Hospital in Bangkok មន្ទីរពេទ្យក្នុងទីក្រុងបាងកក

Hospital in Bangkok មន្ទីរពេទ្យក្នុងទីក្រុងបាងកក ឯកទេសបកប្រែជំងឺតាមមន្ទីពេទ្យនានាក្នុងទីក្រុងបាងកក

វិធីសាស្ដ្រព្យាបាលគ្រាប់គ្រួសថ្ពក់ជាប់នៅបង្ហួរនោម!គ្រាប់គ្រួសថ្ពក់ជាប់នៅបង្ហួរនោម គឺជាការរមៀលធ្លាក់ចុះនៃគ្រាប់គ្រួសដែលកក...
12/02/2025

វិធីសាស្ដ្រព្យាបាលគ្រាប់គ្រួសថ្ពក់ជាប់នៅបង្ហួរនោម!
គ្រាប់គ្រួសថ្ពក់ជាប់នៅបង្ហួរនោម គឺជាការរមៀលធ្លាក់ចុះនៃគ្រាប់គ្រួសដែលកកើតនៅក្នុងតម្រងនោម ឬប្លោកនោម ហើយនៅពេលអ្នកជំងឺបត់ជើងតូច គ្រាប់គ្រួសនោះក៏ធ្លាក់មកថ្ពក់ជាប់នឹងបង្ហួរនោម ដែលជាផលវិបាកមិនអាចឱ្យទឹកនោមធ្លាក់ចេញមកក្រៅបាន ជាហេតុធ្វើឱ្យមានការស្ទះនោមស្រួចស្រាវ ដែលភាសាបច្ចេកទេសហៅថា Rétention Aiguë d’Urine។ ជំងឺនេះអាចកើតលើបុរស ពិសេសបុរសពេញវ័យ ក្នុងករណីតិចតួចក៏មានកើតលើស្រ្តីផងដែរ។
១) រោគសញ្ញា៖
រោគសញ្ញាដែលស្ដែងចេញឱ្យយើងចាប់អារម្មណ៍មានដូចជាៈ
- សភាពអ្នកជំងឺឡេះឡះ
- ពិបាកទ្រាំ
- ខ្សោយកម្លាំង
- ចុកពោះលើថ្ងាស់
- ពិបាកនោម
- នោមក្រហល់ក្រហាយ
- ទំហំទឹកនោមតូច នោមតិចមិនចង់ចេញ
- ជួនក្ដៅខ្លួន ទឹកនោមល្អក់
- ស្ទះនោមជិតឈឹង
- មានទឹកនោមប៉ោងលើថ្ងាស់
- បើគ្រាប់គ្រួសធ្លាក់មកផ្នែកក្រោមនៃបង្ហួរនោមយើងអាចស្ទាបឃើញ ។
២) ការធ្វើរោគវិនិច្ឆ័យ៖
តើយើងអាចដឹងថាគ្រាប់គ្រួសថ្ពក់ជាប់បង្ហួរនោមដោយវិធីណា ?
- ពិនិត្យអេកូសាស្ដ្រ
- ថតកាំរស្មីអ៊ិច
៣) វិធីព្យាបាល៖
ដំណោះស្រាយនៃការព្យាបាលរួមមានៈ
ក. បើគ្រាប់គ្រួសថ្ពក់ជាប់បង្ហួរនោមផ្នែកខាងលើៈ
- យើងអាចបាញ់គ្រាប់គ្រួស បញ្ចូលក្នុងប្លោកនោម (Pression Hydrostatique) រួចយើងឆ្លុះបំបែកគ្រាប់គ្រួស ក្នុងប្លោកនោមជាក្រោយ ។
បញ្ជាក់៖ ជៀសវាងការវះកាត់បង្ហួរនោមយកគ្រួសចេញ ដែលជាហេតុធ្វើឱ្យបង្ហួរនោមរួមតូច។
ខ. បើគ្រាប់គ្រួសថ្ពក់ជាប់បង្ហួរនោមផ្នែកខាងក្រោម (Méat Uréthral):
- យើងអាចបំបែកគ្រួសដោយចុង Pince មុខវែង។
៤) ផលវិបាក៖
បញ្ហាប្រឈមដែលយើងធ្លាប់ជួបប្រទះ ចំពោះអ្នកជំងឺដែលពុំបានទទួលការព្យាបាល ឬក៏ទទួលការព្យាបាលពុំបានត្រឹមត្រូវមានដូចជាៈ
- ការបង្ករោគធ្ងន់ធ្ងរតាមប្លោកនោម បង្ហួរនោម
- រលាកប្លោកនោម បង្ហួរនោមរ៉ាំរ៉ៃ
- បង្ហួរនោមរួមតូច
- បង្ហួរនោមស្ទះជិតឈឹង
៥) ដំបូន្មានក្រុមគ្រូពេទ្យជំនាញឯកទេសវះកាត់ប្រព័ន្ធទឹកនោម៖
សូមបងប្អូនប្រជាពលរដ្ឋយើងទាំងអស់ដែលមានការសង្ស័យ ឬមានជំងឺស្ទះទឹកនោមស្រួចស្រាវ ដែលបណ្តាលមកពីគ្រាប់គ្រួសថ្ពក់ជាប់បង្ហួរនោមដែលមានសញ្ញាដូចបានរៀបរាប់ជូនខាងលើ សូមមេត្តាអញ្ជើញមកទទួលការពិគ្រោះ ជាមួយក្រុមការងារវេជ្ជបណ្ឌិតជំនាញ ឯកទេសវះកាត់ប្រព័ន្ធទឹកនោម ដើម្បីទទួលបានការវិភាគរោគវិនិច្ឆ័យប្រាកដជាក់លាក់មួយ ដោយឈរលើសមត្ថភាពជំនាញ និងបទពិសោធន៍ខ្ពស់ ជាមួយនឹងឧបករណ៍ទំនើបស្វ័យប្រវត្តិ បំបែកគ្រាប់គ្រួសតាមរយៈម៉ាស៊ីនឡាហ្សែរ LASER។
ប្រភព៖មន្ទីរពេទ្យកាល់ម៉ែត
Medical news for Cambodia

