Dr Jafar Ali د.جعفر علي

Dr Jafar Ali د.جعفر علي د. جعفر علي 🧑‍⚕️
خلّي صحتك أولويتك وأنا هون لساعدك ❤️
محتوى مبسّط لتصير تفهم جسمك اكتر ❤️

اذا شفت ابنك بهالمنظر يا ترا شو ممكن تتصرف؟!هي الحالة منسميها ش**ة الغرائب او PICA وهي رغبة غريبة في أكل أشياء غير صالح...
06/08/2025

اذا شفت ابنك بهالمنظر يا ترا شو ممكن تتصرف؟!

هي الحالة منسميها ش**ة الغرائب او PICA وهي رغبة غريبة في أكل أشياء غير صالحة للأكل مثل:
▪️ الطين
▪️ الثلج
▪️ النشاء
▪️ الورق أو الفحم أحيانًا!

🧠 ليش بيصير هيك؟
واحدة من أهم الأسباب وراء هاي الظاهرة هي نقص الحديد أو فقر الدم الناجم عن نقص الحديد.

✅ الحل بفحص دم بسيط (CBC + Ferritin) وبدء العلاج المناسب بإشراف طبيب.

💬 إذا عندك هاي الأعراض أو بتلاحظها على حدا من أطفالك أو المقربين منك، لا تهمل الموضوع!

دكتور بس روح لنام بحس رجليي متل النار وما بقدر غطيهن بنوب يا ترا شو السبب؟!تعرّف سخونة القدمين على أنّها شعورٌ بالحرارة ...
26/07/2025

دكتور بس روح لنام بحس رجليي متل النار وما بقدر غطيهن بنوب يا ترا شو السبب؟!

تعرّف سخونة القدمين على أنّها شعورٌ بالحرارة أو الحرق في القدمين، ويعتبر هذا الإحساس شائعاً نسبياً ويحدث ليلاً في أغلب الأحيان، وقد تكون سخونة القدمين مصحوبة بأعراض تشبه وخز الدبابيس والإبر، والتنميل، والخدر، والاحمرار، وانتفاخ القدمين

🔺من أشيع أسباب سخونة القدمين
✅️اعتلال الأعصاب السكري في حال كان المريض سكري
✅️نقص الفيتامينات:نقص حمض الفوليك، وفيتامينات ب6، وب12.
✅️قصور الغدة الدرقية.
✅️كتير من الحوامل ممكن يصير عندن سخونة بالقدمين
✅️ انقطاع الدورة الشهرية: كتير من النساء بسن اليأس بصير عندن هالشي كعرض من أعراض سن اليأس

العلاج بيعتمد عالسبب فأوقات ممكن نعطي فيتامينات او ادوية متل اميتربتلين او كاربامازبين او غابابنتين وغيرها🧘

هل لاحظت بقعة حمراء على جسمك بتكبر شوي شوي؟ وعم تحكّك؟ممكن تكون سعفة الجسد أو متل ما بنقولها أحياناً: "فطريات الجلد".🌟 ش...
15/07/2025

هل لاحظت بقعة حمراء على جسمك بتكبر شوي شوي؟ وعم تحكّك؟
ممكن تكون سعفة الجسد أو متل ما بنقولها أحياناً: "فطريات الجلد".

🌟 شو شكلها؟
بتبلّش كبقعة دائرية أو بيضاوية
حوافها حمرا وبارزة، وبتكون أغمق من النص
غالباً بتحكّ، وبتكبر شوي شوي إذا ما تعالجت

💢 كيف بتنعدى؟
من اللمس المباشر لشخص مصاب
أو من أدواته: منشفة، لباس، أدوات رياضة...
والعرق والرطوبة بيساعدوا الفطريات تنتشر أكتر

💊 شو الحل؟
كريمات مضادة للفطريات من الصيدلية
إذا كانت منتشرة أو قوية، ممكن تحتاج دوا فموي
والأهم: كمّل العلاج حتى لو خفّت البقعة، لأن الفطر ممكن يرجع إذا وقفته بكير

🛡️ كيف بتحمي حالك؟
لا تلبس شي مو إلك
نشّف جسمك منيح بعد الحمّام
غير جراباتك ولباسك الداخلي كل يوم
ولو كان عندك فطريات بالقدم (بين الأصابع)، علجها فوراً، لأن ممكن تطلع على الجسم

