Ahzab Medical Herbal (2026)

01/02/2024

Malabka Lamaanaha Iyo Farsamooyinka La Isticmaalo

Caadi ahaan malabka waa noocyo badan yahay waxaase jira laba nooc oo ka mid ah malabka oo ah kuwa ugu fiican waana malabka cad iyo malab gaduudan inkastoo labadaba sii kala fiican yihiin

Malabku wuxuu u fiican yahay qulqulka dhiiga, wuxuu kor u qaadaa awoodda wadnaha wuxuuna xoojiyaa taranka labada lamaane wuxuu sifeeya dhiiga wuxuuna daawo u yahay cagaarshowga

Faaiidooyinka malabka ma ahan wax lasoo koobi karo wuxuuna sidoo kale ka ilaaliyaa beerka in dufan ku samaysmo wuxuu daawo u yahay nabarada kasoo baxa afka, bishimaha iyo carabka

Waxaa maalmahan aad usoo badanaya malab la sheegay inuu si gaar ah ugu fiican yahay raganimada oo marka ninku cabo dareenkiisa kor u qaada taas oo dad badan ay aad u iibsadeen

Caafimaad ahaan ma jiro malab u gaar ah lamaanaha ama gogosha balse xeelada ay isticmaalaan dadka ama shirkadaha malabkan gada ayaa ah inay dawoyin kale ku daraan malabka

Maadooyinka dabiiciga ah ee malabka ku jira iyo daawooyinka lagu daro malabka ma ahan kuwa is qaadanaya caafimaad ahaan waxaana qofka ku keeni doonaan halis iyo khataro caafimaad

Xanuunada laga dhaxlo malabka ay ku sheegaan malabka lamaaja waxaa ka mid ah sokor, dhiigkar, kalastarool, xanuuno maskaxda ah, unugyada dhiiga oo isbedela iyo qanjirada oo shaqada yareeya

Sidaa darteed malab hadii aad isticmaalayso ha noqdo malab saafi ah oo aan wax sokor ah ama daawooyin kale lagu darin, malabka ugu fiican qofku isticmaali karana waa malab caddaha

Dr Waahin Sabriye

01/02/2024

Maxaa Keena Infekshannada Galmada Lagu Kala Qaado ee Soo Noqnoqda 7 Sabab

Maxaa Keena Infekshannada Galmada Lagu Kala Qaado ee Soo Noqnoqda waxaa keena arrimo dhowr ah:

1. Difaaca Jirka: Haddii qofka difaac jirkiisa uu hooseeyao wuxuu si fudud u qaadi karaa infekshanno xilliga galmada

2. Daaweynta Buuxda: Haddii infekshankii h**e aan si buuxda loo daaweyn ama qofku daawada kala gooyo isagoo dhamaysan intii loogu talagalay, wuxuu noqonayaa qof si fudud infakshan u qaado xilliga galmada

3. Isu-tag Galmada: Galmo la sameeyo iyada oo aan loo marin hab sharci ah micnaha Zinada waa mid ka mid ah waxyaabaha qofka ka dhiga mid infakshanadu si fudud ugu soo laalaabtaan madama dad kala duwan galmo la samaynaayo ama la samaynayso.

4. Xaasaska: Yeelashada lamaanayaal badan dhowr xaas waxay kordhisaa fursadaha qofku si fudud ku qaadi karo infakshan xilliga galmada

5. Iska Indho-tirka Calaamadaha: Mararka qaar, infekshannada qaar ma laha calaamado cad ama calaamadaha ayaa fudud, taasoo keenta in dadku iska indho tiraan ama aysan helin daaweyn waqtigeeda ku habboon.

6. Resistance: Qaar ka mid ah infekshannada waxay noqdeen kuwo u adkaysta daaweynta caadiga ah taasoo ka dhigaysa inay adkaato in si buuxda infakshanma looga takhaluso, mcinaha daawadii saxda ahayd in uusan qofku helin

7. Cudurada La Iska Qaado: Qaar ka mid ah cudurada galmada lagu kala qaado sida herpes ge***al iyo HIV waa kuwo joogto ah oo aan daawo ciribtiraysa lahayn taasoo keenta inay soo noqnoqdaan infakshanada

Daaweyn hufan iyo ka hortag waa muhiim si loo yareeyo halista infekshannada galmada lagu kala qaado ee soo noqnoqda.

