د رزان عصفور أخصائية تغذية- Dr Razan Asfour nutritionist., طرطوس (2026)

23/11/2025

أكل الدايت مافيه حرمان
الفكرة بس نعرف الكمية وطريقة تحضير الوجبة
وهيك منقدر ناكل كل الاكل يلي منحبو وننظم وزننا بنفس الوقت
لتقدر تعمل نظام غذائي صحي ومغذي وتحصل ع النتيجة يلي بتحلم فيها بدون تعب او مجهود
اتواصل معي أخصائية التغذية النفسية والعلاجية عبر واتساب ٠٩٩٤٣٨٧٧١١
وما مننسى أهم شي الحالة النفسية والاستعداد النفسي ل اي شي منعملو بحياتنا💯👍
وانشالله أقدر ساعد كل شخص يوصل للنتيجة يلي بيحبها بكل امان وثقة🖤🌹

09/11/2025

لكل شخص فينا ناطر تتحسن نفسيته,ليحسن شكل جسمه ووزنه،بحب قول انو الحقيقة هيي عكس هاد الشي،لما بتقرر تغير نظامك الغذائي وتحسن شكل جسمك هون بتبدي نفسيتك تتحسن وجسمك يتحسن والامراض تختفي وخصوصا امراض الجهاز الهضمي يلي أغلبها بسبب التعب النفسي بتصير معنا.
أبدأ نظامك الغذائي لخسارة أو زيادة الوزن معي انا أخصائية التغذية النفسية العلاجية الدكتورة رزان عصفور وبتحصل ع نتيجة بتغير كل حياتك لأن العامل النفسي داخل كل إنسان فينا أهم خطوة لتغيير مسيرة حياتنا للأفضل

15/08/2025

بعض النصائح بهالصيف والحرارة:
🌹اعتماد نظام غذائي بيقوم ع فكرة اكل كميات قليلة من الاكل ع عدة وجبات مثلا ٤ ل ٥ وجبات .

🌹شرب ماء بارد بكميات كبيرة لترطيب الجسم لان بهالشوب بيكون الجسم عم يفقد سوائل كتير ومحتاج ترطيب، لهيك منشوف اللي بيقلل شرب مي باردة بيحس بخمول وتعب و دوخة،المي الباردة بترطب الجسم وبتحمي البشرة من الجفاف وبتنظم ضغط الدم لمرضى الضغط وغيرها من الفوائد العديدة.

🌹تقليل اكل الخبز الأبيض والمعجنات والسكر،يلي بتعمل خلل بسكر الدم وتعب للجسم و دوخة،وبتعطينا للأسف شعور دائم بالجوع والرغبة ب اكل النشويات،يعني سيئة للجسم والنفسية.

🌹اعتمد ع الفواكه بشكل أساسي تعد المصدر الأساسي ل ترطيب البشرة والجسم وفيها سكر مناسب يزودنا بالطاقة، واكتر شي نركز ع البطيخ،الجبس،الخوخ، الدراق والفواكه اللي فيا نسبة مي كبيرة، أما العنب التين الموز ف كمان ضروري تناولها ولكن بكميات محددة.

🌹نقلل المنبهات شاي قهوة ،لأن بتزيد ادرار البول وتقليل الترطيب بالجسم،ولما نشربها منشرب بعدها فورا مي باردة للموازنة،ومنتجنب شرب المنبهات بالليل.

🌹منركز ع تحضير مختلف أنواع السلطات بشكل يومي مع الاكل،سلطة ،فتوش ،تبولة،السلطة بتعطيني سوائل وأفضل من خضار نيئة لوحدها.
🌹لتنزيل الوزن منركز وجبة المسا تكون خيار بلبن او متبلة او كاسة عيران مع توم، اللبن بيهدئ الاعصاب وبيساعد ع الاسترخاء ومفيد لتنزيل الوزن

🌹نقلل كمية الملح بالطبخ لعدم حدوث احتباس سوائل وتعب ل أعضاء الجسم وخصوصا الكليتين.

🌹نبلش فطورنا ب بروتين،متل بيض مسلوق ،لبنة،جبنة،قريشة،وما منبلش فطورنا بالسكريات والحلويات لان بتخلينا خمولين وتعبانين كل النهار
نقسم وجباتنا ع وجبة اساسية وبعدا سناك ويفضل السناك يكون فواكه متل ما حكينا.

