https://www.facebook.com/878368518688503/

رَوْح Rawh, سوريا ، طرطوس ، بانياس, Baniyas (2026)

30/01/2026

في إطار حرص فريق ميدلايف – بانياس على دعم الصحة النفسية وتعزيز التماسك المجتمعي، أقامت مؤسسة ميدلايف الطبية في مدينة بانياس، وبالتعاون مع الجمعية السورية للتنمية الاجتماعية وضمن َوْح جلسة دعم نفسي وتفريغ صحي بإشراف الأخصائية النفسية "رهف درويش"

🧠 استهدفت الجلسة الأشخاص الذين عانوا من صدمة الفقد

✨ تخللت الجلسة مجموعة من التمارين والأنشطة النفسية، من بينها:
▫️ عصف ذهني حول ردود الفعل الشائعة في الأزمات
▫️ نشاط تأمل مع استذكار حدث صعب
▫️ نشاط تحديد الموارد ومصادر الحماية والدعم
▫️ تمارين تنفس مع استرخاء وإرشادات للرعاية الذاتية

👥 كادر الفريق المشارك:
▫️ سالي البدر
▫️ زينب إبراهيم
▫️ حسين دلا
▫️ جودي إبراهيم
▫️ إنجي محمد
▫️ رفاه قليج

🤍 كل الشكر والتقدير للأخصائية النفسية رهف درويش على إشرافها المهني ولـ الجمعية السورية للتنمية الاجتماعية على تعاونهم المثمر، ساعين معاً لتقديم الدعم النفسي وتعزيز التعافي المجتمعي

#ميدلايف

27/01/2026

أحيانا كلنا بحاجة نحكي اللي جواتنا…
بدون حكم، بدون استعجال، وبأمان 🤍

ضمن مبادرة رَوْح، وبالتعاون مع مؤسسة ميدلايف الطبية والجمعية السورية للتنمية الاجتماعية، ندعوكم لحضور جلسة دعم نفسي وتفريغ انفعالي بإشراف:
👩‍⚕️ رهف درويش
أخصائية نفسية، وعاملة في مجال الدعم النفسي والاجتماعي لأكثر من عشر سنوات مع عدة جمعيات ومنظمات إنسانية،
خبرتها بتتضمن مساندة واحتواء الناس المتأثرين بالصدمات والأزمات.

📍 مركز بيت الياسمين – بانياس
🗓️ الأربعاء 28 / 1 / 2026
⏰ الساعة 11 صباحًا

الجلسة مساحة آمنة لنفضفض
ونفهم مشاعرنا أكتر،
ونتعلم طرق بسيطة نعتني فيها بأنفسنا 🫂

بانتظاركم بكرا 🤍
رَوْح… نسمة تحضن، وتخفف، وتروح 🪽

تصميم: مرح ميهوب
Zainab Ibrahim
Rahaf Darweesh
Marah Mehoub

30/11/2025

أحياناً الحزن ما بيروح…💔
منفضفض، منرتاح لحظة، ومنرجع منغوص بنفس الوجع.
منعرف كل الكلام اللي بينقال… ومنعرف نوايا اللي حوالينا…
بس في شي جوا، بيضل يوجع، وبيضل يحفر، وبيضل يقول: "لسا ما خلصت"..

رَوْح شايفة هالوجع…
حاسّة بثقله، وبالعتمة اللي بعد كل محاولة شفاء.
ومن دون ما تطلبوا شي… نحنا معكم وحاسين فيكم ، وقريبين، وموجودين...🫂🤍
ضلوا بخير 🤍

27/11/2025

تعالوا نشوف الحياة كأنها نهر جارف…
تيار قوي، وصخور واقفة بوجه الطريق، وأسماك عم تمشي معه بلا عناد..
ما بتقاتله، وما بتحاول تغيّر مجراه…
بس بزعنفتين صغار بتعرف كيف تبعد عن الصخور، وتكمل طريقها بسلام..🤍

ونحنا هيك تماماً !
في أشياء ما فينا نرجّعها لورا، ولا نشيلها من قدّامنا…
بس في أشياء فينا نختارها: نظرتنا، ردّات فعلنا، وطريقة عبورنا ، حتى نمشي ونتقدم ونتلافى العقبات قد ما منقدر..

ضلو بخير…🫂🤍
وإذا حسّيتوا التيار أقوى من طاقتكم، "رَوْح" معكم، وعم تسمعكم.
مجرد ما تعبوا الاستمارة… بتبلّش الخطوة الأولى .. ❤️

https://docs.google.com/forms/d/e/1FAIpQLSfLmWHxCNFl0J1ldnY5ef2UrconIOk7uxe2hUwwpFgDs-N--Q/viewform?usp=dialog

24/11/2025

لما حدا يفتح قلبه ويحكي عن الشوق لفقيد…💔
غالباً ما بدو منّا كلام كبير، ولا وعود، ولا حِكم جاهزة.
ما بدو يسمع: "قوي حالك… كرمال ولادك… لا تبكي… هيك عم تعذّب فقيدك".

