Dr. Yara Al Awwad

05/06/2025

وعساه يوم خير وجبر...
أضحى مبارك مع أطيب التمنيات بالصحة والسعادة للجميع

30/05/2025

بلش الصيف والشوب والحامل تعبانة وضايجة أكتر من الكل وعم تفكر فيا تروح عالمسبح؟؟؟؟؟ وطبعا خايفة عالبيبي !!!لهيك عم تسأل مو عحالا 😊
نحن خايفين عليكي❤️ أنت ❤️وعالبيبي😍 كمان😘 بس حابة طمنك كل التوصيات العالمية بشأن السباحة والحمل تؤكد أنو السباحة هي رياضة #آمنة و #مفيدة خلال الحمل وخاصة اذا كانت السباحة جزء من روتينك عالاقل بالصيف قبل الحمل
ولكن في شوية 💫نصائح 💫لازم #تلتزمي فيون لتقضي وقت حلو وأكتر اطمئنان🥰🙏..
• استشيري طبيبك قبل أول مرة رح تروحي عالمسبح وحتى لو كنتي متعودة تسبحي بالحمول السابقة لأن لكل حامل ولكل تجربة حمل جديدة ظروف تتعلق بوضعك الصحي ووضع الجنين
• البدء بشكل تدريجي وزيادة المدة تدريجيا صح في اوقات مسموحلك فيا هلأ رح احكيلك عنون بس مو من أول مرة نص ساعة بالمي عزيزتي
• تاكلي وجبة خفيفة قبل السباحة بساعة على الأقل وتشربي مي منيح #قبل و #بعد السباحة
• تكون السباحة بمي دافئة نتجنب شدة البرودة او السخونة
• التوقف فورا لما تحسي بتعب او دوخة او نزف مهبلي أو تقلصات أو ضيق نفس
• ما تنسي الاستحمام بماء نظيف فورررا بعد السباحة لازالة أثر الكلور والمعقمات كرمال صحتك وصحة الجنين

رح خبرك عن #الفوائد حتى تتشجعي اكتر
🤰السباحة خلال الحمل
• بتقوي العضلات وبتحسن اللياقة وبالتالي بتسهل الولادة المهبلية وبتساعدك تخففي من الترهلات اللي ممكن تصير بعد الولادة
• بتخفف وجع الضهر والمفاصل اللي بصير عند أغلبية الحوامل
• بتنشط الدورة الدموية وبتقلل الوذمات بالطرفين السفليين خلال الحمل
• بترووووقي وبتحسن مزاجك وبالتالي كمان البيبي بكون مبسوط معك 😍

وهي جدول صغير لتعرفي الوقت المسموح فيو حسب عمر الحمل عندك
تلت اول يعني للشهر التالت ربع لحد تلت ساعة مرتين او تلت مرات أسيوعيا
تلت تاني يعني للشهر السادس فيكي تسبحي نص ساعة يوميا ٣ او ٤ مرات بالأسبوع
التلت التالت يعني للتاسع وقبل الولاد ربع ساعة مو اكتر مرتين او ٣ مرات بالأسبوع وهون يفضل السباحة على الظهر


#الحوامل #السباحة #أمان فينا نسبح #بشروط لنستمتع #بالفوائد ونتجنب الاختلاطات

صيف ممتع للجميع أحبتي 🙏🤩🥰

23/05/2025

كل تعب سنينك بيترك أثر ...أثر حلو ...بس الأهم ما يكون أثر تعب جديد يأثر ع صحتك ونفسيتك وحياتك اليومية ...
السلس البولي( عدم التحكم بالمثانة وخروج البول من الجسم لا إراديا) #الجهدي فقط. ( عدم قدرة المريضة على التحكم بالمصرة البولية عند التعرض لجهد يسبب الضغط على المثانة مثل سعال... عطاس... حمل ثقل ) وغالبا سببه تعدد الولادات المهبلة رغم انو ممكن يحدث عند مريضة عاملة قيصريات بتزيد احتمالات حدوثو في حالات #البدانة ومع تقدم عمر المريضة
هالنوع من السلس البولي هو اللي #بيستجيب للجراحة أما السلس الناجم عن أسباب عصبية او الالحاح البولي اللي ممكن يزيد عالقلق والتوتر او كثرة التبول الناجمة عن الالتهاب أو مرض السكري ما بتستفيد عالجراحة
لهيك الخطوة الأهم #تحديد نوع السلس اللي عم تعاني منو مريضتنا الغالية بالفحصوات الدقيقة اللازمة وبعدا بصير الحل أسهل وأكثر فائدة ...
#مراجعة الطبيب و #شرح #الشكاية بوضوع وبدون خجل هو الاهم عزيزتي والاهم #الاهم #أنت وصحتك وسلامتك ونمط الحياة المريح اللي كل علاجاتنا هدفها توصلو

