الدكتور أيهم سلمان

17/08/2024

بهالازمة اللي عم نعيشها شفنا انواع كتيرة للاستغلال وانعدام الاخلاق بس انو توصل الشغلة للتجارة الطبية والتلاعب بمشاعر اهل خايفين عطفلهن اللي بحاجة جراحة وماعندهن قدرة مادية وينجمع تبرعات بحجة الحراحة لكسب مبالغ مادية كبيرة هاد الشي اللي صدمني.
طبعا سبب الحديث اني شفت مبارح بوست عاحدى الصفحات لطفلة صغيرة بحاجة لعملية استصال كلية حسب مو مكتوب ومطلوب مبلغ ١٢ مليون !!!!!! اللي هوي مبلغ كبير كتير عهيك جراحة
ف علقت عالبوست انو اذا الطفلة بحاجة الجراحة انا بتكفل باجراء العمل الجراحي ومجانا بدون اي اتعاب
المفاجئ انو البوست تم تعليقه ولم يظهر والرقم اللي محطوط عأساس للاهل ماحدا رد عليه واللي عالاغلب لنفس المجموعة المتاجرة
لو كان الهدف المساعدة كان لازم يكونو سعيدين بالخدمة المقدمة مني.
فعلا لا تعليق ...أزمة أخلاق

09/04/2024

16/03/2024

من المؤسف احيانا انو يراجع المريض طبيبه بمرحلة متأخرة خصوصا بالحالات الورمية اللي ممكن نوصل فيها للشفاء في حال التداخل الباكر والصحيح.
لكن المؤسف اكتر لما بيكون المريض على علم بمشكلتو وبيهرب منها لسنوات لكن بيضطر بالاخير يلجأ لطبيبه.
هاد الشي بيزيد من صعوبة العمل الجراحي وبيضيع عالمريض فرصة الشفاء التام.
حالتنا اليوم لسيدة ٦٠ سنة بتعرف من سنوات انو كان عندها مشكلة بالكلية وماراجعت طبيب خلال فترة طويلة
وتبين انو عندها كتلة كبيرة حوالي ١٥* ١٢سم بالكلية اليسرى
تم اجراء العمل الجراحي باستئصال الكلية اليسرى الجذري مع تجريف للعقد جانب الابهر
كل الشكر للطاقم المساعد💙💚
وما ننسى ابدا نستشير الطبيب عند اي عارض👌
دمتم سالمين🌷🌷 ورمضان كريم🌙🌙

15/12/2023

عودا على ذي بدء بعد الغياب☺
اهم سبب بيخليني شوف الجراحة البولية من الاختصاصات الرائعة انها جراحة تصنيعية مو جراحة هدم وقادرة على تغيير نمط حياة المريض والحفاظ على وظيفة العضو المستهدف بالجراحة.
والحالة اللي رح احكي عنها اليوم هيي من ارشيف جراحاتي واتأخرت بنشرها لمراقبة النتائج واللي بتخليني اشعر بسعادة كل ماشوف الاثر الايجابي للجراحة👍👍
حالتنا لطفل عمرو ٧ سنوات كلية يمنى وحيدة مع استسقاء درجة ثالثة راجعني بشكاية سلس بولي ليلي نهاري
وتم دراسة الطفل بكافة الاستقصاءات من الايكو
ثم تصوير المثانة الظليل بالطريق الراجع واللي اظهر وجود جذر مثاني حالبي
بعدها عملنا صورة ظليلة للسبيل العلوي واظهرت وجود تضيق اسفل حالب بسبب رتج مثاني كان واضح بالتصوير ثلاثي الابعاد
واخر اجراء كان الدراسة اليورودينامية بسبب الشك بوجود مثانة تشنجية وبالفعل كانت ضغوط المثانة مرتفعة بشدة
وبعد استكمال الدراسة تم وضع خطة العلاج للجراحة بتكبير مثانة من الامعاء مع اعادة زرع للحالب الايمن الوحيد وزرع الزائدة الدودية على المثانة للمساعدة بالافراغ اللاحق(ميتروفانوف)
استغرق العمل الجراحي حوالي ٥ ساعات كانت مليئة بالمتعة احيانا والتوتر احيانا كون الطفل كلية وحيدة
بعد المراقبة من شهر لاكتر من سنة كان الطفل بحالة ممتازة مع تراجع الاستسقاء الكلوي والافراغ الدوري بقثطرة عبر الزائدة المزروعة.
تعتبر هيك حالة من الحالات المعقدة وحمينا الطفل 💚
مع الكلية الوحيدة من قصور كلوي لاحق و غسيل كلية
كل الشكر للطاقم المساعد ولو متأخرة😅🌷🌷
دمتم بخير💙💚

