KaifKan, CJ4H+G6, Medina (2026)

15/11/2020

زيارة سريعة للمطعم اليوناني في المدينة المنورة sa1

إن شاء الله لنا زيارة ثانية لكن في هذه الزيارة حبينا نجرب الجيروس (الشاورما اليونانية والنطق الصحيح ييرو) بمناسبة خصمهم ٤٠% على الشاورما. في أخبار كويسة و أخبار مو مرة كويسة.

نبدا بالأخبار المو كويسة، مع انه صوص الزبادي(تازيكي) ممتاز والخبز كويس (مع انه الخبز اليوناني مفروض اسمك من كدا) الا انه هذا للاسف مو جيروس. اللحم لحمة شاورما لحم عربية و ليست شاورما لحم يونانية. و شي غريب شوية انو محد في المطعم عارف ايش يعني تازيكي صوص.

الان للأخبار الكويسة. بغض النظر عن كون الشاورما عربية او يونانية الا انها ممتااازة!!!

سعر الشاورما ب ١١ ريال غالي لكن بخصم ال ٤٠% جدا معقول.

التقييم:
جيروس دجاج ٨ من ١٠
جيروس اللحم ٩ من ١٠

الخلاصة:
اذا كنت تدور على جيروس يوناني اصلي فهذا مو هو. اذا تدور على شاورما ممتازة... لازم تجربه.
إن شاء الله لنا رجعة ثانية عشان نجرب السوفلاكي و باقي الاطباق اليونانية.
#شاورما #جدة #المدينة #ثوم #اكل #مطاعم #اليونان #يوناني

@ مطعم يوناني

14/04/2018

Fool me once shame on you fool me "20 times" shame on me
بعد تأخر اكثر من ٢٠ رحلة خطوط السعودية إلى المدينة السنة الماضية قررت اجرب باصات الخدمة الذهبية من سابتكو ( VIP express ). الباص يخرج من فندق افيل في جدة إلى فندق كراون بلازا في المدينة.
كان وقت الاتطلاق من جدة ٨ مساءا، تحركنا ٨،٠١... وكان وقت الوصول المتوقع إلى المدينة المنورة ١٢.٢٠، وصلنا ١٢.١٥.
التجربة كانت جميلة و كون الرحلة غير متقطعة يسهل النوم أو الشغل (في وايفاي بلاش!!). الوايفاي اشتغل تقريبا ٩٠% من الرحلة.
السعر ذهاب و عودة ٢٠٥ ريال مقارنة ب ٣٩٠ للسياحي و حوالي ١٠٠٠ ريال لدرجة الأعمال على خطوط السعودية.
الوقت الكلي أطول لكن ليس بكثير:
الطيران:
نص ساعة الطريق للمطار
نص ساعة دخول المطار و التفتيش
نص ساعة انتظار ال boarding
نص ساعة الاتوبيس و دخول الطيارة
نص ساعة تأخير (أقل شيء)
نص ساعة الرحلة
نص ساعة من وقت هبوط الطائرة الى الخروج إلى باب المطار
نص ساعة الطريق إلى السكن
المجموع ٤ ساعات

الباص:
٢٠ دقيقة الطريق إلى فندق افيل
نص ساعة انتظار الباص
٤ ساعات وربع الرحلة
ربع ساعة الطريق إلى السكن
المجموع ٥ ساعات و ٢٠ دقيقة
الباص في:
وايفاي
مخرج كهرباء و usb
إمكانية الاتصال بالجوال
كرسي أريح من السياحي
#جدة #السعودية #المدينة #باص #طيارة #طيران
@ Avail Grand Hotel

16/01/2018

كيف كان .. تقييم لكل الأماكن
www.kaifkan.com
الأماكن - محمد عبده

#جدة #السعودية #تقييم #مساجد #محلات #اكل #محمد #قهوة

31/12/2017

دار القهوة.. مكان قديم و عريق في جدة...قهوتهم ممتازة.
مافي جلسة للعوائل

على اليسار قهوة تركي... ٨ ريال.. ٨.٥/١٠

على اليمين مشروب شوكولاته بيضاء .. ١٠ ريال.. ٨.٥/١٠.... خلينا نحكيكم قصتها:
في واحد مزعج معانا، و بدون ذكر أسامي، ما يطيييق القهوة لكن يعشق الشوكولاته البيضاء. مسك المينيو و شاف تحت المشروبات الباردة موكا شوكولاته بيضاء. هذا الحوار الي دار:
- الموكا عادة بقهوة، ممكن هذا الطلب يتعمل بدون قهوة؟
- ايوه
- اكييد؟؟ ما ابغ قهوة
- ايوه اكيد
-اوووو ممتاااز....ممكن يكون مشروب ساخن؟
- ايوه
- اوووو احسن و احسن... ادينا واحد.

صراحة مع القهوة الممتازة .. خدمة ممتازة.

