25/11/2021
خطوة لو عملتيها هتغير مطبخك تماماً. المواعين حتى لو اتكركبت كلها هتخلص في دقائق😍
التبسيط،أو المينيماليزمminimalism؛ بمعني اننا نقلل مقتنياتنا للحد الأدني اللي نقدر نعيش بيه.
بالتالي مقتنيات أقل= تنظيف أقل💁♀️
نطبق الفكرة دي على كل شئ في المطبخ:
-أطباق و سلطانيات(متستهونوش بالسلطانيات😂)
-ملاعق،شوك ،سكاكين(لو تلاحظوا هتلاقوا في سكينة أو اتنين بس بنستخدمهم دايماً و الباقي زيادة)
-برطمانات و زجاجات فاضية
-علب التلاجة الكتيييير😬(انتي بالكتير هتحتاجي كام علبة خلال الأسبوع لحفظ الأكل و الباقى بيفضل مش مستخدم!)
-المجات(هتلاحظي ان ليكي مج واحد مُفضل و الباقي مركون)
-كبايات المياه(مهما قلتي للولاد هتلاقيهم بياخدوا كباية جديدة للمياه كل ساعة😩)
-أدوات الطبخ(شوفي عندك كام مغرفة و كام سباتيولا و هكذا)
-الحلل و الصواني(شيلي المُكرر، اختاري ثلاث أو أربع احجام من الأواني للإستخدام اليومي و شيلي الباقي)
جربي فترة، لن تتخيلي مجهودك في المطبخ هيقل ازاي و حتى لو تعبتي أو حصلك أي ظرف هترجعي للمطبخ تلاقي الوضع تحت السيطرة و مفيش جبل مواعين مستنيكي💁♀️
ملحوظتين:
-الموضوع هيكون مثالي لو في تعاون من الولاد و الزوج؛ يعني اللي يقدر يغسل طبقه أو كبايته و هكذا.
لكن حتى لو مش متعاونين و مفيش أمل يتعاونوا😅 يبقى عالأقل انتي خففتي عن نفسك الشغل اللي محدش عايز يشارك معاكي فيه🤷♀️
-جمعي الاطباق الزيادة و الكبايات و الادوات في مكان سهل الوصول ليه عشان لما يجيلك ضيوف. منخنقش الضيوف و نحسسهم بالكلام ده😅
#فيبروميالجا #الإرهاق_المزمن #أمهات_فيبرو #مينيماليزم