🌹وطبعا ما مننسى في حالات خاصة من الامراض،مرضى السكري،مرضى الضغط،الحامل،
المرضع...
للي بيحب ينظم برنامج غذائي خاص فيه لا ينسى المتابعة معي عبر واتساب ٠٩٩٤٣٨٧٧١١
ودامت صحتكم بألف خير 🖤🌹

10/07/2025

الأوقات يلي ما لازم تزيني حالك فيها و الحالات اللي بيكون عنا زيادة وزن كاذبة:
١ قبل موعد الدورة الشهرية ب ٤ ايام لحد ما تخلص الدورة الشهرية.
٢ بحال تناول الطعام او شرب الماء، لأن أخد الوزن الصحيح بيتم ع الريق بعد تفريغ الامعاء والمثانة قدر الإمكان.

٣ بحال كنتي متدايقة نفسيا او مكتئبة،الحالة النفسية إلها علاقة بإعطاء وزن غير دقيق( هالشي عن تجربة كتير مهم) بيتقل وزن الجسم والميزان بيعطي زيادة كاذبة

٤ بحال عم ناخد بعض انواع الادوية لفترة معينة متل مانعات الحمل الفموية لازم نعرف انو اذا ما شربنا مي منيح ف هي الادوية الهرمونية بتعمل احتباس سوائل وزيادة وزن كاذبة

٥ بحال أخد الوزن بعد المشي او لعب التمارين الرياضية إجباري رح يعطي زيادة وزن كاذبة، لازم ناخد وزننا قبل الرياضة مو بعدها.

٦ ما مناخد الوزن كل يوم، مناخد الوزن كل أسبوعين بشكل منتظم.

٧ وانا عم اعمل نظام غذائي ما بخلي كل همي اني اوزن حالي واطلع عالميزان نازلة،بهالحالة مارح ينزل وزني عالميزان حتى لو عم انحف،ليش؟ اذا جربتي وصار معك هالشي رح تعرفي ليش، خلي همك تقدمي لجسمك اكل صحي وبس واعتبريه نظام حياة وافهمي شو عم تعملي لتبقى هالمعلومات ببالك عطول.

٨ اذا عندك نقص فيتامينات متل فيتامين د، كلس، فقر دم، وأكلك قليل ورغم هيك مابتنحفي،لا تلومي الميزان انك ماعم تنحفي،عالجي نقص الفيتامينات ولحالو جسمك بينحف.

٩ في اوقات بيمر الجسم بحالات متل تلبك معوي، إمساك، وخصوصي هلى بالصيف والشوب،بيدايق الشخص وبيحس ب انزعاج،انتظري كم يوم لحتى تعالجي هالموضوع بعدين بتزيني حالك

ملاحظة: لازم نعرف انو الميزان مو كلشي، أثناء اتباع حمية غذائية تنحيف او تسمين، مثلا ب نظام التنحيف،اوقات بطلع عالميزان بكون نازلة كيلو وتنين وتلاتة بس شكل جسمي مو متغير، واوقات العكس بطلع عالميزان بيكون نفس الوزن أو أقل بشي بسيط بس بيكون شكل جسمي متغير كتير ومشدود ومقاساتي متغيرة(وهي الحالة اللي انا بحبا وبفضلها) ،هالشي إلو علاقة ب كتلتك العضلية انو عم تزيد مقابل الدهون اللي عم تخسريها وبيتم هالشي وإنتي عم تمشي ع نظام غذائي صحيح غني بالبروتين، منرجع منأكد قوام الجسم وكتلته العضلية المتناسقة أهم من رقمك عالميزان، ومع هيك في اشخاص بيربطو جمالن ب وزنن مع انو منشوف مثلا صبيتين ال ٢ نفس الطول مثلا ١٦٠ و ال ٢ وزنن ٦٠، بس وحدة منن جسما رياضي ومشدود وحلو والتانية جسما فيه زيادة مو حلو ومو مشدود،لهيك خلي عينك عالمراية ع قوام جسمك اكتر ما تخلي عينك عالميزان، وانشالله دائما كلكم بتكونوا بصحة منيحة ودائما بألف خير🖤🖤🖤
ل اتباع نظام غذائي مثالي تنحيف او تسمين والحصول ع نتائج خارقة وصحية عليكي التواصل معي عبر واتساب 0994387711

09/07/2025

سيدرا الغالية،وبسميكي الشجاعة،رغم التعب قدرتي تحققي نتيجة حلوة متلك ،الله يقويكي ويعطيكي الف عافية🖤🖤🖤🖤🌹🌹🌹