14/07/2023

عادة العلاقة بين المريض والطبيب لازم تكون مبنية عالثقة اللي بيشوف من خلالها المريض طبيبو هوي المنقذ..
ولازم يكون الطبيب على قدر هي الثقة بالتشخيص الصحيح قبل العلاج احسن مانكلف مريضنا اعباء كبيرة مادية ومعنوية..
ومو عيب ابدا نقول لمريضنا انو ماعرفنا شو المشكلة وياخد استشارة تانية احسن ما نضيع بالتشخيص الخاطئ فرصة ذهبية للشفاء ..
حالة اليوم لمريض كان عم يشكي من بيلة دموية مع الم خاصرة من اكتر من ٨ اشهر.
وعولج بشكل خاطئ على اساس حصاة كلية مع اجراء جلسات تفتيت دون تحسن
ولما راجعنا المريض تبين انو المشكلة مختلفة كليا وكانت للاسف ورم بالطرق المفرغة للكلية اليمنى .
تم اجراء الجراحة للمريض واللي كانت استئصال للكلية والحالب و كم (جزء) من المثانة وطبعا عن طريق شق خاصرة فقط مع استصال الحالب السفلي وكم المثانة تنظيريا
وهيك منكون وفرنا عالمريض الحاجة لشق جراحي سفلي بالاضافة لكون الجراحة بهالمرحلة الباكرة شافية ان شاء الله.
والحمدلله تخرج المريض بحالة ممتازة🌷🌷
كل الشكر للطاقم الجراحي المساعد🌷🌷
دمتم سالمين💙💚


حمص- شارع العشاق- الجانب المقابل لمطعم غربي شرقي

27/06/2023

أضحى مبارك وكل عام وانتم بالف خير ❤❤

20/04/2023

أعاده الله عليكم بالصحة والسلامة 🌷🌷

25/03/2023

مهنتنا احيانا بتحطنا بمواقف صعبة كتير خصوصا بالجراحات الخطرة. لما أهل المريض بيشوفو فينا الأمل وبينطرونا عباب العمليات لساعات طويلة والدمعة بعيونهن من خوف الفراق ..
هالشي بيخلينا نحارب لاخر لحظة بكتير من التعب وكتير من الشدة النفسية لانجاز الجراحة لنطلع ونقلن الحمدلله عسلامة مريضكن . كيف إذا كانت المريضة أم والجراحة قبل عيد الام بيوم..
وبيروح هاد التعب كلو لما نشوف مريضنا بخير. والبسمة عوجه الأهل..
مريضتنا اليوم كان عندها ورم كبير بالكلية اليمين بيتجاوز ١٥ سم مع التصاقات شديدة بالاعضاء المجاورة تم اجراء استئصال جذري للكلية والكظر الايمن وتخرجت مريضتنا بصحة كويسة .
العمل كان جماعي بروح الفريق 💚
شكرا للطاقم الجراحي والتخديري المساعد والكادر التمريضي
شكرا لثقة الاهل فينا والحمدلله عسلامة المريضة🌷🌷

22/03/2023

رمضان كريم ... كل عام و أنتم بخير...

06/02/2023

🚫
🚫

23/11/2022

لانو سرطان البروستات هوي من اشيع السرطانات عند الرجال
ولانو عادة بيتشخص بشكل متأخر وبيضيع عالمريض فرصة الشفاء
لهيك مع بدء حملة الكشف المبكر عن سرطان البروستات بحمص وريفها ممكن لكل الاخوة المدنين والعسكريين يدعو اقرباؤهن من عمر ال ٥٠ (٤٥ في حال وجود قصة عائلية) لمراجعة مشفى الشهيد عبد القادر شقفة للاستفادة من الخدمات اللي رح تتقدم من تحاليل مخبرية و خزعات بشكل مجاني👍👍
لانو صحتكن بتهمنا...
فحص صغير...
ممكن ينقذ حياة الالاف...
💚💙مع التمنيات بالسلامة للجميع💚💙