عم تعاني من صعوبات بالنوم؟، جرب هالنصائح ورح تلاحظ الفرق 💤
02/12/2024
أحيانا القلق هو استجابة من دماغنا ليتوقع السيناريوهات اللي ممكن تصير بهدف خلق الإحساس بالتحكم والسيطرة.
بس هي ما حتصير فعلا ..
01/12/2024
طبيعي جدا نقلق بهالظروف، بس تذكرو و طمنو انفسكن انو قلقنا ما حيغير شي بسير الأحداث بالواقع ..
للأسف هي حقيقة مرة بس لازم نتقبلها ، مهما قلقت أو حزنت ما حيرجع حدا نزح من بيتو ، و لا حيتغير الشي اللي ممكن حيصير بعد ..
23/11/2024
الأفكار هي اللي بتولد المشاعر مو العكس ..
بس تمر بموقف ما، دماغك وظيفته يتعامل مع هالموقف بيقوم بسرعة البرق بيخترعله كام فكرة (بناء عأرضية سابقة من المعتقدات).
الشعور ما بيخلق من العدم، ولا بيخلق من الفراغ، الشعور بينشأ بسبب الفكرة و بيلزمه أرضية ينشأ عليها ..
مثلا قدمت عوظيفة و انرفضت
دماغك مطلوب منه يعالج هالقصة
بيقوم بسرعة بيقلك: (انت فاشل، الحياة صعبة و كارثية، انت ما معك تاكل، ... الخ)
بناء عمعتقدات خاطئة سابقة بتكون مبرمجة بتفكيرنا بطريقة ما، مثلا: (اذا ما بحصل على وظيفة ، فأنا فاشل)، (ما بيهم شو عندك، لأن بلحظة بيروح كلشي، اعتبر انت هلق ما معك شي)، (انت بهالعمر لازم تكون متزوج و عم تشتغل و عندك ولاد و صحي و عم تدرس و تخطط و تستثمر .. الحياة كارثية)
بتقوم بتحس بالإحباط و اليأس ..
و ما بقى بتحاول ..
هاد هو بالضبط الشي اللي منحاول نشتغل عليه بالعلاج النفسي، نتعلم كيف ندرب دماغنا انو ما يفكر بطريقة خاطئة تكون نتيجتها النهائية هي التراجع، بالعكس نستبدل افكارنا بأفكار واقعية و نتبع سلوكيات بحياتنا تخلينا نضل عم نحاول بدون ما نكون حاسين بعبء تقيل.
Be the first to know and let us send you an email when أنس الحلبي - Anas Alhalabi posts news and promotions. Your email address will not be used for any other purpose, and you can unsubscribe at any time.
