https://www.facebook.com/517483214792063/

tasneemsawas.psy

Home
Syria
Aleppo
tasneemsawas.psy

"لحظة وعي | دعم نفسي وتطوير ذاتي ��
مساحتك لفهم ذاتك والتعامل مع مشاعرك بوعي.
محتوى نفسي بسيط، عملي

28/06/2025

بتحب بكل طاقتك، وبتخاف عليه كأنه جزء منك...
بس الحقيقة الموجعة .. هو ولا حاس فيك.
الحب من طرف واحد مو بس وجع، هو استنزاف بارد للمشاعر 💔
انت بتستاهل/ي الحب ❤️

14/04/2025

فخورة كتير بمشاركتي مع سند الشباب .. الشباب اللي هنن المفتاح لمستقبل اجمل و سورية منحلم فيها ❤️🤍

06/04/2025

"مو كل حب هو أمان… أحيانًا منكون بعلاقة حب، بس عم نخسر حالنا شوي شوي. لما الحب يتحول لسيطرة، شك، تقليل من قيمتك، أو استنزاف عاطفي… هون لازم تسأل حالك:
هل هاد حب، ولا تعلق مؤذي؟"

كل الحب .. لشريكي العاطفي الرائع .ajjan ❤️

04/04/2025

قوم! تحرّك! ما في شي بيحرّرك من التوتر متل التمرين. كل عرق عم ينزل هلّق هو تعب عم يتحوّل لقوة. لا تستنى المزاج لتتمرن... خليه يتحسن وإنت عم تتمرن!
كل الشكر للكوتش الرائعة والداعمة .m.delan

#رياضة #نشاط #سوريا #انطلق

26/03/2025

التسامح مو ضعف، هو قوة بتحررك من سجن الماضي! ✨💙
إذا كنت حاسس بصعوبة بالتسامح، جرب هالخطوات:

1️⃣ اعترف بمشاعرك: مو غلط تحس بالألم أو الغضب، المهم تعترف فيهن بدل ما تكبتهن.
2️⃣ افهم الموقف: حاول تشوف القصة من كل الزوايا، مو تبرير، بس أحيانًا الفهم بيساعدك تخفف الألم.
3️⃣ اختار التسامح بإرادتك: التسامح قرار، مو شعور لحظي. مو مطلوب منك تنسى، بس تقرر تترك الأذى وراك.
4️⃣ حط حدودك: التسامح ما بيعني القبول بالإساءة، لازم تحط حدود تحميك.
5️⃣ ركز على حاضرك: العيش بالماضي بيستهلك طاقتك، حط تركيزك على شو فيك تعمل اليوم لتكون أفضل.
6️⃣ مارس التعاطف: تخيل الشخص المسيء كإنسان عنده ألمه الخاص، هالشي بيخفف الغضب أحيانًا.
7️⃣ اكتب رسالة تسامح: حتى لو ما رح تبعتها، جرب تكتب كل شي بدك تقوله بصراحة، بعدين احرقها أو مزقها.
8️⃣ سامح نفسك كمان: مرات منكون قاسين على حالنا أكتر من غيرنا، فخد لحظة لتسامح نفسك على أي شيء مضى.

✨ تذكر: التسامح مو هدية للآخرين، هو هدية لإلك، لسلامك الداخلي. 💙

#التسامح

24/03/2025

الغربة تجربة بتغيرنا، بتعلمنا، وبتختبر صبرنا… كيف فينا نحافظ على صحتنا النفسية ونخفف التحديات؟ ✨ بهالفيديو نصائح لكل مغترب ليقدر يتأقلم بشكل أفضل! شاركوه مع حدا ممكن يحتاجها. ❤️‍🩹
شو أكتر تحدي واجهتوه بالغربة؟ شاركوني بالتعليقات! 👇

كل الشكر ل https://www.instagram.com/khannat_dakka_kadima?igsh=MTViMmw4NWo2am9pNg==

#تأقلم #اغتراب #غربة

23/03/2025

كتير من الأحيان منمر بعلامات بتدل إنه صحتنا النفسية بحاجة لانتباه ودعم، بس منطنّش أو منقول "الأمور بسيطة".
صحتك النفسية مو رفاهية، هي أساس حياتك اليومية! ✨❤️
بهاد البوست، 10 علامات إذا حسّيت فيها، لازم توقف لحظة وتهتم بحالك. شاركها مع حدا ممكن يكون بحاجة الها!

