What are the opening hours?

Monday 08:00 - 15:00 Tuesday 08:00 - 15:00 Wednesday 08:00 - 15:00 Thursday 08:00 - 03:00 Saturday 08:00 - 15:00 Sunday 08:00 - 15:00

https://www.facebook.com/103530938441218/

الدكتورة ميرا أبو سمرة

Home
Palestine
Nablus
الدكتورة ميرا أبو سمرة

Contact information, map and directions, contact form, opening hours, services, ratings, photos, videos and announcements from الدكتورة ميرا أبو سمرة, Obstetrician-gynaecologist, مركز رزان للإخصاب/المستشفى العربي التخصصي/رفيديا/نابلس, Nablus.

د. ميرا يحيى ابوسمرة
اختصاصية أمراض النساء والولادة
البورد الفلسطيني والبورد العربي في أمراض النسائية والتوليد
البورد البريطاني في أمراض النسائية والتوليد
full MRCOG member
Razan IVF center

02/01/2024

تنويه: هذه الصفحة الوحيدة لي، ويرجى عدم التجاوب مع أي صفحات أو حسابات أخرى انتحالية.
للمراجعة فقط في مركز رزان للإخصاب في نابلس خلال أوقات الدوام، وليس في أي مكان آخر.
دمتم بخير.

09/07/2021

الحياة فيها محطات سعادة لا تُنسى ... لعلّ أجملها لحظة البشرى بقدوم مولودك الأول ❤️
الحمدلله ع سلامتك ماما فاطمة
ومبارك المولود (ريحان) ❤️❤️
جعل الله له من اسمه نصيب وجعله من أهل سعادة الدنيا والآخرة

07/06/2021

دكتورة .. انا حامل وعندي وجع كتير ببطني...

هل بدأ الطلق؟ هل هي علامة ولادة؟ أم مجرد آلام عابرة وتذهب؟

❓سمعتو بِ انقباضات أو تقلصات براكستون هيكس؟ Braxton Hicks

مباشرة بعد منتصف فترة حملك، أو حتى قبل ذلك، ممكن تلاحظي أنها عضلات رحمك عم تنقبض، وممكن تشعري انو بطنك عم يصير صلب

كل ما كبر رحمك، كل ما صار الإحساس بهاي الانقباضات ملاحظ اكتر

❓ما فوائد انقباضات براكستون هيكس؟

هذه الانقباضات تساعد عنق رحمك على الاستعداد للولادة...في الأسابيع القليلة الأخيرة من الحمل، يصبح عنق رحمك أقصر وأكثر قابلية للتمدد ويفسح الطريق أمام طفلك.

❓ماذا لو أصبحت انقباضات براكستون هيكس مؤلمة؟

لما تحسي بأوجاع شديدة ببطنك أكيد اول شي رح يخطر ببالك: بلّش الطلق؟ 😰 قد تشعرين بأنها انقباضات حقيقية. مع ذلك، مهما بدت قوية أحياناً، اذا ذهب الألم وهدأ وخف بعد فترة فهذه غالبا انقباضات براكستون هيكس وليست مخاضاً حقيقياً.

معظم السيدات بتشكو من انقباضات براكستون هيكس مع المجهود الجسدي مثل حمل أكياس التسوق او تعزيل الدار 😪 لو أحسست بالانزعاج، استلقي وارتاحي..😌🛀 وممكن تاخدي حمام دافئ 🛀 وشوفي اذا الوجع بخف

❓كيف أميز بين براكستون هيكس وانقباضات الولادة الحقيقية؟😕

تكون انقباضات براكستون هيكس:

🌸غير متقاربة في الوقت، وتحدث عدة مرات في اليوم

🌸تكون عادة غير منتظمة. ولو كانت منتظمة، تبقى على هذا النحو لفترة قصيرة فقط.

🌸ما بستمر الوجع لمدة طويلة، عادة أقل من دقيقة واحدة..

🌸لا تزداد حدتها أو شدتها.

أما انقباضات الولادة الحقيقة عادة:

🌺أطول بازدياد وبشكل ملحوظ

🌺أكثر انتظاماً

🌺أكثر تقارباً

🌺أشد ألماً

🌺وتزداد حدّة وقوة.

اذا حسيتي انك مش قادرة تميزي 🤔 اتصلي بطبيبتك وخليها تساعدك..

