منظمة تواصـــــل

14/01/2016

كل التهاني والتبريكات للمكتب التنفيذي الجديد برئاسة محمد المأمون ...ودورة موفقه ان شاء الله ...

23/05/2015

مكونات الحقيبة :
-سكر "شوال صغير 10 كيلو"
-دقيق "10 كيلو"
-زيت "2 لتر"
-عدسية "ربع كيلة"
-بصل "ربع كيلة"
-بلح "ربع كيلة"
-عدس "1 كيلو"
-كركدي "2 رطل"
-عرديب "2 رطل"
-فول " 2 كيلو"
-صلصة "1 علبة"

تكلفة الحقيبة: 320 جنيه ..
المشروع لتعبئة وتوزيع 1000 حقيبة ..

تكلفة المشروع 320 الف جنيه ..

اللهم بلغنا رمضان غير فاقدين ولا مفقودين واعنا على الصيام والقيام ..♡

بسم الله بدينا وربنا معانا ..
كونوا قراب وكونوا كتار ،،
وكتروا شيركم كتر خيركم !


!

23/05/2015

20/03/2015

السـلام عليكم ورحمة الله وبركاته

تعلن جمعية تواصل عن فتح باب التسجيل للطلاب الراغبين في المشاركة في القافلة الطبية والمتجهة بمشيئة الله الى قرية الغُريبة ب الولاية الشمالية والتي تقرر ان تكون في نهاية هذا الشهر ..

المقاعد والفرص محدودة ( ٤٠ فقط )

وعلى الراغبين في التسجيل :

أحمد بدوي ( المستوى الخامس )
0903400420

علي السر ( المستوى الثالث )
0929292043

سلمى أمين ( المستوى الثالث )
0911424784

والله ولي التوفيق

14/10/2014

16/09/2014

براااااحه كده اي زول ما فهم الاعلان بتاع تواصل بخصوص كورس ال doctor's basic skills يتابع معاي برواقه كده.
الاجازه الفاتت نزلنا مستشفي و عانينا من حته الزحمه و عدم تجويد الشغل, يلا من هنا جات فكره الكورس ع اساس انو ننظم الجوطه دي و نحسم الفوضي.
عندنا سناير بعد كم يوم كده حايخلصوا حاجه اسمها جامعه و حايلفوا في صينيه انتظار التوزيع للامتياز و في اللي اصلا هم هواويس (ديل اللي اصلا دكاتره امتياز) و في ممرضات اكيد في اي مستشفي بالتالي ديل كلهم حايكونوا اداه من اد...وات الكورس ده.
حايكون في محاضارات نظريه (بي شيتاتها) بالاضافه للشغل بتاع المستشفي طبعا.
طيييب الزمن ما هو حنكه!!!
مدة الكورس ده اسبوعين ,, خلال الاسبوعين ديل الناس حاتتوزع قروبات ,,, حته حته كده .
اهاا ويييييييييييييين الكلام ده !!
حانحاول نعملوا في في مستشفيات بحري, امدرمان و الخرطوم عشان الناس تمشي القرييب منها و ما تتجرر ساي ف الحر دي
و القرووووووش!!!!!
ما عاوزيييين ولا قرش منكم ,, الا في حاله المستشفي قالت عاوزه قروش بنديكم خبر
بنحاول حتي التصاريح من الكليه نجيبها ليكم عشان المستشفيات بطلبوها.
يلا التسجيل !!!
عند علي السر او عند سلمي امين او ممكن ترسلو لي رساله هنا
تسجل الاسم و رقم التلفون عشان نفهمك الحاصل شنو
و ع اساس الناس اللي حايسجلوا احنا حانشتغل
اي سؤال او استفسار حايلقي الرد ان شاء الله

30/07/2014

شكرا ..احييت الحب فشكرا
افرحت القلب فشكرا ..
وقهرت القسوة حين منحت العيد .. ثياب العيد ..الغيت البعد فشكرا
واصلت الود فشكرا
واعدت السعد فشكرا ..
ارجعت العيد للعيد ..شكرا على اجمل عيد

30/07/2014

تجهيزات ما قبل البرنامج :)

23/07/2014

عيدنا احلى مع بسمة طفل.. مع فرحة مريض بيشوف غيرو في عيد وهو في عنبر حديد ..
يلا نخلي عيدنا عيدين ونشارك فرحتنا معاهم في مستشفى امدرمان للاطفال ..تاني ايام العيد السعيد ~

22/07/2014

السلام عليكم ورحمة الله وبركاته
تقبل الله صيامكم وطاعاتتكم وجعلنا من عتقائه يارب ~.
تدعوكم جمعية تواصل لحضور افطار الكلية لجميع الدفع يوم الخميس 24/7 ، في حديقة القرشي.
(ملاحظة : ياريت اي زول يحاول يجيب معاه حاجة ) وشكرا ^^ ...
جمعية تواصل ~

28/06/2014

جميلة هي حياتنا..! عندما نتواصل ،نتعاون ونكون أمة واحدة ..!
يكن شهرنا اجمل ..! يكن رمضانا اجمممل ..! .
مبارك عليكم الشهر وكل سنة وانتو طيبين :) .
الصورة يوم التعبئة الثالث.. الجمعة 27 /6
وتم اليوم بحمد الله توزيع العديد من الحقايب ...
وطبعا احنا لسسه مستمرين اي زول حابب يشارك ولو بي جنيه ما يبخل علينا عشان يكون رمضانا اجمل ونسعد ناس اكتر ♡

27/06/2014

يوم التعبئة الثاني ..الخميس 26/6

25/06/2014

السلام عليكم ورحمة الله وبركاته
مساكم سعيد :)
اقمنا "بازار تواصل الخيري" يومي الخميس والجمعة 19-20 /6 والحمد لله~
تبقى القليل لإكمال مشروعنا "مشروع الحقيبة الرمضانية" ، وبدأنا مرحلة الشراء و التعبئة اليوم ، بشراء (البصل ،العدس والرز ) ، بعونكم ومساعدتكم بعد الله حنكمل المشروع ونجهز الحقايب :) ..
كما قال صلى الله عليه وسلم :( اتقوا النار ولو بشق تمرة ) ،اي شي بتجيبوهو حتى لو بلللحة بتفرق وتفطر صااائم وليك زي اجره كما قال المصطفى صلى الله عليه وسلم: (من فطر صائماً كان له مثل أجره غير أنه لا ينقص من أجر الصائم شيئاً)...
لاي استفسار او حابين تساعدونا في التعبئة او للتبرع على الرقم 0908864364 ورقم الحساب 01301036 بنك الخرطوم..
and share it please :)

18/06/2014

السلام عليكم ورحمة الله وبركاته
مساكم خير :)
غدا ان شاء الله سوف يقام بازار خيري لدعم "مشروع الحقيبة الرمضانية" ، في الساحة الخضراء ،الساعة 7 مساء .ويتضمن اطعمة ومشروبات ورسم على الوجه واكسسوارات ونحت على الاسماء ..
اسعدونا بزيارتكم :) .