Психолог Бану Ибрагим (2025)

08/02/2025

Декреттік демалыстың өткендігі ма, нақты айта алмаймын, бірақ галереямда өзімнің “адам” сияқты түскен дұрыс фотомды таба алмай, декретке дейінгі кейбір суретімді қазып, тауып алдым. Өз-өзіме тамсанып, бір марқайып қалдым. 😅

Қысқасы, жарты жыл не одан да көп үзілістен кейін қош келдім!

Сіз қалайсыз?

07/11/2024

Ертең сағат 11:00-13:00 аралығында Ислам психологиясына арналған алғашқы лекциямды бергелі жатырмын. Алдымен ақпарат беремін, сосын сұрақ-жауап талқылау болады.

Ислам психологиясына анықтама беріп, даму тарихына шолу жасап
Адам болмысын Ислам психологиясы тұрғысынан талқылап
Мұсылманның сипаты мен мотивация түрлеріне тоқталамыз.

Ақылы. Екі сағат кездесу 10 000тг. Онлайн зумда.

Пайдалы ақпарат аламын десеңіз, директке жазыңыз.

21/02/2024

Әбден еркелетіп, бетінен кеткен
⠀
деген ой келді бүгінгі қызымның истерикасы кезінде. (Екі жастың кризисін өткеріп жатыр). Себебі бала жыласа, жиі еститініміз сол. Алайда, бала еркеліктен бұзылмайды, шекара жоқтықтан, бойындағы эмоцияны игере алмағандықтан қиналады. Қолынан келетіні - жылау. Жылау - оның “мені түсінші, еркелетші, маған көңіл бөлші, маған жәрдем етші, бойымдағы болып жатқанды түсінуге көмектесші” деген жан айқайы…
⠀
Қалай көмектесе аламыз?
⠀
Көзі көретін, қолы жететін жерде қасында болу. Себебі қатты эмоция үстінде бала иә құшақтағанды, иә жұбатқанды қаламайды, бірақ сырт айналып кетсеңіз, кетіп қалады деп қорқады. Сондықтан, истерикасының шарықтау шегі басылғанша, тек қасында болу. Сәл басыла бастағанда, “құшақтасам болады ма, көтерейін бе, алдыма келіп отырасың ба” деп өзінен сұрау. Жалпы уақытта баламен контактіңіз жақсы болса, баланың не қалап тұрғанын білетін боласыз.
⠀
Балаңыздың истерикасы кезінде қандай ойда, қандай күйде боласыз? Бөлісе кетіңіз.
⠀
#анаболдым

17/11/2023

Мазасыздық өршігенде өзімізге қалай көмектесеміз?
⠀
Әлемде не елімізде әртүрлі келеңсіз және әділетсіз дүниелер болып жатқанда, мазасыздықтың көтерілетіні норма, себебі біз адамбыз және өміріміз бен болашағымыз үшін қорқамыз. Алайда егер осы мазасыздық өміріңізде тұрақтап қалса, онда ол норма емес, себебі өмірдің сапасы төмендейді, ұйқы бұзылады, жұмыс істеу қабілет нашарлайды дегендей…
⠀
Осындай сәтте бір нәрсені есте ұстау керек. Біз қанша қаласақ та, кейбір ситуацияларға біз қалағандай әсер ете алмаймыз! Оларды басқара алмаймыз! Шарасыздық сезіміне түсіп кететініміз содан. Сол себепті фокусымызды қолымыздан келетін дүниелерге аудару керек. Мысалы, садақа беру, жәрдем ету, ақпарат тарату, ат салысу, т.б. Одан қалса, күнделікті рутинаңызды бұзбау. Таңертең тұру, таңғы ас дайындау, балаларды балабақшаға/мектепке апару/алып келу, жұмыс жасау, спортпен айналысу, жақындармен кездесу, бірге уақыт өткізу. Дұрысы осы қолыңыздан келетін нәрселердің тізімін жасап, көзіңізге үнемі түсетін жерге қою. Мазасыздық басып бара жатқанда, осы тізімге қарап, өзіңізді “жерге” түсіру.
⠀
Егер бұл әдіс көмектеспесе, мазасыздық өмір сапасын қатты нашарлатса, оған қоса бұрын болып кеткен оқиғалар еске түсіп, маза бермесе, онда психолог маманның көмегіне жүгіну керек!
⠀
Маған жазылу үшін профильдегі сілтемеге өтіп, ватсапқа жазыңыз.
⠀
#мазасыздық
#психолог
#психологонлайн

