ᴍᴏᴇ ᴛʜᴀᴜᴋ ᴋʏᴀʟ ғᴀᴍɪʟʏ ᴄʟɪɴɪᴄ

ᴍᴏᴇ ᴛʜᴀᴜᴋ ᴋʏᴀʟ ғᴀᴍɪʟʏ ᴄʟɪɴɪᴄ မှန်ကန်သော၊ သိထားသင့်သော ကျန်းမာရေးဗဟုသုတများကို မျှဝေပေးနေသော စာမျက်နှာဖြစ်ပါသည်။

သားဆက်ခြားဆေးထိုးပေးရင် သေချာရှင်းပြဖြစ်သလို ပြန်ထိုးရမယ့်ရက်ကို မကျော်သွားစေဖို့ ယခုလိုမှတ်တမ်းမျိုးပြုလုပ်ပေးဖြစ်တယ်။(...
22/07/2025

သားဆက်ခြားဆေးထိုးပေးရင် သေချာရှင်းပြဖြစ်သလို ပြန်ထိုးရမယ့်ရက်ကို မကျော်သွားစေဖို့ ယခုလိုမှတ်တမ်းမျိုးပြုလုပ်ပေးဖြစ်တယ်။

(သူခိုးတွေက သူတို့လိုချင်တာပဲယူတာဆိုတော့ သူတို့အတွက် မလိုအပ်လို့ မယူသွားလို့ အခုလို ကျန်နေသေးတော့လည်း အသစ်ထပ်လုပ်စရာမလိုတော့ဘူးပေါ့။)

ဆေးခန်းစောင့်တာဝန်ကျ မောင်ဂျက်ကီ။
20/07/2025

ဆေးခန်းစောင့်တာဝန်ကျ မောင်ဂျက်ကီ။

18/07/2025

လူနာဟောင်း အမျိုးသမီးတယောက် ဆေးခန်းလာပြသည်။ သူတင်မက သူ့မိသားစုတခုလုံး ဘာဖြစ်ဖြစ် ကျွန်တော်ဆီကိုပဲ လာပြနေကျဖြစ်တော့ သူ့မိသားစုဝင်များကိုပါ ကျွန်တော်မှတ်မိနေသည်။ သည်လိုနှင့် ဆေးခန်းပြအပြီး ကျွန်တော်က အာလာပသလ္လာပ မေးမိသည်။

"အမ အမျိုးသား ကို ------ ကော
မပါလာဘူးလား"

"သူ မရှိတော့ဘူးရှင့်"

ကျွန်တော် အလွန်ပင်အားနာသွားမိသည်။

"ဘယ်လိုဖြစ်ရတာလဲဗျာ
စစ်ရှောင်နေစဉ် မတွေ့ဖြစ်တာ တနှစ်ခွဲလေးအတွင်းကို"
"စစ်ရှောင်ရင်း ဆုံးတာလား
ဘာရောဂါနဲ့လဲ"

ကျွန်တော်က ယခုကဲ့သို့ ပြောလိုက်တော့ သူလည်းအံ့သြ သွားဟန်ဖြင့် ချက်ချင်း တုန့်ပြန်ပြောဆိုသည်။

"မရှိတော့ဘူးဆိုတာ
ဆုံးသွားတာ မဟုတ်ရပါဘူးရှင်"
"သူ ဘုန်းကြီးဝတ်သွားတာပါ
ပျော်သလောက်ဝတ်မယ်ဆိုပြီး ဝတ်နေတာ တဝါတောင်ကျော်နေပါပြီ"

"အားနာလိုက်တာဗျာ"
"မရှိတော့ဘူးဆိုတော့ ကျွန်တော်လည်း ထင်မိထင်ရာ ထင်မိလိုက်တာ"
"ရပါတယ်ရှင်"

"အစကတည်းက ရှင်းရှင်းပြောတာမဟုတ်ဘူး"
ဒီတခါတော့ စိတ်ထဲကပဲ ပြောမိလိုက်တော့သည်။

လွိုင်ကော်ပြန်ရောက်မှ ဘဝသစ်ပြန်စ။ဆေးကောင်တာလေးလည်း အခုမှ ဆေးအနည်းငယ်​ပြန်များလာတာ။
16/07/2025

လွိုင်ကော်ပြန်ရောက်မှ ဘဝသစ်ပြန်စ။
ဆေးကောင်တာလေးလည်း အခုမှ ဆေးအနည်းငယ်​ပြန်များလာတာ။

