Dr. Marah E Jarboua

07/12/2025

30/11/2025

جارتي الحلوة شجرة البلوط كل يوم منسلم على بعض واليوم نزل المطر يعمل معنا صبحية

يسعد أوقات الجميع

د.مرح جربوع

27/11/2025

بتعرفوا إنو صباح الخير مابتكون صباح الخير لولا هرمون الكورتيزول الي هو أول هرمون بينفرز بالنهار لنستيعد طاقاتنا ووظائفنا الحيوية كلها ومع انو الناس بس تسمع باسمه بترتعب بس أنا هون لرد الاعتبار لهرمون حيوي ومهم جدا يعتبر معجزة حقيقية في أجسامنا فسبحان مين رتب هالكون من أصغر خلية بتكون بجسمنا لأكبر مجرات الفضاء الي لساتنا عاجزين عن سبر خفاياها ولهلق ما منعرف الا القليل عن بعض الاشياء

ويسعد صباحكم أصدقائي

بتمنى العافية للجميع

د.مرح جربوع

21/11/2025

يسعد صباحكم أصدقائي
متل ما وعدتكم من البداية رغم سفري بس كل فترة شهر تقريبا رح كون معكم لتابع كل مرضاي وقدم الرعاية والاهتمام الطبي الواجب علي اتجاه الجميع
رح كون بكرا السبت والاحد٢٢ـ٢٣تشرين الثاني متواجدة بالعيادة صباحا ومساء
مابعرف إذا ضل مواعيد متاحة لأن الحجز عم يكون عمدار الشهر بالتنسيق مع السكرتيرة اللطيفة سوزان بس أكيد لأي حدا مضطر ممكن يجي عالانتظار واهلا وسهلا فيكم والف عافية لقلوبكم
للاستفسار اكتر التواصل واتس أب عالرقم
+963 934 106 271
0934106271

بتمنى العافية للجميع
د.مرح جربوع

15/11/2025

صباح الخير أصدقائي
البارحة ١٤تشرين الثاني كان اليوم العالمي للداء السكري وحبيت اعمل شيء مختلف هالسنة ووجه التوعية لألطف فئة بالمجتمع الي هم الأطفال
تواصلت مع إدارة مدرسة بناتي الإدارة المميزة الي دائما عندهن نشاطات بتخص صحة الأطفال متل يوم الصحة العالمي أو حتى زيارة لطبيب الأسنان للتوعية العامة وهالشي شجعني أني كون معهم بهاليوم لتقديم شوية معلومات توعوية للاطفال
كان اللقاء جميل جدا وتفاعل الأطفال وفهمهم للمعلومات كان مذهل
اشتغلت عالموضوع وكان صعب كتير تبسيط المعلومات لحتى أطفال كتير صغار يتقبلوها ويحبوها بس الحمدلله التوفيق كان من رب العالمين
شكر كبير لإدارة المدرسة الاكثر من نموذجية
Starfish المتمثلة بالسيدة بثينة مرعي والسيدة رانيا مرعي ولكل المعلمات الفاضلات وباقي الطاقم المتميز

بتمنى العافية للجميع
د.مرح جربوع

15/10/2025

صباح الخير أصدقائي
شو بتقول فيروز؟

قرب الموعد والشوق اكتمل

ونحنا كمان موعدنا قرب

المرضى الاعزاء

رح اتواجد بعيادتي باذن الله يومي السبت والأحد فقط من
الاسبوع القادم الموافق ل18و19 تشرين الاول للحجز التواصل ظهرا على رقم العيادة.
0115610011
أو التواصل واتس اب على الرقم

0934106271

ومنشوفكم بخير ان شالله
بتمنى العافية للجميع

25/09/2025

خبروه لعمو الي بيضل ماسك مرطبان العسل ومفكر أنه العلاج السحري لكل البلاوي

بتمنى العافية للجميع
د مرح جربوع

22/09/2025

شو رأيكن بالمعلومات بهالطريقة
مو أحسن ؟؟؟
عطوني رأيكن وشوية أفكار
والأهم استفيدوا وفيدوا أحبائكم من المعلومات الطبية لأنها جدا مهمة

