Calma Clinic, Khartoum (2026)

27/09/2025

🧠 بوست اليوم من Calma Clinic
🎯 ليه مرات بننجذب للناس الغلط ؟

عمرك حسّيت إنك دايمًا بتختار نفس النوع؟
ناس باردة، متعبة، ما بتقدّرك،
وبرغم الوجع… برضو بترجع ليهم أو بتنجذب لزول شبههم؟
🤔 بتسأل نفسك: "أنا ليه كده؟"
الحقيقة الموضوع ما صدفة.
في علم النفس، عندنا مفهوم اسمو "Attachment Style" أو نمط التعلّق.
وده بيتكوّن من الطفولة حسب علاقتنا بالأهل والمقرّبين.
لو كان في إهمال عاطفي أو حب مشروط،
ممكن نكبر وعندنا نمط تعلّق قَلِق (Anxious Attachment)
أو تجنّبي (Avoidant Attachment).

في الحالة دي، العقل الباطن بيختار المألوف،
حتى لو كان مألوف مؤلم.
🧠 بنرتاح مع الشي البنعرفو، مش في الشي الصح.
وده السبب إنك مرات بتحس براحة غريبة مع شخص بيعاملك بنفس الطريقة المؤذية البتعوّدت عليها زمان.
وفي مفهوم تاني اسمو Trauma Bonding – ارتباط الصدمة ،
وده بيحصل لما العلاقة يكون فيها مشاعر قوية متناقضة :
وجع + حب، خوف + شوق.
وبيخلي الشخص يتمسّك بالعلاقة حتى لو مؤذية،
لأن الدماغ بيربط الارتياح المؤقت بالألم،
زي دائرة مغلقة ما بتفك إلا بالوعي والتعافي.
💡 الحل ما ساهل، لكنه ممكن :
أول خطوة : الوعي، إنك تعترف إنك بتنجذب للمألوف المؤلم.
ثاني خطوة : وضع الحدود (Boundaries)، عشان تحمي نفسك من التكرار .
ثالث خطوة : العلاج النفسي و الدعم (Therapy & Support)،
عشان تعيد تدريب دماغك على الحب الصحي.
❤️ العلاقة السليمة ما فيها وجع دائم،
ولا خوف، ولا اختبار مستمر.
العلاقة الحقيقية = أمان + وضوح + طمأنينة.

إنت تستحق حب صحي، ما حب مؤلم.
ابدأ من الان ، راقب اختياراتك، واسأل نفسك :
هل دا زول بيخليني أزهر… ولا أتأذّى ؟ 🌸

28/08/2025

لمن كنا اطفال وم بنعرف نعبر عن مشاعرنا بتحصل احداث كتيره واها اهلينا م كان عندهم الوعي بالتعبير عن المشاعر وكيف الطفل يعبر والكلام ده ...
فبتذكر مره في طفل ود جيرنا زمان ضربني وانا جعرته وبكيييت والغريبه جيتوا قلت ليه لي ضربتني اهاا صاحبنا ده مشا اشتكي قدامي والغريبه بكي😂😂
المهم ي جماعه في ناس لي يومنا ده هم كدا ضربني وبكا وسبقني اشتكا الواحد يكون كبييير ولسسسه تصرفات الطفوله دي معاه يعمل الحاجه ولمن يحاسبوا يزعل
يلاافي علم النفس عندنا بسمو عدم النضوج العاطفي يعني الشخص ده لسه م بتحمل يكون مسؤول عاطفيا
يعني ده النوع العمل الشي البضايقك ويجي يتغمص دور الزعل هو
غالبا الطرف اللي بكون في علاقه زي كدا بصل مرحله صفريه لان الشخص الغير ناضج عاطفيا بستهلك مشاعرك وبوصلك مرحله بتقول كفاني والروب

معاكم اخصائي صحه نفسيه :ملاذ السيد

عيادة كالما كلينك ✨️
قناة التليجرام فيها كل الورش المجانية البتتقدم :
https://t.me/calma_clinic
مجموعة واتساب لسهولة وصول الاستشارات بعد الورش :
https://chat.whatsapp.com/JO98xMfKAgJKtyWwWZEc1L?mode=ac_t

