے ہیں
ٹوٹتے ہیں
جلتے ہیں ، بکھرتے ہیں
شکستہ و خستہ حال ہوتے ہیں
سوز و گداز پاتے ہیں
صبر کے پیمانے بھرتے ہیں
اور پھر بھی بے لوث محبت کرتے ہیں۔🌸

07/12/2025

🕋 عمرہ کیا ہے؟
- عمرہ کو حجِ اصغر کہا جاتا ہے۔
- اس میں بیت اللہ کی زیارت، طواف، سعی اور حلق/قصر شامل ہیں۔
- یہ سال کے کسی بھی وقت ادا کیا جا سکتا ہے، جبکہ حج مخصوص ایام میں ہوتا ہے۔

---

📖 قرآن و حدیث میں عمرہ کی فضیلت

قرآن:
- سورۃ البقرہ (آیت 196):
> وَأَتِمُّوا الْحَجَّ وَالْعُمْرَةَ لِلَّهِ
"حج اور عمرہ کو اللہ کے لیے پورا کرو۔"

حدیث:
1. صحیح بخاری:
> الْعُمْرَةُ إِلَى الْعُمْرَةِ كَفَّارَةٌ لِمَا بَيْنَهُمَا، وَالْحَجُّ الْمَبْرُورُ لَيْسَ لَهُ جَزَاءٌ إِلَّا الْجَنَّةُ
"ایک عمرہ دوسرے عمرہ تک کے گناہوں کا کفارہ ہے، اور حجِ مبرور کا بدلہ جنت ہے۔"

2. مسند احمد:
> "حج اور عمرہ فقر و گناہوں کو ایسے دور کرتے ہیں جیسے بھٹی لوہے کے میل کو دور کرتی ہے۔"

---

🌸 عمرہ کے معاشرتی اثرات
- دلوں میں نرمی اور روحانی پاکیزگی پیدا ہوتی ہے۔
- امتِ مسلمہ میں اتحاد اور بھائی چارہ بڑھتا ہے۔
- سخاوت، ایثار اور قربانی کا جذبہ پروان چڑھتا ہے۔
- عمرہ کرنے والے افراد معاشرے میں دین کی طرف رغبت کا ذریعہ بنتے ہیں۔

---

🌟 اسلام میں عمرہ کی اہمیت
- یہ نبی کریم ﷺ کی سنت ہے، آپ نے چار عمرے ادا کیے۔
- عمرہ کرنے والا اللہ کا مہمان ہوتا ہے۔
- یہ ایمان کو تازہ کرتا اور گناہوں کو مٹاتا ہے۔

---

✅ عمرہ کے فرائض
1. احرام باندھنا (نیت اور تلبیہ کے ساتھ)
2. طوافِ کعبہ (سات چکر)
3. سعی (صفا و مروہ کے درمیان سات چکر)
4. حلق یا قصر (بال منڈوانا یا چھوٹے کرنا)

---

⚖️ عمرہ کے واجبات
- میقات سے احرام باندھنا
- طواف اور سعی کو ترتیب سے ادا کرنا
- طواف کے بعد دو رکعت نماز پڑھنا

---

🌿 عمرہ کی سنن و مستحبات
- غسل کر کے احرام باندھنا
- خوشبو لگانا (احرام سے پہلے)
- بلند آواز سے تلبیہ پڑھنا
- کعبہ دیکھتے ہی دعا کرنا
- حجرِ اسود کو بوسہ دینا یا ہاتھ سے اشارہ کرنا

ممکنہ میقات
1. ذوالحلیفہ (ابیار علی) – مدینہ منورہ سے آنے والوں کے لیے
2. الجحفة – شام و مصر سے آنے والوں کے لیے
3. قرن المنازل – نجد سے آنے والوں کے لیے
4. یلملم – یمن سے آنے والوں کے لیے
5. ذاتِ عرق – عراق سے آنے والوں کے لیے
6. مسجد عائشہ ۔۔ مکہ میں رہنے والوں کیلئے

