Othman Yousif

Othman Yousif Doctor | Medical Educator | public speaker
تبسيط للفكرة و إيصال للمعلومة.
(1)

عايز اذكرك أنو دوام الحال من المحال ✅ف لو أنت متضايق حاليا أتذكر أنك كنت متضايق قبل كدا عدى الضيق ف كل مر ح يمر لو أنت ك...
20/05/2026

عايز اذكرك أنو دوام الحال من المحال ✅

ف لو أنت متضايق حاليا أتذكر أنك كنت متضايق قبل كدا عدى الضيق ف كل مر ح يمر لو أنت كنت راضي أو لا ف خليك راضي عشان تُأجر و تكتب مع الصابرين ❤

19/05/2026

في الأيام المباركة دي ربنا اوزعنا أن نشكر نعمتك التي أنعمت علينا و على والدينا و أن نعمل صالحا يا رب العالمين 💜

بتحصل يجيك أحدهم ك مرافق و يقيس الضغط و يطلع 200/100 و يكون ماشي عادي و في نفس اليوم برضو يجيك واحد ضغته 200/100 و ما قا...
17/05/2026

بتحصل يجيك أحدهم ك مرافق و يقيس الضغط و يطلع 200/100
و يكون ماشي عادي و في نفس اليوم برضو يجيك واحد ضغته 200/100 و ما قادر يتكلم و شايلنه شيل
تفتكر السبب شنو؟

ارتفاع ضغط الدم (HTN) أو اسمه التاني (القاتل الصامت)
ما اتسمى صامت من فرغ

المريض الأول مريض ضغط مزمن chronic و حتى هو ما عارف أنه عنده ضغط
و السبب ما أنه الارتفاع من دون أعراض لا.. السبب تجاهل الأعراض
طيب هل هو قادر يمشي و يتكلم عادي عشان هو متحاهل ؟

آيوا و لا في نفس الوقت
لنه بسبب تجاهله للاعراض البسيطة لمدة طويلة جسمه اضطر يتأقلم و يتعايش مع ارتفاع الضغط و هنا قصدي القلب و الكلى و باقي الأعضاء بس للأسف التعود دا ما شي كويس ليه؟
أولا:
لأنه الضرر يكون حاصل في الأعضاء و للأسف لم يكون الضرر مزمن الشفاء بكون صعب و طويل شبه مستحيل..

ثانيا :
لأنه مزمن و في الغالب أسبابه ح تكون متعددة ف العلاج الأولي ما بستجيب ليه بسهولة و الناس الزي دي بتحتاج أكتر من علاج واحد عشان تضبط الضغط حقها.

أما بالنسبة للمريض التاني ف الارتفاع كان بسبب انفعال حاد ف كان مؤقت و ما احتاج ياخد علاج مزمن.

ما تنسى تشارك البوست للفائدة ✅

أخيراً انا عندي ليك سؤال
هل عارف كيف ممكن ننقص ضغط الدم طبيعيا؟

المريضة حاجة كبيرة في عمر ال 70 جات للدكتور بتشكي من أنها ما قادرة تتوازن اثناء المشي و أنها بتتخبط بكل شي في طريقها. و ...
17/05/2026

المريضة حاجة كبيرة في عمر ال 70 جات للدكتور بتشكي من أنها ما قادرة تتوازن اثناء المشي و أنها بتتخبط بكل شي في طريقها.
و الدكتور بباخد في التاريخ المرضي سالها هل في صداع قالت أي.
طيب النظر كيف؟
قالت تمام بس مرات الدنيا بتضلم شديد و مرات بتحس أنه الحاجات بعيدة أو بتتحرك براها
سالها من متين الحاجة دي قالت شهرين.
قال ليها طيب هسي انتي شايفة شنو قالت ألليل جاء سريع في هسي ما شايفة بوضوح.
سالها الساعة كم قالت ليه دا المغرب تقريبا.
و في الحقيقة كان الوقت الظهر!

في الآخر اكتشف الدكتور أنه الحاجة أصلا عميانة ١٠٠٪ بس هي ما مدركة الأمر أساسا.

