Sard سَرْد

Sard سَرْد Contact information, map and directions, contact form, opening hours, services, ratings, photos, videos and announcements from Sard سَرْد, Speech Therapist, بيت جالا, Beit Jala.

20/05/2026

علاج انتقائية الأكل عند الأطفال، واحد من أصعب علاجات الأكل!
سواء انتقائية على خلفية حسية، عضوية، أو أي سبب آخر… 💔
بحاجة لصبر طويل، وحَذَر كبير في الخطوات والأهم إيمان بين العائلة والمُعالج ❤️
شكراً للعائلات الصابرة كثيرة الأمل والايمان✨ الي آمنت في سيرورة العلاج وسمحت انها جهود المُعالج تُكَرَّس في تقدُّم العلاج ومش في ايقناعها في أهميته….

انجازات صغيرة تستحق احتفال كبير✨

عند متحدثي اللغة العربية، تُكتسب أصوات الخاء والغين في عمر متقدم، قريب الثلاث سنوات. استبدال الغين بالعين والخاء بالحاء...
12/05/2026

عند متحدثي اللغة العربية، تُكتسب أصوات الخاء والغين في عمر متقدم، قريب الثلاث سنوات.

استبدال الغين بالعين والخاء بالحاء هو تبديل غير تطوري ويحتاج الى تَدَخُّل علاجي.

✨نصائح مهمة: يُفضل دائماً أن يكون التدريب تحت اشراف مُعالج/ة نُطق. بعد التمكن من نطق الصوت بصورته الصحيحة مُنفرداً يتمّ التدرّج الى نُطقه في مقاطع، كلمات قصيرة، كلمات طويلة، جمل كاملة….. البدء بكلمات وهمية قبل الكلمات الحقيقة مهم جداً، الكلمات الحقيقية محفوظة في دماغ الطفل بصورتها المغلوطة، الكلمات الوهمية جديدة وتعطي شعور بالنجاح. تعميم النُطق السليم خارج الغرفة العلاجية بالتحديد في بيئة الطفل الطبيعية (البيت،المدرسة…..) وفي كلامه التلقائي خطوة مهمة جداً قبل انهاء العلاج.

احفظوا البوست لوقت الحاجة، شاركوه مع أشخاص محتاجينه😌

- لحد عمر الثلاث سنوات، من المفروض أن يُنتج الطفل صوت الكاف بصورته الصحيحة✨- لحد عمر الأربع سنوات كحد أقصى يُنصح بالتدخل...
28/04/2026

- لحد عمر الثلاث سنوات، من المفروض أن يُنتج الطفل صوت الكاف بصورته الصحيحة✨
- لحد عمر الأربع سنوات كحد أقصى يُنصح بالتدخل العلاجي لتصحيح اللّفظ✨

✨نصائح مهمة: يُفضل دائماً أن يكون التدريب تحت اشراف مُعالج/ة نُطق. بعد التمكن من نطق الصوت بصورته الصحيحة مُنفرداً يتمّ التدرّج الى نُطقه في مقاطع، كلمات قصيرة، كلمات طويلة، جمل كاملة….. البدء بكلمات وهمية قبل الكلمات الحقيقة مهم جداً، الكلمات الحقيقية محفوظة في دماغ الطفل بصورتها المغلوطة، الكلمات الوهمية جديدة وتعطي شعور بالنجاح. تعميم النُطق السليم خارج الغرفة العلاجية بالتحديد في بيئة الطفل الطبيعية (البيت،المدرسة…..) وفي كلامه التلقائي خطوة مهمة جداً قبل انهاء العلاج.

احفظوا البوست لوقت الحاجة، شاركوه مع أشخاص محتاجينه😌

#اطفال

كونك أم/أب في بايدك قوة سحريّة ✨طبقوا هاي النصائح عشان تساعدوا الطفل ينتقل من مرحلة الكلمة لمرحلة دمج كلمتين وقريباً انت...
18/04/2026

كونك أم/أب في بايدك قوة سحريّة ✨
طبقوا هاي النصائح عشان تساعدوا الطفل ينتقل من مرحلة الكلمة لمرحلة دمج كلمتين وقريباً انتاج جملة🌸
احفظوا البوست للمساعدة والتّذكير وابعتوه لكل أهل بهمكم أمر طفلهم 🌸

12/04/2026

الخيارات تحت مُسمى "تطوير الطفل" كثيرة ويتِّم التّسويق الها بطريقة جداً مغرية ✨
سواء كانت أغراض ملموسة أو برامج تُعرَض الكترونياً …

