เว็บไซต์คืออะไร?

https://www.facebook.com/817930914739050/

Blooming Minds

🍃Nurturing inner child, supporting emotional growth and fostering healthy development 🍃

01/11/2025

Visuala Marketing Agency က အရမ်းတော်တဲ့ကလေးတွေနဲ့ အတူ တရက်ထဲနဲ့ အကုန်ရိုက်ခဲ့တဲ့ shooting လေးတဖြတ်

22/10/2025

It’s okay not to be okay 🍃

19/10/2025

*ကလေးများနဲ့ စိတ်ဖိစီးမှု*

အရွယ်ရောက်ပြီးသားလူကြီးတွေရဲ့ဘဝမှာ နေ့စဉ်လှုပ်ရှားရုန်းကန်နေရမှုတွေကြောင့် stress တက်တယ်၊ stress တက်တယ်နဲ့ အော်ဟစ်တတ်ကြပေမယ့် ကလေးလေးတွေမှာလည်း စိတ်ဖိစီးမှူရှိတတ်တာကို သိပ်သတိမထားမိတတ်ကြပါဘူး။

🍃သင့်ပတ်ဝန်းကျင်မှာရှိတဲ့ ကလေးလေးတွေ သက်ပြင်းချတာကို မြင်ဖူးကြပါသလား။

🍃ကလေးတွေ အသက် ဘယ်နှနှစ်ကစပြီး စိတ်ဖိစီးမှုဆိုတာ ကို စတင်ခံစားရလေ့ရှိကြပါသလဲ။

ကလေးတွေမှာလည်း အသက် ၃ နှစ်ခွဲလောက်စပြီးစိတ်ဖိစီးမှု ခံစားရတတ်ပါတယ်။အိမ်၊ကျောင်း၊ရွယ်တူသူငယ်ချင်းတွေနဲ့ ခေတ်ရေစီးကြောင်းရဲ့ဖိအားပေးမှုတွေကြောင့် စိတ်ဖိစီးမှုတွေဟာ ကလေးတွေဆီမှာစတင်ဖြစ်ပေါ်လာကြပါတယ်။လူကြီးတွေလိုပဲ စိတ်ဖိစီးမှုရှိတဲ့ကလေးတွေဟာ အစာစားတာနည်းခြင်း၊သေချာမအိပ်ခြင်း၊အိပ်မက်မက်ပြီးကယောင်ကတမ်းပြောခြင်း၊သူငယ်ချင်းများ၊မိဘများနဲ့ရှောင်ဖယ်ဖယ်နေခြင်းနဲ့ တွေဝေမှိန်းမောနေခြင်းများ အစရှိတဲ့လက္ခဏာများကြုံတွေ့ရနိုင်ပါတယ်။

အသက်ငယ်ငယ် တနှစ်သားအရွယ်ကလေးတွေဆိုရင်လည်း မကြိုက်တဲ့အစားအစာတွေကျွေးခံရတဲ့အခါ၊အစာအသစ်စားရတဲ့အခါ၊လူအများကြီးပွေ့ချီခံရတဲ့အခါ၊မကြိုက်တဲ့လူစိမ်းတွေ တွေ့ရတဲ့အခါ စိတ်ဖိစီးတတ်ပါတယ်။

၂ နှစ်ကနေ ၅ နှစ်အရွယ်ကလေးတွေကတော့ ဆော့စရာနဲ့ပတ်သက်ပြီး၊မိဘတွေ အတင်းစေခိုင်းပြုလုပ်ခိုင်းတတ်တာနဲ့ပတ်သက်ပြီး စိတ်ဖိစီးကြပါတယ်။စိတ်ဖိစီးမှု ကြုံရတဲ့အခါ ကလးငယ်လေးတွေက ငိုတာ၊အီတာ၊အော်တာတွေဖြစ်တတ်သလို ကျောင်းမသွားချင်တာ၊ရွယ်တူတွေနဲ့ တူတူမဆော့ချင်တာမျိုးတွေ ဖြစ်လေ့ရှိပါတယ်။ဒီလို ကိုယ့်ရဲ့ကလေး စကားသေချာမပြောပြတတ်တဲ့အရွယ်မှာ အပြုအမူတွေပြောင်းလဲလာတာမျိုး၊အရမ်းငိုနေတာမျိုးရှိနေရင် ဂျီတိုက်တာပဲ ဆိုပြီး ပစ်မထားသင့်ပါဘူး။

