06/10/2020
شو يعني رضوض الأسنان ؟💁♀️ ايمت؟ بكون في خطورة ولازم نراجع طبيب باسرع وقت؟
كتير بيتعرضو اطفالنا لأذية وقع عتمو ضرب تمو بشي حاد 👩⚕️👩⚕️شو منتصرف ؟؟🤔🤔
اولا لازم نغسل الوجه منيح ونفحص وجود اي جسم غريب حسب مكان الحادث
ثانيا نتفقد الأسنان اذا انصابت بأي تخلخل او نزيف من حول الميزاب
👩⚕️👩⚕️دكتور سن ابني تغير محورو كان بجهة وصار بجهة شو اعمل ؟؟
👀هون لازم فورا وبأسرع وقت نشوف طبيب اسنان الاطفال كرمال يرجع السن لوضعو الطبيعي ويقوم بعملية التجبير اذا كان السن دائم 👍🏼
👩⚕️👩⚕️دكتور ابني اكل ضربة عتمو من زمان ونسينا القصة وبعد فترة السن صار لونو اسود؟؟ بس ماعم يوجعو شي
👀هون الدكتور بحب يقلك انو سن ابنك تموت اللب وصار غير حي وبحاجة لمعالجة
👩⚕️👩⚕️الطفل وقع وطار السن من مكانو وهي حالة شائعة وللصراحة بيترتب عليها فقدان السن بشكل كامل الا اذا كان الاهل واعيين وتصرفو صح 🔴🔴
👀عنا حالتين السن مؤقت بكون انفقد ومنعوض عنو تعويض مؤقت حتى يبزغ السن الخلف كرمال مايصير فقدان بالمسافة
👀👀الحالة التانية والاهم السن دائم 🔶️فووورا منبحث عن السن 🔶️ومنمسكو من الجزء الأبيض 🔶️منحطو تحت تيار مائي لمدة عشرين ثانية🔶️ ومنحفظو بسائل عدسات لاصقة او لعاب المريض او بالحليب حفظ السن بوسط مناسب مهم جدا لنجاح عملية إعادة الزرع
🔶️🔶️ومنتوجه لاقرب طبيب خلال اقل من ساعة حصرااا
بالنهاية الله يحمي ولاد الجميع ❤❤❤❤
