What are the opening hours?

Monday 12:00 - 16:00 Tuesday 12:00 - 04:00 Wednesday 12:00 - 04:00 Thursday 12:00 - 16:00 Sunday 12:00 - 16:00

https://www.facebook.com/112825308498728/

Dr.Ali R.Muhammad, دوار الزراعة/اللاذقية/سوريا, Lattakia (2025)

07/01/2024

وحدة من المشاكل اللي بتواجهنا باختصاصنا هيي انو المرضى بيتأخروا ليتخذوا قرار التوجه للطبيب 🤕
وبكتير من الأوقات هالتأخير بكون بسبب مشاغل الحياة أو توفير تكاليف الفحص والإجراءات التشخيصية أو حتى الخوف من التشخيص 🤷‍♂️
ولكن هالشي ببعض الأوقات ممكن يكلف المريض كتير كتير 💔
وحدة من الحالات اللي مو لازم المريض يهملها أبداً هيي نقص السمع المفاجئ اللي بصير خلال ساعات قليلة أو يومين تلاتة بالكتير ⏰⏱
هي الحالة ممكن تنتج من أسباب عديدة بعضها هين وبسيط متل السدادة الصملاخية..
وممكن تكون أكثر جديةً متل انثقاب غشاء الطبل أو نقص السمع الحسي العصبي المفاجئ واللي بيتطلب بدء العلاج بأسرع وقت وتأخر العلاج ممكن يقلل فرص الشفاء بشكل كبير بينما العلاج المبكر ممكن يعطي شفاء كامل ❤️❤️

16/07/2023

كلنا منكره الصيف (ما عدا البعض اللي بيستلذوا بالعذاب)، لكن الصيف العادي بكفة وموجات الحر اللي عم نعيشها بالأيام الأخيرة بكفة تانية 🥵🥵
ولأن لسا من المتوقع يجي موجات تانية وربما تكون أسوأ من الموجة الحالية
لازم نعرف انو فرط الحرارة ممكن يكون الها اثار صحية مؤذية جداً وممكن تكون مميتة بالنسبة للأطفال الصغار وكبار العمر والحيوانات الأليفة.. 💔💔
ولذلك لنقدر نتجاوز هي الموجات بسلامة لازم نلتزم بالنقاط التالية:
1- تناول كميات كبيرة من المياه (أكتر من 3 لتر في حال كنا قاعدين بالبيت وأكتر من 4 بحال اضطرينا نتحرك ونشتغل خلال اليوم)
2- حاول تقليل نشاط البدني وتجنب الرياضة وكافة الأعمال المجهدة
3- حاول عدم الخروج في الشمس في أوقات الذروة (بين 11 صباحاً و4 ظهراً)
4- يمنع منعاً باتاً ترك طفلك الصغير أو حيوانك الأليف في السيارة لفترة من الزمن أثناء انشغالك بالتسوق أو بأي عمل آخر
5- افتح أبواب ونوافذ السيارة لبعض الوقت قبل دخول السيارة واستخدامها
6- تجنب قيادة السيارة والسفر أوقات الظهيرة
7- تجنب وضع القداحات أو عبوات الغاز أو علب العطر ضمن السيارة أثناء النهار
8- ارتدي الملابس القطنية وابتعد عن الملابس المصنوعة من النايلون
9- إذا خيرت بين تشغيل المروحة أو المكيف اختر المكيف
10- حاول الحصول على دوش قصير كلما سنحت الفرصة
11- ابتعد عن مشروبات الطاقة والكافيين والمأكولات التي تحرض الجسم على إنتاج الطاقة كالسكريات البسيطة والسمك .. إلخ
12- عاود الاتصال والاطمئنان على قريبك أو قريبتك الذين يسكنون لوحدهم وتأكد من حالتهم الصحية
13- شارك المنشور مع أصدقائك ومعارفك

07/07/2023

هنا بعض النصائح الطبية لأمراض الأذن والأنف والحنجرة:

- تجنب التعرض للسخونة أو البرودة الشديدة لتقليل التهيج والاحتقان

- استخدم بخاخات أو قطرات لترطيب الأنف لتخفيف انسداد الأنف

- تجنب الأبخرة والدخان والهواء الملوث لتقليل التهيج

- خذ مسكنات أو مضادات استشعار الألم عند الأمراض المصاحبة لآلام مثل ألم الأذن

- تجنب استخدام القطن أو عيدان الأذن لتنظيف الأذن

- راجع طبيبك عند ظهور أعراض مثل: صداع مزمن ،دوخة مستمرة ،فقدان سمع ،نزيف من الأنف أو الأذن ،ضيق في التنفس أو تغير في الصوت.

