20/09/2025
🩺 الدليل الإسعافي المبسط لحمى الضنك في البيت
1️⃣ كيف تعرف إنو المريض ممكن يكون عندو حمى الضنك؟
حرارة عالية بتستمر يومين أو أكتر.
صداع شديد، خصوصاً ورا العين.
وجع في العضم والمفاصل (عارفينها بـ "حمى تكسير العضم").
طفح جلدي زي الجدري أو حصبة.
فقدان شهية وإرهاق شديد.
2️⃣ الحاجات البتتعمل في البيت (خصوصاً مع ندرة المحاليل):
الموية أهم حاجة: المريض لازم يشرب موية باستمرار، حتى لو بالقوة برشفات صغيرة متكررة.
محلول منزلي (ORS) بديل للمحاليل الوريدية:
لتر موية نظيفة مغلية أو معدنية.
6 معالق صغار سكر.
نص معلقة صغيرة ملح.
يتحرك كويس ويتشرب طول اليوم على جرعات صغيرة.
لو في موز + ملح خفيف ممتاز، لأنو الموز بيعوض البوتاسيوم.
ممكن تضيف عصرة ليمون للمحلول عشان الفيتامين C.
عصائر طبيعية (برتقال، جوافة، ليمون) + شوربة خفيفة.
باراسيتامول (Panadol) للحرارة والألم (كل 6–8 ساعات، بجرعات محسوبة حسب العمر/الوزن).
راحة تامة في السرير، تجنب أي مجهود.
متابعة درجة الحرارة 2–3 مرات في اليوم.
3️⃣ الحاجات الممنوعة:
🚫 ممنوع أسبرين.
🚫 ممنوع بروفين (Ibuprofen) أو أي دواء مشابه (NSAIDs).
🚫 ما تديهو حقن بدون استشارة دكتور.
🚫 ما تديهو مضاد حيوي إلا لو في عدوى تانية مثبتة.
4️⃣ العلامات الخطيرة (لو ظهرت لازم المستشفى فوراً حتى لو في ندرة محاليل):
عطش شديد وما قادر يشرب.
قلة بول (أقل من مرتين في اليوم) أو انعدام.
وجع بطن شديد جداً أو تضخم في الكبد.
دوخة، إغماء، أو صعوبة تنفس.
هبوط شديد في الضغط أو برودة الأطراف.
5️⃣ الوقاية وسط البيت والحي:
غطوا الزير أو أي جركانة موية.
فرغوا أي مويه واقفة في علب/براميل.
ناموا تحت ناموسية بالليل والنهار.
رشوا البيت والشارع بالمبيد إن توفر.
تعاونوا كحي: كل زول ينضف قدام بيتو عشان البعوض ما يلقى مكان يتكاثر.