18/09/2023

Әдемі адамдармен әдемі кештен естелік болып қалсын осы жерде. ❤️

23/07/2022

“Өмір сценарийі” - психологиялық трансформациялық ойын. Ойын психотерапиядағы Трансакт анализі деген бағыттың теориясына негізделген. Теория бойынша, біздің өміріміздің қандай болатыны ата-анамыздан алған тыйымдар мен рұқсаттарға, жас кезімізде қабылдаған шешімдерімізге байланысты. Мысалы, тыйым көп, рұқсат аз болса, біз Аллахтың берген потенциалын дамыта алмауымыз мүмкін себебі тыйымдар іс-әрекетіміз бен санамызды шектегендікьен бізге берілген мүмкіндерді пайдала алмауыз мүмкін.
⠀
Бұл теория Аллахты жоққа шығармайды. Тек біздің өміріздің неге осылай, неге басқаша қалыптаспағанын түсіндіруге талпынады. Ойынды ойнау арқылы өміріңіздің сценарийі қалай қалыптасқанын көріп, оны өзгерту үшін керек рұқсаттарды алып, ресурстарыңызды толтырудың жолын көріп, жаңа бір күйді сезіне аласыз.
⠀
Ешқандай магия жоқ. Бұл ойын - өзіңізді тануға көмектесетін инструмент. Терапия емес. Ойын барысында сезімдеріңіз көтерілгенде терапиялық әсері болуы мүмкін, бірақ ойынды ойнау - терапияны бермейді.
⠀

#нурсултан

18/07/2022

Ана болу мен ойлағандай қиын болмады. Әлхамдулиллях! Әрине, шаршаймын, кейде тым қатты, бірақ қызыма қараған сәтте бәрін ұмытып кетемін. Жасөспірім кезімде шаршаған, бабы кеткен аналарды көп көргеннен болар, бәлкім қазіргі медиа тарапынан да “ана болсаң, потенциалың толық ашылмайды” деген месседж бар шығар, әйтеуір ана болу мен үшін тек қана шаршататын жұмыс ретінде көрінетін. Қатты қателесіппін. Ана болу - аларынан берері көп, шаршауынан қуанышы мол бір белес екен. Әлхамдулиллях! Ұзағынан етсін!

11/04/2022

Мен соңғы үш айда Психология Мектебінде куратор болып жұмыс жасадым. Суреттегі бітіру кеші ШП 1.0 курсының аяқталуына арналған болатын.

Курсқа қатысушылардың барлығы сертификат алмады, себебі қойылған талап өте жоғары болды. Сертификат берместен бұрын, бітірушінің жеке терапиясы бар ма және жалпы эмоционалды тұрақтылығы клиентпен жұмыс жасауға мүмкіндік береді ме, ойлау қабілеті жоғары ма- осының барлығына мән бердік. Үш этаптан тұратын эмтиханнан өту - өз алдына бөлек әңгіме. Кейбір бітірушілер практикалық емтиханды 2-3 реттен тапсырды. Бұның бәрі бітірушілеріміздің жоғары сапамен жұмыс істей алатын маман болсын деген ниетімізден.

Тізімде біз ұсынған консультант мамандардың тізімі. Қысқа мерзімді запростармен жұмыс жасай алатын консультанттар. Терапия жүргізбейді, бірақ “неге?”, “бұл қалай?” деген сұрақтарыңызға жауап алуға көмектеседі ин ша Аллах! Енді бастап жатқандықтан, алатын ақылары қолжетімді.

Сілтемені менің Телеграм арнамнан ала аласыздар. Сақтап қойыңыздар. Саналы ұлт болайық, соған ұмтылайық!

#ұсынамын

15/07/2021

Сонымен мотивацияны қалай ұстап тұру керек?! Так, чтобы тұрақты мотивациямен жетістікке жететіндей?!
⠀
1. Мотивация тұрақты болатын деген иллюзиядан арылу керек. Мотивация кірлеп кеткенде түсетін душ сияқты тұрақты қажеттілік. Азайса - толтыру керек, жоғалса - жаңадан алу қажет.
⠀
2. Не істесеңіз де, “не үшін?” деген сұрақтың жауабын білуіңіз керек. Жауап анық болған сайын, мотивация да жоғары болады.
⠀
3. Ескі паттерннің орнын жаңа паттернмен басу үшін қанша уақыт керек? Ну, чтобы жаңа нәтижелерге жету үшін? Ең кемі 40 күн. Иә, 21 күнде- жаңа әдет дегеннің миф екенін ішіңіз сезіп тұрған шығар. Сол баяғы бәріңіз білетін “жаңа ой жаңа әдетті қалыптастырады. Жаңа әдет жаңа өмірді” деген сөз. Шыдамды болыңыз!
⠀
Байқасаңыз, “мынаны істе де, мотивацияңды ұстап тұр” деген дайын рецепт жоқ. Мүмкін содан болар, ғылыми психологияға көптің көңілі толмайтыны.
⠀
Мотивация тақырыбы ішкі және сыртқы ресурстармен тығыз байланысты. Ол жайлы келесі емес, одан кейінгі постта жазуды жоспарлап отырмын.
⠀
Бүгінгі мотивацияңыз қалай өзі?
⠀
#мотивация