តើជំងឺបូសថ្លើមបណ្តាលមកពីអ្វី?បូសថ្លើម ជាការរលាកថ្លើម ដែលបណ្ដាលមកពីមេរោគឡើងតាមទឹកប្រម៉ាត់។ បូសថ្លើមច្រើនកើតលើមនុស្សដែលមាន...
11/02/2025

តើជំងឺបូសថ្លើមបណ្តាលមកពីអ្វី?
បូសថ្លើម ជាការរលាកថ្លើម ដែលបណ្ដាលមកពីមេរោគឡើងតាមទឹកប្រម៉ាត់។ បូសថ្លើមច្រើនកើតលើមនុស្សដែលមានអាយុ ៥០-៦០ឆ្នាំ ហើយគេសង្កេតឃើញថាមនុស្សប្រុសអាចកើតមានច្រើនជាងមនុស្សស្រី។
ក) ការចម្លងរោគតាម៖
- ផ្លូវទឹកប្រម៉ាត់ (៣០%-៧០%)
- សរសៃវ៉ែន Porte (១០%-២០%)
- សរសៃឈាមក្រហម (១០%-១៥%)
- ការរលាកនៅជិតខាងថ្លើម (១%-៥%)
- ការប៉ះទង្គិចលើថ្លើម (១%-៣%)
- Abcès cryptogénétique (១០%-៤០%)
ខ) មេរោគបង្កហេតុ៖
- អាអេរ៉ូប៊ីក្រាម អវិជ្ជមាន (Aérobie à gram négatif): ៤0%-៦0%
- អាអេរ៉ូប៊ីក្រាម វិជ្ជមាន (Aérobie à gram positif): ១0%-២0%
- អាណាអេរ៉ូប៊ីក្រាម (Anaérobie): ៣៥%-៤៥%
- ប៉ូលីមីក្រូបប៊ីស (Polymicrobisme): ២០%-៦០%
- ពពួកមេរោគពិសេស (១%)
គ) រោគវិនិច្ឆ័យ៖
- គ្លីនិច៖
• គ្រុនក្តៅរហូតដល់ញាក់
• ឈឺចុកចាប់នៅក្រោមឆ្អឹងជំនីខាងស្ដាំ
• សភាពទូទៅអ្នកជំងឺស្រុតចុះយ៉ាងខ្លាំង
• ថ្លើមរីកធំ ធ្លាក់ចុះក្រោមឆ្អឹងជំនីខាងស្ដាំ
• លឿងគ្រាប់ភ្នែក ស្បែក ២០%-៥០%
• ទឹកស្រោមសួតខាងស្តាំ ហត់ ក្អក
- ពិនិត្យឈាម៖
• គ្រាប់ឈាមសកើនឡើង
• CRP កើនឡើង
• Phosphatase alcalin កើនឡើង
• Taux prothrombine អូសបន្លាយ
- រូបភាពវេជ្ជសាស្ត្រ៖
• RX សួត : មានទឹកក្រោមសួតខាងស្តាំ និង សន្ទះទ្រូងផ្នែកស្ដាំឡើងខ្ពស់
• Echographie : គេដឹងពីចំនួន ទំហំ ទីតាំងនៃបូសថ្លើម
ឃ) ការព្យាបាល ៖
- ការប្រើឱសថ
- ការចោះបង្ហូរខ្ទុះ (Ponction percutanée) ជាវិធីមួយកំពុងពេញនិយមនៅមន្ទីរពេទ្យកាល់ម៉ែត ដោយសហការជាមួយផ្នែករូបភាពវេជ្ជសាស្រ្ត
- ការវះកាត់បង្ហូរបូសថ្លើម (Laparotomie)
"សូមមេត្តាមកពិគ្រោះយោបល់ជាមួយក្រុមវេជ្ជបណ្ឌិតជំនាញ ដើម្បីធ្វើរោគវិនិច្ឆ័យ និងធ្វើការវះកាត់ឲ្យទាន់ពេលវេលា និងជៀសវាងការប្រើប្រាស់ឱសថដោយគ្មានវេជ្ជបញ្ជាត្រឹមត្រូវ។"
ប្រភព:មន្ទីរពេទ្យកាល់ម៉ែត
Medical news for Cambodia

អ្វីជាជំងឺរមួលទងពងស្វាស ( Testicular torsion ) ?ការរមួលទងពងស្វាស ភាគច្រើនកើតលើបុរសដែលមានវ័យជំទង ឬទើបតែពេញវ័យ ត្រូវបានចាត...
10/02/2025