بعد ما اتعمل ليها الصور الأزمة (CT and MRI) اتضح أنها عندها جلطة ليها فترة في ال (occipital lobe) و دا المسؤل عن النظر بس طبعا دي جلطة كفاية أنها ما تكون بتشوف لكن ليه هي ما عارفة أنها عميانة أساسا؟!

للأسف طلع أنها برضو عندها جلطات تانية في ال frontal lobe and part of parietal lobe ودي المناطق المسؤلة عن الادراك. ف لم اضررت الاجزاء دي كلها فقدت البصر و فقدت القدرة على إدراك أنها فقدت البصر.

و الغريب و المذهل أنه طول الشهرين دي كل شي هي بتشوفه كان من تصميم العقل حقها بيكمل ليها الصور منه هو لأنه المخ مصمم أنه يخلي كل شي منطقي و مقبول و دي برضو صعبة عليها مهمة الإدراك لأنها حاسة ب أنها شايفة و في الحقيقة كان كله من تصميم عقلها.

دي Antony's syndrome.
و للأسف ما عندها علاج لأنها دائما بتكتشف متأخرة.

ممكن احنا نساعد لم نلاحظ أي صعوبة في النظر عن اجدادنا أو أهلنا الكبار عموما طوالي نوديهم للكشف و للاسف هي ما بس بتظهر للكبار ممكن أي صابة في الرأس تعمل الحاجة دي.

من المواقف البتختبر صبرك ك طبيب.. جاني الأب جاري بنتي ما قادرة تتنفس... طلعت عليهم عملت كشف سرير سريع و سالتهم هل عندها ...
16/05/2026

من المواقف البتختبر صبرك ك طبيب..

جاني الأب جاري بنتي ما قادرة تتنفس... طلعت عليهم
عملت كشف سرير سريع و سالتهم هل عندها أزمة أو حساسية من شي معين؟
قال لا.

سألته هل جاتها الحالة دب قبل كدا قال لي أي و ادوها حقنا و درب و بقت كويسة.

انا بتكلم معاه و بكتب في الرشتة.. سألته هل كانت بتشكي من شي قبل ما تتعب كدا؟

قال لي ما عندها أي حاجة البنت دي بس بتتعب كدا بنديها حقنة و درب و خلاص.
أمها كررت لي نفس كلام ابوها.

المهم انا واصلت شغلي ما رديت عليهم تاني (اسسرتها في نفسي) و شالو الرشتة و الفحوصات و مشو..

كتبت ليها بندول لن حمتها عالية شديد و مسكن لنها كانت بتشكي من صداع شديد.

أخدت الدرب و الحقنة البنت الحمد لله اتحسنت شوية
مرة نصف ساعة سالتهم وين الفحوصات؟

ما ردو علي.. سألت تاني قالو لي ما عملناها و بدأ الأب يعلي في صوته ليه كل الفحوصات دي إنتو حرامية؟

قلت ليه البنت محتاجة الفحوصات دي و اتغاضيت عن كلمة حرامية.

قال لي البنت دي كل مرة بتتعب كدا و احنا بنديها رب و حقنة و بتترتاح عشان تربحو إنتو طالبين الفحوصات دي كلها؟

قلت ليه ياخ الموضوع ما ربح أو خسارة المهمة بنتك و لو شايفها غالية بتكلم ليك مع ناس المعمل للتخفيض.

بكل وقاحة قال لي لا تخفيض و لا غيروا أنت طالب فحوصات ساي و أصلا أنت ما بتعرف شي لو ما انحنا كلمناك أنها بتاخد حقنة و درب!

انا هنا شوية الصبر العندي انتهى قلت ليه ياخي لو عايز تعملهم حبابك و لو ما عايز برضو حبابك البنت أنت جبتها هنا عشان أنت عارف أنه احنا ح نعرف نساعدها لو ما كدا ما كنت جيت..

ف حاليا أنت مشكلتك القروش ول حاجة تانية؟

قال لي ما مشكلتي القروش قال لي إنتو تجار بس و حرامية!
...

