Farrakh Dawakhana

03/01/2026

اسلام وعلیکم !کچھ مفید ٹوٹکے آپ کی نظر
گوشت پکاتے ہوئے ہمیشہ مصالحے گوشت گلانے کے بعد ڈالیں اس سے سالن کا کلر اور ذائقہ اچھا رہتا ہے
بچوں کو دودھ پلانے والی مائیں کھانے میں سفید زیرہ زیادہ استعمال کریں ۔
آلوؤں کو ہمیشہ چھیل کر ابالیں ۔
دالو ں کو بھگو کر پکانے سے دالیں جلدی ہضم ہو جاتی ہیں۔
دائمی قبض کے مریض 4،5 انجیر کو رات کو بھگو کر نہار منہ استعمال کریں ۔
لو بلڈ پریشر والے سیب اور تربوز نمک لگا کر استعمال کریں۔
کمزور معدے والے نہار منہ ٹھنڈی اشیاء استعمال نہ کریں۔
گردے کی پتھری کے مریض چاول،بڑا گوشت اور سبز پتوں والی خوراک استعمال نہ کریں۔
الٹیوں کی صورت میں پودینہ ،سبز الائچی سونف کا قہوہ بنا کر پئیں۔
دائمی نزلے اور ریشے کے مریض کالے بھنے چنے استعمال کریں ۔
نہارمنہ 7 دانے کلونجی کے پڑھنے والے بچوں کو روزانہ کھلانے سے یاد داشت بڑھتی ہے ۔ا

31/12/2025

جوڑوں کے درد۔گنٹھیا۔یورک ایسڈ کے لیے فائدے مند ہے

30/12/2025

تھائیرائیڈ کے متعلق اہم معلومات
میں Hypothyroid (تھائیرائیڈ کم) اور Hyperthyroid (تھائیرائیڈ زیادہ) دونوں کی صاف، سادہ اور فرق کے ساتھ وضاحت کر رہا ہوں—تاکہ آپ آسانی سے سمجھ سکیں۔
🦋 Hypothyroid (تھائیرائیڈ کم)
یہ کیا ہے؟
جب تھائیرائیڈ گلینڈ جسم کی ضرورت سے کم ہارمون بنائے۔
عام علامات
وزن بڑھنا
بہت زیادہ تھکن
سردی زیادہ لگنا
بال جھڑنا
قبض
یادداشت کمزور ہونا
عام علاج
ڈاکٹر کی دی ہوئی دوا (اکثر Levothyroxine)
باقاعدہ TSH ٹیسٹ
گھریلو مدد (دوائی کے ساتھ)
✔ دھنیا بیج کا پانی
✔ السی (آدھا چمچ)
✔ اخروٹ (1 عدد)
✔ آیوڈائزڈ نمک (محدود مقدار)
پرہیز
❌ زیادہ سویا
❌ خالی پیٹ کچی بند گوبھی
❌ خود سے جڑی بوٹیوں کے پاؤڈر
🔥 Hyperthyroid (تھائیرائیڈ زیادہ)
یہ کیا ہے؟
جب تھائیرائیڈ گلینڈ ضرورت سے زیادہ ہارمون بنائے۔
عام علامات
وزن تیزی سے کم ہونا
دل کی دھڑکن تیز
گھبراہٹ
زیادہ پسینہ
نیند کم
ہاتھ کانپنا
عام علاج
ڈاکٹر کی دوا
بعض صورتوں میں اضافی علاج
گھریلو مدد (صرف سپورٹ)
✔ دھنیا بیج کا پانی
✔ تلسی کی ہلکی چائے
✔ دہی
✔ سادہ غذا
پرہیز
❌ زیادہ آیوڈین
❌ زیادہ کافی / چائے
❌ مصالحہ دار کھانا
⚖️ دونوں کا فرق ایک نظر میں
بات
Hypo
Hyper
ہارمون
کم
زیادہ
وزن
بڑھتا ہے
گھٹتا ہے
دل
سست
تیز
درجہ حرارت
سردی لگتی ہے
گرمی لگتی ہے
علاج
دوا ضروری
دوا ضروری
⚠️ نہایت اہم
بغیر ٹیسٹ اندازے سے علاج نہ کریں
جڑی بوٹیاں علاج نہیں، صرف مدد ہیں.

