10/12/2022
يوم عن يوم بشكر ربّي إنو أنعم عليي ودخلت مهنة الطب
وشرّفني إني كون على مثالو يلي هو أعظم طبيب 💙
لأول مرة بقوم بإنعاش قلبي رئوي لحالي لمريضة عنا بالشعبة توقف قلبا فجأة
والكل كان يائس من انو يرجعلا النبض
ومع هيك بقيت مسّدلا قلبا بإيديي الصغار يلي مابقا حاسة فيون من التعب 🤭
بس ماوقفت ولا لحظة
وفجأة بيرجع النبض بفضل ربنا 💙
بعرف انو رح يموت كتير مرضى قدام عيوني
بس كان كتير بيعنيلي انو أول إنعاش قلبي رئوي بساويه ينجح
ووقت طمنت بناتا وحضنوني وصاروا يبكوا ماقدرت وقف دموعي 🤭
ونسيت كل التعب 💙
عم بحكيلكن لأنكن صرتوا عيلتي وبيشرفني شارككن لحظاتي الحلوة والصعبة
نشكر ربنا على كل شي
على كل نعمة
وعلى كل نهار
يارب نقدر عطول نمجّد اسم الرب من خلال أعمالنا ومهننا وحياتنا
يسعدلي صباحكن وكل أوقاتكن 🌸🌸
ربنا يبارك أيامكن ويعطيكن الصحة وقلوبكن تبقى بألف خير 🤗
Dr Reham Bshara 💙🌸
