07/06/2025
Maalinta labaad ee Ciidul Adxaa, Dalladda DINA, oo ah dallad mideysa una ololeysa xuquuqda iyo daryeelka dadka naafada ah ee Soomaaliyeed, waxay si sharaf leh u fulisay qeybin gargaar hilib ah oo loogu talagalay dad badan oo ka tirsan bulshada naafada ah, si ay ula qayb qaataan farxadda iyo barakada Ciidda.
Deeqdan naxariista leh waxaa nalagu soo wakiishay oo si hufan noogu gacan siiyay Ijmaa Foundation for Humanitarian Action (IFHA) – oo si mug leh ugu heelan howlaha bani’aadamnimo iyo garab istaagga dadka nugul.
Waxaan si kal iyo laab ah ugu mahadcelineynaa IFHA iyo LIFE doorkooda wanaagsan iyo kalsoonida ay nagu siiyeen inaan u noqono cod iyo gacan gaarsiisa dadka naafada ah. Waa mid muujineysa kalsoonida ay bulshadeennu ku qabto DINA iyo awoodda ay Dalladdu u leedahay in si hufan oo sharaf leh loogu adeego kuwa u baahan.
DINA waxay mar walba ka go’an tahay in ay sii waddo u adeegidda, u doodista, iyo kor u qaadista nolosha dadka naafada ah — iyadoo mar walba raadinaysa iskaashi wax ku ool ah, sida kan IFHA.
Ciid Mubaarak dhammaan umadda Muslimiinta – gaar ahaan dadka naafada ah ee aan la garab taaganahay farxadda, karaamada, iyo xaqooda buuxa!
