19/04/2024
الناس اللي محبطة بعد لخبطة العيد من
الكحك والرنجة والبيتي فور 🙅
وللأسف إحباطها مقيدها أكتر ومستمرة في اللخبطة تعالي نشوف ازاى نحل المشكلة دي:
أول معلومة محتاجة انك تعرفيها
إن كل ١ جم نشويات أو سكريات دخلت جسمك بتخزن قصادها ٤ مللي مياه، إضافة للأملاح الزيادة فلكي أن تتخيلي كم المياه المحتبسة جوة جسمك
الخطوات السحرية من خلالها هننزل كمية كبيرة ونتحكم في شهيتك للسكريات بس محتاجة منك جدية وإرادة
هنحتاج مازورة ناخد الأول قياساتنا الحالية ونسجل تاريخ بداية التحدي
محيط الصدر
محيط الخصر
محيط فوق وتحت السرة
محيط الارداف
محيط الذراع من فوق
عرض الكتف
الوزن
📍أولا:
هنتخلص من بواقي الكحك الموجودة بالبيت لو مش هتقدري تتحكمي في نفسك.
📍ثانيا:
محتاجين ٣ أيام نمنع فيهم النشويات الصريحة من الخبز/ والارز/والمكرونة/ والحلويات طبعا والسكر ونهتم بالخضراوات🥒🥬🥦🥕🥗 والبروتين 🥩🍗🍳🐟
واللي هيساعدنا طبعا لسد شهيتنا للحلويات محلول بذور الشيا بخل التفاح والليمون ويقلل أعراض الصداع ويوازن الالكتروليتات بالجسم فيقل تعرضك للهبوط والدوخة.
📍ثالثا: نعتمد نظام الكارب سايكل وده بيكون يوم فيه نشويات ويوم بروتين وخضروات
📍رابعا:
ديتوكس الماء
تحضير لتر ماء+ اربع خيارات مقطعة+ بقدونس+كرفس
ينقع ليلة كاملة ونشربه تاني يوم …مهم جدا
📍خامسا:
تمرين التنفس العميق
وده مهم يتنفذ بتكنيك صحيح للاستفادة القصوى هنزل فيديو للتوضيح
📍سادسا:
نمشي يوميا نص ساعة مشية عسكري، وننتبه لشد البطن خلال المشي..
📍سابعا:
تقلل توتر وإحباط وتبدئي تنظمي مواعيد النوم وتأكدي انك هتقدري تحققي تارجت ممتاز بعد الالتزام.
بعد الاسبوعين بتستمر في اتباع نظام صحي مع دخول نشويات صحية وفي أوقات مناسبة.
اتباع النظام ده لمدة أسبوعين بدون ما نوزن.
#دايت
فيديو للتنفس العميق
Check out 🇪🇬 Dr.Heba Ali’s video.