21/03/2025

لما تصير العلاقة متل القهوة… كل ما جرّبت تبعد، بترجع إلها! ☕💔 ليش بعض العلاقات بتصير إدمان؟ وكيف فينا نكسر هالدائرة؟ شاركوني رأيكن بالتعليقات!

#إدمان #علاقات

19/03/2025

هل الحزن عند الأطفال مجرد دلع؟ 🤔💔
كتير ناس بتعتقد إنه الأطفال ما بيحزنوا متل الكبار، وإنه كل مشاعرهم مجرد لحظات وبتروح بسرعة... بس الحقيقة إنه الحزن عند الطفل حقيقي، وبيأثر على نفسيته وسلوكه وحتى مستقبله. 🧸💙

الأطفال متلنا تمامًا، بيشعروا بالحزن، الفقد، والخوف، حتى لو ما قدروا يعبروا بالكلام. دورنا نفهم إشاراتهم، ونساعدهم يعبروا عن مشاعرهم بطريقة صحية بدل ما نستهين فيها. 🌿

شو رأيكم؟ كنتوا بتفكروا بهالطريقة قبل؟ شاركوني تجربتكم بالتعليقات! 👇

#طفولة

17/03/2025

الغضب... شعور طبيعي، لكن إذا تحكم فينا، بيصير مدمر! كيف فينا نفهم غضبنا ونتعامل معه بطريقة صحية؟ شاركوني رأيكم بالتعليقات.

التحكم بالغضب مو بس تهدئة لحظية، هو مهارة فيك تطورها مع الوقت. جرب هالطرق وشف شو بناسبك:

1. التنفس العميق: خد نفس عميق من أنفك، احبسه شوي، بعدين طلّعه ببطء من تمك. كررها 3-5 مرات.

2. العد للعشرة: أو حتى للعشرين إذا لزم الأمر! هالشي ببطئ ردة فعلك وبيعطيك وقت لتفكر.

3. غيّر مكانك: إذا حسّيت حالك معصّب، اطلع من المكان أو خذ استراحة قصيرة.

4. اكتب مشاعرك: جرب تكتب شو مضايقك، مو شرط تشاركها، بس الكتابة بتهدّي الأفكار.

5. مارس الرياضة: المشي، الجري، أو أي رياضة بتساعدك تنفس عن توترك.

6. جرب تقنية "إعادة التقييم": اسأل حالك: "هل القصة كبيرة لهالدرجة؟ شو أسوأ شي ممكن يصير؟" هاد بيساعدك تشوف الأمور بمنظور أوسع.

7. ابتعد عن الرد الفوري: إذا كنت رح ترد بعصبية، جرب تأجل الكلام لوقت تهدأ، أحيانًا بس التأجيل بيخفف الغضب.

8. استخدم الفكاهة: بس مو التهكم! حاول تاخد الأمور بروح أخف إذا ممكن.

9. اشتغل على المسببات: لاحظ شو أكتر مواقف بتعصبك، وشوف كيف فيك تتعامل معها بطريقة مختلفة.

10. إذا غضبك متكرر وقوي، فكر بجلسات استرخاء أو علاج نفسي: ممكن يساعدك تتعامل مع الجذور العميقة للغضب.

في شي معين عم يعصبك بالفترة الأخيرة؟

#الغضب

15/03/2025

رمضان مو بس صيام وعبادة، هو كمان فرصة لنكون أحنّ على حالنا ونفهم مشاعرنا بوضوح أكتر ✨💙 بهالشهر، كل شي حوالينا بيهدأ، وهاد الوقت المثالي لنسمع صوتنا الداخلي ونعتني بصحتنا النفسية. 🌱

📌 بهالبروشور، رح تلاقي طرق بسيطة لتفهم مشاعرك وتخفف عن حالك الضغط برمضان. كيف بتحب تعتني بنفسك بهالشهر؟ 💬👇

14/03/2025

مشاهد العنف بالمسلسلات مو مجرد تمثيل لبعض الأشخاص! أحيانًا، لقطة وحدة كافية لتحرك ذكريات صادمة وتجعل الشخص يحس كأنه عم يعيش الحدث من جديد. هاد هو اضطراب ما بعد الصدمة (PTSD)، يلي بيخلّي الماضي كأنه حاضر بكل تفاصيله. إذا كنت أو حدا من اللي بتحبون عم يمر بهيك تجربة، لا تتجاهلوا الموضوع—الدعم موجود، والتعافي ممكن.

Address

Aleppo

Website

facebook.com

Alerts

Be the first to know and let us send you an email when tasneemsawas.psy posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Aleppo?