05/07/2025

# التمارين الرياضية منلعبها ع معدة فاضية
# لازم نشرب كمية منيحة من الماء خلال ممارسة التمارين الرياضية
# للي حابين ينحفوا، ممنوع الاكل بعد الرياضة لمدة ساعتين على الاقل،وخلال هالوقت مناخد كمية منيحة من المي الباردة والراحة
# ممنوع نلعب رياضة بعد ما نتعب ،لازم العضلة ترتاح وتمر بمرحلة الاستشفاء، مسموح يوميا لعب تمارين رياضية مدة ٤٥ دقيقة .
# قبل ما نبدأ تماريننا لازم نعمل إحماء مشي وتهيئة الجسم للبدء بالتمارين وبعد ما نخلص تمارين منعمل تبريد يلي هوي كمان حركات خفيفة ومشي.
# فينا ناخد كوب قهوة صغير أو كوب شاي اخضر، قبل ما نبدأ بالتمارين بيعطينا طاقة ونشاط لنقوم بتماريننا وما ننسى نكتر مي باردة
# مابيصير نلعب تمارين رياضية طيلة ايام الاسبوع مسموح نلعب ٤ او ٥ ايام حسب شدة التمارين وحسب راحة جسمنا، وجسمنا هوي اللي بيخبرنا انو ارتاح وصار جاهز للتمارين.
# منقلل تناول الكاربوهيدرات ومنزيد معدل البروتين وخصوصا البروتين الحيواني ب وجبات بعد التمرين
# عند أداء التمرين نقوم به ببطء وهدوء لكي لا تتأثر عضلاتنا تأثير سلبي، ومدة الاستراحة بين كل تمرين وتمرين اخر ٣٠ ثانية لدقيقة ليس اكثر
للمزيد من المعلومات المفيدة عن العلاقة بين البرنامج الغذائي والرياضة ،بحال الرغبة بزيادة الوزن أو انقاصه،يؤجر متابعتي والتواصل عبر واتساب 0994387711

رابط يحوي على أهم تمارين حرق دهون البطن👇

https://www.facebook.com/jerseydemic/videos/691544300332528/?mibextid=9drbnH&s=yWDuG2&fs=e

04/07/2025

من أسباب عدم نزول الوزن رغم تقليل كميات الطعام:

1 عدم شرب الماء البارد بكميات كافية حيث أن الماء يحفز الجسم على استقلاب الدهون والتخلص من احتباس السوائل
2تناول فطور غني بالحلويات والسكريات ،يؤثر على عمل الهرمونات في الجسم
3 تناول الطعام في وقت متأخر من الليل يسبب تخزين السعرات الحرارية بدلا من حرقها.
4 نقصان الفيتامينات من الجسم متل فيتامين د،الكلس، وحتى المعادن كالحديد وغيرها.. ،يمنع الجسم من فقدان الوزن رغم تقليل كميات الاكل إضافة إلى الشعور بالارهاق والاكتئاب.
5 عدم تنظيم مواعيد الوجبات يؤدي إلى خلل في عمل الهرمونات المسؤولة عن العمليات الاستقلابية في الجسم.

6 التوتر والتعب النفسي يؤدي إلى زيادة إفراز هرمون الكورتيزول الذي يحفز تخزين الدهون خاصة في منطقة البطن،لذلك اقول دائما أن الحالة النفسية هي أساس علاج مشكلة الوزن
7 عدم النوم ساعات كافية مساءا،لأن قلة النوم تؤثر على إفراز الجسم للهرمون اللازم لحرق الشحوم وعمليات الاستقلاب.

02/07/2025

بناءا ع رغبة بعض الصبايا يلي بيسالوني دكتورة قدي ممكن ينزل وزني بالاسبوع( والادق نقول بالاسبوعين), رح نزل بعض النتائج ليكونو حافز إلنا كلنا بالمثابرة والالتزام🌹🌹🌹
ملاحظة: انا مابحب فكرة تنزيل بوست صور قبل وبعد، بحب الخصوصية وكل صبية حلوة بجسما قبل وبعد ،كل مرحلة من حياتنا حلوة ومالازم نلغيها ،انتي نفسك بالماضي كان عندك مشكلة بجسمك بس لولا تصبري وتكافحي وتكوني قوية ماكنتي وصلتي للبعد،لا تلغي شخصيتك ب ولا مرحلة من مراحل حياتك ،والروح الحلوة احلى شي بكل شخص فينا 🖤🙏

01/07/2025

دودو الغالية اللطيفة فخورة فيكي كتير ،وانشالله كل الصبايا الحلوين بيوصلوا معنا للنتائج اللي بيتمنوها🖤🌹

26/06/2025

صباح الخير ل الوردات الحلوين اللي حابين ينحفوا، هلى بلش فصل الصيف خلونا نبلش سوا ب تحدي الصيف، لا تخلي كم كيلو زيادة بجسمك يتعبلك نفسيتك او يمنعك تلبسي متل ما بتحبي او تاكلي متل ما بتشتهي من الاكل، سوا رح نعمل نظام غذائي فيه كل أنواع الاكل بطريقة صحية وبكميات كبيرة بتحسي بالشبع والطاقة والنشاط
بعض اسباب زيادة الوزن:

1 الحالة النفسية: واللي هيي بالنسبة إلي السبب الأول ل اي مشكلة بتصيب جسمك ،لما تكون نفسيتك مرتاحة ف انتي قادرة تحققي النتيجة اللي بتتمنيها وبسرعة.

