أخصائية النطق واللغة -LamisAshkar

02/05/2026

مو بس الجلسات…
الفرص اليومية هي اللي بتصنع الفرق 🩷

29/04/2026

لأن طفلك المتأخر لا يفهم صيغة السؤال
طفلك ما رح يفهم عليكي سؤالك أو إذا قلتيلو بدك نطلع ؟
بدك نسوي ؟
مين عملك كذا؟
بدك تتعامل معو كانك عم تتعامل مع طفل أصغر لحتى تبني عند اللغة
اماً يكون الطفل لسا صغير او رضيع
منضل نقلو ماما ..بابا ما منقول قول بدي ماما
ونفس الشي المتأخر
لازم نسمعو شو لازم يقول …و نبدأ معو حسب مستواه اللغوي
يعني إذا بيحكي كلمة وحدة نسمعو كلمتين مو اكتر لحتى نزيد عدد مفرداته اللغوية
و دايماً ما تنسو انو كل طفل حالة و انو لكل طفل خطة مخصصة
لحجز خطة طفلك
تواصلي معي عرابط الواتساب الموجود بالبايو لساعدك تطوري لغة طفلك
وبكل بساطة 😍

28/04/2026

هالتسجيل من أم كانت خايفة و قلقانة على طفلها 😭
وبعد ما اشتغلنا على خطة طبقتها من البيت… بلّش يحكي ❤️

إذا طفلك متأخر بالكلام أو فقد كلمات،
لا تنتظري كتير…

ابعتيلي كلمة خطة عالمسجات وببعتلك التفاصيل مباشرة 🌸

27/04/2026

26/04/2026

و اتأكدي انو إذا اشتغلتي مع طفلك ضمن خطة تدريبية مخصصة لطفلك بالذات …طفلك رح يتطور و يكتسب مهارات و كلمات و عن تجارب مع كتير أطفال
لهيك اكتبي كلمة خطة بالتعليقات و كوني أخصائية طفلك 🙏

25/04/2026

كتير أمهات بيسألوني
هل لازم أكرر نفس الكلمة مع طفلي؟

الجواب: نعم… بس بطريقة صح 👌

التكرار من أقوى الطرق لتعليم الطفل الكلام
بس السر مو بعدد المرات…
السر بالطريقة 👇

إذا كررتي الكلمة ضمن موقف يومي (أكل، لعب، شرب)
وبشكل طبيعي وممتع
طفلك رح يبدأ يفهم ويقلّد أسرع

جربي الطريقة اليوم وشوفي الفرق 👶✨

23/04/2026

ما حدا بيقدر يساعد قدك
لهيك كوني أخصائية طفلك 💫

22/04/2026

الشعور الأحلى بالعالم…انك تكسب نفسك

يمكن الظروف كانت صعبة،
بس الحقيقة إنو هالشي مو جديد عليّ

من وأنا بالمدرسة،
ما كنت اسمح لحدا ياخد حقي
لا معلمة ولا مديرة
وطبعاً الشطارة والأدب كانو دايماً بالمقدمة

وحتى لو وصل الموضوع لاستدعاء ولي أمر…
كنت واقفة مع حالي

واليوم؟
لسا نفس الشي

لما تتنازلي عن حقوقك كرمال ترضي مدير أو أي شخص،
ممكن تحافظي على الوظيفة…

بس بتخسري نفسك

وأنا اخترت العكس

يمكن خسرت شغل كنت مفكرتو بيوم من الأيام حلم
بس اليوم بقول خلصت هي المرحلة وصار لازم انتقل للخطوة يلي بعدا
لأني بحياتي ما بفكر استسلم لكن أكيد مسلمة أمري لله

اليوم أنا اخترت نفسي
بالرغم من انو بكتير من الأوقات منعطي اكتر من طاقتنا ومنضغط عحالنا و مننجبر نتحمل بس قلت لاء ودافعت عن حالي وكنت شجاعة
وطبعاً ممتنة لأربع سنين قدمت فيون و قدمولي كتير
وشكرا لكل حدا دعمني

والحمدلله،
دايماً اتكالي على رب العالمين
وما خذلني ولا مرة 🙏

16/04/2026

مو الهدف نمنع الطفل من الشاشات
بس نختار شو بيشوف 👶

في فرق كبير بين أنواع المحتوى

مثلاً:

مس رايتشل تعتمد على طريقة اسمها "التحدث الموجه"
يعني بتحكي ببطء ووضوح
وبتترك وقت للطفل ليفكر أو يحاول يكرر الكلمة

وهذا الشي بيخلي الطفل يتفاعل
مو بس يتفرج

أما بعض فيديوهات الأطفال التانية
بتعتمد على:

• موسيقى سريعة ومتواصلة
• تغييرات سريعة بالصورة
• تحفيز زائد

وهذا ممكن يخلي الطفل:
يتعود على المشاهدة بدون تفاعل

ليش هذا مهم؟

لأن الطفل بيتعلم الكلام
من التفاعل… مو من المشاهدة

كمان:

الأطفال بيتعلموا من تعابير الوجه وحركة الفم 👄

لما يشوفوا شخص حقيقي عم يحكي
بيكون أسهل عليهم يقلدوا الأصوات

إذا حابة تساعدي طفلك يحكي
بطريقة مناسبة لعمره

اكبسي لينك الواتساب بالبايو❤

14/04/2026

إذا طفلك لسا ما بيطلب فاطلبي مساعدة

13/04/2026

لا تتأخروا على علاج اطفالكون

12/04/2026

💫و إذا طفلك محتاج مساعدة
روحي عالرسائل واكتبيها كلمة مساعدة و أنا رح ساعدك 🙏