16/08/2025
إذا كنتِ حامل أو ناوية تحملي، لازم تنتبهي لصحة كليتك… لأن الحمل بيأثر عالكلى وبيخليها تشتغل أكتر لتساعد جسمك والجنين ❤️.
في شغلات مهمة لازم تعرفيها:
✅ طبيعي يزيد التبول بالحمل… هاد عادي
❗لكن انتبهي إذا صار في:
🔹 تورم شديد بالإيدين والوجه
#صار عندك الم بالخاصرة
🔹 ضغط دم عالي
🔹 تحليل البول بيطلع فيه بروتين
شو يعني بروتين بالبول؟ 🤔
مو كل وحدة فينا بتحس فيه… هو ما بينشاف بالعين، لازم نعمل تحليل بول عند الطبيب لحتى نكتشفه.
(بس انا حقلك علامة انتي بتشوفيها بتوجهك انه في عندك بروتين بالبول 😉 اذا كان البول فيه فقاعات او رغوة فهاد بوجهنا على وجود بروتين ) لهيك منعمل تحليل بول وراسب
إذا بين إنو في بروتين، هاد ممكن يكون علامة خطيرة لحالة اسمها تسمم الحمل وبتحتاج متابعة فورية.
🔴بس مو كل بروتين بالبول خلال الحمل هو تسمم حمل لا وانما التشخيص بيعتمد على💡 كمية البروتين يلي بالبول 💡
بالاغلب تسمم الحمل بيترافق بضغط عالي
ممكن نلاحظ كمية قليلة من البروتين بشكل طبيعي عند الحامل بسبب التغيرات الفيزيولوجية والهرمونية اثناء الحمل .
✨ نصيحتي: تابعي بشكل منتظم مع طبيبتك، واعملي تحاليل كل فترة حتى تتطمني عكليتك وصحتك وصحة البيبي.
إذا عندك أي سؤال… أنا جاهزة جاوبك بكل محبة 🌸