#الدكتورة يارا العواد
#أخصائية #بالتوليد والأمراض #النسائية و #جراحتها

01/03/2025

رمضاااان كرييييم 🙏🙏🙏
ينعاد عالجميع بالصحة والسعادة
مستمرين بالدوام في العيادة النسائية
سبت أحد اثنين من ٣ لل٦
ثلاثاء أربعاء خميس من ١٠ لل١

#ديارا العواد
#أخصائية بالتوليد والأمراض النسائية
#رمضان كريم

31/01/2025

*وكل ما فعلتم ،فاعملوا من القلب، كما للرب ليس للناس*
كولوسي٢٣.٣
بمحبتكم ودعمكم يكبر العطاء وبثقتكم يثمر ....

30/01/2025

يسعد أوقاتكم جميعا...
اعتذر عن غيابي الفترة الماضية....
وتسرني العودة لاستقبالكن في العيادة النسائية في جرمانا
بدءا من يوم السبت القادم 1/2/2025

بدوام مسائي أيام السبت والأحد والاثنين من الساعة ٣ حتى ٦ مساءا
ودوام صباحي أيام الثلاثاء والأربعاء والخميس من الساعة ١٠ صباحا حتى ١ ظهرا

للمواعيد الاتصال على رقم العيادة في أوقات الدوام 0115688487
أو رقم الموبايل( اتصال وواتس)
0991827870


#الدكتورة #يارا عواد العواد #أخصائية بالتوليد والأمراض النسائية وجراحتها
#جرمانا #شارع الفارس #فوق مفروشات بدمون

مع محبتي وأطيب الأمنيات بالصحة والعافية دوما ....

14/11/2024

الدورة #المنتظمة #!!!!!!؟؟؟؟؟؟
الحديث عن فيويولوجيا الدورة الطمثية يطول جدا جدا وممتع جدا
و #لكن
معلومة سريعة وبسيطة و مهمة لنكون مطمئنين ومتيقظين بنفس الوقت ... (صراحة القلق المبالغ به او الإهمال في المتابعة الطبية
هو ما دفعني للتوضيح وإن كان بسيطا وروتينيا سيما حاليا وأغلبية النساء تتابع دورتها سواء بالتسجيل الخاص او على تطبيقات الكترونية تساعدتها في ذلك )

طمث شهري #منتظم من حيث #المدة و #التواتر يعني دورة شهرية بفواصل زمنية متساوية لا يتجاوز الفرق #أسبوع أكتر او أقل ..

يعني دورة تتأخر شهرين أو تجي مرتين بشهر واحد هي أكيييد مو منتظمة وبدا مراجعة طبيب وتحديد ومعالجة الأسباب
أما دورة شهرية بس مو بنفس التاريخ من الشهر هي طبيعية ولا تستدعي القلق أبدا ابدا ببساطة لان الطبيعي كل 21 حتى 35 بتختلف من امرأة لأخرى حسب عدة عوامل والشهر ٣٠ او ٣١ يوم يعني مو بالضرورة تكون أبدا بنفس التاريخ !

بالاضافة للتنويه الى انو #بطرفي سن النشاط التناسلي يعني تحت ١٨ وفوق ٤٥ طبيعي جدا قبول عدم الانتظام ولا داعي للعلاج الى في الحالات #المرضية التي تشخص من قبل طبيب النسائية!!!!