2 الخربطة الهرمونية عند اغلب الصبايا: واللي بتعمل انزعاج وتوتر وبتميل البنت للأكل لتلاقي راحة نفسية وخصوصا الميل ل اكل الحلويات قبل الدورة الشهرية.
3 الاكل العاطفي: بعض الصبايا بيحسو ب اكتئاب وتعب وبيميلو للأكل حتى ولو مو حاسين بالجوع وخصوصي الاكل المالح والنقرشات.

4 فقر الدم وعوز الحديد: بيعمل ثبات بالوزن وزيادة فيه لبعض الصبايا وحتى لو اكلها قليل بتلاقي وزنا عالي وشعرا خفيف وعندا دوخة بتخاف تقلل اكل اكتر وبيسببلا هالشي إحباط نفسي

5 نقص فيتامين د: واللي هوي فيتامين مهم كتير بجسمنا وعمليات الجسم الحيوية ونقصه بيعمل اكتئاب وخمول وزيادة وزن.

6 العامل الوراثي:غالبا العامل الوراثي بيلعب دور ك شكل الجسم ومناطق زيادة الوزن بالجسم وغيره.

7 صبية ماعندا شي من هدول بس بتاكل كتير ولهيك وزنا زائد😅، هي حلها نظام غذائي صحي يضبط انسولين الدم عندا وتبطل تاكل كتير وتصير تاكل باعتدال.

8 نقص الفيتامينات من الجسم، ع عكس ما يشاع أنو الفيتامينات بتنصح، تعويض الفيتامينات الناقصة بيوصلنا للوزن المطلوب،يعني لما يكون عندي نقص فيتامينات واخدها وكون نحيفة بنصح يعني اخدت جسمي للمنحى الصحيح،ولما يكون عندي نقص فيتامينات وانا ناصحة واخدت فيتامينات ف جسمي رح يتخلص من الوزن الزائد وكمان يوصل للوزن الصحيح وصلت الفكرة؟
9 تكرار الولادات عند النساء بتعمل زيادة وزن خصوصي بمنطقة البطن وبتكتئب الصبية من وزنا الزائد وماعد تقدر تسيطر عليه،وبتضطر تنسى مظهرها وبتنشغل بتربية اطفالها وماعد تحاول تسترجع مظهر جسمها القديم.

ولسا في كتير وكتير اسباب لزيادة الوزن،لحتى تعالجي مشكلتك لازم أول شي تكوني مستعدة نفسيا وعندك ارادة، تاني شي لازم تحددي السبب صح لتاخدي العلاج الصح، تالت شي لازم تتبعي نظام غذائي مع اخصائي تغذية يعلمك الخطوات صح ويتابعك لتكوني بصحة منيحة وأمان .

رح كون معكن دائما بأنظمتي الغذائية السهلة التطبيق من قلب مطبخك بتقدري تحضري اكلاتك الصحية بدون تكلفة،ومتابعة اونلاين واتساب من قلب بيتك بتقدري تلتزمي معي ، وبأجور رمزية قليلة كتير ١٥ الف للبرنامج مع المتابعة الاسبوعية ،وبتناسب وضعك وبتفهم وضع اي صبية ،و اي استفسار رح كون جاهزة دائما للدعم النفسي والمعنوي والطبي ل اي شي بتحتاجيه، وانشالله تكون صحتكم دائما بألف خير 🖤
رقمي واتساب 0994387711
رابط صفحتي https://www.facebook.com/profile.php?id=61555956223063&mibextid=ZbWKwL
بتشرف فيكن وبدعمكم يا حلوين 🌹🌹🌹

14/06/2025

صباحكم ورد متابعيني الغاليين 🖤
بدي تفاعلكم ودعمكم بالتعليقات ،اذا بتحبو ننزل بوستات تجميلية، وعلاقة الأكل و التغذية بصحة البشرة ونضارتها، واللي هيي من اقوى وأفضل الكورسات العلاجية علاقة التغذية بالتجميل.

🖤🖤🖤

د رزان عصفور أخصائية تغذية- Dr Razan Asfour nutritionist.

23/11/2025

09/11/2025

15/08/2025

10/07/2025

09/07/2025

05/07/2025

04/07/2025

02/07/2025

01/07/2025

26/06/2025

14/06/2025

Address

Telephone

Website

Alerts

Shortcuts

Share