អ្វីជាជំងឺរមួលទងពងស្វាស ( Testicular torsion ) ?
ការរមួលទងពងស្វាស ភាគច្រើនកើតលើបុរសដែលមានវ័យជំទង ឬទើបតែពេញវ័យ ត្រូវបានចាត់ទុកជាជំងឺបន្ទាន់ ដែលទាមទារការធ្វើរោគវិនិច្ឆ័យឆាប់រហ័ស ដើម្បីអោយការព្យាបាលមានប្រសិទ្ធិភាពខ្ពស់ ។
១) តើអ្វីជាជំងឺរមួលទងពងស្វាស?
ការរមួលទងពងស្វាសជាការរមួលនៃរចនាសម្ព័ន្ធខ្សែមេជីវិតឈ្មោល និងសរសៃឈាមរបស់ពងស្វាសដែលនាំអោយមានការកកស្ទះសរសៃឈាមទៅចិញ្ចឹម ពងស្វាស(ischemia) ។
២) រោគសញ្ញានៃជំងឺរមួលទងពងស្វាស
- ការចាប់ផ្តើមឈឺ ភ្លាមៗ បន្ទាប់ពីលេងកីឡា រឺ លំហាត់ប្រាណ
- ឈឺចុកចាប់ខ្លាំងនៅត្រង់ពងស្វាសម្ខាង
- ពងស្វាស មានសភាពកន្ទ្រាក់ទាញទៅលើបើប្រៀបធៀបនឹងម្ខាងទៀត
- ពងស្វាសហើមធំ រឹង ប្រែពណ៍ខុសធម្មតា
- អាចមានសញ្ញាចង្អោរ ចង់ក្អួត ក្តៅខ្លួន ជាដើម។
៣) រោគវិនិច្ឆ័យអមគ្លីនិក
- អេកូនៅតំបន់ទងពងស្វាស ដើម្បីរកមូលហេតុច្បាស់លាស់ (Testicular Ultrasound)
- អេកូសរសៃឈាមទៅចិញ្ចឹមពងស្វាស (Doppler Testicular Ultrasound)
៤) ការព្យាបាល
ការវះកាត់ ត្រូវធ្វើឡើងបន្ទាន់ ក្នុងករណី រកឃើញថាមានជំងឺរមួលទងពងស្វាស ។
ក្នុងការវះកាត់ យើងអាចវាយតម្លៃជាក់ស្តែងលើស្ថានភាពនៃពងស្វាស ៖
- រយៈពេលក្រោម ៦ម៉ោង អាចនៅមានឈាមមកចិញ្ចឹមវិញ បន្ទាប់ពីពន្លានៃការរមួល យើងអាចដេរផ្ជាប់នឹងថង់ពងស្វាស (surgery detorsion + Orchidopexy) ។
- រយៈពេលលើសពី៦ ទៅ១២ម៉ោង ក្នុងលក្ខខណ្ឌ បើក្នុងការវះកាត់ពងស្វាសមិនមានឈាមទៅចិញ្ចឹមវិញទេ យើងនឹងធ្វើការកាត់ពងស្វាសដែលខូចនោះចេញតែម្តង (Orchidectomy)។
បើបងប្អូន មានបញ្ហាឈឺចុកចាប់នៅតំបន់ពងស្វាស សូមប្រញាប់អញ្ជើញមកជួបជាមួយក្រុមគ្រូពេទ្យឯកទេស ដើម្បីពិគ្រោះ និង ព្យាបាលទាន់ពេលវេលា ប្រកបដោយគុណភាព និងប្រសិទ្ធិភាពខ្ពស់។
ប្រភព៖មន្ទីរពេទ្យកាល់ម៉ែត
Medical news for Cambodia

ជំងឺត្បៀតបំពង់បង្ហួរនោម!!១) អ្វីជាការត្បៀតបំពង់បង្ហួរនោម?បំពង់បង្ហួរនោម គឺជាបំពង់នាំទឹកនោមចេញពីប្លោកនោមទៅខាងក្រៅរាងកាយមន...
09/02/2025

ជំងឺត្បៀតបំពង់បង្ហួរនោម!!
១) អ្វីជាការត្បៀតបំពង់បង្ហួរនោម?
បំពង់បង្ហួរនោម គឺជាបំពង់នាំទឹកនោមចេញពីប្លោកនោមទៅខាងក្រៅរាងកាយមនុស្ស។ ធម្មតាបំពង់បង្ហួរនោមនេះ មានទំហំល្មមនិងប្រវែង 18 - 20cm ( សំរាប់មនុស្សប្រុស ) ប្រហែល 3 - 5 cm ចំពោះមនុស្សស្រី ។ នៅពេលមានវិបត្តិលំហូរទឹកនោមចេញមកក្រៅដោយសារបំពង់រួមតូច ឬនោមមិនចេញលើមនុស្សពេញវ័យជាពិសេសនោះ យើងត្រូវគឹតដល់ការរួមតូចឬការត្បៀតផ្លូវបង្ហួរនោម ។
២) កត្តាប្រឈមនាំឲ្យត្បៀតបំពង់បង្ហួរនោមមានអ្វីខ្លះ?
- គ្រោះថ្នាក់ចរចារចរណ៍ និងគ្រោះថ្នាក់ផ្សេងទៀត
- ការវះកាត់ប៉ះពាល់ដល់បំពង់បង្ហួរនោម (iatrogène)
៣) រោគសញ្ញារដែលយើងត្រូវដឹង ៖
- នោមខ្សោយ និងពិបាកនោម
- នោមញឹក ឬ រាគនោម
- នោមចេញមកមានខ្ទុះ
- ប្លោមនោមរីកតឹង
- មានភាពរឹងនៅផ្ទៃក្រោមលិង្គ (ផ្នែកខាងលើនៃតំបន់ត្បៀត)
- លិង្គឡើងពណ៌ក្រហម ឬហើម
៤) ការធ្វើរោគវិនិច្ឆ័យ និងអមគ្លីនិក ៖
នៅពេលមានលេចចេញរោគសញ្ញាមិនប្រក្រតីណាមួយនោះ យើងអាចនឹងធ្វើតេស្តមួយចំនួនរួមមាន៖
- ពិនឹត្យអេកូពោះ រកមើលបរិមាណទឹកនោមនៅសល់ក្នុងប្លោកនោម
- ការឆ្លុះមើលប្លោកនោម (Urétrocystoscopie )
- តេស្ត Postvoid volume residual ឬ PVR (វាស់បរិមាណទឹកនោមនៅសល់ក្នុងប្លោកនោម)
- ចាក់បញ្ចូលសារធាតុរាវ និងថតឆ្លុះមើលប្លោកនោមជាមួយបង្ហួរនោម ( urétrocystographie retrograde per mictionnelle )
- វិភាគរកមេរោគក្នុងទឹកនោម ( ECBU )
៥) វិធីសាស្ត្រនៃការព្យាបាល៖
ការព្យាបាលជំងឺត្បៀតបំពង់បង្ហួរនោម គឺជាការព្យាបាលដ៏លំបាក និងមានភាពស្មុកស្មាញបំផុតក្នុងការព្យាបាលវះកាត់ប្រពន្ធ័ទឹកម៉ូត្រ។ ការរួមត្បៀតឡើងវិញគឺជាចំណោទដែលត្រូវដោះស្រាយវាអាស្រ័យលើលក្ខណៈនៃការត្បៀតបំពង់បង្ហួរនោម ក៏ដូចជាបច្ចេកទេសព្យាបាលផងដែរ ។ ចំពោះវិធីសាស្រ្តនៃការព្យាបាលរួមមាន ៖
- ការពង្រីកផ្លូវបំពង់បង្ហួរនោម ( une dilatation itérative )
- ការពុះបំបែកកន្លែងត្បៀតដោយការឆ្លុះ ជាមួយកាំបិទតូច និងដោយកាំរស្មី ( Uréthrotomie interne endoscopie par lame froid ou par Laser )
ក្នុងករណីក្រោយពេលព្យាបាលដោយ Uréthrotomie interne par endoscopie មិនមានប្រសិទ្ធភាព ឬ ប្រវែងនៃការត្បៀតលើសពី 2cm ដូចនេះយើងអាចបន្ថែមលើបច្ចេកទេសមួយទៀតដែលហៅថា Uréthroplastie par lambeau muqeuse buccale គឺការយកភ្នាសស្តើងក្នុងក្រអូមមាត់ ធ្វើជាបំពង់បង្ហួរនោមថ្មី ។
ប្រសិនបើអស់លោក-លោកស្រី មានបញ្ហា ឬកំពុងជួបបញ្ហារបែបនេះ សូមប្រញាប់អញ្ជើញមកជួបជាមួយក្រុមគ្រូពេទ្យឯកទេស ដើម្បីពិគ្រោះ និង ព្យាបាលទាន់ពេលវេលា ប្រកបដោយគុណភាព និងប្រសិទ្ធិភាពខ្ពស់។
Source:calmettehospital
Medical news for Cambodia

