Y-peer Gezira

20/03/2026

شبكة تثقيف الأقران الشباب ولاية الجزيرة
نهنئكم بحلول عيد الفطر المبارك اعاده الله علينا وعليكم بالخير واليمن والبركات
وكل عام وانتم بخير

18/02/2026

شبكة تثقيف الأقران الشباب ولاية الجزيرة
نهنئكم بحلول شهر رمضان المبارك اعاده الله علينا وعليكم بالخير واليمن والبركات

01/01/2026

كل عام و بلادنا بخير 🇸🇩

في الذكرى السبعين لاستقلال السودان، نستحضر معاني الحرية، والكرامة، ومسؤوليتنا تجاه وطن يسع الجميع.
ذكرى نجدد فيها العهد بأن يكون الشباب في مقدمة الوعي، والبناء، وصناعة التغيير الإيجابي.
ومع بداية عامٍ جديد، نؤمن أن الأمل ما زال حاضرًا، وأن المستقبل يُصنع بالإرادة، والمعرفة، والعمل المشترك.
كل عام والسودان بخير
وعام جديد أقرب للأمان، والسلام، والتنمية 🇸🇩

30/10/2025

الشخص الذي تراه أمامك يُدعى معمر إبراهيم، وهو صحفي سوداني... يمكنك القول إنه "صالح الجعفراوي" الخاص بالسودان.
وكما حدث مع صالح، رحمه الله، يتكرر الآن مع معمر إبراهيم... فهو حاليًا في قبضة قوات الدعم السريع فقط لأنه قرر أن يكون صوت السودان
وبحسب "الفاتح" — أحد قادة قوات الدعم — في تصريح لقناة الجزيرة، فقد أكد أن معمر إبراهيم بالفعل بحوزتهم، ومنذ ذلك الحين لا توجد أي أخبار عنه.
السبب الذي أدى إلى استشهاد صالح الجعفراوي، هو نفسه الذي قد يؤدي إلى فقدان معمر إبراهيم.

يجب أن يعرف العالم كله من هو معمر إبراهيم ويجب أن نرفع صوتنا للمطالبة بحريته.

أنقذوا السودان قبل فوات الأوان

28/10/2025

من قلب هذا الخراب أصرخ بصوتٍ لا يُخمد: ما يحدث في الفاشر ليس قتلاً عشوائياً أو حادثًا عرضياً — هذه إبادة منظمة، وصمت العالم والجناة المتخاذلين يغذي الجريمة.
في هذه اللحظة يُقصف الناس كأنهم أهداف، ويُصفى الأبرياء بدم بارد، وآخرون يموتون جوعًا تحت حصارٍ مقصود ، من يبررون أو يتغاضون عن هذا هم شركاء بالجريمة ، التاريخ سيسجل أسماء المتواطئين بالخزي.









#السودان

27/10/2025

ربع مليون شخص في الفاشر بتعرضوا حاليا الق تل والاغتص اب وتمارس فيهم التصفية العرقية !

A piece of news the world may not care about: Over a quarter of a million people in El Fasher are currently facing kill*ng, rate, and a campaign of ethnic cleansing

13/10/2025

أعزائنا الكرام
نود ان نلفت انتباهكم الي انه تم قفل الفورم وعلي الذين تقدموا مراجعة الايميل الخاص بهم
والله ولي التوفيق

شبكة تثقيف الأقران الشباب _ وايبيير سودان إستمارة تقديم لحضور التدريب الأساسي للشبكة شبكة تثقيف الأقران الشباب هي شبكة شبابية دولية تضم عدد كبير من المبادرات والمن....

11/10/2025

شباب ولاية الجزيرة
اذا كنت مهتم بالصحه الانجابية والعمل المدني والتثقيف عن سرطان الثدي والفحص المبكر
تعلن شبكة تثقيف الأقران الشباب ولاية الجزيره عن فتح فرص تدريب لحضور ورشه عن سرطان الثدي وطرق الفحص المبكر
ويتبعها ورشه تدريب أساسي
الشروط بسيطه وواضحه
والتقديم عبر الرابط أدناه👇🏻

شبكة تثقيف الأقران الشباب _ وايبيير سودان إستمارة تقديم لحضور التدريب الأساسي للشبكة شبكة تثقيف الأقران الشباب هي شبكة شبابية دولية تضم عدد كبير من المبادرات والمن....