Dr Waahin Sabriye

01/02/2024

Xaalado Kala Duwan Uu Keeni Karo Hoos U Dhaca Hormoonka Testosterone 7 Xaalad 0
BY DABIIB ON JANUARY 14, 2024ARIMAHA QOYSKA
Xaalado Kala Duwan Uu Keeni Karo Hoos U Dhaca Hormoonka Testosterone 7 Xaalad

Testosterone waa hormoon muhiim u ah caafimaadka ragga, waxaana laga soo saaraa xiniinyaha iyo, qayb ahaan iyo qanjirka ‘adrenal’. Marka heerarka testosterone ay hooseeyaan, waxay saameyn kartaa jirka iyo maskaxda.

1. Ragga qaba heerarka testosterone ee hooseeya waxay inta badan ka sheegtaa daal joogto ah. Tani waxay saameyn ku yeelan kartaa howl maalmeedkooda sababtoo ah daal aan dhamaad lahayn ayaa saaran xitaa hadii aysan shaqo culus qaban

2. Testosterone oo hooseeya waxay sidoo kale saameyn kartaa niyadda. Ragga qaar waxay la kulmaan niyad-jab, walwal, ama dareenka ah inay yihiin kuwo aan qiimo lahayn. Ragga stresska waxa ugu badan u keena waa hoos u dhaca ku yimaada hormoonka Testosterone

3. Mid ka mid ah saameynaha ugu caansan ee hoos u dhaca testosterone waa yaraanta libido ama xiisaha galmada ninku u haayo, hadii aad aragto adigoo ka caajisaya galmada ama dareenkii xiisaha lahaa ee aad u qabtay galmada kugu sii yaraanayo wasxaa yar hormoonka testosterone

4. Hoos u dhaca testosterone waxay keeni kartaa dhibaatooyin la xiriira kacsi iyo awoodda galmada, sida inaad xoog ku kiciso xubintaada halkii ay marka h**e si fudud u kici jirtay iyo in xubinta marka ay kacdo kadib si dhakhsi leh isaga danto kadibna kugu adkaato inay mar kale kacdo

5. Testosterone waxay kaalin muhiim ah ka ciyaartaa dhismaha murqaha iyo ilaalinta miisaanka. Marka heerarka testksterone aad u hooseeyaan, waxaa dabcaya murqahaaha, jir ahaanna qof jiljilcan ayaa noqonaysaa, waxaana mar kasta si fudud u siyaada miisaankaga.

6. Testosterone waxay ka qeyb qaadataa caafimaadka lafaha. Heerar hoose ee testosterone waxay lafaha ka dhigayaan kuwa jilcan in qofku jabana way fududahay sidoo kale waxay keeni karaan isbeddelo maqaarka ah sida maqaar finan joogto ah, dhidid aad u badan iyo qallayl jirka ah

7. Testosterone sidoo kale waxay saameyn ku leedahay shaqooyinka maskaxda sida xasuusta iyo attentionka. Hoos u dhac ku yimaada testosterone wuxuu keeni karaa in xusuustaadu yaraato sidoo kale in aad noqoto qof attentionkiisa uusan soo jeedin oo jir ahaan jooga balse maskax ahaan maqan.

Waa muhiim in la ogaado in xaalado kale oo ka baxsan Testosterone ay keeni karaan astaamahan, waxayna sidoo kale ku xiran yihiin arrimo kale sida caafimaadka guud iyo qaab nololeedka qofka. Haddii aad ka shakiso testosterone-kaagu hooseeyo waa in aad la tashato dhakhtar si loo qiimeeyo xaaladaada oo loona helo daaweyn kugu habboon.

Dr Waahin Sabriye

20/12/2023

Shan Mar U Seexo Dhanka Bidix

1. Marka gaasku kugu kacsan yahay
2. Marka oodimo aad dareemayso
3. Marka madaxu aad kuu xanuunaayo
4. Marka xanuun zaaid ah ku qabto xilliga caadada
5. Marka qandho/xummad ku hayso

20/12/2023

TAXANAHA CAAFIMAADKA

1. Beerka Lo'da
2. Bataatiga
3. Cambaha
4. Barbarooniga
5. Mooska
6. Kaluunka
7. Babaayga

Waa 7 Shay Aad Muhiim Ugu Ah Araga Indhaha Waxaana Todobadan Shay Laga Helaa Maadada Vitamin A oo Muhiim U Ah Indhaha

Qore: Dr Waahin Sabriye

20/12/2023

6 Cunto oo Yareeya Xeyrta Caloosha

1. Shaaha Cagaaran
2. Ukunta
3. Basbaaska
4. Liin Dhanaanta
5. Sanjabiisha
6. Kafee Aan Sokor Lagu Darin

Wixii Suaal Kuu Khaas Ah Marka Lambarks Gaaban 0610 77 65 44

19/12/2023

Niyad jab (Depression)

Niyad jabku waa xaalad caafimaad oo qofka ku keenta murugo joogta ah taas oo saameyneysa nolol maalmeedka qofka.
Niyad jabku waa ka ugu caansan xanuunada saameeya maanka.
Waxa lagu qiyaasaa in boqolkiiba labaatan dadka ku nool wadanka mareykanka uu ku dhaco wakhti ka mida noloshooda.