الوجع ما بيطلب بطولة..
الوجع بيطلب أُذُن تسمع، ومساحة تحتمل، وحدا ما يخاف من دمعة شخص موجوع.🫂🤍

أغلب اللي بيمرّوا بخسارة… كل اللي ناطرينه هو حدا يفهم الارتباك اللي صار جواتهم، ويتركهم يحكوا بلا ما يحسوا إنو لازم يخفوا شي.
حدا يسمح للجرح ياخد نفس… ويضلّ حدهن ليرجعوا يلاقوا معنى صغير يساعدهن يكفّوا خطوة لقدّام.🪽🤍

خلّونا نكون لبعض مساحات آمنة، بسيطة، صادقة… نسمع أكتر ما نحكم، ونحتوي أكتر ما ننصح..

وإذا كنتوا بحاجة لهالمساحة، أو بتعرفوا حدا محتاجها وما بيعرف من وين يبدأ…
استمارة رَوْح مفتوحة لإلكن، نحنا هون لنسمع، ونرافق، ونضوي شمعة صغيرة بقلب العتمة.

https://docs.google.com/forms/d/e/1FAIpQLSfLmWHxCNFl0J1ldnY5ef2UrconIOk7uxe2hUwwpFgDs-N--Q/viewform?usp=dialog

#فقد
#فضفضة

22/11/2025

كل واحد فينا عم يمشي دربه بطريقته الخاصة.
مستويات وعينا العاطفي مختلفة، وطريقة تقبّلنا للأوجاع مختلفة… وبيئاتنا كمان مو واحدة؛ في بيئة بتشيل عنّا، وفي بيئة بتزيد الحمل. ولهيك، ردّة فعل كل شخص على الوجع ما لازم تشبه حدا، وما لازم نقيس حالنا على تجربة غيرنا...

ما في داعي نضغط على حالنا لنكون “منيح متل فلان”.
نحنا عم نحاول… وعم نتنفس… وعم نمشي خطوة صغيرة وراء خطوة.🤍
ومن وقت ما نبلّش نسمع حالنا بصدق، ونكون لطفاء معها بدل ما نقسو عليها، هون بيبلّش التحوّل الحقيقي.

تذكّروا دائمًا: رَوْح موجودة معكم، لتسمع، وتطمن، وتذكّركم إنكن مو لحالكم أبداً.
الاستمارة جاهزة بأول تعليق لأي حدا محتاج يحكي أو يفضفض.

ضلّوا بخير… وخلّوا المقارنة برا الباب. 🫂🤍

20/11/2025

رَوْح نسمة عليلة ، انطلقت من قلب الحزن والألم ، لتكون عم تخفف وتآنس بقدر ما فيها ..
واليوم ، بالسنوية الأولى لوفاة ماما ، اليوم اللي غير حياتي ، هالنسمة عم تخبركم لتفتحوا أبوابكم إلها 🪽🤍

بتقدروا بأي وقت تعبوا هي الاستمارة، لما تكونوا بحاجة حدا يسمعكم ويحس فيكم بدون أحكام وبكل سرية وحب ، ونحنا رح نتواصل معكم 🤍

وحتى لو بتعرفوا شخص بحاجة هالشي ، بإمكانكم تعبوا هالاستمارة عنه ، ورَوْح بتتكفل بالباقي 🪽🤍

https://docs.google.com/forms/d/e/1FAIpQLSfLmWHxCNFl0J1ldnY5ef2UrconIOk7uxe2hUwwpFgDs-N--Q/viewform?usp=dialog

#رَوْح
#فقد

19/11/2025

في أيام أثرها بضل بروحنا وما بينتسى أبداً ، قد ما مر عليه وقت ..
وبكرا مو يوم عادي ، هو اليوم اللي تغيرت فيه حياتي ، وتغير تفكيري كلياً ..
وبكرا كمان رح يكون إطلاق شي كتير مهم ونحنا كلنا بحاجته ، لهيك خليكن معنا 🤍🤍

رَوْح نسمة تحضن وتخفّف.. وتروح 🤍🪽

#رَوْح
#فضفضة

17/11/2025

المشاعر ما بتموت مع الوقت… بس بتتعلم تتخفّى.
خصوصًا مشاعر الفقد؛ لأننا غالباً منضطر نخبّيها لنقدر نمشي، نكمّل، نشتغل، ونكون “منيحِين” قدّام العالم.

بتتراكم جوّاتنا شوي شوي، لحد ما منصير نحس بثقل ما منعرف ليش…
مننهار على شغلة بسيطة، أو منكتشف إنو طباعنا عم تتغيّر ونحنا عم نراقب حالنا بصمت وما منعرف كيف نفسّر اللي عم يصير.💔

ولما ما منحكي، جسمنا هو اللي بيبلّش يحكي عنّا:
تعب بلا سبب، نوم مضطرب، طباع عم تتغير ،مناعة ضعيفة..
كلها إشارات بتقلنا: في وجع بدو ينسمع.

