صيدلية عبير الأسعد -Abeer alassaad pharmacy

29/11/2025

25/11/2025

صباح السعادة

23/11/2025

مرحبا 🙋‍♀…
وصلنا معكم للبشرة الجافة، أكتر أنواع البشرة تأثر بهذا الفصل، وبحاجة لعناية يومية خاصة
عادةً بتظهر بملمس خشن أو إحساس بعدم الراحة، وبتعاني من نقص الزيوت الطبيعية والترطيب

💜 أسباب شائعة لجفاف البشرة
🫶الهواء البارد والجاف
🫶الاستحمام بمياه ساخنة لفترات طويلة
🫶استخدام منتجات غير مناسبة للبشرة
🫶قلة شرب الماء

💜 نصائح للعناية اليومية
🧴استخدام غسول لطيف يحافظ على رطوبة البشرة
✨ترطيب البشرة بمنتجات تحتوي على حمض الهيالورونيك أو الغليسرين
💦شرب كميات كافية من الماء خلال اليوم
🧖‍♀ تجنّب المياه الساخنة جداً واستبدالها بالفاترة

⭐️نصيحة من الصيدلية
العناية اليومية البسيطة بتصنع فرق كبير… خلي بشرتك ناعمة، مرتاحة، ومحمية طول الشتاء.
اختاروا منتجات مناسبة لنوع بشرتكم، ونحنا جاهزين لأي استفسار عن روتين مناسب لترطيب وحماية بشرتكم 🌿✨
#صيدليةعبيرالاسعد
#البشرةوأنواعها
#روتينالعناية
#البشرةالجافة

08/11/2025

البشرة الدهنية مثل محرك نشيط... إذا اعتنينا فيه صح، بيعطينا طاقة ونضارة، بس إذا تركناه، بيشتغل زيادة عن اللزوم.

😶إذا كانت بشرتك دهنية، فهاد يعني إنها بتفرز زيوت أكتر من غيرها، وهاد بيسبب:
✨ لمعة واضحة
🫣 قابلية لظهور الحبوب
💧مقاومة للجفاف والتجاعيد المبكرة

🎯 هدفنا ننظم إفراز الدهون ونحافظ على توازنها لهيك لازم نتبع روتين بسيط:
✨ غسول لطيف صباحاً ومساءً
✨ تونر
✨مرطب خفيف
✨ واقي شمس غير دهني
✨ مقشر مرة أو مرتين بالأسبوع

🌸نصيحة صيدلانية:
دوري على منتجات مكتوب عليها:
oil-free or for oily skin

👀 ولسا ما خلصنا...
قريباً رح نشارك مجموعة مختارة من المنتجات المناسبة للبشرة الدهنية
منتجات خفيفة، فعالة، وبتحافظ على توازن بشرتك بدون ما تسد المسام.
تابعي الستوري الجاي لتعرفي شو ممكن يناسبك🌸
#صيدليةعبيرالاسعد
#البشرةوأنواعها
#البشرةالدهنية

06/11/2025

صباح الفل والياسمين 🌸

29/10/2025

📌 بالبوست الماضي حكينا عن روتين العناية بالبشرة العادية بهالفصل، وركّزنا على أهم خطوة: الواقي الشمسي ☀️
اليوم رح نكمل باقي الخطوات، ونشرح كيف نختار المنتجات حسب تركيبتها ومزاج البشرة بهالجو المتقلّب 🍂

1️⃣ الغسول
بما إنو الجو جاف، منختار غسول لطيف ينظف البشرة من الشوائب بدون ما يسحب الزيوت الطبيعية أو يخلخل الحاجز الجلدي.

2⃣التونر
ماء ورد نقي أو تونر فيه كولاجين، وظيفته يعيد التوازن للبشرة بعد الغسيل ويحضّرها للخطوات الجاية.

2⃣ السيروم
حسب احتياج البشرة:
💧 للترطيب → سيروم فيه هيالورونيك
🌟 للإشراقة → فيتامين C

3⃣ المرطّب
يفضّل يكون فيه مكونات مثل البانثينول، حتى يحافظ على الترطيب ويمنع تبخّر الرطوبة من البشرة.

☀️ وأكيد بعد كل هالخطوات، ما مننسى الواقي الشمسي… لأنه الحماية ما بتتوقف مع الغيوم

📸 بالستوريز اليوم رح تلاقوا منتجات متنوعة وتركيبات مختلفة لكل خطوة من الروتين

🧐اذا حسيتي انو الخطوات كتيرة او اذا كنتي لسا عم تبدأي بالعناية التزمي بالمنتجات الأساسية والي هيي الغسول والسيروم صباحا والغسول والمرطب مساء

🌸 وإذا حابة تبني روتين خاص لبشرتك أو تعرفي طريقة الاستخدام الأنسب
💭تواصلي معنا، ومنساعدك تختاري المنتج اللي فعلاً بيخدم بشرتك
#صيدليةعبيرالاسعد
#البشرةوأنواعها
#البشرةالعادية
#روتينالعناية

28/10/2025

🙋‍♀حكينا بالبوست السابق انو البشرة العادية افراز الدهون فيها متوازن لكن مع تغيّر الطقس🌬، ممكن تواجه شوية مشاكل ممكن تحولها من بشرة عادية إلى جافة :
🍃جفاف بشرة خفيف
✨بهتان أو فقدان للّمعان الطبيعي
🫧ظهور قشور خفيفة حول الأنف أو الفم

😻لهيك كتير مهم نتبع روتين بسيط يحافظ على توازنها:
1⃣ غسول لطيف صباحًا ومساءً
2⃣ تونر مرطّب أو ماء ورد نقي
3⃣ سيروم
4⃣ مرطّب صباحًا ومساء
و... أهم خطوة ما لازم نغفل عنها 👇

🌞 الواقي الشمسي… حتى لو الشمس خجولة!