وللتنوع الهرموني خلال مدة الدورة الشهرية( من اليوم الأول للطمث حتى اليوم الأول من الطمث الذي يليه) تأثير علينا ولكن أيضا بنسب مختلفة من امراة لأخرى و #وعينا به يسهل علينا السيطرة والتحكم وإدارة الظروف!!!!
#تمنيات السلامة والعافية دوما
#الدكتورة يارا العواد
#أخصائية في التوليد والأمراض النسائية وجراحتها

Learn about the science and symptoms of a woman's 28-day menstrual cycle, hormones & period.Explore the science behind the body's greatest mysteries -- in tw...

30/12/2023

بمناسبة نهاية هالسنة #2023
بدي قول لمواليد #2023نورتوووو حبايبي بكل ولادة ميلاد جديد انشالله دايما لطفل #معافى و #سعيد و #للمامات اللي قامو بالسلااامة بهالسنة #الحمدلله #عسلامتكون من مشوار الحمل الشاق والشييق!!!
وللأمهات الحوامل هلأ انشالله سنة 2024تكون خير وسلامة الكون ولعيلكون ويجيو عهالدني أحلى مواليد تكبرو فيون ومعون ...
#ولكل اللي عم يفكرو بالحمل انشالله سنة 2024 سنة #الثمر المبارك
ومعكون رح نبدا سنتنا الجديدة اللي مندعي تكون فرح وسلام وتحقيق أغلى الأمنيات...
معكون رح نبدا بشوية نصائح وتوصيات لان كتير مهم للأم تكون مستعدة لهالرحلة حتى تعيشا وتكملا بأمان لصحتا ولجنينا الغالي عليها وعلينا ..
هلأ ما رح اشغلكون كتير منبلش ع اول السنة انشالله بالاستعداد للحمل ومسيرة الحمل التوصيات العامة اللي بتمنى تاخدو فيا بما لا يمنع #استشارة الطبيب اللي بتبقى #الأهم دايما و #الأشمل والأكثر فائدة لكل سيدة حامل أو ترغب بالحمل...

#ما بيمنع قلكون انو اسهرو مبسوطين بس كلكون كلكون الحوامل الراغبات بالحمل بعدو عن #الكحول و #التدخين بمافيه #الأركيلة بسهرة راس السنة و #كل السنة ...ومنحكي لاحقا عن تأثيرون عليكون وعالجنين

وتكونو متأكدين من الغسيل الجيد للخضرا والفواكي بعرف كلكون ملتزمين بس قصدي فيكي تاكلي سلطة بتحبيا او شوية تبولة اذا مشتهيتيا الأهم #النظافة و #الكمية القليلة( البقدونس بكمية معتدلة غني بحمض الفوليك ومضادات الأكسدة اللي بتقوي المناعة والبوتاسيوم والمغنزيوم ولا مانع من تناوله من قبل الحامل ...أما الكميات الكبيرة جدا منها وبسبب مادتيMyristicinوApiol قد تؤدي لتقلصات رحمية وزيادة نسبة الإجهاض) أما اللحومات الغير مطهية او السودا او الكبة النية اذا كنتي من اللي بحبون فأكيد بلاها هالسنة واعتمدي اللحوم #المطبوخة او المشوية بشكل جيد أمانا لك وللجنين ..

#وللراغبات بالحمل اللي عندون زيادة وزن او بدانة انبسطو كمان بيلي بتحبوه بهالسهرة بس بعدا لازم نبلش نخفف وزن لأن #منزيد #فرصة #الحمل و #منقلل #الاختلاطات #الخطرة على الأم وعلى الجنين كل ما قدرنا نبدا حمل بوزن طبيعي (هي نصيحة صغيرة صح بس تأثيرا كبير ومنحكي عنو مفصلا بالايام الحلوة الجاية انشالله )

شكرا لكل اللي تابعونا بال2023 معكون وفيكون منكبر ونعمة ربنا وثقتكون هي دوما وقود الطريق للأستمرار ولمزيد من العطاء وانشالله تكون سنة 2024 سنة خير عالجميع

#يارا عواد العواد
#أخصائية #بالتوليد و #النسائية و #جراحتها
العيادة #جرمانا #دوار الباسل

19/10/2023

سعيدة جدا بمتابعتكم للصفحة ...🙏
أملا أن تكون موثوقة ومفيدة للجميع ...👩‍⚕️
ثقتكم ومحبتكم أساس البداية....❤
صحكتم وسلامتكم خير ثمر...😘