https://www.facebook.com/300395029816432/

Marina Parenting Coach, Al Khobar Al Shamalia (2025)

لو بتحاولي تكوني أم هادية وقوية
هساعدك تتراحمي مع نفسك وتبني علاقة حب مع أولادك، وتستمتعي بالتربية بدل ما تكون مصدر ضغط
بقدم دعم نفسي وتربوي للأمهات

ماجستير عمل اجتماعي
لايف كوتش | أخصائي تعديل سلوك | مدرب تربية إيجابية
للتواصل https://wa.me/966570840469

01/08/2025

"لو حد قالك: "شكرًا إنك بتعملي كل ده لأولادك"
هتحسي بإيه؟ ❤️
اكتبي أول إحساس جالك

#أمومة

22/07/2025

"أنا باخد اللقمة من بقي وبديهاله!"
الجملة دي كلنا سمعناها… وكلنا صدقنا إن الأم اللي بتضحي طول الوقت، هي الأم الصح.
بس إيه اللي بيحصل لما الأم دي تفضل تضحي تضحي… وتيجي في آخر اليوم تنفجر؟ 😔

في أمهات كتير بيحسوا بالذنب لمجرد إنهم بيقولوا:
"أنا محتاجة ساعة راحة"
"عايزة أقعد لوحدي"
"مش قادرة دلوقتي"

ليه؟
لأننا اتربينا إن الأم لازم تدي كل حاجة وما تطلبش حاجة.
إن الراحة = أنانية.
وإن طلب المساحة = إهمال.

لكن الحقيقة إن الضغط بيخليكي تفقدي أعصابك أسرع، وتبقي مش طايقة حتى غلطات بسيطة من ولادك.
والعكس صحيح.. لما تكوني رايقة ومرتاحة، بتقدري تحبي وتربي وتتقبلي.

بس المشكلة مش بس في الظروف، المشكلة في 📍المعتقدات اللي جوانا 📍…
في أم بتفضل تعبانة على طول، علشان ما حدش يلومها… لا جوزها، ولا أهلها، ولا حتى هي نفسها!

ودي الحتة المؤلمة: إن أكتر حد ممكن يجلدنا… هو 📍إحنا نفسنا 💔 📍
عشان كده التغيير لازم يبدأ من جوا، من دماغنا.

🧠 طيب أغير معتقداتي دي إزاي؟

1. راقبي صوتك الداخلي 👂
خدي بالك من أول لحظة بييجي فيها صوت جواكي يقولك:
"أنا أم مش كويسة علشان خدت بريك"
وقولي لنفسك:
"أنا بعمل ده علشان أرجع أكمل وأنا مرتاحة" 🙏

2. فكري نفسك دايمًا: الراحة مش رفاهية 🔋
دي طاقة بتشحنيها علشان تعرفي تكملي.
زي الموبايل لما يخلص شحن، ما بيفدش حد غير لما ترجعي تشحنيه!

3. الوسط في كل حاجة حلو ⚖️
لا أنا هسيب نفسي تمامًا، ولا هنسى نفسي تمامًا.
التوازن هو اللي هيخليني أعيش وأحب وأربي من غير ما أتحطم.

4. لو حد لأمك 👀 … ارجعي
افتكري إنك كنتي شايفة الصورة كاملة
اللي حواليكي بيشوفوا لحظة او موقف من حياتك لكن إنتي شايفة كاملة

أنا شايفة تعبك
شايفة خوفك من اللوم
وشايفة إنك بتحاولي
وكل محاولة بتعمليها عشان تتصالحي مع نفسك وتدّيها حقها… هي خطوة شجاعة تستاهل التقدير.

لو البوست ده لمس حاجة جواكي…
تابعي الصفحة، لإنك هتلاقي هنا حاجات جوهرية بتحصل لنا كل يوم كأمهات
حاجات بنفتكر إنها "عادية" أو "تفاهات"،
لكن الحقيقة… هي بتأثر فينا وبتخلينا تايهين ومش عارفين نتصرف.

هتلاقي هنا دعم، وفهم، وحلول بسيطة
لحاجات صغيرة… بس بتفرق جدًا 🙏💛

#الأمومة

18/07/2025

يا ترى تعرفي نوع الذكاء اللي عند ابنك أو بنتك؟
👇
النهاردة في Part 5 من سلسلة أنواع الذكاءات
هنتكلم عن نوع مختلف خالص:
الذكاء الذاتي!💭✨🧠

يعني إيه ذكاء ذاتي؟

في أطفال بيكونوا...
هادين – بيفكروا كتير – بيحبوا يقعدوا لوحدهم

مش لأنهم منطويين!
لأ… لأنهم فاهمين نفسهم أكتر من أي حد!
وبيحبوا يشتغلوا مع نفسهم ✨👤