02/10/2025

لماذا يُعتبر شهر أكتوبر مهماً لسرطان الثدي؟
• يُعتبر أكتوبر شهر التوعية بسرطان الثدي على مستوى العالم، حيث تُنظَّم حملات توعية لتثقيف الجميع حول أهمية الكشف المبكر والوقاية والعلاج.

ما مدى شيوع سرطان الثدي؟
• يعتبر أكثر أنواع السرطان شيوعاً بين النساء، مع 2.3 مليون حالة و670 ألف وفاة سجلت في العام 2022.

من هنَّ الأكثر عرضة للإصابة؟
• النساء فوق 40 عاماً، السمنة، التدخين، شرب الكحول، التاريخ العائلي، العوامل الإنجابية، العلاج الهرموني بعد اليأس، والتعرض للإشعاع. لكن نصف الحالات تحصل بدون عوامل واضحة باستثناء العمر (فوق 40 عاماً) والجنس (أنثى).

ما هي علامات التنبه؟
• ظهور كتلة في الثدي بدون ألم، تغير في حجم أو شكل الثدي، تغير في الجلد (احمرار أو تجعيد)، تغير في شكل الحلمة أو إفرازات غير طبيعية.

كيف ينتشر السرطان؟
• غالباً إلى الغدد الليمفاوية تحت الإبط، وقد ينتقل لأعضاء أخرى.

هل كل كتلة تعني السرطان؟
• لا، معظم الكتل حميدة، لكن يجب مراجعة الطبيب أيضاً للتأكد.

كيف يُكتشف مبكراً؟
• معرفة مظهر وإحساس الثدي جيداً.
• الكشف الذاتي المستمر.
• القيام بالفحص السريري عند الطبيب.
• إجراء تصوير بالأشعة (الماموغرام) حسب السن والفحص الطبي.

لماذا الاكتشاف المبكر مهم؟
• يزيد فرص العلاج الناجح، حيث تكون نسبة الشفاء كبيرة جداً عندما يكون الورم صغيراً ولم ينتشر.

مع خالص التمنيات لأمهات وأخوات وبنات بلادي خاصة، ولنساء العالم أجمع، بدوام الصحة والعافية.

المصادر:
• منظمة الصحة العالمية (WHO)
• مراكز السيطرة على الأمراض والوقاية منها (CDC)

21/09/2025

كتبت الدكتورة Elaf Dmyatti

حمى الضنك ما بها و ما عليها
"بوست طويل حبتين"

أرح نبدأ من ورا شوية من تشخيصها :
بتتشخص بفحص معين اسمو ICT for Dengue Fever
وفي فحوصات تانية لكن ما لاقتني في السودان
لكن في أغلب الأماكن الفحص دا زاتو ما بكون موجود ف بنعتمد في التشخيص على فحوصات أخرى زي ال CBC اللي هو فحص الدم الكامل بنشوف فيهو حاجات معينة زي ال TWBC كريات الدم البيضاء و ال PLT الصفائح ،
الفحوصات التانية دي بنعتمد عليها خصوصا في الأماكن البتكون موبوئة و منتشر فيها المرض أو زول جاي من مكان موبوء وبتكون الأعراض موجودة ( لو ما مكان موبوء ما بنشخص و بيهم 🙄 و الأحسن نعمل فحص حمى الضنك )

طيب الأعراض هي شنو ؟ 🥴
حمى ، وجع جسم ، صددداااع ، غثيان و وجع بطن
حاجة كدا زي الملاريا كدا لكن بينك و بين نفسك بتقول دي مااا ملاريتي البعرفها 😂

طيب بعد شخصناها
و الدكتور قال ليك عندك ضنك
ولا برااااك اتشالقت مشيت فحصت و عرفتهم براك سواء عشان انت مهندس و بتعرف اي شي 😂 او طالب طب أو بقيت خبرة في الموضوع دا 😂
ولا صورتهم ل شات جي بي تي وقال ليك ( دي ضنك هل تود أنا أخبرك بالعلاج )

تعمل شنو في حالة زي دي و هنا مربط الفرس عشان مما تتوتر

أول شي تستغفر وتدعي ربنا يثبت أجرك لأنو أي مرض كفارة إن شاء الله لذنوبنا ❤️
بعداك تعال أرقد ارتاح و أعرف انو الضنك دي مرض فيروسي ما بروح بين يوم و ليلة و ما بروح بدوا معين .
علاجو supportive
يعني محتاجين ندعم الجسم دا عشان يتحمل الفايرس طيلة فترة وجودو في الجسم و يقدر يقاومو وما تحصل مضاعفات ، و نعالج الأعراض البتجينا

