02/02/2024
اليوم رح نحكي عن جفاف العين يلي هو من أشيع الامراض اللي منصادفها بالعيادة العينية واللي هو عدم قدرة الدمع على ترطيب العين بشكل كاف إما لأن كميتو أقل من اللازم أو لأن تركيبو مانو كما يجب.
الأعراض حرقة، حس جسم غريب بالعين أحيانا مفرزات لزجة أو حتى دماع انعكاسي ، احمرار و حساسية للضوء وكتير من الأعراض اللي بتزعج المريض و بتخليه مانو مرتاح واللي ممكن تأثر حتى على جودة الرؤية عندو وأهم شي لازم نعرفو انو العلاج طويل الأمد وبدو صبر و التزام بتعليمات الطبيب.