04/07/2021

Неге мотивация ұзаққа созылмайды?
⠀
Өткенде стористе қысқа екі сауал қойған болатынмын.
⠀
1) бір кино не мотивациялық видео көргеннен кейін өміріңізді өзгертуге мотивацияңыз көтеріледі ме?
⠀
2) алайда бұл мотивация ұзаққа созылмай бітіп қалып жатады. Солай ма?
⠀
Екі сұраққа да жауап “иә” болды.
⠀
Сонымен бұл құбылыстың себебі не?
⠀
Себебі біздің ескі паттерндерімізде. Паттерн деген сіздің іс-әрекетіңіздің механизмі. Әркімде бұл механизм әр түрлі және ол жылдар бойы қалыптасады. Сондықтан сіз мотивациялық видео көріп алып, өміріңізді өзгерткіңіз келгенде, мотивацияңыздың ұзаққа бармай өшіп қалатыны содан. Ескі паттернмен жаңа нәрсе құру мүмкін емес.
⠀
Сондықтан бір ойдан не шешімнен өмірім өзгереді деген иллюзия, бірақ осы ой не шешім жаңа өміріңіздің алғашқы іргетасы қаланады.
⠀
Не істеу керек?
⠀
Келесі сторис не постта болады.
⠀

08/06/2021

Ресейдің мемлекеттік лицензиясы бар дипломымды алсам да, өзіме еш жерде мардымды жарнама жасамаппын. Сонымен мен психолог және лингвокоуч болып жұмыс жасаймын. Психолог ретінде ересектермен және жасөспірімдермен мына тақырыптар бойынша жұмыс жасаймын:
⠀
-сепарация
-әйел мен ерадамдардың қарым-қатынасы
-қайғыру процесі
-ішкі конфликт
-самооценка
-адам жасына байланысты кризистер
-бала мен ата-ана қарым-қатынасы
⠀
Күзге дейін тек онлайн. Сағаты 17 000тг.
⠀
Бұрын менен бір-екі консультация алып, кетіп қалған клиенттер үшін де осы жаңа баға. Мерзімі бекітілмеген уақытша деп тоқтатқан клиенттерді терапияны бітірді деп есептеймін. Сол себепті қайта жазылу жаңа бағамен жүреді.
⠀
Жазылу үшін 8 778 998 98 39 ватсапқа жазыңыздар.
⠀
Ескерту
⠀
Жаныңыз қанша қиналып тұрса да, маған звондап, өміріңізді бастан аяқ баяндаудың қажеті жоқ. Ол терапия емес. Тыңдау қызметін құрбыңыз не жақыныңыз да жасай алады, ал мен психолог маманмын. Сондықтан менің арнайы ұстанатын ережелерім мен принциптерім бар. Оған келісу не келіспеу- сіздің құқығыңыз.
⠀
Мені жақсы маман деп тапсаңыз, психолог іздеген жақындарыңызға, құрбы-достарыңызға нөмірімді берсеңіздер болады.
⠀
Инстаграм аккаунтарым профильде
⠀
Лингвокоуч ретінде мына сұрақтармен келсеңіздер болады:
⠀
-ұзақ уақыт шетел тілін меңгере алмай жүру
-орысша не ағылшынша сөйлегенде өзіңізді сенімді сезінбеу
-кейде жақсы сөйлегенмен, кейде тұтығып сөйлей алмау
⠀
Ағылшын мұғалімі ретінде, көбіне ағылшыншаны жылдап оқыса да, меңгере алмайтындарды қабылдаймын. Консультация ағылшынша жүреді. Егер бірақ орыс тілінде де сондай қиындықтар болса, консультацияны орысша да жүргізе аламын.
⠀
Сағатына 6 000тг
Сұрақ болса, ватсапқа жазыңыздар.
⠀

Психолог Бану Ибрагим

08/02/2025

07/11/2024

21/02/2024

17/11/2023

18/09/2023

23/07/2022

18/07/2022

11/04/2022

15/07/2021

04/07/2021

08/06/2021

Address

Telephone

Website

Alerts

Contact The Practice

Shortcuts

Share