ការព្យាបាលជំងឺក្រពេញទីរ៉ូអ៊ីតរីកធំ(ជំងឺពកក) ដោយវះកាត់!តើការទទួល ការព្យាបាលដោយវះកាត់ដុំពកកនៃក្រពេញទីរ៉ូអ៊ីត ជាមួយវេជ្ជបណ្...
08/02/2025

ការព្យាបាលជំងឺក្រពេញទីរ៉ូអ៊ីតរីកធំ(ជំងឺពកក) ដោយវះកាត់!
តើការទទួល ការព្យាបាលដោយវះកាត់ដុំពកកនៃក្រពេញទីរ៉ូអ៊ីត ជាមួយវេជ្ជបណ្ឌិតឯកទេសក្រពេញ មានសារៈសំខាន់យ៉ាងណា?
នៅពេលខ្លះ ការវះកាត់គឺជាមធ្យោបាយមួយ ក្នុងការព្យាបាលជំងឺក្រពេញទីរ៉ូអ៊ីត។ ដូច្នេះ ការស្វែងយល់ពីដំណើរការព្យាបាលដោយការវះកាត់ និងដំណាក់កាលនីមួយៗ គឺមានសារៈសំខាន់។ ក្នុងនោះគឺមានផងដែរនៃការជ្រើសរើសគ្រូពេទ្យឯកទេសវះកាត់ និងការរើសយកវិធីសាស្រ្តវះកាត់ឲ្យត្រឹមត្រូវសំរាប់ប្រភេទជំងឺក្រពេញទីរ៉ូអ៊ីតនីមួយៗ។
ក្នុងករណីមួយចំនួនដែលតម្រូវឲ្យទទួលការវះកាត់ គឺមានដូចជា៖
- ការរីកធំ ឬ ការខូចមុខងារនៃក្រពេញទីរ៉ូអ៊ីត (Goitre diffuse/Dysfonction thyroïdienne)
- ការរកឃើញកោសិកាមហារីកក្រពេញទីរ៉ូអ៊ីត ឬសង្ស័យខ្ពស់ជាសាច់កាច ក្រោយការបូមសាច់ក្រពេញទៅវិភាគ (maligne/très suspect maligne sur Cytoponction)
ហេតុនេះសូមលោកអ្នកមកពិគ្រោះជាមួយវេជ្ជបណ្ឌិតឯកទេសនៅមន្ទីរពេទ្យកាល់ម៉ែត ដើម្បីទទួលបានការធ្វើរោគវិនិច្ឆ័យនិងការព្យាបាលត្រឹមត្រូវ តាមបច្ចេកទេសវេជ្ជសាស្រ្ត។ វេជ្ជបណ្ឌិតជំនាញវះកាត់នឹងពន្យល់លម្អិតអំពីការព្យាបាលរបស់លោកអ្នក មានដូចជា៖
- ការរៀបចំមុនការវះកាត់
- ដំណើរការ និងរយៈពេលនៃការវះកាត់
- រយៈពេលសម្រាកពេទ្យ និងការតាមដានបន្ត
- ផលវិបាក និងហានិភ័យផ្សេងៗនៃការព្យាបាលដោយការវះកាត់។
លោកអ្នកអាចអញ្ចើញមកពិនិត្យ ពិគ្រោះជាមួយវេជ្ជបណ្ឌិតឯកទេសដែលមានបទពិសោធន៍វះកាត់ក្រពេញទីរ៉ូអ៊ីត និងអាចសួរសំណួរដែលទាក់ទងនឹងជំងឺរបស់លោកអ្នក ព្រមទាំងដំណើរការផ្សេងៗនៃការព្យាបាលដោយការវះកាត់។ វេជ្ជបណ្ឌិតឯកទេសវះកាត់ក្រពេញទីរ៉ូអ៊ីតនៅមន្ទីរពេទ្យ មានបទពិសោធន៍មិនត្រឹមតែវះកាត់មួយមុខទេ ជាទូទៅពួកយើងមានបទពិសោធន៍ការងារជាក្រុមគ្រូពេទ្យច្រើនជំនាញជាមួយគ្នា ក្នុងការព្យាបាលជំងឺលោកអ្នក ក្នុងនោះមាន៖ ឯកទេសវះកាត់ ឯកទេសសណ្ដំ ឯកទេសក្រពេញ ឯកទេសមហារីក ឯកទេសរូបភាពវេជ្ជសាស្រ្ត និង ឯកទេសវិភាគដុំសាច់ជាដើម។
Medical news for Cambodia
ប្រភព៖មន្ទីរពេទ្យកាល់ម៉ែត

សំលេងស្អក បណ្តាលមកពីមូលហេតុអ្វី?សំលេងស្អក គឺជាការផ្លាស់ប្ដូរសំលេងខុសប្រក្រតីដែលបណ្ដាលមកពីលក្ខខណ្ឌផ្សេងៗ។ សំលេងត្រូវបានផ្...
07/02/2025