- خذ المضادات الحيوية كما وصفها الطبيب لعلاج أي عدوى بكتيرية.

#الذكاءالاصطناعي

05/07/2023

❤️❤️❤️ فيدباك لطيف من إحدى مريضات البوتوكس ❤️❤️
#بوتوكس

01/07/2023

حقن البوتوكس لإزالة الابتسامة اللثوية المسببة بفرط نشاط العضلات الرافعة للشفة العلوية ❤️
#بوتوكس

30/06/2023

كلنا يمكن منخاف شوي لما نشوف الدم، وأكيد لما يكون الدم من الأنف بكون مخيف شوي أكتر 😰
لكن رغم هيك بتبقى الحقيقة انو الرعاف هوي من أكتر المشاكل الشائعة اللي كلنا عشناها مرة أو أكتر بحياتنا 😣
لو كان الرعاف بسيط وكميتو قليلة فينا نتبع ما يلي:
- خفض الرأس قليلاً للأمام على عكس الشائع عند كتير ناس بترجيع الرأس للخلف (منشان ما نبلع دم أو الدم يدخل جزء منو للقصبات)
- ضغط على القسم الرخو من الأنف بالإبهام والسبابة
- الاسترخاء والتنفس من الفم لمدة 10-15 دقيقة
99% من الحالات هي الخطوات كافية لإيقاف الرعاف ☺️
في حال كانت كمية الرعاف كبيرة أو ما قدرنا نوقفو بهي الخطوات أو في حال كان الرعاف نتيجة رض قوي على الأنف يفضل نتوجه لأقرب طبيب أذن أنف حنجرة أو أقرب مركز صحي 🙌
منشن لرفيقك اللي بتصيبو نوبة هلع لما يشوف نقطتين دم 🤣
ولا تتردد بالتواصل بحال وجود أي سؤال ❤️
#الرعاف

27/06/2023

عيد أضحى مبارك ❤️
#عيدالاضحي

24/06/2023

بكتير قعدات ولقاءات يبادر أحدهم اللي معو ابنو الصغير (طبعاً بعد جملة ليك بابا الدكتور معو ابرة ها 🤦‍♂️) وبيسألني بكل ثقة (دكتور شو رأيك منشيل لوز الصغير؟؟)
أول شي اللوز مو موجودين بالجسم عن عبث، اللوز الهن وظيفة مناعية هامة بحماية الطريق التنفسي من دخول العوامل الممرضة 💪
ولذلك استئصال اللوز بكون لما يسببولي مشاكل تفوق النفع اللي عم يقدموه، وهون فينا نلخص استطبابات استئصال اللوز وفق الأكاديمية الأمريكية لأمراض الأذن والأنف والحنجرة وجراحة الرأس والعنق بالنقاط التالية:
1- التهاب جرثومي متكرر أكتر من تلت مرات سنوياً رغم المعالجة المناسبة (يعني اذا عطيتي طفلك أدوية عن رف المطبخ وتحسن كم يوم ورجع صار التهاب فهاد الالتهاب نفسو ما طاب وما بينحسب التهابين) 😶🙄
2- الضخامة الكبيرة اللي بتسبب انسداد بالطرق الهوائية أو مشاكل بالنوم أو اختلاطات قلبية رئوية 😨
3- لما التهاب اللوز يكون عم يسبب اختلاجات حرورية
4- لما نشك بورم خبيث باللوزة
5- التهاب اللوز المزمن اللي عم يسبب رائحة فم كريهة ومشاكل بالتذوق بحال لم يمكن علاجه دوائياً
6- خراج حول اللوزة المعند
خارج هي الحالات لا داعي لاستئصال اللوز 🙌
مع العلم انو عملية استئصال اللوزتين بتكون عند الأطفال أسهل بكتير منها عند البالغين 😅
طبعاً بسوريا فينا نضيف استطباب سابع هوي انو المريض عبالو يشبع بوظة ومو ملاقي طريقة تانية يقنع أهلو فيها 🤣🤣🤣
فيكن تشاركوا البوست وللاستفسارات فيكن تتواصلوا عالعناوين الموجودة على الصورة
#اللوز #جراحة