စိတ်ဖိစီးမှုဖြစ်ပေါ်ခြင်းကို သိသိသာသာမြင်တွေ့ရတာကတော့ ဆယ်ကျော်သက်အရွယ်တွေဖြစ်ပြီး ဟော်မုန်းအပြောင်းအလဲဖြစ်တဲ့ကာလတွေမို့ ကြီးကြီးမားမားပိုသက်ရောက်ပါတယ်။ခန္ဓာကိုယ်ပြောင်းလဲမှူဖြစ်စဉ်တွေသာမက ယောင်္ကျားလေးဆိုရင် အသံပြောင်းခြင်း၊မုတ်ဆိတ်မွှေး၊နှုတ်ခမ်းမွှေးများပေါက်ခြင်းတို့က စိတ်ဖ်ိစီးစရာဖြစ်စေပါတယ်။

ကျွန်မရဲ့ဟောပြောပွဲတွေမှာ ခန္ဓာကိုယ်ပြောင်းလဲတာနဲ့ပတ်သက်ပြီး ဘာကိုစိုးရိမ်လဲလို့ မေးမိရင် ဆီးခုံမွှေးပေါက်တာနဲ့ အသံပြောင်းလာတာကို ကြိုစိုးရိမ်မိနေတယိလို့ ကလေးအများစုက ဖြေလေ့ရှိကြပါတယ်။မိန်းကလေးတွေမှာဆိုရင်လည်း ရာသီလာခြင်းဖြစ်စဉ်နဲ့ ရင်သား၊တင်ပါးဖွံ့ထွားမှူတွေကို အာရုံစိုက်မိပြီး စိတ်ဖိစီးတတ်ကြပါတယ်။

စိတ်ဖိစီးမှုဟာ တနှစ်သားအရွယ်ကလေးငယ်ကစပြီး ဆယ်ကျော်သက်အရွယ်ကလေးတွေထိဖြစ်နိုင်တာမို့ မိဘ၊ဆရာမနဲ့ အတူနေမိသားစုတွေအနေနဲ့ ကလေးစိတ်ဖိစီးခြင်းအကြောင်းအရာကို ကူညီအဖြေရှာပေးရပါမယ်။ကလေးကို အော်ဟစ်ရိုက်နှက်တာမျိုးထက် ကလေးနဲ့တူတူလိုက်ခံစားပြီး ပြဿနာကိုဖြေရှင်းပေးတာ အကောင်းဆုံးပါပဲ။ဒါမှသာ ကလေးတွေရဲ့ငယ်ဘဝဟာ တက်ကြွလန်းဆန်းစွာနဲ့ပန်းလေးတပွင့်လို လှလှပပကြီးပြင်းလာမှာပဲဖြစ်ပါတယ်။

17/10/2025

ဘဝမှာ ပျော်ရွှင်စေဖို့ ဘာလိုအပ်သလဲ လို့ မေးကြတယ်။

တကယ်တော့ ကျွန်မကိုယ်တိုင်လည်း လူသားထဲက လူသားမို့ အမြဲမပျော်နိုင်ပါဘူး။

🍃ပျော်ရွှင်ဖို့ ဘာတွေလိုအပ်ပါတယ်
🍃ဘယ်ဟော်မုန်းတွေ ထွက်ဖို့ ဘယ်လိုကြိုးစားကြပါ
ဆိုပြီး ၁-၁၀ ခေါင်းစဉ်တပ်ရေးလို့လည်း လူတယောက်ဟာ လွယ်လွယ် မပျော်နိုင်ပါဘူး။

ဒါပေမယ့် negative vibes တွေဖြစ်တဲ့ ဝမ်းနည်းမှု၊နာကျင်မှု၊ပူဆွေးမှု၊ကျရှုံးမှု၊ယူကျုံးမရဖြစ်မှု၊သစ္စာဖောက်ခံရမှုနဲ့ စိတ်ဓာတ်ကျမှုတွေကို သက်သာအောင် ဘာတွေလိုအပ်သလဲလို့တော့ ကျွန်မတို့ အဖြေရှာကြည့်လို့ရပါတယ်။

🔥လက်ခံလိုက်ပါ🔥

ဟုတ်ပါတယ်။ရိုးရိုးရှင်းရှင်းလေးပါပဲ။

#လက်ခံလိုက်ပါ

ကျွန်မတို့ ခံစားချက်တွေ ရောပြွန်းပြီး ဆို့နင့်လာတဲ့အခါမှာ လုပ်မိကြတဲ့ အမှားအကြီးကြီးတခု ရှိပါတယ်။

🍃ဘာဖြစ်လို့လဲ?
🍃ဘာကြောင့်လဲ?
🍃ဘာလို့ ငါမှလဲ?