15/07/2025

ညအိပ်မပျော်သည့်လူနာ ဆေးခန်းရက်ချိန်းပြန်လာပြသည်။

"ဘယ်လိုလဲ ညအိပ်လို့ပျော်ရဲ့လား"

ကျွန်တော်လည်း လူနာအားမှတ်မိနေသည့်အလျောက် စကားဦးကြိုလိုက်သည်။

"ဘာပြောကောင်းမလဲ ဆရာ"
"အိပ်လိုက်တာမှ သူခိုး ဆိုင်ကယ်ဝင်ခိုး သွားတာတောင်မသိလိုက်ဘူး"

"ဟိုက်"

"ပဋိဇီဝပိုးသတ်ဆေးတွေက ဗိုင်းရပ်စ်ပိုးကြောင့်ဖြစ်တဲ့ အအေးမိတုပ်ကွေးရောဂါတွေကို မသက်သာစေပါဘူး"ပြောရမယ်ဆိုရင် သာမန်အအေးမိတု...
14/07/2025

"ပဋိဇီဝပိုးသတ်ဆေးတွေက ဗိုင်းရပ်စ်ပိုးကြောင့်ဖြစ်တဲ့ အအေးမိတုပ်ကွေးရောဂါတွေကို မသက်သာစေပါဘူး"

ပြောရမယ်ဆိုရင် သာမန်အအေးမိတုပ်ကွေးလက္ခဏာလောက်နဲ့တော့ ပိုးသတ်ဆေးထည့်မသောက်သင့်ပါဘူး။
အဓိက ကတော့ ပဋိဇီဝပိုးသတ်ဆေး ယဉ်ပါးခြင်းအန္တရာယ်က ဒီနောက်ပိုင်းအတော်ကိုကြီးလာလို့ပါပဲ။

ရောဂါအခြေအနေအရ နောက်ဆက်တွဲ ဘက်တီးရီးယားပိုးဝင်နေတယ်လို့ သင့်ဆရာဝန်က ယူဆရင်တော့ ထည့်ညွှန်ကြားပါလိမ့်မယ်။
ဒါတောင် သတ်မှတ်ပမာဏ၊ ကာလ အတိအကျလိုက်နာသောက်သုံးဖို့လိုပါတယ်။

ပဋိဇီဝပိုးသတ်ဆေးယဉ်ပါးခြင်းအန္တရာယ်ကို လူတိုင်း သတိမူမိဖို့ လိုအပ်လို့ မျှဝေလိုက်ပါတယ်။

14/07/2025

မိသားစုထဲမှာ ကျန်းမာရေးဗဟုသုတအထိုက်အလျောက်ရှိတဲ့သူ မဖြစ်မနေတဦးတော့ ရှိသင့်တယ်။
ဒါမှသာ မိမိရဲ့ မိသားစုဝင်တဦးဦး မကျန်းမာ/ နေမကောင်းဖြစ်လာတဲ့အခါ မှန်ကန်တဲ့ဆုံးဖြတ်ချက်ကို ချပေးနိုင်မှာဖြစ်တယ်။

စကားစပ်လို့ ထပ်ပြောရဦးမယ်ဆိုရင် ကျန်းမာရေးဗဟုသုတဆိုတာ ဘွဲ့ရတာ ပညာတတ်တာတွေ၊ ပိုက်ဆံချမ်းသာတာတွေနဲ့ တိုက်ရိုက်ကြီး အချိုးကျနေမှာ မဟုတ်ဘူးနော်။
စာမတတ်ပေမယ့် ကျန်းမာရေးဗဟုသုတွေကို နိုင်သလောက်လေး ဖြည့်ဆည်းနေတဲ့သူတွေ၊ ဆင်းရဲပေမယ့် ကျန်းမာရေးဗဟုသုတတွေ မနိမ့်ပါးသူတွေမှ အများကြီးပါ။
ပြောင်းပြန်ပြောရရင် ပိုက်ဆံရှိပေမယ့်၊ ပညာတွေတတ်ပေမယ့် ကျန်းမာရေးအသိမရှိတဲ့သူတွေလည်း အများကြီးပါပဲ။