ف بس عشان ما يطول السرد لأنه صراحة الراجل كان مستفز جدا و في الآخر على الصوت و كبر الموضوع اتضح أنه أصلا هو من نوع الناس المكان ما مشى بعمل مشاكل شكله عنده anger issues في الآخر أهله ساقوه

و انا بتمنى في الآخر يكون فيهم زول رشيد يفحص للبنت عشان تتعالج للآخر.

⭕ كل العايز أقوله أي صح احنا مفروض أخلاقنا تكون لحد القمر (طويلة) بس مرات بتجي ناس بتكمل ليك كل الأخلاق دي للاسف. و من غير أي سبب منطقي زي الحصل هسي دا..

فهل أنت شايف أنه كان في أسلوب أحسن انا اتعامل بيه؟
ول الحل شنو في حالة لم يلقيك مرافق بالطريقة دي؟
هل أصلا حصل لاقاك مرافق كدا؟

لاقتني معلومة عن أنه " ceftriaxone " بتتقسم إلى :Cef = indicates it belongs to the cephalosporin. Tri = 3rd generationX...
15/05/2026

لاقتني معلومة عن أنه " ceftriaxone "
بتتقسم إلى :
Cef = indicates it belongs to the cephalosporin.

Tri = 3rd generation

Xson = cross the blood brain barrier

طبعا ما اعتقد انها سبب التسمية الأساسي بس اعتبرها طريقة عشان تحفظ بيها لو أنت طالب لسة
وأضيف ليك عليها أنه أكثر استخدامات ال ceftriaxone :
"MUGS BITS”

M → Meningitis
U → UTI (complicated urinary tract infection)
G → Gonorrhea
S → Sepsis
B → Bone/joint infections
I → Intra-abdominal infections
T → Typhoid
S → Severe pneumonia / Skin infections

شارك البوست مع من تحب ✅

صحيح أنه المرض قضاء و قدر بس ما ممكن تكون : بتنوم ٣ ساعات في اليوم و تشكي من أنك مصدع و مرهق طول حياتك! بتشرب شاي ب ٣ مل...
15/05/2026

صحيح أنه المرض قضاء و قدر بس ما ممكن تكون :

بتنوم ٣ ساعات في اليوم و تشكي من أنك مصدع و مرهق طول حياتك!

بتشرب شاي ب ٣ ملاعق سكر و قدر ما تلقى فرصة بتشرب مياه غازية (بارد) و في كل فرصة تلقاها بتاكل شي حلو و في الآخر تشكي من كثرة الالتهابات و الحمى و ضربات القلب الزيادة!

بتدخن في اليوم علبة سجائر و كل أنواع الدخان معاك و تجي تشكي من الجيوب أنفية و ألم في الصدر و صداع مستمر!

مقضي اليوم كله في التلفون حتى في الحمام التلفون معاك و تجي تشكي من فقدان الوزن و البواسير!

و لكل شيء جعلنا سببا.. لو ما عدلت روتين حياتك صحتك أبدا ما تتحسن.

أنت عارف سبب تعبك بس ما عايز 🙅

شارك المنشور للفائدة ❤

اتكرر علي في الفترة الأخيرة أمهات بسالهم هل اديتو الطفل مسكن؟ بيقول أي ادينهو كافلحين الدكان دا! و طبعا للعلم أنه الكافل...
14/05/2026

اتكرر علي في الفترة الأخيرة أمهات بسالهم هل اديتو الطفل مسكن؟
بيقول أي ادينهو كافلحين الدكان دا!
و طبعا للعلم أنه الكافلحين هو عبارة عن أسبرين!