بتمنى العافية للجميع
د.مرح جربوع

17/09/2025

بعد معاناة طويلة من الارهاق والتعب الشديد على أقل جهد وآلام معممة بالجسم تساقط شعر وشحوب بالبشرة وضيقة نفس متكررة مع حس خفقان دائم بالقلب ورغم اني بعرف العنصر المهم الي لازمني ولكن متل ماخبرتكن أسوأ المرضى هم الأطباء ومابفهم ليش هالقاعدة عنجد صحيحة معظم الأطباء ممكن يصلوا لمراحل متقدمة من أمراض هنن بيعرفوها وشخصوها سابقا لكن بيتم الإهمال الغير مبرر للعلاج أو عالقليلة إجراءات تخفف من الاعراض
المهم بالأخير أخدت القرار وعملت التحليل اللازم لأعرف احسب جرعة العلاج المطلوبة وللآسف كانت النتيجة انو مخزون الحديد عندي منخفض جدا جدا ومرافقه فقر دم شديد لهيك حسيت انو خلص لازم اخد العلاج واحمي حالي من مضاعفات قد تكون أخطر من الي كان عم يصير معي
ورحت عالمشفى )مشفى جرمانا الجراحي) وتم نقل جرعة الحديد اللازمة خلال عدة ساعات مشكورين جدا بالمشفى كان التعامل جدا راقي ولطيف وكان الإجراء بإشراف الدكتور قصي السعدي الطبيب الغني عن التعريف المتميز والإنساني والي قدملي دعم كبير ومحبة وخلا الإجراء يكون بسيط وسلس وعنجد مابعرف ليش ماعملته من زمان وريحت حالي من أعراض جدا كانت تاعبتني ومأثرة على نشاطي وحياتي

كتير سيء نهمل أعراض مهمة عم تصيبنا بدون استشارة وعلاج هاد الي صار معي شي مالازم ينعاد وبالفعل بلشت بأخذ المقويات والفيتامينات اللازمة لانه الصحة من أكبر نعم رب العالمين وأقل الواجب نحافظ عليها قدر المستطاع

بتمنى العافية للجميع

د.مرح جربوع

03/09/2025

تعالوا ندعي كلنا لرجاء تنجح وتصير مهندسة
ولا تسألوني مين رجاء مابعرف

هي كانت بين مصاري المعاينات اليوم وحبيت قديش نحنا شعب طيب وأمنياتنا نناجي فيها رب العالمين بكل الطرق قد ماكانت بسيطة أو كبيرة
وحبيت أكتر شارككن الصورة لندعي كلنا مو بس لرجاء لكل شباب وصبايا هالبلد يحققوا أمنياتهم وتكون الأيام القادمة سلام وخير
ومحبة للجميع

بتمنى العافية للجميع
د.مرح جربوع

31/08/2025

ورجعنا .....
صباح الخير للأصدقاء الأعزاء
وبعد غياب شهر كامل عن العيادة
وطبعا ممنونة لكل مين اتصل وتواصل معي الحقيقة غمرتوني بالمحبة واللطف
سأعود بإذن الله في بداية شهر أيلول ولمدة أسبوع لأخذ مواعيد
للمعاينات والمراجعات
وسأكون في الفترات القادمة في العيادة في أوقات متفرقة لذلك المراجعات تكون عن طريق حجز الموعد والتواصل على أرقام العيادة
للحجز
الأرضي 0115610011

جوال وواتس
0934106271

د.مرح جربوع

13/07/2025

يحدث عندما يخدعنا😭 الداء السكري وخصوصي النمط الثاني بأن يصيب الانسان لفترة زمنية طويلة قد تمتد لسنوات بدون أية أعراض سريرية واضحة أو نوعية وتكمن خطورته بأن المضاعفات قد تظهر قبل حتى تشخيص السكري كالمضاعفات القلبية🫀 الخطيرة

لتجنب السكري الصامت وتشخيصه في الوقت المناسب على الأشخاص المؤهبين لعوامل الخطورة إجراء فحوصات دورية واستشارة طبية مرة في السنة على الأقل

⛔ عوامل الخطورة الأهم ⛔
١ـ قصة عائلية لوجود الداء السكري
٢ـمقاومة انسولين
٣ـزيادة الوزن واضطراب بأرقام الشحوم والكوليسترول ومرضى الضغط
٤ـسوابق العلاج بالكورتيزون
٥ـ السيدات اللواتي سبق وحدث لديهن سكري حملي٦-الشابات اللواتي يعانين من مبيض متعدد الكيسات

أتمنى العافية للجميع
د.مرح جربوع

#داءالسكري #القدمـالسكرية #مقاومةـأنسولين #سكري #غدد #طعام #البلوغ