Doktor Psikologu

28/02/2026

PSE DUAM TË VUAJMË

KAQ SHUMË?

Njerëzit janë krijesa të çuditshme. E ndjejnë se në thelbin e qenies së vet kanë diçka të perëndishme, por mendimet dhe veprimet rrallë puqen me atë që është e mirë dhe e logjikshme.

Nga lajmet e ditës e kuptova
se një burrë p***a vrarë një
grua dhe është dënuar me
burgim të përjetshëm.

Një ngjarje e tmerrshme, dhe
gati po aq të tmerrshme më
duken gjith’ ato moralizime,
nënçmime, sharje e thirrje për
varje, pas kumtimit të dënimit.

Askush nuk u kujtua të thotë:
- Mjaft! Ai dënimin e ka marrë,
pse duhet të hedhim gurë mbi të?

Të lutemi për shpirtin e tij, se ka
diçka përtej asaj që duket shesh*t.
Një familje e traumatizuar, një shoqëri trundezur që i ka humbur vlerat themelore dhe qetësinë shpirtërore(!)

Sa më shumë të indinjohemi me dikë e diçka, aq më tepër shtohet energjia agresive në mjedisin tonë, dhe ajo që e dëbojmë na bie në kokë. Ky është shkaku që tragjeditë përsëriten: energjia agresive përhapet si tym duhani, dhe nesër mund ta pësojmë ne.

Ta ndjejmë pikëllimin, të vajtojmë,
e të mos moralizojmë. Të reflektojmë rreth shkaqeve që i kanë paraprirë kësaj tragjedie, dhe të kujdesemi për çdo fëmijë dhe për çdo familje.

28/02/2026

LOGJIKA

Si të zbutet
një ndjenjë në zemër,
si të bëhet intuitë?

- Arsyeja është
ky emër - mendimi
me logjikë.

Ndjenja mund
të jetë bosh,
ndjenja mund
të jetë e zjarrtë;

Po pa arsye
të shëndoshë,
s’ka intuitë
rrezeartë.

(idemisai)

28/02/2026

E vërteta është e mbështjellë me dyzim. Ku ka ‘besim’ nuk ka zhvillim!

28/02/2026

P***a një ligj në këtë jet’: -Kur e përjashton dikë, nuk je më komplet!

09/12/2025

UNIVERSI
NUK GJYKON.
MORALI ËSHTË
SHPIKJA JONË

05/12/2025

25/11/2025

25/09/2025

PASOJAT E
FARMAKO-
PSIKIATRISË(!)

- Akathisia awareness

16/08/2025

Struga fakte

16/08/2025

🩷RACINI DHE MIGJENI❤️

Dy fate të ngjajshme,
dy kombe, një fe:
zemra e poetit☺️

Koço Racin (1908-1943)

Në foto, një strofë nga
“Beli mugri” - Agimet
e bardha🌅

PS:

Për një përkthim
sa më të denjë,
kërkoj ndihmë
nga miku im Agim
Mustafai🙏🙋‍♂️

16/08/2025

VETËVRASJET

TE BRANKOV MOST

Gjatë një udhëtimi me tren,
para shumë vitesh, e bleva
një revistë serbe për të marrë
vesh se ç’bëhej andej.

Në faqet e fundit e lexova
një shkrim në lidhje me
hedhjet gjithnjë e më të
shpeshta vetëvrasëse
nga ura Brankov most.

Aty e kuptova se kjo urë
dikur quhej “Ura e vëllazërimit
dhe bashkimit”.

Vetëvrasje shumë simbolike,
ashtu si dhe disa vrasje kolektive
më vonë, e si trazirat e tanishme.

Ka një ndërgjegje etnike që
na afron e na bën të fortë duke i përjashtuar a duke i vrarë të tjerët.
Por, vjen një ditë dhe
zgjohet ndërgjegjja supreme,
ajo që nuk i pranon veprimet
e asaj së parës, dhe kjo nuk
vjen as si hakmarrje, as si dënim,
po i ka njësoj të dashur edhe
viktimën edhe vrasësin.

Kjo po ndodh sot në Serbi:
janë ndarë rolet: disa kanë
energji viktime, disa energji
vrastare. E njëjta gjë ndodh
aty-këtu edhe në Kosovë.

Dhe ne habitemi! Nga erdhi
kjo energji vrastare?
-Ndoshta erdhi si pasojë
e një indinjate të vazhdueshme
që nuk le vend për pajtim
e për paqe.

Nuk i lëmë viktimat
t’i mbyllin sytë,
duke u mllefosur
në emër të tyre🤔

Me nderime,

DoktorPsikologu😎
nga një hije shtogu🏝️

16/08/2025

KONFLIKTET NDËRETNIKE

(You can not fight
the conflict from the past
in the present)

Konfliktet ndëretnike “trashëgohen”, njësoj si edhe konfliktet familjare, duke kaluar nga një brez te tjetri. Por, pjesëtari i brezit të ri, në shpirtin e të cilit rron konflikti i mëhershëm, nuk ka “mandat” dhe energji për të gjetur zgjidhje, dhe ngarkohet me ndjenja pasive që e pengojnë zhvillimin personal. Udha e vetme është PAJTIMI

Te konfliktet ndëretnike, padrejtësitë dhe krimet e dikurshme shkaktojnë indinjatë te pasardhësit, një indinjatë të kotë se ky brez nuk mund ta zgjidhë një krim të vjetër, dhe me mllefin e konzervuar e pengojnë parasëgjithash vetveten.

Në vend që të orientohemi në atë që është e padrejtë sot, ne humbim energji duke shikuar çka ndodhur dikur. Shkrimet tona janë plot histori, pa ardhmëri, se sikush do të tregohet më atdhetar se tjetri duke mbajtur veshur petkun e viktimës, dimër e verë.

Te portali Struga fakte u shfaq dhe u zhduk sot një shkrim në gjuhën maqedone. Ndërgjegja na përkujton se mund të jetojmë më mirë, pa u kthyer në histori, por kjo nuk mund të arrihet pa respekt të ndërsjellë e të pakusht. Nuk ka paqe pa mendime paqesore. Ne mund të afrohemi dhe të jetojmë më mirë së bashku, duke i respektuar kufijtë e njëri tjetrit: duke e pranuar kombin tjetër ashtu si është. Nuk ndihmojnë slloganet pozitive kur në realitet kundërshtohet miratimi ligjor i gjuhës shqipe në MV.

E njëjta gjë vlen edhe për atë se neve ‘na djeg’ që vëllezërit sllavë ishin më të zgjuar dhe e lidhën emrin e gjuhës së tyre me emrin e moçëm Maqedoni. Mua, nuk ma heq kush shkabën nga zemra, nëse them se jam pasardhës i atyre që kanë jetuar këtu me shekuj, dhe se ky flamur shtetëror me rreze dielli 🇲🇰 është edhe imi, edhepse flamuri me shkabë 🇦🇱 më bën të ndihem paaak më shumë shqiptar😉

Maqedonia i ka të gjitha mundësitë për zgjidhje paqësore të problemeve.
Ju e shikoni se politikanët luajnë me ndjenjat tona të kompleksuara, për interesat e veta. Përça dhe sundo!
Indinjata është destruktive. Përvoja njerëzore nxjerr në pah ligjësinë e jetës:

Nuk mund ta luftosh
një luftë të moçme
në kohën e tashme(!)

Me nderime,

DoktorPsikologu😎
nga një hije shtogu🏝️

16 gusht 2025.