သံသယပေါင်းများစွာနဲ့ ကိုယ့်ကိုယ်ကိုယ် ပြန်လည် မေးခွန်းထုတ်တတ်ကြပါတယ်။

ဘာဖြစ်လို့ ငါ့ခွေးလေးမှ သေသွားရတာလဲ?
ဘာလို့ ငါ့အလှည့်မှ သစ္စာဖောက်ခံရတာလဲ?
ဘာကြောင့်များ ငါအလုပ်မရသေးတာလဲ?

Hey…..မေးခွန်းတွေ ထုတ်မနေနဲ့။အဖြေတွေ အပင်ပန်းခံလိုက်ရှာမနေနဲ့။ဦးနှောက်ကို အနားပေးပြီး အရာအားလုံးကို လက်ခံလိုက်ပါ။

လက်ခံလိုက်တဲ့အချိန်မှာ သိစိတ် (conscious mind) ဖြစ်သွားတဲ့အတွက် ခံစားနေရမှုဟာ တဝက်လောက်ထိ သက်သာသွားပြီး recovery မြန်မြန်ရ၊မြန်မြန်ပြန်ထူထောင်နိုင်လာပါတယ်။

ဘာကြောင့်ရယ်မှ မဟုတ်ပါဘူး။
အချိန်တန်လာလို့ပါ။

အတိတ်တွေကို ပြန်မတူးဆွပါနဲ့တော့။
မတတ်နိုင်ခြင်းတွေမို့ မေ့ပစ်လိုက်ကြရအောင်။

အနာဂတ်အတွက် ကြိုတင်မပူလောင်ပါနဲ့။
ရှေ့ဆက် ဘယ်လောက်ထိ ရှင်နိုင်မယ် မသိဘူးလေ။

မင်းမှာ ဘာအပြစ်မှ မရှိပါဘူး။
မင်းမှာ ဘာချို့ယွင်းချက်မှ မရှိပါဘူး။
မင်းကိုပဲ ကွက်ပြီး ကံဆိုးနေတာ မဟုတ်ရပါဘူး။
အဲဒီအစား JUST ACCEPT IT.

4.11.2023

17/10/2025

အားလုံးပဲ မင်္ဂလာပါရှင်…
ကျွန််မကတော့ Random talk with Dr. Zaw မှ Dr. ခြူးခန့်ခန့်ဇော် ဖြစ်ပါတယ်။
Blooming Minds page လေးကို ဖွင့်ရတဲ့ရည်ရွယ်ချက်ကတော့ ကလေးတွေနဲ့ ပတ်သက်တာလေးတွေ ရေးဖို့ရယ်နဲ့ စိတ်ကျန်းမာရေးနဲ့ပတ်သက်တဲ့ နွေးထွေးတဲ့နေရာလေးတခုဖြစ်ဖို့ရယ်ဆိုတဲ့ ရည်ရွယ်ချက် ၂ ခုနဲ့ ဖွင့်ဖြစ်တာ ဖြစ်ပါတယ်။
အရင် Random Talk With Dr. Zaw page မှာ စာရေးတာ ပုံမှန်မရှိနေပေမယ့် ဒီ ၂ နှစ်တာကာလပတ်လုံး အမြဲမပြတ်အားပေးခဲ့ကြသူတွေကို ကျေးဇူးတင်ပါတယ်။
Page အဟောင်းမှာတော့ မျိုးဆက်ပွါးကျန်းမာရေးနဲ့ ဖိုမ ကျန်းမာရေးဆိုင်ရာ ရောဂါတွေကို ရေးသားသွားမှာဖြစ်ပြီး ဒီ page အသစ်လေးမှာတော့ မိဘတွေသာမက ကလေးတွေလည်း ဝင်ကြည့်ရင် အဆင်ပြေအောင်လို့ Child -friendly topics လေးတွေ ရေးသွားမှာ ဖြစ်လို့ အားပေးကြပါဦးနော်။

ที่อยู่

Bangkok
10100