عمرہ کی ادائیگی میں عام غلطیاں
- احرام کے بعد خوشبو لگانا
- طواف یا سعی میں ترتیب توڑنا
- طواف کے دوران باتوں یا دنیاوی مشاغل میں مشغول ہونا
- حجرِ اسود کو دھکم پیل کے ساتھ بوسہ دینا
- احرام میں شکار یا ناخن/بال کاٹنا

احرام کے احکام
- احرام باندھنے کے بعد خوشبو، شکار، جماع، اور ناخن/بال کاٹنا ممنوع ہے۔
- احرام میں سلے ہوئے کپڑے مردوں کے لیے منع ہیں (عورتیں عام لباس پہن سکتی ہیں)۔
- احرام کے دوران جھگڑا، گالی یا لڑائی سخت منع ہے۔

احرام میں بال کاٹنا یا حکم ٹوٹنا
- اگر کوئی شخص احرام میں بال کاٹ لے، ناخن تراش لے یا خوشبو لگا لے تو دم (قربانی) واجب ہو جاتا ہے۔
- دم کا مطلب ہے ایک بکری یا دنبہ ذبح کرنا، جو حرم میں تقسیم کیا جائے۔
- اگر کوئی شکار کرے تو اس کے بدلے میں دم یا کفارہ لازم ہے۔
-
🌸 عمرہ کا مکمل طریقہ

1. احرام باندھنا
- میقات پر غسل کریں، ناخن تراشیں، غیر ضروری بال صاف کریں، خوشبو لگائیں (احرام کے بعد خوشبو منع ہے)۔
- مرد حضرات دو سفید غیر سلے کپڑے (تہبند اور چادر) پہنیں، خواتین اپنے عام کپڑوں میں رہیں۔
- دو نفل نماز پڑھیں اور عمرہ کی نیت کریں:
`
اے اللہ کریم! میں عمرہ کی نیت کرتا ہوں۔
`
- تلبیہ پڑھتے رہیں:
`
لبیک اللھم لبیک، لبیک لا شریک لک لبیک، ان الحمد والنعمة لک والملک، لا شریک لک
`

2. طوافِ کعبہ
- مسجد الحرام میں داخل ہو کر بیت اللہ کا پہلا دیدار دعا کے ساتھ کریں۔
- حجرِ اسود کے سامنے سے طواف شروع کریں، مرد حضرات پہلے تین چکروں میں رمل (تیز قدم) کریں اور اضطباع (دائیں کندھا کھلا رکھنا) کریں۔
- طواف کے سات چکر مکمل کریں، ہر چکر حجرِ اسود کے سامنے سے شروع اور ختم ہوتا ہے۔
- طواف کے بعد مقامِ ابراہیم پر دو رکعت نماز پڑھیں، اگر رش ہو تو کہیں اور بھی پڑھ سکتے ہیں۔

3. سعی بین الصفا و المروہ
- صفا پہاڑی پر چڑھ کر دعا کریں:
`
ان الصفا والمروة من شعائر الله
`
- صفا سے مروہ تک چلیں، درمیان کے سبز ستونوں کے درمیان مرد حضرات تیز چلیں۔
- یہ عمل سات مرتبہ کریں (صفا سے مروہ = 1، مروہ سے صفا = 2، اور اسی طرح سات چکر)۔

4. حلق یا قصر
- سعی مکمل کرنے کے بعد مرد حضرات سر کے بال منڈوائیں (حلق) یا کم از کم ایک انچ بال کٹوا لیں (قصر)۔
- خواتین صرف بالوں کے سرے سے ایک پور (تقریباً ایک انچ) کاٹیں۔
- اس کے بعد احرام ختم ہو جاتا ہے اور عمرہ مکمل ہو جاتا ہے۔

خلاصہ
- عمرہ ایک عظیم عبادت ہے جو گناہوں کو مٹاتی اور ایمان کو تازہ کرتی ہے۔
- اس کے فرائض، واجبات اور سنن کا خیال رکھنا ضروری ہے۔
- غلطیوں سے بچنے کے لیے علم حاصل کرنا اور تجربہ کار افراد سے رہنمائی لینا لازمی ہے۔
- احرام کے احکام کی خلاف ورزی دم کو لازم کر دیتی ہے، اس لیے احتیاط ضروری ہے۔