23/12/2025

With Sufia – I just made it onto their weekly engagement list by being one of their top engagers! 🎉

19/12/2025

19/12/2025

*✍🏻ہم ہر ایک کی مدد نہیں کر سکتے، لیکن ہر انسان کسی نہ کسی کی مدد ضرور کر سکتا ہے۔ جب ہم میں سے ہر کوئی تھوڑی سی بھی مہربانی کرنا شروع کرتا ہے تو یہی چھوٹے چھوٹے اعمال بھلائی کی ایسی لہریں پیدا کرتے ہیں جو ہماری سوچ سے کہیں دور تک پھیلتی ہیں۔ تبدیلی ہمیشہ بڑے قدموں سے نہیں آتی، اکثر یہ ایک مددگار ہاتھ، ایک نرم لفظ یا ایک لمحۂِ ہمدردی سے شروع ہوتی ہے۔ یہی چھوٹی کوششیں مل کر دنیا کو روشن بناتی ہیں۔۔!!!!*
دعا ہے اے اللّہ ہمیں دین اسلام کی سمجھ عطا فرما اور ہمیں انسانیت کے لیے فائدے مند کاموں میں بڑھ چڑھ کر حصہ لینے کی توفیق عطا فرما آمین یارب العالمین

11/12/2025

*پاکستان میں غربت کی 15 حیران کرنے والی وجوہات*
ہمارے معاشرے کے گریبان میں جھانکتی ہوئی 15 بےرحم وجوہات، جو بتاتی ہیں کہ یہاں کا عام آدمی غربت کے دلدل سے کیوں نہیں نکل پاتا۔ یہ میٹھی باتیں نہیں، کڑوی گولیاں ہیں۔اس کو پڑھنے سے پہلے دل پر ہاتھ رکھ لیں۔

*1۔ سرکاری نوکری کا نشہ*

پاکستانی نوجوان کی جوانی کے بہترین 10 سال ”سرکاری نوکری“ کے انتظار میں گل سڑ جاتے ہیں۔ وہ پچیس ہزار کی پرائیویٹ نوکری یا چھوٹا کاروبار کرنے کو توہین سمجھتے ہیں اور 30 سال کی عمر تک والدین کے ٹکڑوں پر پلتے ہیں۔
نتیجہ؟ جب ہوش آتا ہے تب تک وقت اور عمر دونوں ہاتھ سے نکل چکے ہوتے ہیں۔

*2۔ دکھاوے کی شادیاں اور امیروں کی نقل*

جیب میں پھوٹی کوڑی نہیں، مگر شادی پر 10 لاکھ کا کھانا اور 5 لاکھ کا جہیز دینا ”ناک“ کا مسئلہ ہے۔ یہ قوم اپنی زندگی کی کل جمع پونجی صرف 4 گھنٹے کی تقریب میں لوگوں کو کھانا کھلا کر برباد کر دیتی ہے، اور پھر اگلے 5 سال قرضہ اتارتی رہتی ہے۔

*3- ڈگری زدہ جاہل*

ہاتھ میں ماسٹرز کی ڈگری ہے مگر ایک پروفیشنل ای میل لکھنی نہیں آتی۔ ہمارے تعلیمی نظام نے صرف ”نوکر“ پیدا کیے ہیں، ہنر مند نہیں۔ ڈگری کو قابلیت سمجھنا سب سے بڑی بیوقوفی ہے، کیونکہ مارکیٹ ڈگری کو نہیں، ”سکل“ (Skill) کو پیسے دیتی ہے۔

