https://www.facebook.com/1102722446517931/

Rahiima Hajji, Bosaso (2025)

15/03/2022

🥀

27/12/2021

shey qofki laasimo adunka wanag ayuu
ku nolanaya haduu dhimanayana shahaado ayuu ku dhimanaya (ajirka ninka mujahidka ilaa laga dilo)

1. wax kasto inaat ka hormariso BISMILLAHI
2.waxa kasto markaat ka faaruq noqotana waa inaat dhahdaa ALXAMDULILAH
3. waxaat dhibsato marakaat aragtana waa inaad dhahdaa LAA XOWLA WALA QUWATA ILA BILLAH
4. marku arko wax cajab galiyana waa inuu dhaha LAA ILAHA ILALLAH
5. hadey asiibto musiibana waxuu dhahayaa INA LILLAHI WA INA ILEYHI RAJICUN
6. hadu doono inuu ficil sameeyo waxuu dhahaya INSHA ALLAH
7.markuu danbabana waxuu dhahaya ASTAQFURULLAH
marka hadad todobadaas ficil lasinto adunka wanag ayaat kasbaneysa akhirana waxaad leedahay ajirka shuhadada oo kale inshaallah
ilahay ha inaga yeelo kuwo daa,imo todobadas ficil ee aan soo sheegnay‼

AMIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIN Fadlan Dheh Walalahada kalana ha faidaanee.

kana like saar si aa uga mid noqoto asaxabta ku xiran

14/12/2021

"Ma garanayno dhulkee, qalbigee, iyo go'aankee inoo wanaagsan, balse waxa aan aaminsanahay in wanaaggu yahay waxa Eebbe noo dooray!"

—Muxammad Al-Shacraawi

07/12/2021

🥰

08/11/2021

Qofka maal Doonaya waa kii malin un dhargaa
Lkn qofkii Cilmi doonayaa ma dhergo
تذكر أن التعلم ليس له نهاية إلا الموت

28/10/2021

Halkaan kaga faaidayso dhowr xikmadood oo qiimo badan:

1- Hadii aad saxan tahay, uma baahnid in aad xanaaqdid, Hadiise aad qaldan tahay xaqba uma lihid inaad xanaaqdid..!

2- Dulqaadka aad qoyskaada u muujiso waa Jaceyl Dulqaadka aad dadka u muujiso waa Xushmad/Qadarin
Dulqaadka aad naftaada u muujisana waa kalsooni aad isku qabto.

3- Weligaa aad ha uga fekerin wixii aad soo dhaaftay, waxey kugu dhalin kartaa xusuus qaraar. Weligaa si weyn ha uga fekerin waxa soo socda, waxaad dareemi kartaa cabsi mustaqbalka ah Ka faa’iideyso xiliga aad ku sugan tahay adigoo dhoola cadeynaya, ilaaheyna ku kalsoonoow.

4- Imtixaan kastoo nolosha ah wuxuu ku tusaa wel wel ama rajo wanaagsan Dhib kastoo kusoo marana wuxuu kaa dhigaa qof jaba, ama qof sii jira oo ad adag. Si kastaba, qadarta ilaah waa mid mar walba jirta, doorashaduse waa dhankaada, hadii aad noqon laheyd qof guul wade ah, ama guul dareyste.

5- Ha raadinin qof waji qurxan leh, balse waxaad raadisaa qof qalbi wanaagsan leh, Maxaa yeelay wax walboo kula qurxan ma wanaagsana, balse wax walboo kula wanaagsan wey qurxan yihiin.

10/03/2021

TAXANAHA CAAFIMAADKA.

Faa’iidooyinka Caafimaad ee laga helo Tufaaxa.

Tufaaxu waa miro ka mid ah khudaarta, Geedka tufaaxa oo saynis ahaan lagu magacaabo Malus domestica waa geed miro macaan leh kaasi oo la cuno khudaarta uu dhalo, geedka tufaaxu wuxuu asal ahaan markii ugu horeysay laga helay bartamaha qaarada Aasiya, halkaasoo la sheegay in ilaa maanta laga helo noocyo badan oo tufaax ah.

