05/02/2024
ال"ACE inhibtors " هي من ادوية ارتفاع ضغط الدم "hypertension"
طييب بشتغل كيف ؟
القصة وما فيها انو لمن يكون في انخفاض في ضغط الدم "hypotension"
الكلى "kidneys " بتبدأ تنتج لينا مادة اسمها رنين "renin"
طييب بتعمل شنو المادة دي ان شاء الله ؟
المادة بتنشط مادة تانية اسمها "angiotensinogen" وبتحولها لي مادة جديدة اسمها "angiotension 1"
كدا القصة انتهت ؟
لا طبعاً
المادة الاسمها "angiotensin 1 " بتلاقي مادة تانية اسمها "Angiotensin converting enzyme" او بختصرو بي "ACE"
ودي بتنتجها الرئتين "lungs"
ال"ACE" دي بتحول ال"angiotensin 1"
لي مادة جديدة اسمها "angiotensin 2"
والمادة الجديدة دي ح تمشي تعمل تضييق في الأوعية الدموية "vosoconstriction"
وبكدأ العملية تمت وح ترفع لينا الضغط المنخفض دا وترجعو لينا طبيعي
يعني باختصار
عندك انخفاض في الضغط العملية الفوق دي بترفعو
طييب لو انا اصلاً عندي ارتفاع في الضغط "hypertension"
ح اقوم اعكس العملية دي ؟😛
شاطر ، لكن للأسف مافي طريقة تعكسها😬
طييب على الأقل ح اوقفها
لكن كيف ؟!
عن طريق انو اوقف عمل ال"ACE "
ومن هنا اكتشفو ادوية ال"ACE inhibitors"