حاولي الترحيب بالشدّ والألم الذي يحدث في المرحلة التي تسبق المخاض... وانظري للموضوع انو علامة مشجِّعة على أن عنق رحمك يتغير، وأن الأمور تسير في الاتجاه الصحيح.

في حال أصبحت الانقباضات أطول وأقوى وأكثر انتظاماً وتقارباً، قد تكون هذه بداية المخاض الحقيقي. 🎉🎉👶👶👶👶

وان شالله بتقومو بالسلامة يا أحلى مامات ❤️❤️

طبيبة نسائية وتوليد

13/05/2021

كل عام وقدسنا بألف خير.. كل عام وغزة العزة بألف خير... كل عام وأمتنا العربية والإسلامية بألف خير

هل أراك... هل أراك؟؟ سالما منعّما وغانما مكرما؟؟
وما ذلك على الله ببعيد ❤️

30/04/2021

البيبي حاليا مشغول كتيير.. بدو يكتسب كتير مهارات وعم يكبر بسرعة

بدنا نحكي اليوم عن الحمل من بداية الشهر الرابع وحتى نهاية الشهر السادس (المرحلة الوسطى من الحمل)

🌸الاسبوع 16-19:
ابنك او بنتك حاليا بتثاءب وممكن تصيبه الحازوقة (الزقزوقة حسب ما منحكيلها) 😄... شعر ناعم صغير بدأ يطلع ع جسمه...بيقدر يبلع ويمص اصبعه.. وبقدر يتذوق الأكل الي بتاكليه وهدا الشي ممكن يشكل في المستقبل الأكل الي بفضله طفلك .. فديري بالك ع أكلك وكلي أشياء صحية

🌸بحدود الاسبوع ال 20-22:
معظمكم عم تحس بحركة البيبي
البيبي صار عنده/ها رموش 👁️
جسمه مغطى بشعر اسمه lanugo (لانوغو) عم بدفيه لحد ما طبقة الدهن تتكون بجسمه
بالنسبة للحواس البيبي بقدر يشم ويشوف ويسمع.. وصار يقدر يفتح عيونه.. فبتقدري تبدي تحكي مع ابنك بهاي المرحلة ❤️

🌸بالاسبوع 23_27
ابنك او بنتك بدهم يكسبو وزن كتير وخلال هدول ال 4 اسابيع رح يتضاعف وزنهم !
بنهاية الشهر السادس وزن البيبي قرب من الكيلو 🐥

كتير من الأمهات بعتبرو هاي الفترة الذهبية 🪙 بالذات انها المراجعة والوحام الي بتتميز فيهم المرحلة الأولى بتكون اختفت عند المعظم ولسه ما حست الأم بالثقل والآلام الي بتتميز فيهم المرحلة الأخيرة من الحمل.. أكيد لسه في امساك وحرقة معدة عند البعض..وزنك حيزيد بحدود 7 كيلو 🤰

بالنسبة للأم بهاي المرحلة بكون لازم تعمل صورة الأعضاء... فحص السكري للتأكد انو ما في سكري حمل.. بس عموما استمتعي بهاي المرحلة المريحة حسب ما بتوصفها الأمهات ❤️

طبيبة نسائية وتوليد

10/04/2021

كم جنين بالصورة؟ 😍
نسبة الحمل بتوأم في تزايد مستمر وحاليا شائعة بنسبة واحد من كل 30 أم 😳
شو لازم نعرف عن الحمل التوأمي؟
1) اول شي بدنا نحكيه انو الغثيان وزوفان المعدة والمراجعة بشكل عام بتكون عندهم اكتر 🤮🤢.. ولهيك تقريبا مستحيل يزيد وزنك بأول 3 شهور
الحل؟ وجبات صغيرة وكتيرة ونكتر بروتين،اذا ما زبطت الامور ممكن تضطري تروحي عالمستشفى ليعوضولك السوائل عن طريق الوريد ويعطوك ادوية تخفف الزوفان
2) هل رح يزيد وزني كتير بالحمل؟
معدل الزيادة هو 15_20 كيلو بالحمل التوأمي 🤰
انت بحاجة ل 300 سعر حراري اضافي يوميا عن المرأة الغير حامل..انتبهي ع أكلك ونوعي بغذائك وكلي أكل صحي 🍉🍇🍊والتزمي بالفيتامينات الي بوصفها طبيبك 💊
3) متى رح تكون الولادة؟
يعتمد موعد الولادة على نوع التوأم
النوع الاول بكون التوأم بنفس الكيس الامنيوسي والخلاصة.. هدا التوأم تكون الولادة عن طريق عملية قيصرية وعادة تكون بأول الشهر الثامن
النوع الثاني بكونو بخلاصة واحدة وكيسين
والنوع التالت وهو اكتر نوع منشوفه هو الي بكون كل جنين بكيس وخلاصة
النوع الثاني والثالث ممكن تكون الولادة طبيعية اذا كان البيبي الاول رأسه من الأسفل وعادة بتكون باول التاسع