“An apple a day keeps a doctor away” waa odhaah reer galbeed ee inbadan jirtay, macnaheeduna waa maalinkasta hadaad mid tufaax ah cuntid dakhtar u baahan maysid oo ka dhigan si fudud u xanuusan maysid. Talow maxaa ka jira odhaahdan, sii akhri si aad u baratid caafimadka ku jira tufaaxa:

1. Tufaaxu wuxu leeyahay macdanta loo yaqaano potassium, calcium, phosphorous, iyo iron. Waxana ku jira in ku filan isticmaalka jirka.

2. Waxaa tufaaxa ku jira walax la dagaalanta kolostroolka (cholesterol) ee xididada dhiiga ku soo uruura.

3. Tufaaxu wuxu burburiyaa dhagaxa xameetida (gallbladder stones).

4. Xabada tufaaxa waxa ku jira “fibers” shan laab ah intuu jirku u baahan yahay maalintii.

5. Tufaaxu wuxu fududeeyaa shaqada beerka, kelyaha iyo kaadi haysta.

6. Waxaa ku jira walaxda loo yaqaano boron ee adkaysa lafaha jirka.

7. Wuxuu tufaaxu yareeyaa halista uu kugu haleeli karo kansarka sambabada (lung cancer).

8. Wuxu yareeya qufaca iyo xaakada.

9. Wuxu caawiyaa in lagaga takhaluso aysiidhka iyo inuu xasilo macaanka.

10. Wuxu kugu caawin karaa inaad miisaanka iskaga ridid.

Akhriste hadaad akhrisatay qormadan caafimaad fadlan saar si ay walaalaha kale ee boggan ku xiran usii gaarto, haddi aad sii garaysid-na kaba sii fiican oo walaalaha iyo saaxiibadaada ayaa waxaad faa'iiday lasii wadaagtay, anigana dhiirigelin bay ii tahay mahadsanidiin.

Hadaad tahay walaal ku cusub boggan, nagula soo biir si aad ula socoto qormooyin iyo muuqaalo xiiso badan.

02/03/2021

TAXANAHA CAAFIMAADKA.

Waa Maxay Faa’iidada Caafimaad ee Laga Helo Mooska?

Moosku wuxuu ka mid yahay khudaarta ugu badan ee dalkeenna laga helo, isla markaana qiimo ahaan ugu jaban, Haddii aad ogaato faa’iidooyinka caafimaad ee mooska, waxaa hubaal ah inay isbeddeli doonto habka aad u aragto, Cunidda moosku waxay kordhisaa tayada faya-qab iyo caafimaad ee aadanaha.

Moosku waxa uu leeyahay tamar (Energy) waxaana laga helaa maaddada Potassium-ka oo faa’iido weyn u leh caafimaadka. Sidoo kale mooska waxaa ku jiro borotiin loo yaqaano “Tryptophan” oo maskaxda firfircooni siiya.

Sidoo kale mooska waxaa laga helaa macdanno kala duwan sida fitamiinnada B6, C, macdanta magnesium, copper, protein iyo dufan.

Mooska waxa uu leeyahay faa’iidooyin aad u tiro badan oo aan halkana lagu soo koobi karin waxaana ka mid ah:

1:Wuxuu isu-miisaamaa dheecanada jidhka “hormones” mooska waxa ku jira xaddi badan oo maaddooyinka Potassium iyo Vitamin B6 ah kuwaas oo sarre u qaada soo saarista xaddiga dheecaan walba ee loo baahanyahay.

2:Dhiig-karka: Mooska waxaa aad ugu badan maadda potassium, waxaana ku yar cusbada. Hay’adda maamusha cuntada iyo daawada ee dalka Mareykanka ayaa u oggolaatay shirkadaha mooska ka shaqeeya inay si rasmi ah u sheegtaan in mooska uu awood u leeyahay inuu yareeyo khatarta dhiig-karka iyo shalalka.

