العيادة البيطرية المتنقلة في دمشق

22/09/2021

مساء الخير يا جماعة
انا بعتذر انا برا سوريا صرلي سنة ونص
للتواصل على حسابي الشخصي majd shaar

30/04/2020

Home pharmacy
هدول الادوية لازم يكونو موجودين بصيدلية كل بيت بربي كلب او قطة
ملاحظة مهم لا يعطى اي دواء قبل استشارة الطبيب

- اوغمانتين(اوغماسيل كلافينين) ٣١٢ ملغ شراب للقطط وحب ٦٠٠ او ١ غ للكلاب
- فلاجيل شراب
- بروفينيد ابر او كيتوبروفن شراب لتسكين الالم وخفض الحرارة
- سيتاكودائين ، سيتامول، تيمبرا للكلاب فقط عند القطط سام
- حب فحم نشط ( فحم طبي)
- اتروبين حقن يستخدم تحت اشراف طبيب حصرا
- حقنة شرجية( ايزي انيما)
- بوفيدون
- فوسين مرهم جلدي ، تريديرم مرهم جلدي
- فوسين مرهم عيني ، توبرادكس قطرة عينية
- شاش طبي، محاقن

31/01/2020

30/01/2020

سيسي الامورة

23/01/2020

هاد الحلو اسمو كوكي كان اثناء المشي عم يرفع رجلو اثناء الفحص تبين انو في الم بمفصل الورك
وح نعملو صورة اشعة حتى تحدد الاصابة بالضبط
هي المعاينة بمدينة السلمية من زيارة حماة

17/01/2020

16/01/2020

الكلمة الحلوة بتقدملك دافع كبير للأمام
بعض التفاعلات من الناس لي زرناهن بمصياف
انا صورت كل المعاينات نزلهن بمقطع واحد طويل ولا مقاطع صغيرة؟؟

13/01/2020

كتير بتجينا اسئلة انو ليش لازم عيد اللقاح مرة تانية ومرة تالتة عند الكلاب
خلص منلقحو مرة وخلص وهيك كلابي كلهن عملت معهن وما صرلهن شي
طبعا اذا ما لتزمنا بالوقت لي لازم نعيدهن فيه ما عاد نقدر نعيدو بعدين لان بصير رد فعل سلبي

هاد الحكي مكتوب بالتفصيل بهل صورتين من كتاب الاحياء الدقيقة بقلم أ.د عزام الكردي الله يرحمو رئيس جامعة حماة السابق
المستضد يعني اللقاح
الاضداد هي المناعة
والمخطط بيشرح كلشي

12/01/2020

يسعد اوقاتكم
انا غدا مسافر الى حماة
لي محاكيني وموصيني على شي يرجع يحاكيني
ح امرق على مصياف سلمية حمص حماة يرجع يبعتلي عل وتساب ٠٩٣٦٨٨٣٢٤٥

04/01/2020

هي القطة الحلوة كان معها التهاب بالاذن الخارجية
طبعا سنتين عم تعاني بالقصة وما كانت تتعالج
الحمد لله بلشنا بعلاجها طبعا كان العلاج بالتدريج حتى وصلت بفضل الله للشفاء
التشخيص الصحيح يوصل للعلاج الصحيح والشفاء

03/01/2020

انا ماني خيفان من الدكتور بس عم ارجف من البرد

18/12/2019

رجعنا للشام ورجعنا للشغل

03/12/2019

تتذكروه لميشو لكان عم يعطس
هيك كان معو والحمد لله رجع طلع الشعر و ماحلاه

دائما التشخيص السليم بيتبعو علاج سليم

02/12/2019

هاد المنشور موجه للبربي قطط بتطلع عل شارع وبتفوت عل بيت
قطط الشارع عم تنعدى بامراض فيروسية احيانا عم تجي ب 3 او 4 امراض سوا
عم نشوف حرارة ... انقطاع تام عن الاكل والشرب... نخر بالثة احيانا عم يوصل للخد والرقبة
الاجرائات حتى نتخلص من هيك امراض
غالبا القطط الكبار بصير عندهن مناعة ويفضل نعملهن تعقيم
القطط الصغار لحد الشهرين عم يكون عندهن مناعة وبعدها اذا ما تلقحو رح يمرضو لهيك احسن ما يندفع تكاليف مضاعفة عل علاج يفضل يتلقحو لان المناظر لي عم نشوفها مأساوية وعم يجي المرض على شكل وباء

02/12/2019

feline rhinotracheitis
هاد القط تعالج لمدة 5 ايام والحمد لله رجع ياكل ويشرب
هاد المرض بيعمل التهاب بالانف والرغاما وبيعمل تعطيس وسعلة
اول يوم ما كان يقدر يتنفس والحمد لله بعد العلاج تحسن كتير ورجع طبيعي تقريبا
طبعا الوقاية من هيك امراض باللقاحات الدورية

01/12/2019

هاد القط كان معو انسداد مجاري بولية بسبب حصى بالاحليل الحمد لله تعالج على 7 ايام ورجع طبيعي (لي شاف فيديو الكلبة هاد بدالو )

26/11/2019

👨‍⚕️قولي اه --🙀

23/11/2019

بدنا قطة شيرازية لونها ابيض عيون زرق او خضر عمرها شهرين
لي عندو يتواصل معي