كيف ؟
واحد :تاكل كويس ، جسمك لازم يتغذى كويس
تاكل قدرتك ، تشرب عصاير قدرتك تبلدي ، برتقال أي عصير بنفع معاك و بتحبو
بس ما تشرب قريب فروت في الفترة دي لأنو عندو تفاعل مع بعض الأدوية
تاخد فايتمين سي ( اختياري )
لو ما قدرت تتغذى كويس سواء ما قادر تفَتِح و تتفاهم مع الناس، بتستفرغ كتير ولا عندك غثيان ولا دلع سااي عشان تحس انك عيان
هنا لازم تركب دربات عشان جسمك يتغذى و يقدر يقاوم .
اتنين : لازم تشرب موية كتييرة كتيييرة كتييرة كتييرة .....
لو ما قدرت تشرب لأي سبب من الأسباب القلناها قبل شوية برضو حنرجع نركب دربات عشان ما يجيك جفاف اللي هو حاجة خطيرة جدا !

تلاتة:
الحمى
*الحمى ك عرض أخطر من أي مرض*

البندول البندول البندول
حبوب ما إلا درب إلا إذا انت ما قادر تبلع لأي سبب من الأسباب القلناها

تأثير جرعة البندول سواء درب ولا حبوب نفس الحاجة ما تتمسكو .
معاهو تاني المكمدات ( بموية فاترة ما باردة ولا دافية )

أربعة:
الصداع ووجع الجسم
الألم ما لازم نتحملو يا جماعة
ألحق روحك ب البندول القبيل طوالي
البندول ل الكبار ( حبتين كل ٦-٨ ساعات )
ل الصغار حسب وزن الطفل ما بندي ساي .

مسكنات ممنووعة ممنوعة ممنوعة ....⛔️⛔️⛔️⛔️⛔️ و الأسبرين برضو إلا بعد استشارة الطبيب لأنها بتزيد خطر النزيف
و الكورتيزون برضو لأنو بقلل المناعة الاحنا من قبيل بندعم فيها إلا في حالات مرضية معينة زي الأزمة مثلا ولكن بعد استشارة الطبيب ⛔️⛔️⛔️⛔️⛔️

الغثيان :
ممكن ناخد ليه حبوب عشان يخف و نقدر ناكل و نشرب كويس

خلاص كدا دي الأعراض حاحيناها بيجاي بيجاي لحدي ما بقينا كويسين

في أعراض تانية أخطر شوية
زي ألم بطن شديد ، استفراغ مستمر ، نزيف سواء من اللثة أو أي مكان هنا طوالي الأفضل نرجع المستشفى !

تعالو نمشي للصفائح الدموية
في حتات دلعو حمى الضنك و سموها حمى الصفايح 😂
عشان ارتبطت عندهم ب انها الصفائح بتنزل فيها شديد
السبب الرئيسي لنزول الصفايح دي انو الفايرس بمشي نخاع العظم محل بتُنتج الصفايح دي و يقلل لي إنتاجها!
معناها احنا بس محتاجين نتخلص منو في أسرع وقت ممكن و ما نخليه يتمكن من الجسم عشان الصفائح ترجع لطبيعتها .
و بترجع لطبيعتها بعد زمن ما تتوقع انها ترجع طوالي بعد حسيت انك كويس خليها على راحتها
ما عندها دواء و ما عندها حاجة بتزيدها إلا نقل الصفائح الدموية و دا إلا في حالات النزيف و بكون في المستشفى

المضاعفات:
كتيرة منها النزيف و هنا بقت حمى ضنك نزفية ولازم نمشي المستشفى
مضاعفات ناتجة من الجفاف ، مضاعفات ناتجة من نقص الصفائح ، و مضاعفات تانية كتيرة ما عايزين نصل ليها ان شاءالله

أي أعراض زيادة ، نزيف من أي مكان ، نرجع المستشفى
الفحوصات ان أمكن في البداية نعملها كل يوم و يشوفها الطبيب و نحتفظ ب النتايج القبلها للمقارنة

ما عندنا دوا تاني بناخدو عشان نعالج الضنك !
لكن
الضنك مرات بيجي معاها أمراض تانية ما شرط هي السبب
ممكن تكون بس تزامن مع بعض (ربنا بيحبك و عايز يكفر ليك سيئات و يديك. أجر زيادة )
هنا بندي علاج تاني حسب المرض
التهاب ندي مضاد حيوي مناسب
الناس العندهم سكري وضغط أو أي مرض مزمن لازم يواصلو علاجهم و يرجعو ل الدكاترة المتابعين معاهم

و هكذا ..