3:Wuxuu yareeyaa Niyad-jabka “Depression”: Moosku wuxuu yareeyaa heerka cadaadiska maskaxda ee ka dhasha wel-welka, walbahaarka iyo caloolyowga.

4:Waxa uu daweeyaa gaaska: moosku waxa uu ka hortagaa gaaska iyo nabarrada ku samaysma caloosha iyo mindhicirrada, Sidoo kale moosku waxa uu daweeyaa gaaska iyo nabarada caloosha.

5:Moosku wuxuu ilaaliya Tayada dhiiga: moosku waxa uu ilaaliyaa tayada iyo caafimaad qabka nudayaasha dhiiga, Cun 2 moos ah subax walba si aad uga badbaado dhiig-la’aanta.

6:Waa u daawo calool istaagga: Maadaama moosku ka mid yahay cunnooyinka ama khudaarta qolofta amaba diirka leh “Fiber” waxa uu daweeyaa calool istaagga, Cun 2xabo oo moos ah maalin walba oo ka takhallus calool istaaga.

7:Waxa laga helaa tamar “Energy”: Mooska waxaa ku jira 3 nooc oo sokor dabiici ah oo kala ah fructose, glucose iyo sucrose kuwaas oo ka caawiya jirku in uu helo tamar ku filan.

8:Wuxuu xoojiyaa lafaha: Moosku waxa uu xoojiyaa lafaha, Moosku wuxuu fududeeyaa nuugista calcium ka oo ah maaddo lafaha u roon. Sidaa darteed waxa uu lafaha ka dhigaa kuwo caafimaad qaba oo xooggan.

9:Wuxuu la dagaallama cudurrada: Moosku waxa uu yareeya sumowga jirka waxaana uu jirka ka nadiifiyaa wasakhda.

10:Wuxuu kordhiyaa xusuusta: cunidda moosku waxay sare u qaaddaa awoodda xusuuseed ee qofka, Xaddi badan oo ah Maadooyinka tryptophan, potassium iyo magnesium ee ku jira moosku waxay sare u qaadaan xusuusta.

11:Waxa uu yareeyaa halista dhiig-karka: Moosku waxa uu yareeyaa halista qofku ku qaadi karo xanuunka dhiig-karka “Dilaaga aamusan”. Maadaama mooska ay ku yartahay maaddada Sodium isla markaana ay ku jirto Potassium badan wuxuu 10% yareeyaa halista dhiig-karka.

12:Wuxuu caawiya Luminta miisaanka dheeriga ah: Moosku waxa uu sahlaa saarista iyo luminta baruurta aan loo baahnayn ee jirku kaydiyo.

Qodobkee Darenkaaga Si Gaar Ah Usoo Jiitay?

Akhriste ugu yaraan hadaad akhrisatay qormadan caafimaad fadlan saar si ay walaalaha kale ee boggan ku xiran usii gaarto, haddi aad sii garaysid-na kaba sii fiican oo walaalaha iyo saaxiibadaada ayaa waxaad faa'iiday lasii wadaagtay, anigana dhiirigelin bay ii tahay mahadsanidiin.

Hadaad tahay walaal ku cusub boggan, nagula soo biir si aad ula socoto qormooyin iyo muuqaalo xiiso badan.

