https://www.facebook.com/103492172426167/

Dt.Ghada Hamdan, العنوان مركز ( هوم بيوتي ) جانب عيادة الدكتور علي سركل, Masyaf (2025)

28/04/2025

قصة نجاح

راجعت المريضه المركز
بتاريخ ١٨ / ١ تعاني من بدانه درجه اولى ( زيادة 20 kg ) بوزن 92

وتشكو من ألام بالمفاصل
وتحديدا مفصل الركبه

اليوم بعد مرور 3 أشهر و 10 أيام
صار الوزن 77😍👏
ونسبة المي والعضل بالجسم
صارت مرتفعة👌
*مع نسبه للدهون ضمن الطبيعي*
وتحسن كبير بالحركه
بعد المعاناة من أوجاع الركبه
لانو كل كيلو منزلو من الوزن بيخف عن مفصل الركبه ٣ كيلو

وهيك منكون نزلنا 15 كيلو💪🏻

وشكراً للصبيه يلي سمحت ننشر الحاله من فرحتا بالنتيجه

اختصاصية التغذيه غاده حمدان

27/06/2023

رجعتلكم بعد غياب 😍🥰
انجاز جديد وجميل بلشنا بوزن ٨٦ واليوم بعد مرور شهر ونص من الالتزام والمتابعه والإراده القويه خسرنا ٩ كيلو وصرنا ٧٧ 👏👏💪🏿مع نزول كبير للدهون الحشويه وارتفاع مميز لنسبة العضل والمي مع تحسن ملحوظ بالحياة الصحيه بعد ما كان في عدة مشاكل😁

29/03/2023

وخصوصاً يلي بياكل حلويات من وقت الإفطار لوقت السحور هاد غير الفواكه الزايده
وغير النقرشات يلي بتكون جنب المته من شيبسات وبسكويت وشوكولا ومكسرات ونقارش كتيره كلا صبغات وملونات وغير المشروبات يلي بتكون كلا سكر أبيض ..
وغير الأكل المقلي يلي بكون غرقان زيت عالإفطار والأكلات المدهنه والتقيله يلي بتكون طيبه كنكهة بس فقيره بالقيمه الغذائيه وعاليه كسعرات وكالوري ومع نهاية الصيام منكون زدنا دهون وما استغلينا هالشهر بالشكل الأمثل....

نصيحتي الكم :
الفواكه هيي حلويات الطبيعه كلو منها وتحلو فيها بدل القَطر الزايد واعتدلو ما تزيدو عن حبتين فواكه باليوم او اصنعو حلوياتكم بالبيت يلي بكون أساسا حليب مو طحين متل الكاسترد او أي شي خفيف وحطولو بسكويت سامي ،
الأكل المقلي كلو ضرر اعتمدو عالأكل المحضر بالفرن واذا انجبرتو عالقلي شوحو الأكلات بشوية زيت زيتون أو بالقلايه الهوائيه .
بعدو عن النقرشات المصنعه وخلي خياركم صحي متل البوشار المحضر بملعقه صغيره زيت وفيكن تاخدو ٢ ملعقة طعام من أي نوع بزر مع ١٠ حبات فستق جنب المته
ولا تنسو تشربو مي كل ساعه كوب من وقت الإفطار لقبل ما يآدن ..

ِّيه_فقط

28/03/2023

لا تقعد بقلب المغريات وتقول مافيني قاوما
لازم ابعد واحجب حالي عنا وما شوفا
وامنع حالي من الوصول إلا
و إلا أكيد رح تضعف

لهيك يلي بتعرفو خيار سيء لوجبة السحور أو الإفطار
ما تشتريه أو ما تخليه يكون موجود قدامك
لأنو وقت الجوع رح تاكل أي شي وتهمل قيمتو الغذائيه وضررو عجسمك

هي الفتره الذهبيه لتعود حالك عبدائل غذائيه فيها كل الفائده إلك يلي بتكون متوفره اكتر ومقبوله كسعر أكتر..
متل البيض بديل للبروتين الحيواني او البقوليات بأنواعها، والتمر بدل الموز لغناهم بالبوتاسيوم يلي بيمنع العطش
والدهون الصحيه على رأس القائمه زيت الزيتون.