علامہ محمد اویس ہزاروی صاحب
محمد فیصل مغل صاحب
حافظ محمد نزیر صاحب
آصف خان ایڈوکیٹ صاحب
کو عمرہ کی مبارکباد کے موقع پر مع احباب لی گئی تصاویر


#عمرہ

#عبدالرحیم

02/12/2025

آج میں آپ سب کے ساتھ ایک ایسی بات، ایک ایسا احساس، ایک ایسا لمحہ بانٹنا چاہتی ہوں جو میرے دل کی گہرائیوں میں آج تک زندہ ہے۔ اگر آپ کو محسوس ہوا تو یہ آپ کی اپنی کیفیت بن جائے گی، اگر نہ لگا… تو معذرت۔

ہم مسلمان اکثر بولتے ہیں:
’’جھوٹ غلط ہے، دھوکہ غلط ہے، زنا غلط ہے، غیبت غلط ہے اور یہ سارے ہم میں غیر مسلم یہ نہیں کرتے…‘‘
ہم دعا کرتے ہیں کہ اللہ ہمیں ان سب گندگیوں سے محفوظ رکھے۔
لیکن حقیقت یہ ہے کہ ہم انسان ہیں… کمزور ہیں… اور شیطان ہر پل ہمارے پیچھے لگا ہوا ہے۔
ہم سے غلطیاں بھی ہوتی ہیں، گناہ بھی ہوتے ہیں… مگر ایک چیز ہے جو ہمیں گرا کر بھی پھر کھڑا کر دیتی ہے…
اور وہ ہے ایمان کا سرمایہ۔
وہ ایمان… جو ٹوٹے ہوئے انسان کو سہارا دیتا ہے۔
وہ ایمان… جو گناہوں میں ڈوبے بندے کو بھی امید دلاتا ہے کہ اللہ اب بھی ناراض نہیں۔
اور اسی ایمان کا اصل مزہ، اصل فخر، اصل عظمت تب محسوس ہوتی ہے… جب انسان پہلی بار مکہ مکرمہ پہنچتا ہے۔

اللہ اکبر… کیا لمحہ ہوتا ہے وہ۔

گاڑی مسجد الحرام کے دروازے کے قریب رُکتی ہے…
احرام بدن پر ہوتا ہے…
دل بار بار دھڑکتا ہے…
اور جیسے ہی انسان پہلی بار اپنی آنکھیں اٹھا کر کعبہ شریف کو دیکھتا ہے—
بس وہ لمحہ انسان کی زندگی بدل دیتا ہے۔

چاہے وہ انسان ٹوٹا ہوا ہو، گناہوں میں لتھڑا ہوا ہو، پتھردل ہو، ساری دنیا کا بوجھ دل میں لیے بیٹھا ہو…
جیسے ہی کعبہ نظر پڑتا ہے…
آنکھیں خودبخود بہنے لگتی ہیں۔
دل کہتا ہے:
“یااللہ! میں واقعی یہاں ہوں… کیا میں واقعی اتنا خوش قسمت ہوں کہ مسلمان ہوں؟”

وہاں کھڑا بندہ اپنے سارے غم، ساری خواہشیں، ساری دنیا بھول جاتا ہے۔
ایسا لگتا ہے جیسے روح اپنے مالک سے ملنے آگئی ہو۔
ایسا لگتا ہے کہ دل کا بوجھ کسی نے اچانک اٹھا لیا ہو۔
ایسا لگتا ہے کہ اللہ کہہ رہا ہے:
’’آجا بندے… دیر سے آئے ہو، مگر آئے تو میرے پاس ہی ہو۔‘‘

پھر جب انسان کعبہ کے قریب جاتا ہے…
ہر قدم کے ساتھ دل نرم ہوتا جاتا ہے۔
ہر سانس کے ساتھ رُوح ہلکی ہوتی جاتی ہے۔
میں تو اکثر سوچتا ہوں…
اگر غیر مسلموں کو اجازت ہوتا کہ وہ کعبہ کے اندر جاسکتے ہیں، تو یقین کریں وہ وہیں مسلمان ہو جاتے۔
کیونکہ اس جگہ کی محبت، اس مقام کی کشش… الفاظ میں بیان نہیں ہوسکتی۔

