هارت كير كلينيك- عيادة القلب والعيادات التخصصية

26/07/2025

صباح الخير ☀️
المراجعين الأعزاء
دوام مركز هارت كير كلينيك لهذا اليوم :
-عيادة القلب والشرايين بإشراف الدكتور محمد قبلاوي من
الساعة ١٠ صباحا - ٧ مساءا
-عيادة الأورام بإشراف الدكتور أسامة الشعيبي من الساعة ١٢ ظهرا إلى الساعة ٥ مساءا
-عيادة الأطفال وحديثي الولادة بإشراف الدكتورة لينا ابوطه من الساعة ٤-٧ مساءا بالحجز المسبق
للتواصل والاستفسار 0568812188
دمتم بخير 🤲

14/07/2025

المراجعين الأعزاء
دوام مركز هارت كير كلينيك لهذا اليوم :
-عيادة القلب والشرايين بإشراف الدكتور محمد قبلاوي من الساعة ٣ -٧
-عيادة الأطفال وحديثي الولادة بإشراف الدكتورة لينا ابوطه من الساعة ١٠ - ٢ ظهرا والفترة المسائية بالحجز المسبق
للتواصل والاستفسار 0568812188
دمتم بخير 🤲

09/07/2025

المراجعين الأعزاء
أسعد الله صباحكم بكل خير
نعتذر عن استقبالكم اليوم في المركز لوجود صيانة فيه
على ان نعود لاستقبالكم من يوم السبت
دمتم بخير

08/07/2025

01/07/2025

👶🍼 استكمالًا لموضوع النوم عند الأطفال
واحدة من أكتر الأسئلة اللي بتوصلني من الأمهات:
“دكتورة، امتى أبلش بتنظيم نوم طفلي؟”

الجواب مهم، ولازم نميّز بين شغلتين:
👉 Sleep shaping (تشكيل النوم)
👉 Sleep training (تنظيم النوم)

⸻

🍼 أولًا: تشكيل النوم – من أول يوم!

نقدر نبلش ندرّب الطفل من الأيام الأولى من حياته من خلال روتين ثابت. الطفل مع الوقت بصير يربط هالروتين بالنوم، وبيعرف لحاله إنو:
“ماما حممتني، عملتلي مساج، خففت الإضاءة، غنيتلي… معناته هلا وقت النوم”.
الأطفال أذكى مما بنتخيل ❤️

📌 شو نعمل؟
• حمام دافئ
• مساج خفيف وحركة البسكليت لرجليه (مفيدة كمان للمغص)
• نخفف الإضاءة
• نحكي له بصوت هادي كلمة ينام : مثلا “هلا عمر ماما بده ينام”
• نغني له بصوت هادي جدا
• نرضعه
• وأهم شي! ما نستناه ينام بالكامل بحضنّا… أول ما يبلش يغفى بنحطه بسريره، عشان يتعود ينام لحاله.

⸻

🌙 ثانيًا: تنظيم النوم – من عمر 8-10 أشهر تقريبًا

بهالعمر الطفل بصير ينام فترات أطول، فبنقدر نكمل نفس الروتين ونضيف عليه:
• نجهّز الجو للنوم قبل بساعتين:
▫ نطفي التلفزيون والتليفونات
▫ الإضاءة صفراء باهتة
▫ الحكي بصوت هادي
▫ قصة قصيرة بدون تفاعل كبير منا يعني ما نقلد أصوات مثلا
او نحكي بنبرة حادة
طبعا قبل بنكون جهزنا للنوم :
• نلبّسه لبسة مريحة
• نغيرله الحفاض
• نعطيه وجبة مشبعة
• نتاكد إن حرارة الغرفة مناسبة

📌 وإذا صحى بالليل؟
مش كل عياط معناه إنو صاحي!
• استني شوي، يمكن يرجع يكمل نومته
• إذا استمرّ العياط بدك تقومي بس ما تضوّي الضو، وما تحكي أو تلعبي معه حاولي تتطمني عليه وطمني انك معه بهدوء 🫣
• الرضاعة بهالعمر مرة وحدة بالليل بتكفي او حتى ممكن ما يحتاج

⸻

🛏 طيب، امتى أفصل الطفل بغرفة لحاله؟

الدراسات بتنصح بعد عمر السنة،
لكن ممكن تبلشي من عمر 10 شهور إذا حسيتي حالك مستعدة، والغرفة آمنة.
الأهم: إذا صحي وانتي مش موجودة، ما يكون فيه إشي خطر حواليه.

⸻

🧡 تذكري يا ماما:
الأمومة مش سهلة، بس عنجد أجمل وأعمق مهمة بالحياة.
ورح يجي يوم، تتمني يرجعوا يناموا بحضنك ولو ليلة 🥹

الله يحمي أطفالكم وينور دربكم 🤍

د. لينا أبوطه
أخصائية أطفال وحديثي الولادة
📞 0568812188

30/06/2025

صباح الخير
المراجعين الأعزاء نعتذر اليوم عن تواجد الدكتور لينا ابوطه . أخصائية الأطفال وحديثي الولادة في المركز لهذا اليوم
-سيتواجد الدكتور محمد قبلاوي أخصائي القلب والشرايين في المركز من الساعة ٣-٧
دمتم بخير

26/06/2025

استكمالا لموضوعنا السابق :

إيمتى ممكن طفلك يحتاج حليب صناعي؟ 🍼🤔

الرضاعة الطبيعية دايمًا الأفضل لصحة البيبي زي ما حكينا ، بس في شوية حالات بيكون الحليب الصناعي ضروري عشان نضمن تغذية الطفل وسلامته 🌟.