23/08/2025

تعلن Calma Clinic عن فرصة عمل جديدة في مجال السوشيال ميديا ✨
🔹 إذا كنت شخص عندك شغف بمجال إدارة الصفحات والتسويق الرقمي وعايز تكون جزء من فريق متعاون ومبدع، ندعوك للتقديم على الوظيفة.
💻 المقابلة ستكون أونلاين، والتفاصيل الكاملة عن طبيعة العمل بتوضح في المقابلة.
📌 للتقديم، الرجاء ارسال السيرة الذاتية عبر الايميل :
[Calmaclinic@hotmail.com]
🕒 آخر يوم للتقديم: [٣٠/٨/٢٠٢٥]
📢 Job Opportunity
Calma Clinic is looking for a Social Media Specialist to join our team ✨
🔹 If you are passionate about managing social media pages and digital marketing, and would like to be part of a creative and supportive team, we invite you to apply
💻 The interview will be held online, and full details about the role will be discussed during the interview
📌 To apply, please send your CV to the Email below:
[Calmaclinic@hotmail.com]
🕒 Application deadline: [30/8/2025]

18/08/2025

🌿 أنواع الاعتذارات التلاعبية في علم النفس 🌿

الاعتذار في الأصل فعل إنساني عميق، بيجمع بين الاعتراف بالخطأ + التعبير عن الندم + النية في التغيير .
لكن في العلاقات ! مرات بنلقى اعتذارات شكلها بريء، لكن حقيقتها مجرد أداة للتلاعب النفسي (Psychological Manipulation)
خليك منتبه للأنواع دي 👇
1️⃣ الاعتذار المشروط (Conditional Apology)
الجملة المشهورة: "أنا آسف لو زعلتي"
هنا الشخص بيحمّلك إنتِ المسؤولية عن مشاعرك، بدل ما يعترف بخطأه.
🔹 مثال: صديق قال كلمة جارحة قدام الناس، بدل ما يقول "أنا غلطت"، يجي يقول: "آسف لو حسيتِ إنو كلامي أذاك"
➡️ هنا هو داير يقول إنو المشكلة في حساسيتك، ما في كلمتو !

2️⃣ الاعتذار الفارغ (Empty Apology)
تكرار كلمة "آسف" بدون.. لا ندم، لا تغيير، لا أي خطوة للإصلاح !
زي الحقنة المهدئة كدا أو المسكن !
🔹 مثال: شريكك عمل سلوك انتي شكيتي منه كذا مرة ، ويجي اليوم التاني يرمي "آسف" وهو فاتح التلفزيون وماشي في حياته عادي ويعيد السلوك ويكرره كل مرة بنفس النمط بدون لا نية حقيقية في التغيير لا شعور بالندم !
➡️ الاعتذار هنا مفرغ من أي معنى !
3️⃣ الاعتذار المقلوب (Reverse Apology)
ده الاعتذار البقلب الطاولة عليك: "آسف عشان ما فهمتني" أو "آسف إنك كبرتي الموضوع".
🔹 مثال: واحد كسر ثقتك بكذبة، ولما واجهتو قال: "آسف لأنك ما واثق فيني ! "
➡️ الاعتذار اتحوّل لاتهام مبطن، ودي واحدة من صور Gaslighting (تشويش إدراكي).
4️⃣ الاعتذار التبريري (Justifying Apology)
هو اعتذار محمّل بالأعذار: "آسف، لكن انا كنت معصب/تعبان/ضغوط الحياة".
🔹 مثال: زول رفع صوته في نقاش وقال كلام جارح، وبعدين يقول : "آسف لكن إنتي عارفة أنا بكون مضغوط في الشغل."
➡️ هنا "آسف" مجرد غطاء تبريري للفعل !
5️⃣ الاعتذار الضحية (Victim Apology)
ده الاعتذار البيلعب على عاطفتك: "سامحني.. أنا زول سيئ وما بستاهلك".
🔹 مثال: شخص خان ثقتك، ولما واجهتو ما حاول يصلّح الخطأ، بل بدأ يقول: "أنا إنسان فاشل.. أي زول بقيف جنبي بتعب."
➡️ هنا بدخلك في دائرة عاطفية تخليك إنتِ المواسية بدل ما تطالبي بحقك.
💡 الخلاصة:
الاعتذار التلاعبـي هدفو ما الإصلاح ولا إعادة بناء الثقة، بل تجنب المحاسبة أو الحفاظ على السيطرة.
أما الاعتذار الحقيقي، فهو البينبع من وعي بالخطأ ورغبة صادقة في التغيير.