សំលេងស្អក បណ្តាលមកពីមូលហេតុអ្វី?
សំលេងស្អក គឺជាការផ្លាស់ប្ដូរសំលេងខុសប្រក្រតីដែលបណ្ដាលមកពីលក្ខខណ្ឌផ្សេងៗ។ សំលេងត្រូវបានផ្លាស់ប្ដូរទៅជាគ្រល លឺខ្សាវៗ រឺ ត្បៀត (in pitch and volume, ranging from a deep, harsh voice to a weak, raspy) ។
សំលេងស្អក អាចបណ្ដាលមកពីកក្តាមួយចំនួន ក្នុងនោះភាគច្រើនបណ្ដាលមកពីការរលាកបំពង់សំលេងស្រួចស្រាវ (inflammatory of vocal cords) ការបង្កមកពីការរលាកផ្លូវដង្ហើមខាងលើ (upper respiratory tract infection) និង មួយចំនួនតូចបណ្ដាលមកពីការប្រើប្រាស់សំលេងច្រើន។
សំលេងស្អក អាចបណ្តាលមកពីមូលហេតុផ្សេងៗទៀត ដូចជា៖
- ដុំពក ឬគីស នៅនឹងបំពង់សំលេង (benign vocal cord nodules, cysts or polyps)
- ការច្រាលជាតិអាស៊ីតក្រពះ (gastroesophageal reflux GERD)
- អាលែកហ្ស៊ី
- ការហឺតចូលនូវសារជាតិគីមី
- ការជក់បារី
- ជំងឺពកក
- ការគ្រោះថ្នាក់ចំបំពង់សំលេង
- វិបត្តិប្រព័ន្ធប្រសាទ (Parkinson’s disease and Stroke)
- ដុំមហារីកបំពង់សំលេង (cancer of larynx)
“បើលោកអ្នកមានបញ្ហាទាក់ទងនឹងសំលេង សូមអញ្ជើញមកទទួលការពិនិត្យ ពិគ្រោះ និងព្យាបាលឲ្យបានទាន់ពេលវេលា ជាមួយវេជ្ជបណ្ឌិតឯកទេសផ្នែកត្រចៀក ច្រមុះ បំពង់ក ដែលមានបំពាក់នូវឧបករណ៍ថតឆ្លុះបំពង់សំលេងយ៉ាងទំនើប និងមិនមានការឈឺចាប់។”
ប្រភព៖មន្ទីរពេទ្យកាល់ម៉ែត
Medical news for Cambodia

ការធ្វើរោគវិនិច្ឆ័យ នៃជំងឺទឹកដក់ក្នុងស្រោមសួត (Pleurésie)!ការកោសសាច់ស្រោមសួត ជាមធ្យោបាយមួយក្នុងការធ្វើរោគវិនិច្ឆ័យ នៃបញ្...
06/02/2025

ការធ្វើរោគវិនិច្ឆ័យ នៃជំងឺទឹកដក់ក្នុងស្រោមសួត (Pleurésie)!
ការកោសសាច់ស្រោមសួត ជាមធ្យោបាយមួយក្នុងការធ្វើរោគវិនិច្ឆ័យ នៃបញ្ហាទឹកដក់ក្នុងស្រោមសួត ។ ការកោសសាច់នេះ ជាការកោសយកបំណែកតូចល្អិត ៣ទៅ៤ដុំនៃស្រោមសួតផ្នែកខាងក្រៅ ដើម្បីបានដុំសាច់យកទៅវិភាគកោសិការ ។
តើករណីណាដែលតម្រូវអោយមានការកោសសាច់ស្រោមសួត?
វិធីសាស្រ្តនេះត្រូវបានអនុវត្តជាពិសេសក្នុងករណីពិបាកសន្និដ្ឋានថាតើមូលហេតុនៃទឹកដក់ក្នុងស្រោមសួត បណ្តាលមកពីរបេង រឺមហារីក ។
សូមអញ្ជើញមកពិគ្រោះជាមួយគ្រូពេទ្យជំនាញ នៅមន្ទីរពេទ្យដើម្បីស្វែងរករោគវិនិច្ឆ័យ និងធ្វើការព្យាបាល ឲ្យទាន់ពេលវេលាដោយបច្ចេកទេសទំនើបប្រកបដោយប្រសិទ្ធភាពខ្ពស់។
ប្រភព៖មន្ទីរពេទ្យកាល់ម៉ែត
Medical news for Cambodia

ជំងឺភ្នែកស្ងួត! កើតយ៉ាងដូចម្តេច?ជំងឺភ្នែកស្ងួត (Sécheresse oculaire) ជាជំងឺដែលអាចកើតមាននៅលើមនុស្សគ្រប់វ័យ។ ភ្នែកស្ងួត(Sé...
05/02/2025