من الحالات اللي ممكن نحتاج فيها حليب صناعي:
1️⃣ لما يكون حليب الأم مش مكفي طيب كيف بدنا نعرف ؟؟ البيبي ما بكسب وزن ، او بيخسر وزن ، البول قليل ، بتحسي ما بيشبع منك كفاية .
2️⃣ إذا كانت الأم عندها مشاكل صحية مزمنة أو بتاخد أدوية ممنوعة وقت الرضاعة 💊🚫.
3️⃣ لما يكون في صعوبة بالرضاعة الطبيعية، زي مثلاً البيبي مش عارف يمسك الصدر صح، أو الأم بتحس بألم قوي 🤱😖.

كيف تختاري نوع الحليب الصناعي؟
✅ ضروري تستشيري دكتور الأطفال، هو اللي بحدد النوع المناسب حسب عمر وحالة البيبي 🍼🔍.
✅ تابعي وزن البيبي ونموّه باستمرار 🧒📏.
✅ تأكدي إنه ما عنده حساسية من نوع الحليب 🌾❌.

👍👍صحتهم تبدأ بتغذيتهم 🍼🍼
# دمتم ودام أطفالكم بألف خير 🫶
#أطفالنا اولوية 😍🫂🤱
#دكتورة لينا ابوطه #أخصائية الأطفال وحديثي الولادة
#مجمع دعباس الطابق الثاني #هارت كير كليني
#056-8812188

23/06/2025

صباح الخير .. معلومة ونصيحة ع السريع 😬🙄

الرضاعة الطبيعية من أفضل الأشياء اللي ممكن الام توفرها لطفلها🤱🤱 … وكل الدراسات بتحكي انه لازم الام ترضع طبيعي وخصوصي اول ٦ اشهر من ولادة الطفل يكون الاعتماد 💯 ٪؜من حليب الام
طيب نحكي شوي عن فوائد الرضاعة الطبيعية( الك و لطفلك 🤱🤱 :

‎✅بحميكي يا ماما من بعض السرطانات مثل سرطان الثدي والرحم والمبيض من خلال تيغيرات الهرمونات اللي بتصير من مثل تقليل تعرض الجسم للاستروجين ( اللي بعض الدراسات ربطته بموضوع سرطان الثدي) غير انه بالرضاعة خلايا الثدي بتكون نموها طبيعي اكثر وبتم التخلص من كل الخلايا التالفة خلال الرضاعة .. طبعا هالشي ببلش يلعب دور بعد ٦ اشهر من الرضاعة .
‎مثلا في دراسات طلعت بنتيجة انه الرضاعة الطبيعية لمدة ستة أشهر على الأقل تقلل من خطر الإصابة بسرطان الثدي وومكن
كمان توصل النسبة ل 20% إذا الرضاعة كانت12 شهر او اكثر .
� ✅بتقوي مناعة طفلك وبتخلي يقاوم الامراض لانه حليب الام بيحتوي على الأجسام مضادة بياخدها الطفل من امه بالتالي بتزيد مقاومته للامراض. طبعا ما ننسى كمان انه بيحتوي ع معادن ودهون وبروتينات الكافية لنمو طفلك .

✅بتزيد التواصل الروحي مع الطفل فبكون علاقة خاصة
مع والدته
✅طبعا بساعد على تنزيل وزن الام والعودة للوزن ما قبل الحمل والولادة

السؤال كيف بدنا نحسن الرضاعة الطبيعية ؟؟
اكيد بالاول يكون من البداية الام مقررة ترضع طبيعي وعندها استعداد نفسي قبل جسدي
ثانيا تطول بالها وتعرف انه الرضاعة الطبيعية صحيح ممكن يكون فيها تعب وإرهاق عليها بس ع الأمد البعيد فائدتها الها ولطفلها
وكمان طبعا مهم جدا جدا التغذية الصحيحة بنعني بهاد الشي نشرب مي وسوائل كثير منيح ، نلتزم بنظام غذائي صحي وناخد فيتامينات ومدعمات .
وطبعا الام راح تحتاج زيادة بالسعرات الحرارية لانه الرضاعة بتستهلك منها طاقة كبيرة يعني تتراوح من ٥٠٠-٧٠٠ سعرة زيادة عن غيرها ( بس طبعا بتغذية سليمة وصحية مش نستغل وناكل كل ما هب ودب وبعدها نحط سبب كسبان الوزن ع الرضاعة 🫣😬).
🚨طبعا في طروف معينة بكون الأنسب للطفل والأم هو الحليب الصناعي هالشي بنحكي عنه ببوست قادم 🫶

# دمتم ودام أطفالكم بألف خير 🫶
#أطفالنا اولوية 😍🫂🤱
#دكتورة لينا ابوطه #أخصائية الأطفال وحديثي الولادة
#مجمع دعباس الطابق الثاني #هارت كير كلينك
#056-8812188

22/06/2025

أسعد الله صباحكم بكل خير
دوام المركز اليوم كالتالي :
-عيادة القلب بإشراف الدكتور محمد قبلاوي من الساعة ٣ مساءا إلى الساعة ٧
-عيادة الأطفال بإشراف الدكتورة لينا ابوطه من الساعة ١٠ - ١:٣٠ ظهرا والفترة المسائية بالحجز المسبق
للتواصل والاستفسار
056-8812188

دمتم بخير 🫶🥰

21/06/2025

المراجعين الأعزاء
ستكون الدكتورة لينا ابوطه - أخصائية الأطفال وحديثي الولادة متواجدة اليوم في العيادة من الساعة 4-7 مساءا بالحجز المسبق
للتواصل عبر رسائل الوتس اب 000970592292270

او الرقم ‪056‑881‑2188‬

🫂دمتم ودام أطفالكم بكل خير 🥰🥰