اور پھر طواف…
اللہ اکبر، طواف انسان کی روح کو جھٹلا دیتا ہے۔
بندہ چل نہیں رہا ہوتا… جیسے کھچتا جاتا ہے۔
وہ صرف سوچتا ہے:
’’اللہ میرے سامنے ہے، میری ہر دعا ابھی قبول ہوسکتی ہے‘‘
اور وہ گِرد گِرد گھومتے ہوئے اپنے رب کے قریب ہوتا جاتا ہے۔

صفا و مروہ جائے تو دل کی کیفیت اور بدل جاتی ہے…
جب سبز بتیوں کے درمیان دوڑ لگاتا ہے، تو ایسا لگتا ہے جیسے وہ ہزار سال پرانی ماں—حضرت ہاجرہؑ—کے قدموں کی گونج سن رہا ہو۔
اس دوڑ میں انسان تھکتا نہیں… روتا ہے… ٹوٹتا ہے… اور پھر بن جاتا ہے۔

اور یہ بھول گیا جب بندہ احرام باندھ کر گاڑی میں بیٹھتا ہے…
قسم سے…
ایسا لگتا ہے جیسے ہم دنیا سے نہیں… جنت کی طرف جا رہے ہوں۔
اللہ ہر مسلمان کو یہ لمحہ نصیب کرے۔
ہر گناہگار کو یہ آنسو نصیب کرے۔
ہر ٹوٹے دل کو وہ پہلی جھلک نصیب کرے۔
آمین یا رب العالمین۔

24/11/2025

💔 "میں مدینہ جا چکی ہوں… پھر بھی تڑپتی ہوں!"
میں مدینہ جا چکی ہوں… پھر بھی تڑپتی ہوں!
ہاں… میں نے وہ سب کچھ دیکھا ہے… پھر بھی رو پڑتی ہوں…
وہ سبز گنبد… وہ سنہری جالیاں
وہ ٹھنڈی ہوا جو دل میں اُتر جائے
وہ مقام جہاں لب ہلتے نہیں، دل بولتا ہے
میں دیکھ آئی ہوں…
مگر دل آج بھی در پر بچھا ہے!

میں گئی تھی… مگر واپس کیا آئی…؟
میرے ساتھ کچھ بھی تو نہیں آیا…
جسم آیا ہے بس…
دل، روح، سکون… سب مدینے ہی رہ گئے…
اور جب بھی گنبدِ خضریٰ کا نام لیتی ہوں
رگ رگ سے صلی اللہ علیہ وسلم کی سسکی نکلتی ہے…
وہ اذان کی آواز…
وہ درود میں بھیگی فضا
وہ نرمی، وہ چپ، وہ اطمینان
ہاں! سب دیکھا ہے…
مگر اب ہر جگہ اجنبی لگتی ہے…
میں مسکراتی ہوں، پر دل اندر سے پھٹتا ہے…
کسی کو کیسے بتاؤں
کہ جو جا چکا ہو، وہی سب سے زیادہ تڑپتا ہے…

میرے آقا! ﷺ
کیا آپ نے مجھے دیکھا تھا…؟
جب میں نگاہ جھکائے کھڑی تھی، جالیوں کے پاس…
کیا آپ نے دل کا حال سن لیا تھا…؟
اگر ہاں…
تو پھر اب کیوں نہیں بلاتے…؟
ایک بار اور… بس ایک بار…!
اے مدینہ!
تُو خواب نہیں، تُو میری حقیقت ہے
اور اس حقیقت کی جدائی نے مجھے
دن رات کی بےقراری بخش دی ہے…
میں مدینہ جا چکی ہوں…
پر مدینہ مجھے پھر سے بلا لے…
یہی دعا… یہی فریاد… یہی التجا ہے…
میری سجدوں میں بھی، سانسوں میں بھی…
یا رسول اللہ ﷺ… مجھے پھر سے در پہ بُلائیے…
زنیرہ اعظم ✍️