*4- ایک کمائے، دس کھائیں*

مشترکہ خاندانی نظام (Joint Family) کی یہ کڑوی سچائی ہے کہ اگر ایک بھائی کمانے لگ جائے تو باقی سب ”پیر پسار“ کر لیٹ جاتے ہیں۔ یہاں مفتی خورے (Parasite) بننے کا رواج ہے، جس کی وجہ سے کمانے والا کبھی امیر نہیں ہو پاتا کیونکہ اس کا پیسہ سرمایہ کاری میں نہیں، دوسروں کا پیٹ بھرنے میں لگ جاتا ہے۔

*5- کمیٹی کلچر (مردہ پیسہ)*

پاکستانیوں کو انویسٹمنٹ سے ڈر لگتا ہے مگر ”کمیٹی“ ڈالنے کا شوق ہے۔ کمیٹی ”مردہ پیسہ“ (Dead Money) ہے۔ دو سال بعد جو ایک لاکھ ملے گا، مہنگائی کی وجہ سے اس کی قدر 60 ہزار رہ چکی ہو گی۔ یہ بچت نہیں، اپنے پیسے کی قدر گرانے کا طریقہ ہے۔

*6- انا کا بت (میں یہ کام کروں گا ؟)*

”میں چوہدری کا بیٹا ہوں، میں ریڑھی لگاؤں گا؟“
اس جھوٹی انا نے لاکھوں گھر اجاڑ دیے۔ یہاں لوگ بھوکے مر جائیں گے لیکن کوئی چھوٹا کام شروع کرنے میں شرم محسوس کریں گے۔ یاد رکھیں، کام چھوٹا نہیں ہوتا، بندے کی سوچ چھوٹی ہوتی ہے۔

*7- صحت کی تباہی (خودکشی)*

ہم وہ قوم ہیں جو 40 سال کی عمر تک تیل اور چینی ٹھونس کر اپنا جسم برباد کرتے ہیں اور پھر 50 سال کی عمر کے بعد اپنی ساری کمائی ہسپتالوں میں ڈاکٹروں کو دے دیتے ہیں۔ صحت کو نظر انداز کرنا غربت کا سیدھا راستہ ہے۔

*8- شارٹ کٹ کی تلاش*

ہمیں امیر بننا ہے، لیکن محنت کیے بغیر۔ کبھی ڈبل شاہ، کبھی کرپٹو کے فراڈ اور کبھی لاٹری۔ پاکستانی قوم پروسیس (Process) پر یقین نہیں رکھتی، اسے ”معجزہ“ چاہیے۔ اور معجزے کے انتظار میں نسلیں غریب رہ جاتی ہیں۔

*9- الزام تراشی (Victim Mentality)*

”حکومت خراب ہے، فلاں کھا گیا، فلاں نے کیا کر لیا، فلاں ادارہ نہیں چھوڑتا وغیرہ وغیرہ۔“
یہ وہ چُورن ہے جو ناکام لوگ روز بیچتے ہیں۔ یہ ماننے کے بجائے کہ ”میں نالائق ہوں“، وہ اپنی ناکامی کا ملبہ سسٹم پر ڈال کر بری الذمہ ہو جاتے ہیں۔

*10- ادھار پر عیاشی*

ہم وہ لوگ ہیں جو ”آئی فون“ قسطوں پر لیتے ہیں تاکہ ان لوگوں کو متاثر کر سکیں جو ہمیں پسند بھی نہیں کرتے۔ غیر ضروری چیزوں (Liabilities) کے لئے قرض لینا مالی خودکشی ہے، جو یہاں کا ہر دوسرا بندہ کر رہا ہے۔

*11- سیکھنا بند*

ڈگری ملتے ہی کتاب بند۔پاکستانی اوسطاً سال میں ایک کتاب بھی نہیں پڑھتا۔ جب آپ اپنے دماغ پر انویسٹ کرنا بند کر دیتے ہیں، تو آپ کی جیب خود بخود خالی ہونا شروع ہو جاتی ہے۔