لو ابنك بيعمل كده، ركزي:

✅ بيحب يقعد في هدوء
✅ بيقرر بنفسه من غير ما يسأل
✅ بيفكر قبل ما يتكلم
✅ عنده كلام جواه كتير… بس مش بيقوله بسهولة
✅ مش بيحب يكون وسط ناس كتير

ده ممكن يكون عنده ذكاء ذاتي عالي 👏

كمان بنلاحظ عليه:

🎯 عارف هو عايز إيه
💡 بيفكر في مستقبله
💭 بيسأل أسئلة عميقة عن نفسه والدنيا
🌿 بيحب التأمل أو الطبيعة
🗣️ مش بيتكلم كتير، بس لما بيتكلم بيقول كلام
كبير

الأطفال دول لما بيكبروا

ممكن يبرعوا في:
🧠 العلاج النفسي
🧘 التنمية الذاتية
📚 البحث والتأمل
🕊️ الزعامة الدينية أو الفكرية
👨‍🏫 التدريس العميق مش التلقين

طب أعمل إيه كأم؟

👂 اسمعيه كويس حتى لو مش بيتكلم كتير
✍️ شجعيه يكتب يومياته أو يرسم مشاعره
🌳 خدي وقت هادي معاه في مكان طبيعي
🎶 شغليله موسيقى أو بودكاست يحب يسمعه
🚶‍♂️ واحترمي إن عنده طريقته هو

نقطة مهمة أوي!

ابنك مش انطوائي
ولا بارد
ولا بيتهرب من الناس

هو بس… مرتاح مع نفسه
وبيفكر… وده ذكاء كبير جدًا 🧠💛

هل بتحسي إن ابنك عنده النوع ده من الذكاء ؟

احفظي البوست عندك عشان ترجعي له في أي وقت

15/07/2025

انهاردة عيد ميلادي ❤️🎂

مش حابة أحتفل بنسخة مثالية مني …
بس في شوية حاجات اتعلمتها السنة اللي عدت،
نفسي أشاركها معاكم لأنها فرقت جدا معايا ✨

اتعلمت إن اللي ببدأه مع نفسي، بقدر أعيشه مع ولادي 👩‍👧‍👦
زي الرحمة… تفويت الأخطاء…
وإني لما أغلط، بدل ما أضيع طاقتي في جلد الذات،
أقدر أتعلم درس وأسامح نفسي 🤍

اتعلمت إن مفيش حاجة اسمها أفضل مصدقة صفة اتوصمت بيها وأنا طفلة.
زي "أنا كسولة"، "أنا مش ملتزمة"، "أنا مش بعرف أكمّل حاجة"…
بدأت أفكر، أراجع، أفند كل فكرة، وأسأل: هي دي أصلًا فكرتي؟
ولا حاجة اتقالتلي زمان؟
وبدأت أرد عليها برد حقيقي من جوايا 🧠

اتعلمت إن كتمان المشاعر مش قوة…
وإن التعبير عنها مش ضعف 💬
وإني أقدر أكون صادقة مع نفسي..
واسمح لنفسي احس بالشعور بس مغرقش فيه 🌊

اتعلمت أحط حدود، وأدي اللي حواليا فرصة يقدمولي حب
بدل ما افضل ادي انا بس.. حتى مع ولادي 🫶

بدأت أشوف إن اللي بيساعدني أكون أم أحسن،
مش إني أضغط على نفسي،
لكن إني أسمح لنفسي أكون إنسانة الأول ✋
واعبر اني تعبت
واعلم ولادي يحترموا حدودي وانا كمان أحترم حدودهم 🧡

وفي وسط كل الحاجات اللي اتعلمتها…

في كمان حاجات لسه نفسي أشتغل عليها السنة الجاية 🔄
زي إنّي:

أفوّت أكتر، وأتجاوز أخطاء ولادي من غير ما أعلّق على كل تفصيلة 🤏

أدرب نفسي أقولهم "على مهلكوا" أكتر من ما أستعجلهم ⏳

أسيب لنفسي مساحة للراحة، ومن غير ما أحس إني بعمل حاجة غلط ☁️

02/07/2025

حبيت أشارككم الكام يوم الجايين باقتباسات حلوة أوي…
جمل صغيرة بس بتوصل رسالة ليها معني 🥰
مش هيكون محتوي تقيل لكن حاجات خفيفة 💕🌼

ممكن تعلقوها عندكم، أو تحطوها في alarm لو حابين تتدربوا عليها في يومكم 🥰

استنوني ❤️

Address

Al Khobar Al Shamalia

Telephone

+201222697359

Website

facebook.com

Alerts

Be the first to know and let us send you an email when Marina Parenting Coach posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Marina Parenting Coach:

Marina Parenting Coach