طبعا الأم الحامل بتوأم عرضة للولادة المبكرة (قبل الشهر التاسع) بنسبة 50%!!

بالنهاية.. اهم شي ترتاحي منيح وتاكلي منيح... والوقت رح يمشي بسرعة.. وفجأة رح ييجي عالدنيا وجهين حلوين جداد 👶👼 ويكون عندك 20 من أصابع الايدين الصغار 👐👐 و 20 من اصابع الرجلين الصغار 👣👣🤣

طبيبة نسائية وتوليد
نابلس_برج رفيديا_الطابق العاشر
الدوام يوميا بنظام الحجز المسبق
للتواصل 0568298517

05/04/2021

عزيزتي الأم
تجنّبي هذه العادات خلال الحمل حماية لك ولجنينك ❤️

01/04/2021

من أكثر الأشياء الي بتشكي منها الحوامل.. حموضة المعدة
كيف ممكن نتخلص منها بدون ما ناخد أدوية؟؟

ملاحظة: الزنجبيل وخل التفاح بتاخدو بكميات بسيطة جدا

دمتنّ بألف صحة وعافية

طبيبة نسائية وتوليد

29/03/2021

فترة الحمل فترة تغيرات كبيرة بالجسم...احرصي على هذه الأمور خلال الحمل:
👍 تناولي الفيتامينات كما وصفها لك طبيبك 💊
👍نامي... وحاولي انك تنامي منيح.. انت بحاجة تنامي 7_9 ساعات يوميا 🛌
👍العبي رياضة...بعض الحوامل بس تعرف انها حامل بتبطل تتحرك وهدا خطأ كبييير.. الرياضة بتساعدك لحتى ما تكسبي وزن زايد في الحمل، بتقلل من الأرق وبتمنع أوجاع العضلات وأهم شي بتحسن مودك 🎉.. في كتير رياضات آمنة بالحمل متل المشي والسباحة واليوغا 🧘‍♀️🏊🚶‍♀️
👍كلي سمك 🐟🐠🎏
السمك فيه اوميغا 3..زنك وحديد..بس لازم ننتبه انو السمك يكون مطبوخ منيح...بعض أنواع السمك فيها نسبة عالية من الزئبق لازم نتجنبها
وجبة سمك كل اسبوع لاسبوعين تعتبر مناسبة
👍 طعم الانفلونزا آمن 💉
و طعم الكورونا كل الدراسات بتحكي انو آمن وبتنصح الحوامل الي بشتغلو بالحقل الطبي وبتعاملو مع حالات كورونا بالذات انهم
ياخدوه
👍 كلي أكل صحي وكلي ايش بيجي عبالك بس كلي بعقل 😅
زيادة الوزن بشكل كبير تؤدي لمشاكل الك وللبيبي
خلال اول 3 شهور بلزم زيادة 100 كالوري باليوم
خلال اخر 3 شهور بلزم 300_500 كالوري زيادة باليوم عن المرأة غير الحامل
👍 زوري طبيب اسنانك واعتني بأسنانك منيح 🪥😬

طبيبة نسائية وتوليد

24/03/2021

هل من الآمن أن أقوم بهذه الأمور في فترة الحمل؟ 🤰

تصلني كثير من الأسئلة عن مدى خطورة او عدم خطورة القيام ببعض النشاطات واستخدام بعض المنتجات خلال فترة الحمل
سنناقش بعضا منها هنا وبإمكانك يا ماما ⁦♥️⁩ ترك أي سؤال تتساءلين عنه من خلال التعليقات