24/03/2023

رمضان مبارك ينعاد عالجميع بالخير والصحه رح كون معكم بشوية نصائح رمضانيه🩶
حاولو تكسرو صيامكم مو عالتمر لحالو صحيح فوائدو كبيره وكنز معادن بس
يلي بحب ياخدو ياكل معو جوز او لوز لحتى نغلفو بمصدر دهون صحيه وما يرتفع سكر الدم كتير وفجأه بعد يوم صيام طويل وخصوصاً ل يلي عندن أمراض مقاومة أنسولين وسكري نوع تاني ومبيض متعدد الكيسات وغيرها او تاكلو التمر مع كاسة لبن
بعدا لازم تاكلو شوربة العدس مع عصرة الليمون لتتهيأ المعده لاستقبال الطعام ومناكل بعدو طبق السلطه الغني بالفيتامينات والألياف وهيك بكون مر ١٠ دقايق
ولبين ما بلشتو بالطبق الرئيسي امضغو على مهل وكلو بهداوه بكون الدماغ بلش يفرز هرمونات الشبع وهيك ما بتاكلو كميات كبيره ولا بتدايقو
ريحو شي نص ساعه وبعدا امشو شوي وفيكن تاخدو حصتكن من الفواكه يلي هيي حبه او حبتين فاكهه ومع كل ساعه كاسة مي من وقت الإفطار لوقت السحور
لا تشربوها دفعه وحده وتعملو عبء عالكليه لأنها رح تروح بالإدرار ..
ورح نحكي ببوست أخر عن مكونات وجبة السحور

14/03/2023

ضل أيام قليله عموعد قدوم الشهر الفضيل وهلا فرصتك الذهبيه لتستغل خطواتك بالشكل الأمثل وتغير خطتك ونمطية تعاملك مع جسمك
لتوصل لهدفك ،وتستغل فترة الصيام الإسلامي لتحسن عاداتك الغذائيه ونمط حياتك

لنغير أي عاده غذائيه منحتاج ٢١ يوم لتغييرها
وع مدار هالشهر الكريم ٣٠ يوم رح نقدر نبني فيهم عادات جديده تساهم انو صحتنا تكون للأفضل وروتينا اليومي يكون أقرب للصحي مع خيارات حلوه ومفيده ومغذيه 😁

ونقدر نتدارك أي تخبيص
بوعي أكتر وتصرفات مدروسه لحتى نستمتع بأي أكله بدون ما نحس بتأنيب الضمير

سارع بالاشتراك بالتحدي الرمضاني ونتعلم سوا كيف نكسر صيامنا ونبدأ فطورنا الرمضاني بترتيب أكتر للوجبات
لحتى تستقبل العيد ونحنا بأحلى جسم وقياسات

08/03/2023

يوم #المرأة العالمي...
كل عام وأنتن الأمان وأنتن الحياة
كل عام وأنتن القوة والحكمة والصبر والعطاء⁦🤍

الكلام يلي بالصوره جداً مهم كوعي الك ويلي لازم يترافق معو إنو..