✨ كيف تفرّق بين الاعتذار الحقيقي والاعتذار التلاعبـي؟ ✨

1️⃣ النية: الاعتذار الحقيقي بيظهر فيو إحساس صادق بالندم، أما التلاعبـي بيكون غرضو تهدئة الموقف مؤقتاً أو الهروب من المسؤولية.
2️⃣ تحمل المسؤولية: الزول الصادق بقول "أنا غلطت"، لكن المعتذر المتلاعب دايماً بيضيف كلمات زي: لو – لكن – إنك ما فهمتني.
3️⃣ السلوك بعد الاعتذار: الاعتذار الصادق بيجي مع تغيير فعلي (Behavioral Change). لو السلوك اتكرر بنفس الطريقة، غالباً الاعتذار كان فارغ.
4️⃣ موقعك من الاعتذار: الاعتذار الحقيقي بيخليك تحس براحة، لكن التلاعبـي غالباً بيخليك مرتبك أو مذنب زيادة.
💡 نصيحة أخيرة:
ما تنخدع بالكلمات الحلوة. قيم الاعتذار بالفعل البجي بعدو، مش بالكلام اللحظي.
ولو لاحظت إنو الاعتذارات دايماً بتجي بنفس النمط التلاعبـي، هنا لازم توقف وتعيد تقييم العلاقة ذاتها !
وعشان Calma بتحبكم وفرت ليكم استشارات عاطفية مجانية >>
📌 كل خميس
👩‍⚕️ من الساعة ٨ مساء للساعة ١٠ مساء
📩 عبر رسائل الصفحة

12/08/2025

💬
في مجال العلاج النفسي، ما كل زول بيجي يدفع حق الجلسة فعلاً قاصد يتعافى ⚠️…

أحياناً بتلقى في ناس متعلقة بوجعها أكتر من تعلقها بنفسها.
يقولوا “عايزين نتغير”، لكن أول ما تحاول تقرّب من جروحهم العميقة، تكتشف إنهم متشبّثين بدور الضحية كأنو أمانهم الوحيد.

الحالة دي معروفة في علم النفس باسم Victim Mentality، وهي طريقة تفكير بتخلي الشخص دايمًا شايف نفسو مظلوم، وبيعتمد على التعاطف من الناس عشان يتهرّب من المسؤولية أو التغيير.

بالنسبة ليهم، طول ما هم في دور الضحية، ما في زول بطالبهم يواجهوا أو يتحملوا قراراتهم. لكن لو اتعافوا، الوضع بيتغير : لازم يواجهوا، يعترفوا، يشتغلوا على نفسهم، ويوقفوا لوم الناس على حياتهم… ودي بالنسبة للبعض خطوة مخيفة.

مرات بنقعد قدّام زول في الجلسة، وعارفين إنو ما جاي يتعافى … جاي يكرر نفس القصة، بنفس النبرة، وبنفس الشكوى.
ولو حاولنا نفتح ليهو مسار جديد، بينفعل وبدخلنا في قائمة “الأشرار” في حياتو.

وبرغم كدا، صعب نقول ليهو “ما تجي تاني”، لأنه في أمل صغير بيقول : يمكن المرة الجاية يكون في فرق …

📌 ما كل صرخة وجع معناها في نية حقيقية للعلاج.
📌 العلاج النفسي ما دايمًا بينجح إذا الزول متمسك بعقليتو القديمة.
📌 والمعالج ما بقدر يساعد زول ما عايز يساعد نفسه.