ជំងឺភ្នែកស្ងួត! កើតយ៉ាងដូចម្តេច?
ជំងឺភ្នែកស្ងួត (Sécheresse oculaire) ជាជំងឺដែលអាចកើតមាននៅលើមនុស្សគ្រប់វ័យ។ ភ្នែកស្ងួត(Sécheresse oculaire)នេះ មាន5% ទៅ 35%នៃប្រជាជនទាំងអស់ ហើយប្រជាជននៅអាស៊ីមាន33%ច្រើនជាងនៅដំបន់ផ្សេងៗ ហើយភាគច្រើនកើតមានលើមនុស្សដែលមានអាយុលើសពី50ឆ្នាំឡើង(មនុស្សស្រីច្រើនជាងមនុស្សប្រុស)។
១) រោគសញ្ញា៖
- មានអារម្មណ៍ដូចឈឺចាក់ៗក្នុងភ្នែក
- ក្រហាយក្នុងភ្នែក
- រមាស់ក្នុងភ្នែក
- មានអារម្មណ៍ដូចមានក្រាប់ខ្សាច់ក្នុងភ្នែក
- មានការឈឺចាប់ខ្លះ
- ស្រវាំងភ្នែក
- ចាញ់ពន្លឺថ្ងៃ
- ហៀរទឹកភ្នែក
២) ជំងឺភ្នែកស្ងួតបណ្តាលមកពី៖
- កត្តាជាច្រើនដែលមាននៅលើផ្ទៃភ្នែក(Surface oculaire)
- បណ្តាមកពីការខ្វះលំហូរទឹកភ្នែក និងអមជាមួយបញ្ហាភ្នែកមួយចំនួនទៀត
- លំហូរទឹកភ្នែកគ្មានលំនឹង
- មានរលាកផ្ទៃគ្រាប់ភ្នែក
- មានការខូចខាតប្រព័ន្វប្រសាទនៃការបង្កើតទឹកភ្នែក(abnormalie neurosensoriel)ដែលមានតួនាទីក្នុងការធានាទឹកភ្នែកនៅលើផ្ទៃគ្រាប់ភ្នែក។
៣) មូលហេតុដែលនាំឲ្យមានជំងឺភ្នែកស្ងួត៖
- 14% មានទឹកភ្នែកមិនគ្រប់គ្រាន់ដោយសារខ្វះខាតទឹកភ្នែកបណ្តោះអាសន្ន
- 86% អ្នកជំងឺមានទឹកភ្នែកធម្មតាតែទឹកភ្នែកនោះគ្មានគុណភាព(Larmes de mauvaise qualité)
- បណ្តាលមកពីមានការរលាករ៉ាំរ៉ៃនៃត្របកភ្នែក(inflammation chronique des paupière;Blépharite)
- ការស្ងួតភ្នែកដោយសារមានរំហួតទឹកភ្នែក(Sécheresse evaporative par déficit lipidique)ដូចជា៖
• ការសម្លឹងកុំព្យូទ័រយូរ
• មើលទូរទស្សន៍ នៅក្រោមកំដៅថ្ងៃ នៅក្នុងបន្ទប់ម៉ាស៊ីនត្រជាក់ នៅក្រោមកង្ហារ។ល។
«ប្រសិនបើលោកអ្នកមានបញ្ហាដូចការរៀបរាប់ខាងលើ ឫមានតម្រូវការពត៌មានលំអិតបន្ថែម សូមមេត្តាអញ្ជើញមកពិគ្រោះយោបល់ និងទទួលប្រឹក្សាអំពីវិធីសាស្ត្រនៃការព្យាបាលពីក្រុមការងារវេជ្ជបណ្ឌិតឯកទេស ជំនាញផ្នែកចក្ខុរោគនៅមន្ទីរពេទ្យកាល់ម៉ែត។»
ប្រភព៖មន្ទីរពេទ្យកាល់ម៉ែត
Medical news for Cambodia

តើធ្វើដូចម្តេចទើបដឹងថា អ្នកមានជំងឺបេះដូងខ្សោយ (Heart Failure)?១) ដូចម្ដេចដែលហៅថាជំងឺខ្សោយបេះដូង ឬជំងឺបេះដូងខ្សោយ?ជំងឺខ្ស...
04/02/2025