22/06/2023

الجينات الروسية ما قدرت تحمي الصبية من التجاعيد 🙌
لكن البوتوكس قدر يمحي التجاعيد من جذورها 😎🙌❤️
حقن بوتوكس وجه علوي لإزالة تجاعيد الجبهة والعبسة وحول العين ❤️

#بوتوكس

20/06/2023

شي مرة اجا قرايبك أو رفيقك عم يشتكي من وجع بالأذن.. ومعصب لأن دكتور الأذنية بعتو لعند دكتور الأسنان؟ 🤨
الأذن بتتميز بتعصيبها المتشابك شوي مع عدد من المناطق التانية
شو يعني هالحكي؟🤨
يعني الأعصاب اللي بتوصل للأذن مرتبطة مع الأعصاب الخاصة ببعض المناطق التانية، وبسبب هالشي دماغنا ممكن يغلط ويفسر الألم اللي جاي من هي المناطق على انو جاي من الأذن نفسا😵‍💫
وهيك؟؟
وهيك بتحس بألم بالأذن لكن المشكلة ممكن تكون بمناطق تانية متل:
- الحنجرة أو البلعوم الحنجري
- الأسنان أو المفصل الفكي الصدغي
- البلعوم أو اللوزتين
- الفقرات الرقبية
ولذلك بحال ما شفنا بالأذن شي يفسر الألم لازم نتحرى هي المناطق كلا ونبحث عن أي مشاكل خفية فيها 👨‍🔬
شارك المنشور مع رفقاتك خلي الكل يستفاد

17/06/2023

شي مرة طلعت بزورق أو قارب أو حتى سيارة وحسيت هالدنيا الغدارة بلشت تفتل فيك؟ 😵‍💫😵‍💫
دوار البحر أو دوار الحركة كتعبير أدق هوي نوع من أنواع الدوار اللي بتصير عند بعض الأشخاص نتيجة التعرض لحركات متعددة مع تعارض الإشارات القادمة من الأذن الباطنة مع الإشارات القادمة من العين 🤨🤨
هالشي بخلي الدماغ يتلبك ويعمل حالة من الدوار بتتميز بحدوث الغثيان والإقياء والشعور بالإرهاق وربما ببعض الأوقات الشحوب والتعرق 😩
يجدر بالذكر انو بعض الروائح القوية ممكن تزيد من سوء الحالة والأعراض ولهيك رائحة السمك بتخلي الحالة بالبحر أسوأ بكتير ولهيك انشهرت الحالة بدوار البحر 😅
شو فيك تساوي لتخفف من الأعراض؟
- حاول الجلوس بمكان فيه أقل قدر من الحركة (منتصف الزورق أو المقعد الأمامي بالسيارة)
- حاول تثبت النظر على نقطة ثابتة وبعيدة متل خط الأفق أو جبل بعيد أو هيك شي
- حاول تنفس ببطء وعمق
- ما تجرب تقرأ أو تحضر فلم أو تستخدم الموبايل أثناء هي الحالة
- ممكن تاخد بعض الأدوية بشكل وقائي بوصفة من طبيبك 👨‍🔬👨‍🔬

16/06/2023

حقن البوتوكس لإزالة التجاعيد الحركية في الوجه ❤️
#تجميل #بوتوكس

Dr.Ali R.Muhammad

07/01/2024

16/07/2023

07/07/2023

05/07/2023

01/07/2023

30/06/2023

27/06/2023

24/06/2023

22/06/2023

20/06/2023

17/06/2023

16/06/2023

Address

Opening Hours

Telephone

Website

Alerts

Contact The Practice

Shortcuts

Share

Category

Monday	12:00 - 16:00
Tuesday	12:00 - 04:00
Wednesday	12:00 - 04:00
Thursday	12:00 - 16:00
Sunday	12:00 - 16:00