صيادلة ادلب صيدلية اسماء asmaa pharmacy

05/02/2026

02/02/2026

انواع جديدة #

01/02/2026

مينوكسيديل لعلاج الصلع الوراثي وانبات الشعر
من اقوى التراكيب وافضل الشركات...اميركي

29/01/2026

دولين...مستحضرات مخصصةللاطفال

28/01/2026

مساكم خير...
شوفوا نتائج سيروم عوامل النمو بعد تطبيق مرتين باليوم ل10اسابيع ....الدراسة انعملت ل42امرأة...

27/01/2026

#ناو #مكملات #صيدلية

26/01/2026

لانك عزيزتي الانثى بكل المراحل بتهميني...
كتبت هالبوست الك...
معلش طويل بس لذيذ...
عدّلي ظهرك… بتنسي؟ لا تنسي، ظهرك المستقيم سرّ جمال وثقة.
اعملي تمارين تمدّد (Stretching) لما تصحي من النوم وقبل ما تنامي.
الزنك يعني بشرة صحية… وبشرة صحية يعني زنك.
الحديد يعني شعر قوي… وشعر قوي يعني حديد.
فيتامين D مو مزح أبداً… هو نفسيتك، طاقتك، ومزاجك الحلو يا جميلة.
اشربي مي… بتنسي؟ لا تنسي، اشربي مي.
ديرما بن… اعملي ديرما بن… تعبت وأنا عم قول: ديرمااا بن 😄
فروة راسك لازم تكون نظيفة، كرمال شعرك يطول، يكثف، ويخفّ تساقطه.
خفّفي سكر… وإذا بتقدري توقفيه، وقفيه.
خفّفي كربوهيدرات:
الخبز؟ لا… لا…
الرز؟ ماشي، حلو الرز 😄
حاولي قد ما تقدري… كرمال صحتك ❤️
واطي صوتك كرمالك… مو لازم يكون في ردّة فعل على كل شي حواليك… خليها تولّع عادي 😌
صلّي… مهما كنتِ مشغولة، صلّي… الصلاة أمان.

ارفعي أوزان (تمارين مقاومة)… شكلك بعمر الخمسين رح يكون قمر عن جد، ورح تعملي كل شي كنتِ تعمليه بالعشرين والثلاثين، وتلبسي اللي بدك ياه.
شكلك الخارجي مهم… اهتمي بحالك، ورطّبي جسمك دائماً.
امسحي من راسك ثقافة التضحية المطلقة… المرأة السعيدة بتسعد اللي حواليها، مو العكس… إنتِ الأهم.
كوني ردّة فعل مو فعل:
بحبك؟ بحبك.
بتعاملني منيح؟ بعاملك منيح.
اتصلت؟ برد.
جبت خضرة؟ بعمل سلطة.
جبت فروج؟ بدلعك وبعمل أحلى صينية بطاطا مع فروج 😄
وارجع بقلك: اعملي ديرما بن… تعبت والله 😅
هدّي… لا تركضي، لا تخافي… الله معك وبيحبك… ورسولنا الكريم وصّى عليكي…
ربنا بيعرف قديش إنتِ رقيقة، حساسة، وبدك حب واهتمام حتى لو بتبيّني قوية…
الله بيعرف… وهيك بكفي ❤️