តើធ្វើដូចម្តេចទើបដឹងថា អ្នកមានជំងឺបេះដូងខ្សោយ (Heart Failure)?
១) ដូចម្ដេចដែលហៅថាជំងឺខ្សោយបេះដូង ឬជំងឺបេះដូងខ្សោយ?
ជំងឺខ្សោយបេះដូង ឬជំងឺបេះដូងខ្សោយមិនមានន័យថា បេះដូងរបស់យើងឈប់ដើរនោះទេ។ ជំងឺខ្សោយបេះដូង ឬជំងឺបេះដូងខ្សោយ គឺជាការចុះខ្សោយនូវសមត្ថភាពរបស់បេះដូងក្នុងការច្របាច់បញ្ជូនឈាមអោយបានគ្រប់គ្រាន់ដល់សរីរាង្គផ្សេងៗក្នុងខ្លួនយើង។ ជំងឺនេះអាចកើតមានលើមនុស្សគ្រប់អាយុ គ្រប់វ័យ ប៉ុន្តែជាទូទៅជំងឺនេះច្រើនកើតលើមនុស្សដែលមានវ័យចំណាស់។
២) តើជំងឺខ្សោយបេះដូង ឬជំងឺបេះដូងខ្សោយមានរោគសញ្ញាដូចម្តេចខ្លះ?
ជំងឺខ្សោយបេះដូង ឬជំងឺបេះដូងខ្សោយ មានរោគសញ្ញាចំបងដូចជា៖
- ហត់ដង្ហក់ ពិបាកដកដង្ហើមពេលធ្វើចលនា ពេលនៅស្ងៀម ឬពេលគេងផ្ងារ
- អស់កំលាំង ល្ហិតល្ហៃជារឿយៗ
- ហើមជើងទាំងសងខាង
- ញ័រទ្រូង ឬចង្វាក់បេះដូងលោតញាប់ជាងធម្មតា
- ក្អកជាប្រចាំ ឬដកដង្ហើមលឺសូរ “ងឺៗ” ហើយមានកំហាកពណ៌ស ឬពណ៌ផ្កាឈូក លាយឈាម
រោគសញ្ញាទាំងនេះអាចកើតមានភ្លាមៗយ៉ាងស្រួចស្រាវ ឬកើតមានបន្តិចម្តងៗ អាស្រ័យទៅតាមមូលហេតុ និងស្ថានភាពនៃជំងឺ។
៣) តើមូលហេតុអ្វីខ្លះដែលបណ្ដាលអោយកើតជំងឺខ្សោយបេះដូង ឬជំងឺបេះដូងខ្សោយ?
មូលហេតុដែលបណ្តាលអោយកើតជំងឺខ្សោយបេះដូង ឬជំងឺបេះដូងខ្សោយមានដូចជា៖
- ជំងឺស្ទះសរសៃឈាមបេះដូង និងស្លោកសាច់បេះដូង (Ischemic Heart Disease and Heart Attack)
- ជំងឺលើសឈាម ឬលើសសម្ពាធឈាម (Hypertension)
- ជំងឺខូចប្រើសបេះដូង (Valvular Heart Disease)
- ជំងឺវិបត្តិសាច់ដុំបេះដូង (Cardiomyopathy) និងរលាកសាច់ដុំបេះដូង (Myocarditis)
- ជំងឺវិបត្តិចង្វាក់បេះដូង (Arrhythmia) ដូចជា ជំងឺបេះដូងដើរលឿនខុសចង្វាក់ (Atrial Fibrillation)
- ជំងឺបេះដូងពីកំណើត (Congenital Heart Disease) ដូចជា ជំងឺបេះដូងចំហរ ថតខាងលើ (Atrial Septal Defect)
- ជំងឺរ៉ាំរ៉ៃមួយចំនួន ដូចជាជំងឺទឹកនោមផ្អែម ជំងឺអេដស៍ ជំងឺពកក។ល។
៤) តើមានវិធានការអ្វីខ្លះដើម្បីបង្ការជំងឺខ្សោយបេះដូង ឬជំងឺបេះដូងខ្សោយ?
គន្លឹះដ៏សំខាន់ក្នុងការបង្ការកុំអោយកើតមាន ជំងឺខ្សោយបេះដូង ឬជំងឺបេះដូងខ្សោយ គឺត្រូវធ្វើយ៉ាងណាកាត់បន្ថយហនិភ័យផ្សេងៗដែលនាំអោយកើតមានជំងឺនេះ។ ការកាត់បន្ថយហនិភ័យទាំងនេះតំរូវអោយយើងមានទំលាប់រស់នៅ ដែលនាំអោយមានសុខភាពល្អ និងការព្យាបាលបង្ការជំងឺដែលជាដើមហេតុនៃជំងឺខ្សោយបេះដូង ឬជំងឺបេះដូងខ្សោយ។ ទំលាប់រស់នៅ ដែលនាំអោយមានសុខភាពល្អដើម្បីបង្ការជំងឺខ្សោយបេះដូង ឬជំងឺបេះដូងខ្សោយមានដូចជា៖
- កុំជក់បារី និងពិសារគ្រឿងស្រវឹង
- ព្យាលបាលជំងឺរ៉ាំរ៉ៃមួយចំនួន ដូចជាជំងឺទឹកនោមផ្អែម ជំងឺលើសឈាម ឬលើស សម្ពាធឈាមអោយបានត្រឹមត្រូវ
- ធ្វើលំហាត់ប្រាណអោយបានខ្ជាប់ខ្ជួន
- បរិភោគអាហារដែលនាំអោយមានសុខភាពល្អ ដូចជា បន្លែ និងត្រី
- រក្សាទំងន់អោយសមស្រប
- កាត់បន្ថយភាពស្ត្រេសតានតឹងអារម្មណ៍
៥) អ្វីដែលគួរធ្វើ និងអ្វីដែលមិនគួរធ្វើសំរាប់អ្នកជំងឺខ្សោយបេះដូង ឬជំងឺបេះដូងខ្សោយ
• អ្វីដែលគួរធ្វើមានដូចជា៖
- ត្រូវលេបថ្នាំអោយបានទៀងទាត់ និងត្រឹមត្រូវតាមវេជ្ជបញ្ជា
- ត្រូវរក្សាទំងន់អោយបានសមស្រប
- ត្រូវកាត់បន្ថយការបរិភោគអំបិល ជាតិប្រៃ និងបន្ថយការហូបជាតិទឹក
- ត្រូវស្វែងរកណាត់ជួបគ្រូពេទ្យ បើមានជារោគសញ្ញាមិនធម្មតា ឬធ្ងន់ធ្ងរកើតមានឡើង
• អ្វីដែលមិនគួរធ្វើមានដូចជា៖
- មិនត្រូវភ្លេចលេបថ្នាំឡើយ
- មិនត្រូវជក់បារី និងសេពគ្រឿងស្រវឹងឡើយ
- មិនត្រូវលេបថ្នាំតាមចិត្តខ្លួនឯងឡើយ
«បើលោកអ្នកមានរោគសញ្ញាណាមួយដូចដែលបានរៀបរាប់ខាងលើ សូមលោកអ្នកអញ្ជើញមកជួបពិភាក្សាជាមួយគ្រូពេទ្យឯកទេសនៃមន្ទីរពេទ្យ ដើម្បីទទួលបាននូវការពិគ្រោះជំងឺ និងការព្យាបាលបានល្អប្រសើរ និងប្រកបដោយគុណភាព។»
ប្រភព៖មន្ទីរពេទ្យកាល់ម៉ែត
Medical news for Cambodia

រោគសញ្ញា និងផលវិបាកនៃជំងឺបូសអន្ទង់!មនុស្សជាច្រើនតែងតែគិតថា គាត់មានជំងឺឫសដូងបាតនៅពេលដែលគាត់មានរោគសញ្ញាផ្សេងៗនៅម្ដុំបាត(ម្...
03/02/2025