Dr.Liiban

06/02/2021

Taxanaha Caafimaadka

1. Haka cabsan geerida sababtoo ah marka aad cabsato hormone-ka Adrenaline ayay maskaxdaadu aad usoo daynaysaa taas oo qofka ku keeni karta isla dhimashadii uu ka cabsanaayay

2. Ka fogow jikada hadii aad isku aragto cunta qaadashadaada in ay sii yaraanayso. Carafta raashinka jikada kasoo baxayso waxay yaraysaa Appetite-ka qofka

3. Ha dhaqaajin jirkaaga hana is gadgadin muddo 15 daqiiqo ah. Xilliga hurdada qofka aan is dhaqaajin muddo 15 daqiiqo ah, hurdadu si fudud ayay uga timaadaa

4. Qor waxa aad ku riyootay isla marka aad hurdada ka kacdo. Qof kasta wuxuu haystaa muddo 5 daqiiqo oo ku xasuusan karo wuxuu ku riyoooday. Shan daqiiq kadib ma sheegi karo waxa uu ku riyooday

5. Isku qabo indhaha markaad imtixaan ku jirto. Indhaha oo la isku qabto xilliyada imtixaanka waxay qofka ka saacidaa in uu xusuusto waxyaabaha uu hilmaamsan yahay

Qodobkee Dareenkaaga Soo Jiitay

La Wadaag Walaalaha Cusub Si Ay Uga Faaiidaystaan

Waahin sabriye

05/02/2021

Hab-Fikirka Iyo Hab-Dhaqanka

"Waxa jira laba arrimood oo dadka lagula socdo lagagana hadho, waa: Habdhaqanka iyo hab-fikirka.
Labadaas ayaa cid kaa aqoon badan, kaa adduun badan oo kaa aragti dheer ku raaciya, kaanna reeba."

Hab-dhaqanku waa sida aad ula macaamilayso dadka, hadal ahaan iyo ficil ahaanba. Waa qaabka lagu ogaanayo in aad tahay qof dhaqan suubban ama mid anshax darran. Kumana xidhna hab-dhaqankaaga wanaaggiisu muuqaalkaaga iyo labiskaaga toonna, balse waa ficillada ka soo muuqanaya iyo hadallada kasoo baxaya.

Hab-dhaqanka qofka wanaagsani waa in aanu aqoon cayda, af-xumada, dhaliisha faraha badan, hadallada qalafsan iyo muranka.
Waa in uu yahay qof akhlaaq wanaagsan, ixtiraam badan, isku kalsoon, hadal wanaagsan, mahadcelin badan, degdeg badnayn, dulqaad iyo samirna daris la ah.

Hab-fekerkuna waa waxyaabaha iyo fikradaha maskaxdaada dhexdooda ka soo maaxanaya, sida aad u fakarayso tabnaan ama tognaan, meelaha aad wax ka eegayso, miqyaaska aad saarreyso, aragtiyaha ka soo burqanaya iyo sida xaalladuhu kuula muuqdaan.

Hab-fikirkiisu waa in uu noqdo ama u jaanjeedho dhanka wanaagga, marwalba qof aanay xumaanta oo kaliya u muuqani ama wax walba dhanka xun uun uga fekerin. Balse hab-fikirkiisu ha u noqdo mid caafimaad qaba oo dhanka wanaagsan wax ka eegaya.

Labadaas oo wanaagsanaada qofka waxa ay ku daraan dadka ka sarreeya ama waxa ay ku dhex hayaan in aad bulshada ku dhex jirto; labadaas oo lagaa waayana ama kaa xumaada waxa ay kaa dhex saaraan ama ku nacsiiyaan bulshada.

Ugu dambayn, qofna haku qiimayn muuqaalka sare iyog sida uu eg yahay, balse miqiyaaska aad qof kula socon karto ama kaga hadhi karto ha ku ahaaro hab-dhaqankiisa iyo hab-fikirkiisu.

Fadlan, Walaal adigoo Mahadsan Share dheh, oo la wadaag walaalaha kale si ay u akhriyaan qoraalkan.
Qalinkii: Maxamed Deeq Darajo

Rahiima Hajji

15/03/2022

27/12/2021

14/12/2021

07/12/2021

08/11/2021

28/10/2021

10/03/2021

02/03/2021

06/02/2021

05/02/2021

Address

Website

Alerts

Contact The Practice

Shortcuts

Share

Category