ولكن! القوّة الحقيقية بإيدك انتِ، وجودك وتفاعُلك بصنع الفرق 🌸

تطبيق الانصات الفعّال وممارسة المحادثة اليومية خطوات مش صعبة ومش مستحيلة، بدها تعويد وبتصير جزء من حياتك اليومية🥰

احفظي الفيديو يظل يذكرك، وابعتيه لكل أم بهمك تطوّر طفلها 😌

يمكن كل ما نزيد معرفة نزيد طولة بال 😅عالم الأطفال مميز، مليان مفاجآت ✨فادتك المعلومات ؟ شاركيني صورة من ابداعاته 😌 ...
07/04/2026

يمكن كل ما نزيد معرفة نزيد طولة بال 😅
عالم الأطفال مميز، مليان مفاجآت ✨
فادتك المعلومات ؟ شاركيني صورة من ابداعاته 😌

استعيني بهاي المعلومة واختاري صح ✨وشاركيني اذا كانتلك مفيدة 🐥🐥 #...
28/03/2026

استعيني بهاي المعلومة واختاري صح ✨
وشاركيني اذا كانتلك مفيدة 🐥🐥 #سرد

لكل عيلة، بأي مكان ولأي ظرف مش قادرة توصل مكان العلاج 🌸جهّزتلك هاي النصائح والي تُعْتَبَر أساس في تطوير لغة الأطفال وجزء...
24/03/2026

لكل عيلة، بأي مكان ولأي ظرف مش قادرة توصل مكان العلاج 🌸

جهّزتلك هاي النصائح والي تُعْتَبَر أساس في تطوير لغة الأطفال وجزء مهم من روتيننا اليومي الي سرعة الحياة وضغوطاتها سرقته مننا….❤️

- شاركوه مع أصحابكم الّي بهمكم أمرهم، وطبقوه اذا عندكم أطفال، وشاركوني بكل حُب النتيجة ✨

29/01/2026

“بكرا بحكي لحاله” 🙂
أكبر خدعة بتنحكى، يمكن عشان تطمنك، بس هي فعلياً بتخليك تبعدي أكثر وأكثر عن الاطمئنان الي بتستحقيه.
مش كل مرة بتسلّم الجرّة، مستقبل ابنك ومصلحته ما تتركيهم رهن تخمين وخرافات انحكتلك.
صدقي قلبك 🤎

19/01/2026

تجربة الطفل مع الأكل مش تفصيل عابر…
هي خطوة أساسية بتبني علاقته مع الطعام اليوم وبالسنين الجاية كمان

بهالفترة، ردّات فعلنا كأهل بتأثر كثير،
وبتساعد طفلنا يصير أجرأ، مستقل أكثر، وأقل خوف من التجارب الجديدة.

مهم نسمح له يلمس، يجرّب، ويتوسّخ شوي،
حتى يقدر يتقبّل الأكل بطريقته.

ولأني أم زيّك، وبعرف قدّيش الوسخ ممكن يوتّر،
شاركتك شغلات صغيرة… بس بتفرق كثير.

إذا جرّبتيها، شاركيني تجربتك 🤎 #اطعام

15/01/2026

“ماما قولي لخالتو شو لون هاي بالإنجليزي؟ 😍”
بحماس… وبنية طيبة 💛
بس بنفس الوقت، نفس الطفل يمكن مش قادر يطلب ميّ، أو يعبّر شو بده، أو يحكي جملة واضحة بلغته.

تحت عمر 3 سنين،
الأهم مش قديش الطفل بعرف كلمات بالإنجليزي،
الأهم إنه يعبّر عن حاله بوضوح بلغته الأم.

اللغة الأم هي الأساس.
هي اللي الطفل بفكّر فيها،
وبتطلع منها مشاعره، رغباته، واحتياجاته.

تعليم لغة ثانية بصير صح لما:
✔️ الطفل يسمعها بمحادثات كاملة
✔️ بنطق سليم
✔️ وبكثافة وكمية كافية

مش لما تكون كلمات مفردة،
ولا لما تنحط نص إنجليزي بنص جملة عربية:
“ماما يلا let’s go”
“وين شوزك؟ يلا البس”

هيك، النتيجة غالبًا بتكون
زي طفل بتعلّم عربي من ناس العربية مش لغتهم الأم…
لغة مش ثابتة، ولا واضحة، ولا مريحة للطفل.

🌱 الخلاصة:
اللغة الأم أساس.
لما تكون قوية، كل لغة بعدها بتكون أسهل 🤍

Address

بيت جالا
Beit Jala

Website

Alerts

Be the first to know and let us send you an email when Sard سَرْد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category