1_ تبييض الأسنان 😬 ؟؟
لا توجد أبحاث للتأكيد إن كان تبييض الأسنان آمنا أم لا٫ ويعتبر تبييض الأسنان للحوامل مخالفا للقانون في العديد من الدول!! 👮‍♀️
إياك أن تفكري بتبييض الأسنان في مراكز التجميل فهذا أمر يختص به طبيب الأسنان فقط
بعض منتجات التبييض التي تباع بدون وصفة قد تسبب تلفا دائما لمينا الأسنان.
لا ضرر من استخدام معاجين الأسنان المبيضة
إذا تلخيصا لما قد سبق: يفضل الانتظار لفترة ما بعد الحمل لتقومي بتبييض الأسنان 👍

2_ صبغة الشعر خلال الحمل💇👱‍♀️ ؟؟
عدد من السيدات يفضلن التمسك بالبدائل الطبيعية لتلوين الشعر أثناء الحمل مثل الحناء لأمانها بنسبة 100%
بعض الدراسات بينت أن بعض المركبات الكيميائية في صبغات الشعر يمكن أن تسبب عيوب خلقية اذا استخدمت بجرعات عالية للغاية! "عالية" يعني أكبر بكثير من الكمية التي ستستخدمينها لصبغ شعرك كل شهر أو شهرين. لذا ، ربما يكون تلوين شعرك حتى ثلاث إلى أربع مرات أثناء الحمل آمنًا (في حد بصبغ أكتر من هيك ؟ 😅🙊)
اذا قررت أن تصبغي شعرك ، فاتبعي التعليمات بعناية وضعي الصبغة على الحد الأدنى من المدة الزمنية المحددة. ارتدي القفازات وتأكدي من وجودك في غرفة جيدة التهوية لتقليل تعرضك للمواد الكيميائية الموجودة في المنتج..

3_ الاستحمام بحوض ماء ساخن 🛀

ينصح الأطباء بعدم أخذ حمام ساخن لفترة طويلة. هناك مخاوف من أنه إذا كانت الماء شديدة الحرارة لفترة طويلة جدًا 🌡️، فقد يؤذي ذلك طفلك الذي لم يولد بعد. تستمر الأبحاث حول آثار ارتفاع درجة حرارة الجسم على النساء الحوامل ، لكن الدراسات على الحيوانات تشير إلى أن ارتفاع درجة الحرارة ، خاصة في الأشهر الأولى من الحمل ، قد يسبب عيوبًا في الدماغ والعمود الفقري.
نحن هنا نتحدث بشكل رئيسي عن حمامات الساونا التي تكون درجة الحرارة فيها مرتفعة جدا! 🔥🔥
من الآمن أن تستلقي في حمام ساخن لفترة قصيرة طالما أن درجة حرارة جسمك الأساسية لا ترتفع عن حوالي 39 درجة مئوية. ومع ذلك ، من الصعب عليك التحقق من درجة حرارة جسمك بسهولة ودقة أثناء الاستحمام لذا من الأفضل توخي الحذر والالتزام بالحمامات الدافئة وليس الساخنة. في الحمام الدافئ ، يمكنك أخذ وقتك والاسترخاء ، مع العلم أنه آمن لطفلك. للتحقق من أن درجة حرارة الحمام آمنة ، اختبر الماء أولاً باستخدام المرفق أو الساعد. هذا الجزء من جسمك أكثر حساسية لدرجة الحرارة من قدميك أو يديك. لا ينبغي أن يكون الماء ساخناً لدرجة أنه يجب عليك خفض نفسك شيئاً فشيئاً. كما يجب ألا تؤثر على لون بشرتك أو تجعلك تتعرق.

اذا خطر ببالك أي سؤال او استفسار بإمكانك تركه بالتعليقات او إرساله على رسائل الصفحة

