21/05/2026
تجربة مريضة مع الكانديدا و البكتيريا المعوية
السلام عليكم ورحمة الله وبركاته انا مريضة من مريضات دكتور يوسف.. مشكلتي بدت من 2012 بدت غازات وعدم راحة بعد الأكل واتشخصت بقولون عصبي وكانت الدنيا ماشة مرة كويسة ومرات يتهيج علي القولون ومرت الايام والموضوع بدا يتطور مرات مغص واستفراق مشيت عملت فحوصات كلها تمام ما عندك حاجة كيف ما عندي حاجة يا جماعة انا تعبانة والدكاترة عادي دا قولون عصبي ومرت السنين في 2019 الموضوع بقي صعب شديد بقي يجيني مقص و استفرغ دم سافرت مصر قلت عسي ولعل القي راحة او تشخيص لحالتي الما معروف ليها راس من رجل وحيرتني قابلت دكتور باطني وجهاز هضمي ما خلي فحص ما عملو لي الفحوصات تمام ما في شي ولسة التعب في محلو قال لي نعمل منظار قلت ليه تمام عملنا المنظار التقرير انه مافي شي جرثومة معدة قلت خلاص دي مشكلتي الحمدلله واداني العلاج 14 يوم وبعد خلصت العلاج اداني حبوب قال بترمم المعدة عشان العلاج قوي وبعديها بفترة نفس الأعراض رجعت واسوء كمان مشيت حللت جرثومة في البراز طلعت النتيجة سلبيه مافي شي طيب انا مالي انا مرضي حيرني تعبت نفسيا وبقيت ما بنوم واعصابي تعبانه بشرتي باهتة ريحة فم ما مستحبه واقل مجهود بتعب وشعر بتساقط فيتامينات ناقصة مع انه باكل الحمدلله ما عرفت حاجة لدرجة فكرت انه مرضى دا روحي خلاص ماف فائدة واستسلمت ودخلت في اكتئاب قابلت دكتور نفسي اداني علاج قال عندك اكتئاب حاد النوم اتحسن والمعدة شويه هدت لكن بمجرد ما وقفت العلاج بعد فترة رجعت اسوء اسوء من اول بكتير ورجعت للمعاناة وسوء الهضم والغازات والنفسية وتغلب المزاج وعدت الايام والسنين في المعاناة والتعب والانهاك بعد فترة الكورونا سافرت دولة من دول الخليج واتزوجت الكلام دا كان 2022 وبعد الزواج تقريبا انا جسمي بدأ ينهار اكتر وكل الأعراض الكنت بحس بيها قبل بقت ضعف الأول وصلت مرحلة البكاء والنحيب من شعور العجز انه ماف دكتور يفهمني او يعرف مالي وانا بتعذب زوجي وداني لأكبر الدكاترة في الدولة النحن مقيمين فيها دكتور جهاز هضمي ساعة انا بحكي ليه معناتي وكنت حامل بأول بنت لي عمل فحوصات كاملة شاملة وبعد يومين رسل التقرير انه مافي شي مشكلتك نفسية اخدي مهدئات قابلي دكتور نفسي استغفرت الله ووضعت بتي الحمدلله بالسلامة واستسلمت لمرضي وحالتي وتركت الأمر لله بعد سنتين ونص حملت بولدي التاني وزاد الوضع سوء الاكل ما بقعد في المعدة والصحة العامة تعب وخوف وقلق وخلعة معدة اسهال التهابات وحمة متكررة دوخة وهبوط سوء هضم انواع الاكل اللي كنت بأكلها من زمان بقت ما بتنفع معاي كاني اكلت سم زي الليمون الروب اللحمة العدس الباذنجان البيض وصلت مرحلة يأس زوجي قال في دكتور باطني ممتاز نمشي ليه مشيت قال تعملي فحوصات للكبد وجرثومة المعدة وموجات فوق صوتية للكبد وفحص سيبو عملت فحوصاتي والنتيجة ماف حاجة فحوصات تمام قابلي دكتور نفسي تاخدي مهدئات طلعوني مجنونة وبتوهم وعندي نفسيات عاوزين يعيشوني اسيرة علاج مدي الحياة بكيت استغفرت وانا متأكدة انه عندي علة في جسمي رب العالمين هو العالم بيها ماف زول تاني حاسي وفاهم العلي سبحان الله في رمضان بالصدفة لقيت بوست لدكتور يوسف بتكلم عن الديدان و الطفيليات وكيف انها بتستنزف الأمعاء اذا ما اتعالجت وكيف بتكون أعراضها كأنو بتكلم عني من غير تردد دخلت للدكتور في الخاص وشرحت مشكلتي من و الي اول مرة من 2012 14 سنة دكتور يسمع مشكلتي ويفهمني ويحس بمعاناتي اول فحص طلبه مني فحص للدم والبراز العام فقط لا غير ولقي عندي فحص الموجات جاهز عندي بعد النتيجة طوالي عرف مشكلتي وشخصني طلعت فرط نمو فطريات الكانديدا في الأمعاء كان علاجي ثلاثة أدوية البي هيلثي والنكترس واليوسيدين من اول اسبوع الحمدلله حسيت بتحسن وبعدها اخدت اليوسيدين في الأسبوع التاني يا ربي ما أرحمك حسيت بفرق اكبر النوم اتعدل سوء الهضم قل الغازات قلت المزاج اتعدل حاليا باخد في العلاج وماشة في تحسن الحمدلله اول اتشخص صاح واخد علاج صاح بعد معناة ربنا يعطي دكتور يوسف الصحة والعافية ويجعله دائم في نفع الناس ومزيد من التقدم والنجاح