*12- سود اور رشوت*

یہ ہمارے معاشرے کا المیہ ہے حالانکہ اسلام میں یہ چیزیں پیور حرام ہیں، لینے اور دینے والا دونوں سخت گناہگار ہیں۔

*13- رسک فوبیا (Risk Aversion)*

”پیسہ ڈوب نہ جائے“ اس ڈر سے لوگ پیسہ بینک میں سڑنے دیتے ہیں یا پلاٹ لے کر چھوڑ دیتے ہیں۔ کاروبار کرنے کا، رسک لینے کا حوصلہ ہی نہیں ہے۔ اور جو رسک نہیں لیتا، وہ کبھی ترقی نہیں کرتا۔

*14- حاسدانہ رویہ*

امیر آدمی کو دیکھ کر یہ سیکھنے کے بجائے کہ ”یہ کیسے امیر ہوا؟“ ہم کہتے ہیں ”ضرور حرام کا کمایا ہوگا۔“ امیروں سے نفرت کر کے آپ کبھی امیر نہیں بن سکتے، کیونکہ لاشعوری طور پر آپ وہ بننا ہی نہیں چاہتے جسے آپ برا سمجھتے ہیں۔

*15- وقت کا قتلِ عام*

چائے کے ڈھابوں پر گھنٹوں سیاست پر بحث، ٹک ٹاک پر اسکرولنگ اور فضول محفلیں۔ غریب آدمی کے پاس پیسے کے علاوہ ”وقت“ سب سے قیمتی چیز ہوتی ہے، اور وہ اسی کو سب سے زیادہ بےدردی سے ضائع کرتا ہے۔

لہٰذا اپنی بدحالی کا ملبہ حکومت یا تقدیر پر ڈالنا بند کریں، کیونکہ حقیقت یہ ہے کہ آپ کی جیب خالی نہیں بلکہ آپ کا دماغ بنجر ہے۔ جب تک آپ اپنی ”جھوٹی انا“ اور ”سستی“ کا جنازہ نہیں نکالیں گے۔
اس وقت تک آپ کامیاب نہیں ہو سکتے
یا اللہ ہم پر اپنا خصوصی کرم فرما ہمیں اچھائی کی توفیق دے ،دین اسلام کی سمجھ عطا فرما ،ہمیں فضول خرچیوں اور فضول رسومات سے بچنے کی توفیق عطا فرما ،معاشرے کے لیے فائدے مند کاموں میں بڑھ چڑھ کر حصہ لینے کی توفیق عطا فرما آمین یارب العالمین

10/12/2025

🌿🌸 اسلام میں میں شجر کاری کی اہمیت

🟢 اسلام میں درخت لگانا — صدقۂ جاریہ اور عظیم ثواب

احادیثِ رسول ﷺ کے مطابق درخت لگانا صرف زراعت یا ماحول کی ضرورت نہیں بلکہ یہ ایسا عمل ہے جسے اللہ تعالیٰ نے صدقۂ جاریہ قرار دیا ہے۔ نبی کریم ﷺ نے بار بار اس عمل کی فضیلت بیان کی ہے کہ ایک مسلمان جو بھی درخت لگاتا ہے، اس کے سائے، پھل، پتے، لکڑی، آکسیجن، پرندوں کا بسیرا، حتیٰ کہ کیڑوں کا کھانا بھی اس بندے کے لیے نیکی لکھا جاتا ہے۔ اس سے ثابت ہوتا ہے کہ اسلام میں شجر کاری صرف دنیاوی فائدہ نہیں بلکہ آخرت میں بھی عظیم اجر کا ذریعہ ہے۔

🟡 1) ہر درخت صدقۂ جاریہ ہے — جامع حدیث

رسول اللہ ﷺ نے فرمایا:
"جو مسلمان کوئی درخت لگاتا ہے، پھر اس درخت سے کوئی انسان، جانور یا پرندہ کھاتا ہے تو وہ اس کے لیے صدقہ ہے۔"
(صحیح بخاری)