ارتفاع الضغط هو الخطر اللي ما بتحس فيه!بتعرف إنو ممكن يكون عندك ضغط عالي وما تحس بأي شي؟ لأنه بيسموه "القاتل الصامت" ⚠️💥...
14/07/2025

ارتفاع الضغط هو الخطر اللي ما بتحس فيه!
بتعرف إنو ممكن يكون عندك ضغط عالي وما تحس بأي شي؟
لأنه بيسموه "القاتل الصامت" ⚠️

💥 إذا ما اتعالج، ممكن يسبب:
جلطة قلبية 🫀
سكتة دماغية 🧠
فشل كلوي
ضعف بالنظر أو حتى فقدانه 👁️

ارتفاع الضغط ممكن يعطي أعراض متل: صداع، خصوصي الصبح ، دوخة أو زغللة بالعين ، خفقان بالقلب ، نزيف من الأنف ولكن هالاعراض مو دايماً بتكون موجودة

لهيك افحص ضغطك كل فترة، خاصة إذا حدا من أهلك عنده ضغط ..

🩺 قياس الضغط ما بياخد دقيقة... بس ممكن ينقذ حياتك!
لا تستنى يصير في ضرر لتتحرك!

📲 شارك هالمعلومة مع حدا بتحبه... يمكن تفرق معو 💙

11/07/2025

الإمساك 🚨🚨🚨🚨
ممكن يكون علامة مهمة لازم تنتبه إلها!

📌 شو يعني إمساك مزمن؟
يعني حركة أمعاء أقل من 3 مرات بالأسبوع، أو صعوبة وتعب أثناء الخروج ، ولسه مستمر لأكتر من 3 شهور.

🔸 أسبابه كثيرة، منها:
قلة شرب المي
نقص الألياف بالأكل
قلة النشاط البدني
تناول بعض الأدوية (مثل أدوية الحديد أو مضادات الاكتئاب)
مشاكل هضمية مثل القولون العصبي أو كسل في الأمعاء

✅ نصائح بسيطة للتغلب على الامساك
1. اشرب 2 لتر مي يوميًا
2. زِد الألياف: خضار، فواكه، شوفان
3. مارس رياضة بسيطة يوميًا، حتى المشي بنفع
4. درّب جسمك على وقت ثابت لدخول الحمام
5. لا تهمل الرغبة بالإخراج

⚠️ إيمتى لازم تزور الطبيب؟
إذا استمر الإمساك رغم النصائح
إذا كان في دم بالبراز
أو خسارة وزن غير مبرّرة
أو ألم بطني شديد

أي امساك حديث عند مريض مسنّ هو سرطان كولون حتى يثبت العكس لهيك الشغلة مو لعبة🚨❤️

💡كتير ناس بيعانوا من الحبوب، وبيجربوا كل شي من خلطات البيت لغسولات غالية، بس بدون نتيجة حقيقية.قبل ما تعالج، لازم تعرف ا...
10/07/2025

💡كتير ناس بيعانوا من الحبوب، وبيجربوا كل شي من خلطات البيت لغسولات غالية، بس بدون نتيجة حقيقية.

قبل ما تعالج، لازم تعرف السبب! 👇
🔹 شو ممكن يسبب حبّ الشباب؟
1️⃣ زيادة إفراز الزيوت الطبيعية: البشرة الدهنية نتيجة فرط نشاط الغدد الدهنية تُسبب انسداد المسام وتكوّن الحبوب. 🌟
2️⃣ التغيرات الهرمونية: تؤدي تقلبات هرمونية في فترة المراهقة أو أثناء الحمل إلى تحفيز ظهور الحبوب. 💊
3️⃣ النظام الغذائي: تناول السكريات والأطعمة السريعة بكثرة قد يؤدي إلى تفاقم حب الشباب. 🍔
4️⃣ التوتر والإجهاد: يؤدي الإجهاد النفسي إلى اضطرابات هرمونية تسهم في ظهور البثور. 😟
5️⃣ عدم تنظيف البشرة بانتظام: تراكم الأوساخ والزيوت يسبب انسداد المسام وظهور الرؤوس السوداء. 🚿
6️⃣ استخدام مستحضرات غير مناسبة: بعض منتجات التجميل تحتوي على مكونات تسد المسام أو تُهيج البشرة.