#قهوة #قهوه #شوكولاته #تركي #تركيا #جدة #السعودية #موكا #كوب #راحة #كافيه

31/12/2017

.
جربنا طلب الذرة في المطعم الياباني الجديد كبكن. صراحة ممتاز بس ما بستاهل ٤٤ريال
١٥ ريال أو ٢٠ ريال بالكثير..
يضحك، البيك اكيد مو بنفس المستوى لكن السعر أقل ١١ مرة!!
#جدة #اكل #لذيذ #ذرة #السعودية #زبدة #سعر #ياباني #يمي #نكت #يابان

31/12/2017

كيف كانت آخر مغامراتك في المطار؟
استلام الأمتعة في جدة والرياض... تصميم جميل؟.. حزر ايت واحد الرياض؟
Baggage claim in Jeddah and Riyadh.. beautiful design?..guess which one is Riyadh?
#جدة #مطار #المطار #الرياض #سعودية #طيارة #شنط #شنطة #مطارات

27/10/2017

الخلاط مكان عصيرات ممتاز و نروحو كتير. لكن يمكن فرع مطار جدة مو ماخذ الاهتمام المطلوب
رحنا الساعة ٩ في الصباح و طلبنا عصير هلك... ٤/١٠
مفروووض يكون في: تمر، عسل، جوافة، افوكادو، حلاوة طحينة، و مكسرات. لكن عملوا العصير وكان طعمة غريب.. سألناهم اشبو العصير طعمو كدا... قال لا عادي، ما عندنا جوافة اليوم فما حطينا جوافة... نعم؟!.. كان مفروض نرجعلهم العصير و ناخذ فلوسنا. المهم كنا مستعجلين فمشينا. شربنا نص و ما قدرنا نخلصو.

#جدة #اكل #عصير #عصيرات #مطار #افوكادو #عسل #تمر #مكسرات

27/10/2017

اسكندر شاورما دجاج من شاورمتك؟؟
شاورمتك مشهور بالشاورما بس قلنا نجرب الاختراع دا...صراحة ما ننصح بي. ٦.٥/١٠
العيش طري وما في القرمشة التي تتوقعها في الاسكندر. كمان مدري ليش حاطين طحينة مع الصلصة، يعني اذا شي حطوا ثوم.

#جدة #اكل #لذيذ #شاورما #اسكندر #سعودية #فته

23/10/2017

عصير كوكتيل من

اخذو ١٠ دقايق عشان يعملو العصير لكن ممتتتااااز و مرررة طازا.. حتى الفواكه الي فوق العصير طعمها مميز.
Cocktail juice from .. took them 10min to make but it hit the spot and was worth it...even the fruit on top was fresh and amazing.

#جدة #عصير #منجا #فراوله #سعودية #طازج

14/10/2017

هذه ثاني زيارة لنا للمطعم التركي
.
في التقييم الاول جربنا كذا نوع ستيك و كانت الخلاصة انه الستيك اسعاره غالية و طعمها عادي .. لكن الكفتة ممممتااازة. هذه المرة قلنا نطلب الكفتة بالجبنة و نجرب البرجر.
سلطة الأفوكادو
آخر مرة طلبنا سلطة ايفيت بالرمان. مو مرة هحبتنا فطلبنا هذه المرة سلطة الأفوكادو. كانت كويسة ٨/١٠... ٣٧ ريال
كفتة جبنة
تاني مرة نطلبها. رهييييبة.. آخر مرة قلنا ٩ من ١٠.. يمكن هذه المرة ٩.٢٥... ٦٣ ريال.
برجر جبن
العيش كان ناشف بس اللحمة كويسة. ٧.٥/١٠... ٦٨ ريال
برجر سجق
برضو العيش ناشف. ٧/١٠.. ٦٤ ريال.
قاتمر
ممتازة بس يمكن البقلاوة احسن. ٨/١٠.. ٤٩ ريال.
حنرجع تاني عشان الكفتة. لكن اذا نبغى برجر تركي حنروح سلطان.. لكن ب ٩٠ ريال!!!.

#جدة #سعودية #برجر #تركيا #كفته #لذيذ #سلطة #لحم

04/10/2017

بعد العشاء أمس قلنا نبغى ايس كريم على الصاج، فقررنا نجرب لحظة التجمد في شارع صقر قريش

اخترنا نكهة البانوفي.. صراحة كان ممتاز اديلو ٨.٥/١٠.
حطينا صور التحضير عشان الي ما عمرهم جربوا الايس كريم على الصاج يشوفوا. المحل في صاج مثللللج و أول خطوة يحطو المكونات على الصاج. حطوا الموز و اللوتس و بدأ التقطيع. بعدين يحطوا الحليب و الكربم و يلخبطوا و يفردوا و يحطوا الكراميل. آخر شي يعموا رولز.
تعليقي على المحل: الي يخدم كان ممتاز وجدا جدا مؤدب لكن يحتاج شوية خبرة و تدريب عشان يصير اسرع في التجهيز. تاني شيء ما ادري اذا الموقع مناسب لهذا النوع من الايس كريم. يمكن احسن يفتح في مول عشان الناس تتفرج و تستمتع... و يكون بعيد عن محل السمك و محلات الانوار.
#جدة #سعودية #ايسكريم #لذيذ #موز #لوتس #ثلج #اكل #صاج

KaifKan

15/11/2020

14/04/2018

16/01/2018

31/12/2017

31/12/2017

31/12/2017

27/10/2017

27/10/2017

23/10/2017

14/10/2017

04/10/2017

Address

Website

Alerts

Shortcuts

Share