💡 لو بعد ما قريت البوست دا حسيتو بتكلم عنك…
دي خطوات بسيطة تساعدك تبدأ صح :

1. اعترف لنفسك إنك ماسك في دور الضحية، وإنو التغيير بيبدأ من قرارك إنت.

2. اكتب موقف واحد في حياتك هسي ممكن تتحمل مسؤوليته وتغيرو، حتى لو صغير.

3. بدل السؤال “ليه الحصل لي؟” بسؤال “أنا أقدر أعمل شنو عشان أتجاوز الحصل؟”.

4. اختار خطوة عملية اليوم – مكالمة، اعتذار، تعديل عادة – أي حاجة تحركك لقدام.

5. التزم… التغيير ما بيجي بيوم وليلة، لكن بيبدأ بلحظة صدق مع نفسك.

23/07/2025

بوست الخميس الونيس 💭

🌀 الشخصية الهستيرية.. البتجيب الدراما وين ما مشت!

يا زول/يا بت الناس، في نوع من الشخصيات بتخلي الناس دايمًا تقول:

"دي بتحب تكون تحت الضو كأنها في مسرحية!" 🎭
نرحب بـ الشخصية الهستيرية.. واحدة من الأنماط الشخصية اللي بتعيش على الانتباه، وبتتغذى على الإعجاب!

يعني شنو؟
الشخصية الهستيرية – أو الهيسّيرية زي ما بنقولو نحنا أحياناً – هي زول دايمًا عايز يكون في مركز الاهتمام، بيحب الناس تركز معاه، يمدحوهو، يلاحظوه، ولو حس إنو ما في زول مهتم، ممكن يعمل حركة مفاجئة بس عشان يرجّع ليهو السبوت لايت 😅

🧠 شنو صفاتهم؟

▪️ بيحبوا المبالغة في التعبير:
الفرح؟ زااايد
الزعل؟ فيلم هندي
لو قال ليك "أنا أكتر زول تعب في الحياة".. صدقو، لكن خت في بالك في دراما زايدة 😂

▪️ لبسهم ملفت، كلامهم فيه إثارة، وطريقتهم فيها غنج أو دلع بزيادة سواء كانوا شباب ولا بنات.

▪️ سريع التعلق بالناس، خصوصًا لو حسوا الزول دا ممكن يهتم بيهم أكتر من غيرو.

▪️ ما بحبوا الروتين، دايرين دايمًا التغيير، التشويق، والمفاجآت.

▪️ بواجهوا صعوبة في المحافظة على علاقات مستقرة، لأنهم مرات يكونوا متسرعين أو سطحين في تقييمهم للمشاعر.

📍 طيب هم ناس سيئين؟

لااااا يا جماعة، ما نقطع كده ساي!

الهستيرية ما معناها إنو الزول ده مريض خطر، لكن ممكن تكون عندو نمط في شخصيتو بتخلي حياتو وعلاقاتو مع الناس تتأثر.
ممكن تكون زولة طيّبة، محبوبة، بس بتتصرف تصرفات فيها زيادة شويّة.

💡 كيف نتعامل معاهم؟

خليك واضح معاه/معاها في مشاعرك وما تجاري الدراما.

حاول تحتويهم بلُطف بدون ما تغذّي احتياجهم المبالغ للانتباه.

لو كانوا بيعانوا بسبب النمط ده (مثلاً عندهم مشاكل في علاقاتهم أو بيحسوا بعدم الرضا)، العلاج النفسي بيساعد كتير! 💬

🛋️ وفي العلاج؟

الـ CBT (العلاج السلوكي المعرفي) ممكن يساعد الزول يعرف جذور سلوكاته ويعيد تقييمها.
نشتغل على تقدير الذات الداخلي، مش دايمًا من برا.
نتعلم نحب نفسنا عشان ذاتنا، مش بس عشان الناس تصفق لينا.

