14/06/2025
👩⚕️💬 "أنا لسه سني صغير .. بس كل يوم بصحى مفاصلي بتوجعني، صوابعي مش بتتحرك بسهولة، ورحت للدكتور... طلب مني تحليل اسمه Anti-CCP
يعني إيه؟ وإيه علاقته بالروماتويد؟"
خليني أحكي لك القصة من الأول...👇🏻
✅ إيه هو تحليل Anti-CCP؟
🧬 الاسم الكامل: Anti-Cyclic Citrullinated Peptide
هو تحليل بيكشف عن أجسام مضادة "غريبة شوية"...
مش بتهاجم الفيروسات ولا البكتيريا،
دي بتهاجم المفاصل نفسها!
🔍 إزاي بيحصل ده؟
لما بعض الخلايا تموت، بيحصل تعديل بسيط في البروتينات
عملية اسمها Citrullination
الجهاز المناعي بيتلغبط ويفتكر البروتينات دي "عدو"
فتبدأ تصنع أجسام مضادة تهاجمها…
وهنا بيظهر تحليل Anti-CCP!💥
🤔 وليه الدكتور طلبه؟ مش تحليل RF كفاية؟
الحقيقة، RF (Rheumatoid Factor) تحليل قديم ❌ :
مش متخصص (non-specific) 👈 بيطلع إيجابي في أمراض تانية زي الذئبة أو شوغرن
ومش حساس كفاية (non-sensitive) 👈يعني ممكن المريض يكون عنده روماتويد والتحليل يطلع سلبي… أو العكس!
🔄 النتيجة؟
مينفعش نعتمد عليه لوحده لتشخيص الروماتويد 😕
وده خلى الأطباء يدوروا على بطل أدق...
⚡وهنا ظهر: Anti-CCP
✅ أكثر دقة وحساسية
✅ يقدر يكتشف الروماتويد في مراحله المبكرة
✅ بيفرق بينه وبين أمراض المفاصل التانية
✅ مفيد كمان في تقييم شدة الحالة
📊 أرقام تقولك قد إيه هو مهم:
الحساسية: 61.6% - 75.2%
النوعية (الخصوصية): 94% - 99%
يعني لو طلع إيجابي 👈 احتمالية كبيرة يكون فيه روماتويد فعلاً
ولو سلبي؟ ممكن... بس ما ينفيش الإصابة، خاصة في الأول!
🔗 إزاي نربط بين RF و Anti-CCP؟
1️⃣ لو Anti-CCP إيجابي + RF إيجابي + أعراض واضحة
⬅️ ده مؤشر قوي جدًا على RA
2️⃣لو Anti-CCP إيجابي + RF إيجابي + مفيش أعراض
⬅️ غالبا لسا فبدايته
3️⃣ لو Anti-CCP إيجابي + RF سلبي + أعراض خفيفة
⬅️ بداية مبكرة للروماتويد… محتاج متابعة
4️⃣ لو Anti-CCP سلبي + RF إيجابي + مفيش أعراض
⬅️ ممكن مرض مناعي تاني غير الروماتويد
5️⃣ الاتنين سلبيين + مفيش أعراض
⬅️ احتمال ضعيف يكون فيه RA
💉 التحليل بيتعمل إزاي؟
🩸 من عينة دم من الوريد
📌 مهم تتوقف عن مكملات البيوتين (B7) قبل التحليل بـ 8 ساعات
📌 النسبة الطبيعية:
أقل من 20 وحدة/مل = طبيعي
20–25 = إيجابي
فوق 60–100 = احتمال أكبر وشدة أعلى للمرض
🧪 تحاليل ممكن الدكتور يطلبها كمان:
CRP و ESR 🔥 لمتابعة الالتهاب
RF
Anti-CCP
ANA لو شك في مرض مناعي تاني
CBC
عشان الأنيميا شائعة في مرضى RA
🧠 الخلاصة:
تحليل Anti-CCP بيساعدنا نشوف المرض قبل ما يبان،
وبيكشف لو جهاز المناعة بدأ يهاجم المفاصل!
لكنه جزء من الصورة
والتشخيص لازم يكون من الطبيب، بناءً على:
التحاليل + الأعراض + الفحص الإكلينيكي + الأشعة 👩⚕️📋
🎯 وسؤالنا ليكم:
هل ممكن الشخص يكون عنده روماتويد رغم إن تحليل Anti-CCP وRF طلعوا سلبيين؟ 🤔
شاركونا رأيكم!
#دايمان #علي
#روماتويد