حبي شكلك وكوني واثقه من نفسك ومتصالحه مع ذاتك مع كل عيب بتشوفو عيونك انتي ولا تضوي الا عالقصص الايجابيه عندك
وما بيمنع اذا كنتي حابه التغيير وتوصلي لهدف معين لأنو زاعجك شي معين بجسمك وحابه تكوني أحسن

تطلبي المساعده من خبير وتاخدي بنصايحو وتسمعي التوجيهات والتعليمات
لحتى تحطي معو أهداف منطقيه وخطه مدروسه ولو طويله لتحققي غايتك بدون حرمان وتجويع وتعب نفسي

وتصبري وتحبي حالك بكل مرحله انتي فيها وتستمتعي مع جسمك وتسمعي لرغباتو وبس اشتهيتي أي شي دللي حالك من وقت للتاني واعملي كونترول عطول بس لزم الأمر
الحل عندك بإنك تضبطي شهواتك وتعطي الأولويه لصحتك
بس بيحتاج وعي منك وإراده وصبر ومجهود ووقت لرحلة تغيير نمط الحياة والسلوكيات

31/01/2023

بما انو قرَّب عيد الحب
وكتير من المرضى ما بتحب حالا ولا بتحب شكل جسما ولما بتاخد نتيجه حلوه ما بتفرح فيها بضل ببالا شكلا القديم حبيت احكيلكم ..
محاولة إنك تخلص من شي رح تخليك توقع فيه أكتر
العلم مع معلومات الطاقه الحديثه اكتشفو إنك مجرد ما تكون بدك تخلص من شيء بتشحنه طاقه منك فبيتغذى عليها وبزيد
ولما بتركز بحياتك بتشوف إنو أكتر شي مستمر معك بحياتك هو يلي إنت بدك تخلص منو من زمان بسبب انك بدك تخلص منو بتعطيه طاقه فإنت بتتعب وطاقتك انت بتخلص وهوي بيكبر

متل حب الشباب لما بدك تخلص منو رح يزيد بس لو نسيتو وما كان في اختراع اسمو مرايه بروح لحالو لو شلتو من تفكيرك عالخالص بس لأنك مركز عليه بالمرايه وعم تراقب كل حبه وتقول هاد منظر ولي هيك رح يستمر معك سنين ومتلو متل زيادة الوزن
لهيك غلط انك تخلص من شيء وأفضل علاج لهل الحاله
اتعامل معو كشيء طبيعي مشكله وصارت وتأقلم معو ودور عالمسبب وعالجو والمهم النتيجه وحب حالك بأي طريقه كنت فيها ويلي بدك ياه رح صير تلقائي

نحنا ما منوجه افكارنا وهاد غلطنا
منخلي أفكارنا تسرح فينا لهيك ما منعرف معنى راحة البال وبالعكس هاد مو امر بديهي انك تخلي خيالك يسرح فيك المفروض كل حدا الو سيطره عأفكارو لازم يكون عقلك قادر يسيطر عكل أفكارك بس انت عم تخلي هوسك وتفكيرك الباطني يلعب فيك
لا تخلو المعايير يلي عم يفرضوها عالم عالسوشل ميديا هيي تكون محور حياتكم وعم تخلي عندكن هوس بشي ما بيشبهكم ارحمو حالكم من جلد الذات

مافي وزن مثالي ومافي جسم مثالي كل الوقت ومافي حدا بدين وهالكلمه كتير بشعه ومانها صح
تعلم حب نفسك فالثقه هيي سبب كل نجاح
وافرح بانجازاتك الصغيره لأنو لما تجمعا رح تحصل ع نجاحات كبيره

13/01/2023

يلي بزيد الحرق يعني مقدرة جسمك وكفاءته لاستغلال العناصر يلي بتعطيه ياها ليحولها لطاقه وبالتالي ما يصير عنا مشاكل بالوزن وأمراض مترافقه
لهيك يلي بزيد الحرق هو ( عملية تنشيط الغده الدرقيه)
لما منشط الغده الدرقيه المسؤوله عن الحرق إنو نوفرلا العناصر يلي بتحتاجا زنك ويود وسيلينيوم وفيتامينات ذوابه بالماء ونزود البروتين يلي هوي أهم شي
لأنو بروتين قليل = تخزين دهون أكتر وهالشي ما بدنا ياه
هدفنا دائماً نخلص من أكبر عائق لنزول الوزن