ولهيك ضروري نفتح باب صغير لهالمشاعر وتطلع منه بأمان:
نكتب… نمشي… نتنفس… نبكي بوعي… أو نحكي مع حدا آمن ما بيحكم علينا ولا بيكبّر الوجع.
لأن التفريغ مو رفاهية، هو ضرورة…🤍

و“رَوْح” موجودة لتكون هالمكان الهادئ جوّا عاصفة الحياة.
مساحة تسمعكن بصدق، وتحتويكن بسرية، وتسمح لجبال جوّاتكن تهدى شوي شوي… بدون أحكام، وبدون ضغط، وبدون ما حدا يقلّلكن “لازم تكونوا أقوياء”.

ضلّوا بخير 🤍
وإذا احتجتوا مكان يحس فيكن… رَوْح هون.🪽

15/11/2025

الضغوطات ومهما اشتدت قسوتها فـ مشاركتها لـ صديق، حبيب، شخص من عائلتك، شخص حكيم

كفيلة بـ تخفف قسوتها عليك ..🤍
ليس بالضرورة أن يكون المُستمع يملك حلول قطعية لـ مشكلتك لكنه يملك ميزة ونعمة " الاستماع الجيد "

نعمة كبيرة أن يوجد في حياتك "مُستمع جيد " تستطيع التحدث معه بكل تلقائية، لا تفكر كثيرًا في حديثك معه،
لا تخجل من لحظات ضعفك أمامه ولا تخشى الهجوم عليك حين تعترف له ببعض أخطائك
لا تخجل من التحدث معه حتى عن أبسط الأشياء التي تزعجك ..

في حياة مليئة بـ الضغوطات والأحداث السريعة
شكرًا لكل مُستمع جيد لا نخجل ولا نفكر في حديثنا معه .
ـــــــــــــــــــــــــــــــــــــــــــــــــــــــــــــــــــــ

Artwork by :Unknown

#رَوْح
#فضفضة
#فقد

14/11/2025

صباح الخير 🤍
يوم عطلة، مطر، رعد… والذاكرة عادةً ما بتهدأ بهيك أجواء،
بالعكس، بتفتح الأبواب على مصراعيها، وبتشتغل الأحاسيس: حنين، وحدة، فقد… ويمكن أحياناً وجع بلا اسم.

طيب خلّونا نحكي شوي عن مراحل الفقد، لأننا ما فينا نتعامل مع شي قبل ما نفهمه تمام.🤍

أول شي لازم نعرفه: المراحل مو خط مستقيم ، مو واحد، اثنين، ثلاثة .
هي مسار تعافي طويل، متعرّج، بيتقدّم وبيتراجع ، لكل شخص استجابته الخاصة، ولكل فقد طريقته الخاصة.
وأحياناً منوصل لآخر محطة… وبلحظة منرجع لنقطة الصفر! وهذا طبيعي.

وهي المراحل وفق نموذج إليزابيث كوبلر–روس (Elisabeth Kübler-Ross):
1. الصدمة والإنكار : آلية دفاعية من العقل ليمنع الانهيار.
منقول: "لا… ما صار هيك"، كأنو العقل عم يشتري وقت ليلتقط نفسه.

2. الغضب : بحث مؤلم عن معنى: "ليش؟ ليش أنا؟ ليش هيك صار؟".
هو صوت العجز لما يلحق الحقيقة.

3. المساومة : محاولة العقل يرجّع الزمن شوي: "لو انتبهت… لو كنت موجود… لو تغيّر شي بسيط".
محاولة لاستعادة السيطرة حتى لو بالخيال.

4. الاكتئاب / الانهيار العاطفي : لما تسقط كل دفاعاتنا ،
ثقل، تعب، بكاء، فراغ…
هي المرحلة اللي منواجه فيها الحقيقة كما هي. 💔

5. التقبّل / إعادة البناء :
مو نسيان. مو رجوع للحياة القديمة ، هو التعايش: لحظة بصير فيها الألم قابل للحمل، والجرح المفتوح يتحول لـ أثر… بيظل، بس ما بيمنع المشي.

معرفة هالمراحل بتسهّل علينا نفهم اللي عم يصير جوّاتنا، خصوصًا لما تختلط المشاعر ببعضها، أو نمرّ في أكتر من مرحلة بنفس اليوم. 🤍

بأي مرحلة حاسّين حالكم هاللحظة؟

11/11/2025

شو يعني رَوْح !
هي الرَّاحة والسرور والفرح ، وبَرْد النسيم ، والرحمة والفرج بعد الكرب 🤍
وهاد هو هدفنا وسبب تسمية المبادرة بهاد الاسم 🪽

شاركوا الصفحة مع أي حدا بحاجتها ، وضلوا بخير 🤍🤍

رَوْح Rawh

30/01/2026

27/01/2026

30/11/2025

27/11/2025

24/11/2025

22/11/2025

20/11/2025

19/11/2025

17/11/2025

15/11/2025

14/11/2025

11/11/2025

Address

Website

Alerts

Shortcuts

Share

Category