06/04/2025
ግላኮማ ሓደ ካብ ሓደገኛታት ሕማማት ዓይኒ ኮይኑ፡ ነቲ ካብ ዓይኒ ናብ ሓንጎል ናይ ምርኣይ ሓበሬታ ዘመሓላልፍ ነርቭ ክጎድእ ይኽእል። እዚ ጉድኣት እዚ እንተዘይተሓኪሙ ምርኣይ ምጥፋእን ዕውረትን የስዕብ።
ግላኮማ ሓያሎ ዓይነታት ኣለዉ፡ ንሳቶም ድማ፤
1. ናይ ውሽጣዊ ዓይኒ ፈሳሲ ዘንቀሳቕስ ብኽፉቱ ግን ከኣ እኹል ምንቅስቓስ ምስ ዘይህልዎ ዘጋጥም ኮይኑ ኣብ 80-90% ካብ ሕሙማት ዝሕዝ እዩ። ጽልውኡ ድማ ኣብ ዝተናውሐ ግዜ ብሰላሕታ ይፍጠር።
2. ናይ ውሽጣዊ ዓይኒ ፈሳሲ ዘንቀሳቕስ ምስ ዝዕጾ ዘጋጥም ኮይኑ፡ ሃንደበት ጸቕጢ ዓይኒ ብምውሳኽ ኣብ ሓጺር ግዜ ክሳብ ዑረት ከስዕብ ይኽእል።
3. ንቡር ጸቕጢ ዓይኒ እናሃለወ ናይ ምርኣይ ነርቭ ዝጉድኣሉ ዓይነት እዩ።
4. ምሳኻ ዝፍጠር ዓይነት ግላኮማ ሳሕቲ ዝረአ ኮይኑ፡ መብዛሕትኡ ግዜ ብሰንኪ ዘይንቡር ምዕባለ ስርዓተ ምፍሳስ ውሽጣዊ ማያት ዓይኒ ዝመጽእ እዩ።
ግላኮማ ብኸምዚ ዝስዕብ ክመጽእ ይኽእል፤
- ጸቕጢ ዓይኒ ምውሳኽ
- ካብ ስድራቤት ዝመጸ
- ዕድመ (ልዕሊ 60)
- ብሄር (ኣፍሪቃውያን፣ ኣሜሪካውያን፣ ስጳኛውያን/ላቲኖስ)
- ሕክምናዊ ኩነታት (ሕማም ሽኮርያ፡ ልዑል ጸቕጢ ደም)
- መጉዳእቲ ዓይኒ ወይ መጥባሕቲ
ምልክታት ድማ፤
- ደብዛዝ ምርኣይ
- ድርብ ምርኣይ
- ቃንዛ ዓይኒ
- ምቕያሕ ዓይኒ
- ረስንን ተምላስን
- ኣብ ዙርያ መብራህቲ ከቢብ ጩራ ምርኣይ
ኣማራጺታት ሕክምና ድማ፤
- መድሃኒታት (ናይ ዓይኒ ንጣብ፣ ከኒና)
- መጥባሕቲ ሌዘር
- ምቑራጽ መጥባሕቲ
- ሕውስዋስ ፍወሳ
ብኣግኡ ምፍላጥን ምሕካምን ምርኣይ ምጥፋእ ንምክልኻል ክሕግዝ ይኽእል። ግላኮማ ንምፍላጥን ንምቁጽጻርን ስሩዕ መርመራ ዓይኒ ኣገዳሲ እዩ።