🌼 نصائح لتجنب وعلاج حب الشباب
1️⃣ احرص على تنظيف بشرتك مرتين يوميًا بغسول لطيف يناسب نوع بشرتك. 🧼
2️⃣ تجنب لمس وجهك أو عصر الحبوب لتجنب الالتهابات أو ترك الندبات. 🙌
3️⃣ تناول غذاءً متوازنًا غنيًا بالخضروات والفواكه، وقلل من السكريات والدهون. 🥗
4️⃣ استخدم منتجات عناية خالية من الزيوت لتقليل انسداد المسام.
5️⃣ استشر طبيب الجلدية إذا استمرت المشكلة للحصول على علاج مناسب مثل الكريمات الموضعية أو المضادات الحيوية. 👩‍⚕️





صبية بالعشرينات، كل يوم بتصحى تعبانة، جسمها بيوجعها ودايمًا حاسة إنها مو قادرة تعمل شي.أهلها بيقولولها "انت كسلانة مالك ...
08/07/2025

صبية بالعشرينات، كل يوم بتصحى تعبانة، جسمها بيوجعها ودايمًا حاسة إنها مو قادرة تعمل شي.
أهلها بيقولولها "انت كسلانة مالك حيل عشي"

اما الحقيقة إنه هي الصبية عندها نقص حاد بفيتامين D.

🧠 هالفيتامين مو بس للعظام،
هو مسؤول عن طاقتنا، مناعتنا، نفسيتنا وحتى نومنا!

✔️ إذا كنت دايمًا تعبان، ما عندك طاقة، نومك ملخبط، أو حتى مكتئب بدون سبب واضح…
اعمل فحص فيتامين D وعوض النقص❤️

تاغي لرفيقك يلي بضل تعبان😂❤️

06/07/2025

🔥 الحرائق وتأثيرها على الصحة! 🌫️
مع ازدياد الحرائق وانتشار الدخان في مناطق واسعة من سورية من المهم نعرف شو هي الأخطار الصحية وطرق الوقاية:
🔴 التأثيرات الصحية المحتملة:
✅️الحروق بكافة درجاتها
✅️تهيج العينين والأنف والحنجرة
✅️استنشاق الدخان والغازات الملوثة بيعمل ضيق نفس وسعال، خاصة عند مرضى الربو أو الانسداد الرئوي
✅️تفاقم أمراض القلب والرئة
✅️أعراض عامة مثل الصداع، التعب، والغثيان بسبب استنشاق الهواء الملوث

🛡️ كيف نحمي حالنا؟
1. ابقوا بالداخل وأغلقوا النوافذ قدر الإمكان
2. استخدموا كمامات أو كمامات رطبة إذا اضطرّيتوا للخروج بالاماكن القريبة من الحرائق
3. اشربوا ماء بكثرة، وابتعدوا عن التدخين أو الشموع أو أي مصادر تلوث إضافية
4. راقبوا الأعراض، وخاصّة إذا في عندكم مشاكل تنفسية مسبقة

💬 شاركوا هالمعلومات مع عائلتكم واصدقائكم وانتبهوا عحالكم❤️

وشكراً من القلب لكل حدا ساهم بإطفاء الحرائق ..

بظل هاد الشوب يلي عم نمر فيه ، درجات الحرارة العالية بتزيد خطر التجفاف ، وحتى ضربة الشمس، خصوصاً عند الأطفال، كبار السن،...
02/07/2025

بظل هاد الشوب يلي عم نمر فيه ، درجات الحرارة العالية بتزيد خطر التجفاف ، وحتى ضربة الشمس، خصوصاً عند الأطفال، كبار السن، ومرضى الأمراض المزمنة.

👏👏نصائح سريعة لتتجاوز الحر بأمان:
✅ اشرب ميّ كتير، حتى لو ما حسّيت بالعطش
✅ خفّف الملابس واختر أقمشة قطنية وواسعة
✅ تجنّب الخروج وقت الظهر (من 11 لـ 4)
✅ إذا اضطريت تطلع، حط واقي شمس وطاقية
✅ خفّف النشاط الجسدي خلال النهار
✅ راقب علامات ضربة الشمس: تعب مفاجئ، دوخة، غثيان، سخونة

❗ وإذا شكّيت بحالة ضربة شمس، ضروري التوجه لأقرب مركز صحي فوراً!