💬 خِتامًا:
الشخصية الهستيرية ما غلط، بس بتحتاج توازن.
ولو عندك صاحب أو صاحبة عندهم النمط ده، أحضنهم بدفء العقل، مش بس بحرارة الإعجاب.

13/07/2025

🌀🎨 ورشة مجانية مباشرة من Calma Clinic

📅 الموعد: الأربعاء القادم الساعة 9:00 مساءً بتوقيت السودان

🧠 عنوان الورشة: "لغة اللاوعي – لما يحكي الحلم وتفضحك الرسمة!"

هل حلمت يوم وقلت "شنو المعنى ورا دا كله؟"
هل طفلك بيرسم حاجات غريبة ومقلقة؟
هل انت ذاتك مرات بتخربش ساي، وبعد شوية تحس إنك طلّعت همّك بدون ما تحس؟

في الورشة دي، حنغوص سوا في عالم الأحلام والرموز النفسية، ونفهم كيف ممكن الحلم أو رسمة بسيطة تكشف لينا حاجات ما بنقدر نقولها بالكلام.

📍 المحاور الأساسية:

تفسير الرموز في الأحلام بلُغة النفس

رسومات الأطفال: إشارات لفهمهم العميق

رسومات الكبار: إسقاطات داخلية ورسائل خفية

تحليل مباشر لحالات حقيقية من الواقع

🎁 مجانًا بالكامل – بدون تسجيل مسبق

📲 الحضور عبر قناتنا في تيليجرام
📡 t.me/calma_clinic

🔔 تابع القناة عشان توصلك باقي التفاصيل والتنبيهات

12/07/2025

💥 ضغط اجتماعي زاااااااائد؟ راسك داير ينفجر؟ ما قادر تتحمّل الناس؟ دا شعور طبيعي، وكتير مننا بمرّوا بيهو!

شنو يعني Social Overload؟
يعني تحس إنك محاصر بالناس والكلام والمطالب، وتعبان بدون سبب، صوت الناس بوجعك، وبتتمنى تختفي بس شوية.

كيف بتحصل؟
قروبات شغالة، طلبات من هنا وهناك، مشاوير، واجتماعيات، و"تعال نقيف سوا" وانت جواك بتقول: "أنا بس داير أروق!"

شنو نعمل؟ كيف نتعامل؟

1️⃣ قولي ✋ "كفاية"
ما في شي بيمنعك تقولي:

"معليش، محتاجة أقعد براااي شوية."
"الراس دا تعبان، ما قادرة أتكلم الليلة."

2️⃣ أخدي فسحة ✨
اقعدي في حتة هادية، اقفلي موبايلك شوية، أعملي جلسة تنفس:
4 شهيق – 4 كتم – 4 زفير – 4 كتم

3️⃣ خفّفي التفاعل ⛔
قلّلي الرسائل، ما تحضري أي قعدة إلا لو عندك مزاج، والسوشيال ميديا؟ خليها ترتاح منك شويّة.

4️⃣ عبّري عن مشاعرك 🗣️
قولي لزول بتثقي فيهو:

"أنا مرهقة شوية من الناس، دايرة أروق راسي."
كلمة بسيطة ممكن تخلّصك من ضغط كبير.

أخبار سارة من عيادة كالما!

🌿 جلسات علاج نفسي مجانية الجلسة الأولى لكل عميل جديد
📅 من 13 يوليو إلى 13 أغسطس
📍 بالإضافة إلى استشارات مجانية كل يوم خميس ولفترة محدودة ، مع توفر جميع المعالجين لدعمك ومساعدتك.

📞 للحجز والاستفسار:
ملاذ السيد
+966504875979

أنت ما مجبور تتحمّل كل شي براك... الدعم النفسي عشانك عشان تعرف انك ما براك في رحلتك !

Calma Clinic

27/09/2025

28/08/2025

23/08/2025

18/08/2025

12/08/2025

23/07/2025

13/07/2025

12/07/2025

Address

Website

Alerts

Shortcuts

Share

Category