Saddexdii qofba laba ka mida oo ku dhaco xanuunka niyad jabku waxay la imaadaan cabsho kale markey tagaan goob caafimaad oo aan aheyn niyad jabka tusaale ahaan madax xanuun joogta, dhabar xanuun iyo xanuun jidhka oo dhan ah.

Inta badan dadka uu saameyo niyad jabku ma sheegtaan waxay dareemayaan sidoo kale ma tagaan goobaha caafimaadka sababta oo ah:

1. Waxay ka baqayaan in lagu caayo in qofkaasi leeyahay xanuun maskaxda ama dhimirka ah (Stigma of mental health).
2. Dadka qaar waxay u arkaan niyad jabku iyo dhamaan calaamadaha kale ee qofku dareemayo uu yahay daciifnimo dhankiisa ah balse aaney aheyn xanuun dhab ah.
3. Dadka qaar oo aaminsan in ay tahay il ku dhacdey, sixir iyo jin oo aan u heysan in ay tahay xaalad caafimaad.

Calaamadaha niyad jabka (Symptoms of depression):
■ werwer iyo rajo beel.
■ qofka oo aan wax xiiso ah u qabin waxyaalihii h**e ee uu jeclaa.
■ miisanka oo is dhimo ama kordha.
■ qofka oo xiisaha uu cuntada u qabey yaraado ama kordha.
■ hurdada oo yaraata ama korodha.
■ daal joogta ah.
■ qofka markasta qoomamo joogta ku jira.
■ qofka oo aan go'aan qaadan kareyn.
■ qofka oo ku fikiraya in uu is dilo.

Si loo idhaah qofkaasi waxa uu leeyahay niyad jab waa in calaamada aynu soo sheegnay qofku yeesha ugu yaraan shan calaamadood oo maalin kasta uu isku arkayo mudo laba todobaad ah.

Inta badan niyad jabku waxa uu la socdaa xanuuna kale oo noqon kara kuwa dhimirka ah ama xanuunada aan dhimirka aheyn tusaale macaanka, wadne xanuunka iyo kansarka.

Waa maxay qodobada u nugleyn kara in qofku yeesho niyad jab?

1. Qofka oo uu qoyskiisu leeyahay (family history)
2. Kalsoonida oo naftiisa ku qabo oo hooseysa.
3. isticmaalka maandooriyayaasha sida qaadka ama sigaarka.
4. Qofka oo ku soo korey nolol adag caruurnimadiisii.
5. Qofka oo ku nool nolol buuq badan.
6. Qofka uu waalidkii dhinto.
7. Dakhliga soo gala oo hooseeya.
8. Qofka oo aan taageera ka heysan dadka uu la nool yahay.

Qofka marka uu niyad jabku ku dhaco wax is bedela maadooyinka maskaxdu ku wada xidhiidho (neurotransmitters) taas ayaa keeneysa in qofku yeesho calaamadaha aynu soo sheegney.

Sidee loo daaweeya qofka marka uu niyad jabku ku dhaco?

■Waa in qofku horta fahmaa xaalada uu ku jiro sidoo kale uu taageeraa ka helaa qoyskiisa ama dadka uu la nool yahay.
■ waa in qofku sameeyaa jimicsi iyo isticmaalka cunto caafimad leh.
■Waxa jira oo daawooyin lagula tacaalo qofka marka uu niyad jabku ku dhaco oo loo yaqaano (antidepressents).

Ugu danbeyn waa in aynu fahano in niyad jabku ku dhici karo da' kasta sidoo kale lab iyo dhedigba, qofku u baahan yahay in uu la wadaago wax uu dareemayo dadku ugu dhaw si uu u helo garab iyo talo bixin caafimaad.

25/11/2023

WELCOME TO AHZAM Ahzab Medical Herbal

Ahzab Medical Herbal

01/02/2024

01/02/2024

01/02/2024

20/12/2023

20/12/2023

20/12/2023

19/12/2023

25/11/2023

Address

Website

Alerts

Shortcuts

Share