*الموضوع مو زيادة أكل كانت العالم كلا قللت أكلا وهيي قاعده بالبيت وخلصت من المشكله
*الموضوع هرموني هرمون اتخربط وخربط كل الجسم معو
التشخيص الصح نص العلاج
*وبضل الصبر هوي العامل الحقيقي يلي الكل ما بيدرك قيمتو بعملية تغيير شكل الجسم واذا ما امتلكت هالعامل ما رح تحقق أهدافك وتشوف تغيير حقيقي عجسمك

04/01/2023

مافي طرق مختصره
في تمن رح تدفعو لتحقق هدفك وأي محاوله لتخلق طرق مختصره أو تحصل عشي من دون ما تدفع تمنو هاد تضييع للوقت🙄
●إنك ترمي اللوم ع جيناتك هاد اكبر عائق بحياتك الجينات عامل وبعمرا ما كانت سبب ونحنا عنا توريث عادااات أكتر من توريث جينات😓
●وإنك تعتدل بالأكل هي نصيحة الكسلان وبعمرا ما كانت حل وأصلا فكره مو منطقيه لو انك عرفت تعتدل ل كان وزنك ما زاد من البدايه أصلاً
(كل الناس عندا آراء بكل المواضيع
لو اخدت رأي كل الناس قبل ما تاخد اي قرار بعمرك ما رح تاخد قرار صح ورح تتشتت لأنو ما رح تقدر تجمع بين كل هالأراء المتناقضه وأصلا مو مفروض تاخد رأي كل الناس)

31/12/2022

كيف منقدر نحمي أطفالنا من البدانة ⁉️

يلي ممكن يسبب أمراض متل السكري، الكبد الدهني، مقاومة الأنسولين...

العادات الخطأ متل الأكل الجاهز الشيبسات والكولا بتزيد من نسبة إصابة أطفالكم بمرض العصر (البدانة)

خصوصاً الأطفال قليلي الحركة ونمط غذائهم غير صحي

لنحميهم من هالمرض يُنصح باتباع نظام غذائي صحيح
من ميزاته 👇

✔ دون حرمان أو تجويع

✔ شامل لكل الفيتامينات والمغذيات الضرورية لنمو الطفل

✔ بيساعد على تقبل أصناف من الأغذية كانت غير مرغوبة للطفل

لنضمن استمرارية نجاح هي العملية في 3 أطراف مهمين

الطفل والأهل بتجاوبهم مع التوجيهات المقدمة من اختصاصي التغذية ويلي هو الطرف الثالث

للاستفسار عن أي حالة مرضية تواصلو معي على الرقم

0980173644

30/12/2022

قبل ما نودع هالسنه لازم نذكر إنجازات أبطالا ليكونو قدوه لكتير ناس بالعزيمه و الإراده😁
من أكتر الحالات الممتعه يلي اتعاملت معا بسبب تجاوبا معي بشكل دقيق .
هالصبيه واجهت مشاكل بالغده الدرقيه يلي هيي آلة الحرق بالجسم واستأصلت الغده الدرقيه و إجت بالوقت المناسب لحتى ما يزيد وزنا بشكل مبالغ فيه وبعدا بلشنا شغل سوا
لأنو آمنت أنو مافي شي مستحيل 🤩وقادرين نحقق أحلا نتيجه💪 ومع التزاما بالحميه والرياضه والصيام المتقطع وشرب المي
كسرنا القاعده النمطيه انو مرضى الغده الدرقيه نزولن بالوزن بطيء وهيك قربنا نثبت وزن 😌

Dt.Ghada Hamdan

28/04/2025

27/06/2023

29/03/2023

28/03/2023

24/03/2023

14/03/2023

08/03/2023

31/01/2023

13/01/2023

04/01/2023

31/12/2022

30/12/2022

Address

Telephone

Website

Alerts

Contact The Practice

Shortcuts

Share

Category