بالبوست الجاي منحكي عن ضربة الشمس انشالله 👏❤️
شارك البوست حتى توصل المعلومة للكل 💙
وخلي صيفنا آمن وسليم 🌿

هي الكتل ظهرت عند مريض سكري عم ياخد حقن انسولين ..هي عبارة عن➡️insulin-derived amyloidosisالداء النشواني المشتق من الأنس...
24/06/2025

هي الكتل ظهرت عند مريض سكري عم ياخد حقن انسولين ..
هي عبارة عن
➡️insulin-derived amyloidosis
الداء النشواني المشتق من الأنسولين هو تراكم رواسب أميلويد تحت الجلد في مواقع حقن الأنسولين المتكررة.
♦️ يمكن الوقاية من هذه الحالة بتغيير مواقع حقن الأنسولين بشكل متكرر.

22/06/2025

🚨رجاء أي حدا قريب على بنوك التبرع بالدم يروح يتبرع بكرا من الصبح 🩸
التبرع مو بس بفيد غيرك كمان بفيدك انت:
🩸تحسين الدورة الدموية:
بيساعد الجسم يتخلص من كريات الدم القديمة، وبيحفّز الدورة الدموية تشتغل بكفاءة أكبر.
🩸 تقليل خطر الجلطات:
لما الدم يكون كثيف أو في كمية زائدة من الكريات الحمراء، بيزيد خطر التجلط. التبرع بيساهم بتقليل الكثافة وتنشيط سيولة الدم.
🩸تقليل نسبة الحديد الزائد:
ارتفاع نسبة الحديد في الجسم قد يرتبط بأمراض القلب والكبد. التبرع بالدم يُساهم في تنظيم مستوياته.
🩸تحفيز الشعور بالحيوية بعد التبرع:
بعد ما الجسم يعوّض الدم المفقود، كثير من الناس بيحسّوا بنشاط وانتعاش لأن الجسم اشتغل بشكل فعّال لإعادة التوازن.

خلّي دمّك يكون فرصة لانقاذ اخوك بالانسانية❤️
كيس دم منك يمكن يكون سبب بعدم خسارة روح جديدة❤️

الإسهال مو دايمًا خطير… بس مو دايماً بسيط!✅ أغلب حالات الإسهال الحاد خفيفة وبتتحسن خلال يومين إلى ٣ أيام بدون دواء.✅ أهم...
17/06/2025

الإسهال مو دايمًا خطير… بس مو دايماً بسيط!
✅ أغلب حالات الإسهال الحاد خفيفة وبتتحسن خلال يومين إلى ٣ أيام بدون دواء.
✅ أهم علاج هو تعويض السوائل: مي، شوربة، سوائل محاليل ORS (موجودة بالصيدلية) وحمية (بطاطا مسلوقة ولبن وكعك دون سمسم وشاي )
✅تذكر أنه السوائل اهم خط دفاع بحالات الإسهال و️عند الأطفال بالذات تعويض السوائل أهم من أي دواء لأنه الطفل ممكن يتجفف بسرعة لهيك انتبهي لطفلك وعوضيلو السوائل بعد كل نوبة إسهال (مي ، رضاعة ، شوربات وليس عصير🙂)
❌ لا توقف الإسهال الإنتاني بالأدوية فوراً ، لأن الجسم عم يحاول يتخلص من الجراثيم يعني مو كل حالة اسهال بدها فلاجيل وصادات حيوية🥲

🟠 بس انتبه! راجع الطبيب فورًا إذا صار:
إسهال مستمر لأكتر من ٣ أيام
دم بالبراز
حرارة فوق 38.5
جفاف (دوخة، عطش شديد، بول غامق أو قليل)
عدم نقبل الطفل لأي اكل وشرب او ضعف رضاعة شديد

ضلوا بخير وانتبهوا عصحتكم يا حبايب❤️

Address

Tartus

Website

Alerts

Be the first to know and let us send you an email when Dr Jafar Ali د.جعفر علي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category