រោគសញ្ញា និងផលវិបាកនៃជំងឺបូសអន្ទង់!
មនុស្សជាច្រើនតែងតែគិតថា គាត់មានជំងឺឫសដូងបាតនៅពេលដែលគាត់មានរោគសញ្ញាផ្សេងៗនៅម្ដុំបាត(ម្ដុំទ្វារលាមក) ក៏ប៉ុន្តែមានជំងឺផ្សេងៗជាច្រើននៅតំបន់នេះ។
ក) បូសអន្ទង់ជាអ្វី?
វាគឺជាបូសកើតនៅម្ដុំទ្វារលាមក ដែលកើតឡើងដោយការស៊ីចាក់រូងពីក្នុងរន្ធបាតចេញមកខាងក្រៅ។ ជំងឺនេះកើតមានជាទូទៅចំពោះមនុស្សពេញវ័យ ក៏ប៉ុន្តែវាក៏អាចកើតមានលើក្មេងតូចៗផងដែរ។
ខ) រោគសញ្ញាបូសអន្ទង់៖
- មានដុំពកហើមនិងឈឺនៅតំបន់បាតដែលទើបតែកើតមានថ្មីៗ
- ឈឺចាប់នៅខាងក្នុងបាតដែលទើបតែកើតមានថ្មីៗ
- មានហូរខ្ទុះនៅបាត
- មានអារម្មណ៍ថាសើមជាប់ជាប្រចាំនៅបាត
- រមាស់នៅបាត
គ) មូលហេតុ៖
ជាធម្មតានៅខាងក្នុងរន្ធបាតរបស់មនុស្សគ្រប់គ្នា គឺមានក្រពេញធម្មជាតិតូចៗជាច្រើន។ គេសន្និដ្ឋានថាជំងឺបូសអន្ទង់បណ្ដាលមកពីការស្ទះរន្ធនៃក្រពេញតូចៗទាំងនេះ ដែលបង្ករឲ្យមានខ្ទុះស៊ីចាក់រូងចេញមកខាងក្រៅ។
ឃ) ផលវិបាកនៃបូសអន្ទង់៖
- គ្រោះថ្នាក់ធ្ងន់ធ្ងរដល់អាយុជីវិត៖
ក្នុងករណីដែលបូសកំពុងតែហើមឈឺ ហើយមិនបានវះបង្ហូរខ្ទុះចេញ លេបថ្នាំអូសបន្លាយពេលវេលា បូសនោះអាចរាលដាលធំបង្កឲ្យស្លោកពេញតំបន់បាត (Gangrène de Fournier) និងឆ្លងមេរោគចូលក្នុងឈាមដែលអាចបណ្ដាលឲ្យស្លាប់បាន។ ករណីនេះងាយនឹងកើតមានជាពិសេសចំពោះមនុស្សដែលខ្សោយប្រព័ន្ធការពារដូចជា មនុស្សចាស់ជរា អ្នកជំងឺទឹកនោមផ្អែម ។ល។
- លាប់សារចុះសារឡើងប្រសិនបើមិនវះកាត់ផ្ដាច់ផ្លូវរូងនិងប្រភពដើមនៃបូសដែលស្ថិតនៅខាងក្នុងរន្ធបាត។
- ផលរំខានដែលបណ្ដាលមកពីការឈឺចាប់ ការរមាស់ និងការហូរខ្ទុះជាប្រចាំ។
“ប្រសិនបើលោកអ្នកមានបញ្ហា ឬរោគសញ្ញាដូចដែលបានរៀបរាប់ខាងលើ សូមមេត្តាប្រញាប់មកពិគ្រោះជាមួយក្រុមគ្រូពេទ្យឯកទេសនៃមន្ទីពេទ្យកាល់ម៉ែត ដើម្បីទទួលបាននូវរោគវិនិច្ឆ័យ និងវិធីសាស្ត្រព្យាបាល ទាន់ពេលវេលា និងប្រកបដោយប្រសិទ្ធភាពខ្ពស់។”
ប្រភព៖មន្ទីរពេទ្យកាល់ម៉ែត
Medical news for Cambodia

02/02/2025

ជំងឺថប់បារម្ភ(anxiety disorder)!
ជំងឺថប់បារម្ភ គឺជាការព្រួយបារម្មណ៍ហួសហេតុ និងមិនសមហេតុផលអំពីបញ្ហាប្រចាំថ្ងៃ អ្នកជំងឺតែងតែពិបាកក្នុងការគ្រប់គ្រងអារម្មណ៍ ឬមានការលំបាកក្នុងការស្ងប់ស្ងាត់ ដែលមានរយៈពេលលើសពី៦ខែ។
ក) មូលហេតុ៖ មិនមានមូលហេតុច្បាស់លាស់
ខ) កត្តាងាយប្រឈម៖
- តំណរពូជ
- បម្រែបម្រួលសារធាតុគីមីក្នុងខួរក្បាល
- ធ្លាប់ទទួលរងការប៉ះទង្គិចផ្លូវចិត្ត
- ប្រើប្រាស់សារធាតុញៀន ឬគ្រឿងស្រវឹង
- ជំងឺផ្លូវកាយមួយចំនួន
- បរិស្ថានជុំវិញ៖ បញ្ហាគ្រួសារ បញ្ហាការងារ បញ្ហាហិរញ្ញវត្ថុ បញ្ហាការសិក្សា និងបញ្ហាទំនាក់ទំនងផ្ទាល់ខ្លួន។
គ) រោគសញ្ញា៖
- ថប់បារម្ភ ឆាប់ភ័យ
- ឆាប់ខឹងមួរម៉ៅ
- ចុករោយពេញខ្លួន
- ល្ហិតល្ហៃ អស់កម្លាំង
- ពិបាកផ្តោតអារម្មណ៍ ឬឆាប់ភ្លេច
- ប៉ះពាល់់ដល់ការគេង
ឃ) ផលវិបាកប្រសិនបើមិនបានទទួលការព្យាបាលត្រឹមត្រូវ
- វិវត្តន៍ទៅរ៉ាំរ៉ៃ
- មិនអាចបញ្ចេញនូវសក្តានុពលពេញលេញ ដូចជាការប្រកបរបរ ការងារ ការសិក្សាថយចុះ
ប្រសិនបើមានអាការៈដូចបានរៀបរាប់ខាងលើ គួរតែឆាប់រួសរាន់ស្វែងរកការប្រឹក្សា និងការព្យាបាលពីវេជ្ជបណ្ឌិតឯកទេសជំងឺផ្លូវចិត្តនៅផ្នែកពិគ្រោះជំងឺក្រៅនៃមន្ទីរពេទ្យកាល់ម៉ែត ដើម្បីទទួលបានការព្យាបាលកាន់តែឆាប់ និងបង្កើនឱកាសជាសះស្បើយកាន់តែលឿន។
Source:calmettehospital
Medical news for Cambodia

ที่อยู่

Phra Nakhon

เว็บไซต์

แจ้งเตือน

รับทราบข่าวสารและโปรโมชั่นของ Hospital in Bangkok មន្ទីរពេទ្យក្នុងទីក្រុងបាងកកผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ การปฏิบัติ

ส่งข้อความของคุณถึง Hospital in Bangkok មន្ទីរពេទ្យក្នុងទីក្រុងបាងកក:

ทางลัด

แชร์

ประเภท