اغلبنا بيعتقد إنو مع الجو الغائم أو البارد، ما في داعي للواقي. بس الحقيقة الأشعة فوق البنفسجية (خصوصًا UVA) بتضل موجودة وبتأثر على بشرتك حتى من ورا الغيوم

💁‍♀ للبشرة العادية، فيكِ تختاري واقي شمسي:
- بتركيبة خفيفة
- حاوي على مواد مرطبة مناسبة لبشرتك

📸بالستوري اليوم اخترنا لك مجموعة من أفضل الواقيات الشمسية للبشرة العادية بتراكيب متنوعة

😍وبالبوستات القادمة رح نكمل سوا عن باقي روتين العناية بالبشرة العادية

🎀وإذا لساتك محتارة، تواصلي معنا بالتعليقات أو الرسائل ونحن منساعدك تختاري الواقي المناسب
#صيدليةعبيرالاسعد
#البشرةوأنواعها
#البشرةالعادية

27/10/2025

صباح الفل والأشياء🩵
🩷الجميلة

🩵 صيدلية عبير الأسعد #

26/10/2025

💟البشرة العادية

🌝البشرة العادية هي الحلم اللي بيتمناه الكل
لا دهنية ولا جافة، مساماتها معتدلة، ملمسها ناعم، ولونها موحّد. بس... هذا ما بيعني إنها ما بتحتاج عناية 👀

🔬 علميًا: شو يعني بشرة عادية؟
🫶 إفراز الزيوت فيها متوازن، يعني الجلد بيحمي نفسه بدون ما يسد المسام.
🫶 معدل تجدد الخلايا فيها طبيعي، فبتضل نضرة من دون تقشير مفرط.
🫶 حاجز البشرة (skin barrier) قوي، فبتتحمل التغيرات بدون تهيّج سريع.

🧐 بس ليش لازم نهتم فيها؟
لأن التوازن ما بيضل للأبد! التغيرات الهرمونية، الطقس، التغذية، وحتى التوتر... كلهم ممكن يقلبوا المعادلة.

🥰روتين بسيط، بس مهم:
1. 🧼 غسول لطيف: ينظف بدون ما يجفف.
2. 💧 مرطب خفيف: يحافظ على النعومة بدون ثقل.
3. 🧴 واقي شمس يومي
4. 🍃 سيرومات مضاد أكسدة يحافظ على الإشراق ويمنع التصبغات.

🌼 معلومة صيدلانية:
⚠️ أكبر تهديد للبشرة العادية >> الإهمال
الإهمال بيخليها تفقد توازنها ، وبتتحول لبشرة مختلطة أو جافة بدون ما ننتبه.

لهيك رح نحكي بالبوستات القادمة عن أفضل المنتجات الي بتحافظ على توازن البشرة العادية وتدعم جمالها

📲خليكم معنا وشاركونا شو اكتر منتج بتحسوه صديق لبشرتكم🙂‍↔️

25/10/2025

صباح الخير يوم مليان رضا وامتنان 🤩💟

23/10/2025

🌿 بشرتك هي عالم خاص!

😊هل بتعرفي إنو نوع بشرتك بيحدد كل خطوة بالعناية؟
من الترطيب للتقشير، وحتى اختيار واقي الشمس!

🫶علمياً، أنواع البشرة بتنقسم لـ 5:

🎀 دهنية: بتفرز زيوت زايدة، معرضة للحبوب.
🎀 جافة: بتفتقد الترطيب، بتتقشر بسرعة.
🎀 مختلطة: دهنية بمنطقة T وجافة بباقي الوجه.
🎀 عادية: متوازنة، بس بتتأثر بالطقس والعوامل الخارجية.
🎀 حساسة: بتتحسس من منتجات أو تغيرات بسيطة.

🌸كل نوع إله مشاكل، وطريقة عناية خاصة فيه

✨ بس في سر صغير… مهما كان نوع بشرتك، في مكونات معينة بتساعدها تتوازن وتستعيد نضارتها
ورح نحكي عنها خطوة بخطوة بسلسلتنا القادمة

🤩مستعدين نبدأ بأول نوع بشرة
اكتبولي بالتعليقات: شو نوع بشرتكن ؟ وشو المشاكل الي بتعانو منها بهالفصل؟
ومن خلال بوستاتنا القادمة رح نحكي عن العلاج
#صيدليةعبيرالاسعد
#البشرةوأنواعها