یہ حدیث درخت کو ایک زندہ، چلتا پھرتا صدقہ قرار دیتی ہے۔ جس درخت سے ہر وقت فائدہ حاصل ہو رہا ہو، اس کا ثواب بھی برابر جاری رہتا ہے۔

🔵 2) زمین کی آبادکاری اللہ کو پسند ہے

نبی کریم ﷺ نے فرمایا:
"جب کوئی شخص پودا لگاتا ہے یا زمین کاشت کرتا ہے اور اس سے کوئی بھی مخلوق کھاتی ہے، تو یہ عمل اس کے نامۂ اعمال میں صدقہ لکھا جاتا ہے۔"
(مسند احمد)

اسلام میں ویران زمین کو آباد کرنا، بنجر زمین کو سرسبز بنانا اور پودے اگانا اللہ کی پسندیدہ عبادت ہے۔

🟣 3) قیامت قریب ہو تب بھی پودا لگاؤ — حیرت انگیز رہنمائی

نبی کریم ﷺ نے فرمایا:
"اگر قیامت قائم ہو رہی ہو اور کسی کے ہاتھ میں پودا ہو، اگر وہ اسے لگا سکتا ہو تو ضرور لگا دے۔"
(مسند احمد)

یہ حدیث دکھاتی ہے کہ اسلام میں شجر کاری کی اہمیت اتنی زیادہ ہے کہ نظامِ دنیا ختم ہونے کے قریب بھی اسے ترک نہیں کیا جا سکتا۔ یہ انسانیت اور زمین سے محبت کا سب سے بلند پیغام ہے۔

🟠 4) ماحول کی حفاظت — اسلامی فریضہ

نبی کریم ﷺ ماحول کو پاکیزہ اور محفوظ رکھنے پر زور دیتے تھے۔ مدینہ میں درختوں کے کٹاؤ، پانی کے ضیاع اور ماحول کی تباہی سے روکا گیا۔
اسلامی ریاست میں درختوں کو کاٹنے کی اجازت صرف ضرورت کے وقت دی جاتی تھی۔ یہ آج کے جدید قانون "Environmental Protection" سے بھی زیادہ مضبوط اصول ہے۔

🟤 5) درخت اور رحمتِ الٰہی — ماحولیاتی توازن

احادیث کے مطابق درخت:

زمین کے لیے برکت

بارشوں کے سبب

سایہ اور ٹھنڈک کا ذریعہ

جانوروں کی زندگی کی حفاظت

انسان کی صحت کے محافظ ہیں

یہ تمام فوائد اسلام کے اس اصول کو ظاہر کرتے ہیں کہ زمین اللہ کی امانت ہے اور انسان اس کا محافظ۔

🟢 6) جنگ کے دوران بھی درخت کاٹنے کی ممانعت

نبی کریم ﷺ نے جہاد کے اصول بتاتے ہوئے فرمایا کہ:
"فوجیں درخت نہ کاٹیں، کھیت نہ جلائیں، پھل دار پودوں کو نقصان نہ پہنچائیں۔"

یہ انسانی تاریخ میں پہلا ماحول دوست "War Code" ہے، جو اس بات کا ثبوت ہے کہ درخت اللہ کی طرف سے امانت ہیں۔

🟡 7) انسان کے مرنے کے بعد بھی ثواب جاری

حدیثِ نبوی ﷺ:
"جب انسان مر جاتا ہے تو اس کے اعمال ختم ہو جاتے ہیں سوائے تین کے: صدقۂ جاریہ، نفع دینے والا علم، نیک اولاد۔"
(مسلم)

درخت چونکہ دوسروں کو ہمیشہ فائدہ دیتے رہتے ہیں، اس لیے یہ بہترین صدقہ جاریہ ہے جس کا ثواب انسان کی موت کے بعد بھی نہیں رکتا۔

