أخصائية التغذية رزان صلاح

02/05/2022

كل عام وانتم بخير أحبتي ❤️
كم معمولة صرتو ماكلين ؟؟😅
كم نصيحة سريعة لحتى جسمكم يضل مرتاح بالعيد بعد الصيام☺️:
✅ افطروا فطور منيح اول ما تصحوا وكمان تغدوا، ما تستبدلوا الوجبات الرئسية بالحلويات والنقارش
✅ اشربوا مي كتير منيح، و خففوا قهوة و تجنبوا العصير الصناعي والمشروبات الغازية قد ما تقدروا
✅ انتبهوا لكمية الحلو اللي بتتناولوها و ما تستحوا تقولوا لأ 😅
✅ ارجعوا للفواكه والخضار و خلوها جزء من ضيافتكم الحلوة🍎
عيد مبارك 🌙❤️🌙

21/04/2022

نصيحة سريعة💡
ليش يفضل يكون في ملعقة سكب في كل طبق و كل شخص يسكب بصحن خاص فيه؟
✅ عشان نمنع انتقال العدوى من شخص لاخر في حال حدا كان مريض
✅ عشان كل شخص يعرف ويحدد كمية الاكل اللي بياكلها
✅ عشان نقلل من نمو البكتيريا في الاكل وما يخرب بسرعة اي حال كل واحد اكل بملعقته من نفس الطبق

16/04/2022

ممارسة الرياضة في رمضان 🏃🏻‍♂️💪🏻✅

15/04/2022

أساسيات تناول وجبة الافطار 🏮🌙🏮
من أهم الامور اللي لازم نتبعها حتى نحافظ على نظام غذائي صحي بزود جسمنا بكافة الاحتياجات اللازمة و يحمينا من مشاكل عديدة بالجهاز الهضمي في رمضان :
١- كتير كتير مهم نراعي التسلسل الغذائي في تناول وجبة الافطار ، حتى نهيىء المعدة لاستقبال الطعام بعد ساعات صيام طويلة :يعني بنبلش بحبة تمر وكاسة مي، صحن شوربة و سلطة، بعدين ننتقل للطبق الرئيسي
٢- كتير مهم نمضغ طعامنا جيدا و ناكل ببطىء حتى ما يصير معنا تلبك معوي
٣- صحن الشوربة (البيتية) و السلطة من اساسيات سفرة الافطار بشكل يومي! كتير مهم تناولهم لانو فيهم الياف و مي وفيتامينات و معادن ، ويحموا من مشاكل عسر الهضم
٤- المقبلات ! نحاول ما يكون في عدة اصناف، و نختار الاصناف المشوية بدل المقلية او اللي فيها دهون و املاح اقل
٥- يفضل يكون في طبق رئيسي واحد على السفرة
٦- نستبدل الارز الابيض بالفريكة او البرغل او الارز البني، و ننتبه للكمية !
٧- انتبهوا للمشروبات الرمضانية اللي فيها سكر كتير والعصائر المصنعة و المشروبات الغازية
٨- اعطوا حالكم راحة شوي بعد الافطار وما تتناولوا الحلو مباشرة
٩- استغلوا كل فرصة للمشي برمضان سواء قبل او بعد الافطار ☺️

06/04/2022

في رمضان السحور وجبة أساسية ، ما بصير نتخطاها ومهم نعرف كيف نختار مقومات هاي الوجبة🌙🌙🌙
تعالوا نتعرف شو ناكل وشو ما ناكل عالسحور و ليش
المعلومات والتفاصيل في الصور
شوفوها واحكولنا انتوا شو بتاكلو عادة ع السحور؟

02/04/2022

رمضان كريم وان شاء الله شهر خير وصحة وبركة عالجميع 🌙
اهتموا وانتبهوا لأكلكم ، هاد الشهر الفضيل فرصة ذهبية للحفاظ على نظام غذائي صحي ❤️

posted on their Instagram profile • 362 people follow them.

02/03/2022

كيف بنقدر نحافظ على غذاء صحي وآمن لما ناكل برة البيت 😊

19/02/2022

⚠️⚠️⚠️ انتبهو كتير لأكل السلطات في المطاعم⚠️⚠️⚠️
أظهرت الدراسات انو نسبة كبيرة من حالات التسمم الغذائي بتيجي عن طريق الخضار والفواكه، وخاصة عن طريق السلطات والخضار الورقية !
ليش ؟؟

لإنو يتم زراعة العديد من الخضروات الموجودة في السلطات داخل التراب، وخاصةً الخضروات الورقية مثل الخس السبانخ والملفوف والبقدونس … وتتعرض هذه الخضروات لكافة أنواع الميكروبات والطفيليات و الحشرات والمبيدات والمواد الكيميائية التي تسبب نسبة كبيرة من الأمراض وحالات التسمم التي قد تؤدي الى الوفاة! وأشهر حالات التسمم بتنتج عن بكتيريا E-coli, سالمونيلا، وليستيريا.وأغلب هذه الجراثيم مقاومة للماء ولا يمكن التخلص منها بغسلها بالماء فقط !

شو نعمل ؟

02/02/2022

اليوم اخترنا الكستناء كأحد الاصناف الغذائية اللي بتنتشر بفضل الشتاء❤️❄️❤️
كتير منكم بفكر انها زي المكسرات غنية بالدهون وبالتالي تنتمي لمجموعة الدهون!
لكن بالحقيقة الكستناء :
✅تنتمي لمجموعة النشويات
✅ النشويات اللي فيها معقدة يعني يتم امتصاصها ببطىء فما بترفع السكر بالدم بسرعة
✅قليلة بالدهون وغنية بالفيتامينات والمعادن ☺️☺️

✅تقريبا كل ٤ حبات بيعطونا ٦٠ سعر حراري❤️

11/01/2022

البطاطا الحلوة 🍠🍠🍠
مين فيكم بحب البطاطا الحلوة وكيف بتاكلوها؟؟
البطاطا الحلوة من النشويات المفيدة للجسم ، ممكن نلفها بقصدير ونشويها، او نقطعها قطع زغيرة و نسلقها اونشرحها دوائر رفيعة نحمرها بالفرن وممكن نضيف عليها شوية زيت زيتون او شوية اعشاب وبهارات اللي بتحبوها وممكن ناكلها مع غموس من اللبنة او الجبنة أو الزعتر ❤️
شو اهميتها ؟💡💡💡
✅ غنية جدا بالألياف المفيدة لصحة الجهاز الهضمي
✅مصدر نشويات مناسب لمرضى السكري
✅غنية ب بيتا كاروتين اللي بتحول لفيتامين أ في الجسم و المهم لصحة البشرة والنظر و بقوي مناعة الجسم
✅تحتوي على فيتامين ه (E) المضاد للأكسدة والذي يحمي خلايا الجسم
وانتو بتحبوها؟وكيف بتجهزوها؟