و لا يفضل أبدا أنه يأخذه طفل أقل من ٥ سنوات
ف عشان اللبس دا دي
:مقارنة سريعة بين أشهر المسكنات وخافضات الحرارة

📍
1. Paracetamol (البندول)
✅ يفيد أكثر في:
خفض الحرارة
الآلام الخفيفة إلى المتوسطة
الصداع ونزلات البرد
آمن نسبيًا للمعدة

⛔ يُفضّل أو يُمنع في:
أمراض الكبد الشديدة
الجرعات العالية (قد يسبب تسمم كبدي)

✅ يعتبر الأكثر أمانًا للحامل عند الاستخدام بالجرعات الصحيحة

2. Ibuprofen (البروفين)
✅ يفيد أكثر في:
الألم المصحوب بالالتهاب
آلام الأسنان والمفاصل والعضلات
آلام الدورة
خفض الحرارة

⛔ لا يُستخدم أو يُحذر في:
قرحة المعدة أو النزيف
مرضى الكلى
الجفاف الشديد

❌ يُمنع خاصة في الثلث الأخير من الحمل

3. Aspirin (الأسبرين)
✅ يفيد أكثر في:
تمييع الدم ومنع الجلطات
بعض حالات القلب والجلطات
الألم والحرارة والالتهاب

⛔ لا يُستخدم أو يُمنع في:
الأطفال مع الالتهابات الفيروسية
قرحة المعدة والنزيف
مرضى سيولة الدم

4. Mefenamic acid (الميفناميك أسيد)
✅ يفيد أكثر في:
آلام الدورة الشهرية
المغص والألم التشنجي
بعض آلام الأسنان

⛔ لا يُستخدم أو يُحذر في:
قرحة المعدة
أمراض الكلى
الإسهال الشديد (لأنه بيزيده)

❌ غير مفضل خاصة آخر الحمل

5. Diclofenac (ديكلوفيناك الصوديوم)
✅ يفيد أكثر في:
الالتهابات القوية وآلام المفاصل
آلام العضلات والظهر
الروماتيزم
الألم بعد الإصابات

⛔ لا يُستخدم أو يُحذر في:
مرضى القلب والضغط (بحذر)
قرحة المعدة
أمراض الكلى
كبار السن لفترات طويلة

الحمل:
❌ يُمنع خاصة في آخر الحمل

شارك البوست للفائدة ✅

أمس كان اليوم العالمي للتمريض و في الفرصة دي عايز أقول انه ما حصل مر على دوام ساهل في المستشفى إلا و كان معاي ممرضين ممت...
13/05/2026

أمس كان اليوم العالمي للتمريض

و في الفرصة دي عايز أقول انه ما حصل مر على دوام ساهل في المستشفى إلا و كان معاي ممرضين ممتازين جدا جدا

في فترة الحرب كانت بتجي أيام الواحد بلقى نفسه الطبيب الوحيد في الطوارئ بس بكون معاك ٣ ممرضين فاهمين و ملائكة رحمة حقيقي ما بتحس بالضغط و الله ولا التعب.

ربنا يوفقكم و يجعلكم في أرقى الدرجات ❤

تاقي صحبك الممرض وريه أنو أنت فخور بيه جدا ❤

في السخانة دي في عادات بسيطة بتأثر على صحتك و صحة طفلك: ممكن أنت تكون عارفها أصلا:١. شيل معاك موية محل ما أنت ماشي و حمس...
12/05/2026

في السخانة دي في عادات بسيطة بتأثر على صحتك و صحة طفلك:
ممكن أنت تكون عارفها أصلا:

١. شيل معاك موية محل ما أنت ماشي و حمس طفلك يشيل الزمزمية خاصة في السخانة دي عشان الجفاف و مشاكل الكلى.

٢. أكل البيت أحسن ألف مرة من أكل الشارع.
خلي طفلك يشيل فطور من البيت عشان التلوث و الأكل المكشوف من أول مصادر السالمونيلا و التسمم.

٣.النظارة الشمسية و الكاب و واقي الشمس ما رفاهية حماية لعيونك و بشرتك من الأشعة فوق البنفسجية حماية من سرطان و تغيرات الجلد.

٤. الحمام بموية باردة وأنت داخل من الشمس مباشرة مضر للجسم لازم تغير الحرارة يكون تدريجي.

٥.كترة الصداع في الصيف في الغالب بسبب الجفاف أشرب موية.

٦. شارك المنشور للفائدة ✅

11/05/2026

Early to bed early to raise, make a man healthy and wise.

Sleep early 💕

Address

Khartoum North

Website

Alerts

Be the first to know and let us send you an email when Othman Yousif posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Othman Yousif:

Shortcuts

Share

Category