🎯 جامع روحانی و سائنسی پیغام

اسلام کی تعلیمات صرف عبادات تک محدود نہیں بلکہ زمین کو سرسبز بنانے پر بھی زور دیتی ہیں۔
درخت:
✔ ماحول کو صاف کرتے ہیں
✔ پانی محفوظ کرتے ہیں
✔ آکسیجن دیتے ہیں
✔ درجہ حرارت کم کرتے ہیں
✔ فصلیں، پھل اور سایہ فراہم کرتے ہیں
✔ انسان اور جانوروں کی زندگی بچاتے ہیں

آئیں درخت لگائیں ، دوسروں کو تحفے میں دیں ، درخت لگانے کی ترغیب دیں ،
یا اللہ ہمیں زمین کو سر سبز رکھنے کی توفیق عطا فرما آمین

10/12/2025

کچھ حیرت انگیز اور مفت دوائیں جو بیماریوں سے بچاتی ہیں

ورزش بھی ایک دوا ہے

صبح کی سیر ایک دوا ہے

روزہ ایک دوا ہے

گھر والوں کے ساتھ کھانا ایک دوا ہے

ہنسی ایک دوا ہے

گہری نیند ایک دوا ہے

پیاروں کے ساتھ وقت گزارنا ایک دوا ہے

خوش رہنا ایک دوا ہے

خاموشی بعض صورتوں میں دوا ہے

لوگوں کی مدد کرنا ایک دوا ہے

آپ کے اچھے اور مخلص دوست دوائیوں کا اسٹور ہیں

اور سب سے بڑھ کر نماز سو دواؤں کے برابر ہے
آزما کر دیکھ لیں…
دعا ہے اے اللّہ جییں تیرے نام سے ،مریں تیرے نام سے ،خاتمہ بالخیر فرما ،روز قیامت حضرت محمد مصطفیٰ صلی اللہ علیہ وآلہ واصحابہ وسلم کی شفاعت نصیب فرما آمین یارب العالمین

05/12/2025

گلے میں ریشہ گرنا یعنی "کیرا"
گلے کی خراش ۔بار بار گلا صاف کرنا پڑتا ہے ۔ جس سے آواز متاثر ہوتی ہے ۔دماغی کمزوری ہوجانا عام علامت ہے
عضلاتی اعصابی یعنی سردی خشکی کی وجہ سے ناک کی جھلی میں سوجن ہو جاتی ہے۔چھینکیں آتی ہیں ۔ ناک زیادہ بلغم بناتی ہے اور گاڑھا ہونے کی وجہ سے گلے میں گرنے لگتا ہے۔
دھول، مٹی، پولن، پالتو جانوروں کے بال وغیرہ حساس افراد میں الرجی پیدا کرتے ہیں۔اس کے نتیجے میں سفید یا شفاف ریشہ زیادہ بنتا ہے جو گلے میں جاتا ہے۔
تیزاب گلے کی جھلی کو متاثر کرتا ہے۔ اس سے گلے میں جلن، کھانسی اور چپچپا ریشہ بنتا ہے۔
گلے کا ریشہ کم کرنے کے آسان علاج
زیادہ پانی، نیم گرم پانی پینا
بھاپ لینا (steam)
نیم گرم نمکین پانی کے غرارے
شہد + ادرک +سونف قہوہ بنا کر رات کو نیم گرم پئیں ۔
رات کو سوتے وقت سر اونچا رکھنا
اطریفل اسطوخدوس ہمدرد چائے کا ایک چمچ نیم گرم پانی سے رات کو سوتے وقت کھائیں
جوارش جالینوس آدھا چمچ شربت انفیوزا ایک بڑا چمچ دن میں دو بار یوز کریں ۔
(یہ ادویات ہر جگہ آسانی سے دستیاب ہیں )
گردو غبار سے بچیں ۔

05/12/2025

With تجھے عشق ہو خدا کرے – I just got recognized as one of their top fans! 🎉