طبيبة نسائية وتوليد

21/03/2021

الحمل خارج الرحم ectopic pregnancy
بترككم مع هاي الصور لجنين بعمر ٩ أسابيع .
هدا الجنين للأسف ما كان بمكانه الي لازم يكون فيه (جوا الرحم)
الصورة هاي لجنين ناتج عن حمل خارج الرحم .
في هاي الحالة الحمل كان في قناة فالوب اليسرى ، قناة فالوب غير مهيأة لاستقبال جنين أو نموه داخلها لإنو حجمها صغير وممكن تتقبل الجنين لعمر معين , بس اذا كبر الجنين اكتر ممكن يسبب انفجار القناة و حدوث نزيف .
هذا النزيف قد يستمر و يشكل خطر على حياة الأم .
وهدا الي صار مع هاي المريضة مبارح
حالتنا مبارح اجت بوجع شديد مفاجىء بالبطن ، دوخة ، هبوط ضغط.
عالفحص السريري تبين وجود تجمع دم في البطن (نزيف داخلي) و حمل خارجي في قناة فالوب مع وجود نبض .
تم تشخيص الحالة و على وجه السرعة تم عمل الفحوصات اللازمة و تحضير وحدات دم .
و عمل جراحة عاجلة للمريضة و تمت السيطرة على النزيف و انقاذ حياتها من قبلي أنا و صديقتي
و المريضة الان بصحة جيدة و بأتم عافية الحمدلله .😊🥰

نسائية وتوليد

20/03/2021

الحمل والكورونا :
*النقل العمودي( انتقال الفيروس للطفل أثناء الولادة) غير شائع ، وإذا حدث ، يبدو أنه لا يتأثر بنوع الولادة سواء ولادة طبيعية او قيصرية
* يجب أخذ اللقاح في الاعتبار خاصة إذا كانت المرأة تعاني من حالة مرضية تجعلها في خطر من حدوث مضاعفات خطيرة.
* معظم النساء الحوامل لا تظهر عليهن الأعراض (70-85٪) ، عندما تكون هناك أعراض فإن أكثر هذه الأعراض شيوعاً هو السعال والحمى.
* النساء الحوامل المصابات بالفيروس لديهن معدلات أعلى لدخول وحدة العناية المركزة وزيادة طفيفة في خطر الوفاة (لا يزال منخفضًا حوالي 2.2 / 100000)
* خطر الولادة المبكرة مرتين إلى ثلاث مرات وفي الغالب السبب علاجي أي يتم توليدهم طبيا.
* بصرف النظر عن الولادة المبكرة ، لا يوجد دليل على أن عدوى covid-19 لها تأثير سلبي على الجنين
* فيما يتعلق بالوقاية من الجلطات الدموية الوريدية: يجب اعتبار العدوى بفيروس كورونا عامل خطر عابر للتجلطات الوريدية وإعادة تقييم كل حالة على حدة (هذا ليس روتينيًا ولكنه يحتاج إلى تقييم دقيق للمخاطر) أي حالة تدخل المستشفى ، يجب تقديم LMWH الوقائي (كليكسان) وأي امرأة تم قبولها وخروجها من المستشفى يجب أن يُعرض عليها العلاج الوقائي لمدة 10 أيام على الأقل.
* أثناء المخاض للنساء بدون أعراض: لا ينصح باستخدام CTG المستمر بسبب الاختبار الإيجابي فقط. ولا يزال ينبغي تقديم ملامسة الجلد للجلد.
* أثناء المخاض لفيروس كورونا المشتبه به أو المؤكد أعراضه: يجب مراقبة الجنين باستمرار باستخدام CTG. قم أيضًا بتوفير ملامسة الجلد للجلد.
* حتى لو كانت نتيجة اختبار كوفيد إيجابية ، لا تنسَ التشخيص التفريقي الآخر خاصةً الخطيرة منها.
* يجب أخذ الستيرويدات في الاعتبار لمدة 10 أيام أو حتى الخروج من المستشفى للنساء اللواتي يعانين من مرض كوفيد وبحاجة الى أكسجين أو دعم التنفس الصناعي.
* الإصابة بفيروس كوفيد ليست من موانع الرضاعة الطبيعية.

نقلا عن صفحة د حسن السلمان
مقتبس من الجمعية البريطانية للنسائية والتوليد.

Address

مركز رزان للإخصاب/المستشفى العربي التخصصي/رفيديا/نابلس
Nablus

Opening Hours

Monday	08:00 - 15:00
Tuesday	08:00 - 15:00
Wednesday	08:00 - 15:00
Thursday	08:00 - 03:00
Saturday	08:00 - 15:00
Sunday	08:00 - 15:00

Telephone

+970599298517

Website

facebook.com

Alerts

Be the first to know and let us send you an email when الدكتورة ميرا أبو سمرة posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Nablus?