ما نتشالق و نبلع أدوية ساي عشان الأدوية دي في الأساس سموم و قد تضر برضو !

طبعا عشان ما نصل ل دا كللوووو
نحمي نفسنا من الباعوض الناقل ليها أو من الباعوض عموما كلو ما كويس 😂
الناموسيات
الموية الراكدة مافي سبب ليها نهائي نهائي نهائي
نتغذى كويس خصوصا لو احنا في حتة فيها الوباء عشان الفيروس لما يجي يلقى جسمك قادر يتحمل ما يرميك

الخلاصة:
نتغذى كويس و نروى و نعالج الألم و الأمراض الأخرى و ان شاءالله ما نصل لمرحلة المضاعفات 💕

و طبعا طبعا الوقاية خير من العلاج 😘
ودمتم سالمين ❤️

12/08/2025

اليوم العالمي للشباب – 12 أغسطس
في هذا اليوم، نقف احترامًا وفخرًا بكل شابة وشاب يصنعون الفرق في مجتمعاتهم، ويُثبتون أن التغيير يبدأ من الداخل.
في ولاية الجزيرة – السودان يتجلى دور الشباب بصورة مبهرة، ليس فقط كقوة عددية، بل كقوة واعية، مبادرة، ومؤثرة في كل جوانب الحياة.

الصحة والبيئة
شباب الجزيرة يقودون مبادرات *إصحاح البيئة*، من نظافة الأحياء والأسواق، إلى حملات التوعية حول الوقاية من الأمراض مثل الكوليرا، والملاريا.
يشاركون في التثقيف الصحي، ينشرون الوعي بأهمية غسل اليدين، التعامل السليم مع النفايات، وتوفير مياه الشرب النقية.

من خلال الدورات التدريبية، وحلقات التعليم غير الرسمي، والمنصات الرقمية، يُطور الشباب مهاراتهم في مجالات متعددة مثل الحاسوب، اللغات، والتقنية.
ويساهمون في تدريس الطلاب، ودعم التعليم المجتمعي، خاصة في المناطق الريفية.

✳️ رسالتنا :
الشباب ليسوا فقط قادة الغد، بل هم بناة اليوم، وأمل المستقبل. علينا جميعًا – كمجتمع، ومؤسسات – دعمهم وتمكينهم وإشراكهم في صناعة القرار.

كل عام وشباب السودان بخير، أنتم وقود النهضة، وروح الحياة

28/05/2025

*وايبير تهتم بصحة إنسان ولاية الجزيرة*
🔹 حملة توعوية للوقاية من الكوليرا 🔹

الكوليرا مرض معدي وخطير، لكنه *قابل للوقاية والعلاج* إذا وُجد الوعي.
وايبير تنبه وتثقف لحماية مجتمعنا الغالي.

*أولاً: طرق الوقاية من الكوليرا*
✅ شرب مياه نظيفة ومغلية أو معالجة بالكلور
✅ غسل اليدين جيداً بالصابون قبل الأكل وبعد دخول الحمام
✅ غسل الخضروات والفواكه جيداً
✅ تغطية الطعام وعدم تركه مكشوفاً
✅ التخلص الصحي من الفضلات ومياه الصرف
✅ تنظيف خزانات المياه وتغطيتها
✅ عدم استخدام المياه الراكدة أو غير المأمونة

*ثانياً: الأعراض الشائعة*
⚠️ إسهال مائي شديد ومفاجئ
⚠️ قيء متكرر
⚠️ عطش وجفاف شديد
⚠️ تقلصات عضلية
⚠️ ضعف عام وهبوط في الدورة الدموية

*ثالثاً: الإسعاف الأولي للمصاب*
🚑 إعطاء المصاب محلول معالجة الجفاف فوراً
🚑 نقله إلى أقرب مركز صحي
🚑 الاستمرار في إعطائه سوائل آمنة قدر الإمكان

*رابعاً: العلاج*
💊 يتم تحت إشراف طبي، ويشمل:
- تعويض السوائل والأملاح
- المضادات الحيوية في الحالات الشديدة
- المتابعة المستمرة لحالة المريض

🌱 *نحن نحكيكم، نحميكم*
وايبير تضع صحة الإنسان أولاً... ووقايتك تبدأ منك.

#وايبير #الكوليرا