13/07/2025

တခြားသူတွေကိုတော့ မပြောချင်ပါဘူး။
တချို့ဆရာဝန်တွေကပါ ရောဂါကုလို့ပျောက်ကင်းကြောင်း လူနာကို ဗီဒီယိုရိုက်ပြီးတင်၊ မိမိကိုယ်ကိုယ် ကြော်ငြာ​သလိုမျိုး လုပ်လာကြပါတယ်။
မပြုလုပ်သင့်ပါဘူး။
သမားကျင့်ဝတ်နဲ့လည်း မညီပါဘူး။

12/07/2025

လူလတ်ပိုင်းအရွယ် အမျိုးသားလူနာတဦးဆေးခန်းလာပြသည်။

"ဖြစ်ကြောင်းကုန်စင် ပြောပြဦးမယ်ဆရာရေ" ဟု အစချီလျက်

"ကျွန်တော်အရက်နားထားတာ တပတ်လောက်ရှိတဲ့လူနာလေ"
"နားထားတဲ့ တပတ်အတွင်း အတော်ကိုနေလို့မကောင်းလို့ ဆရာ့ဆီ ဆေးခန်းလာပြထားတဲ့ တယောက်ပါ"

"အဲ့တုန်းက လူက တုန်တုန်ရင်ရင်နဲ့ တမျိုးပဲ
စားလို့လည်းမကောင်းဘူး
အိပ်လို့လည်းမပျော်ဘူး
လူကနုံးလာသလိုပဲဆိုပြီး လာပြတာလေ"
"မှတ်မိလားဆရာ"

"မှတ်မိတာပေါ့
ပြောပါဦး
နေရတာ သက်သာရဲ့လား"

"သက်သာရုံမဟုတ်ဘူး
အတော်ကိုကောင်းသွားပြီဆရာ"

"အင်း ဒီလူနာ လာပြန်ပြောပြဖော်ရသားပဲ" ဟု စိတ်ထဲ ​ကြိတ်၍ ချီးကျူးမိလိုက်သည်။

ကျွန်တော်တို့ဆရာဝန်တွေဆိုသည်မှာလည်း ယခုလို ရောဂါဝေဒနာသက်သာသွားပြီဆိုတဲ့ စကားမျိုးကြားရလျှင် အလွန်ကို ပီတိဖြစ်တာမျိုးမဟုတ်လား။

"အစကတော့ မသက်သာသေးဘူး ဆရာ"

"ဒါပေါ့"
"တဖြည်းဖြည်းနဲ့....... "

ကျွန်တော်ပြော၍ မပြီးသေးခင် သူက ဆက်ပြောသည်။

"အဲ့တာ မနေ့ညက အရက် ၂ပက်လောက် ပြန်စမ်းသောက်ကြည့်လိုက်တာ"

"အခုလို နေကောင်းသွားရော ဆရာ"

"ဟင်"

"အဲ့တာ လာပြောပြတာဆရာ"

11/07/2025

လူဆိုတာ ကြံရာမရတဲ့အခါ ကောက်ရိုးတမျှင်ပဲ​​ဖြစ်ဖြစ် ဆွဲမိဆွဲရာ ဆွဲကြတာပါပဲ။
ကင်ဆာပျောက်တယ်၊ ဘာရောဂါလာလာ ပျောက်တယ်ဆိုရင်လည်း သွားစမ်းကြည့်ကြမှာ မလွဲပါဘူး။
လက်နဲ့ထိလို့ပဲပျောက်ပျောက်၊ ဆေးလိမ်းပေးလို့ပဲပျောက်ပျောက် မိမိရဲ့ရောဂါဝေဒနာတွေ ပျောက်သွားမလားဆိုတဲ့ရည်ရွယ်ချက်နဲ့ သွားကြည့်ကြမှာလည်း မနည်းလောက်ပါဘူး။

ကျွန်တော်ကတော့ ဒီအပေါ်ဘာမှတ်ချက်မှ မပေးလိုပါဘူး။
လူနာတွေ၊ လူနာရှင်တွေအနေနဲ့ မိမိတို့ရဲ့ ကျန်းမာရေးအသိပညာတွေအပေါ်မူတည်ပြီး ချင့်ချိန်စဉ်းစားကြဖို့ပဲ အကြံပြုပါတယ်။

ဆေးခန်းတွင် ကျွန်တော်ထိုးပေးသည့် ဆေးထိုးအပ်နှင့် လူနာတွေထင်သည့် ဆေးထိုးအပ် 😂😂😂
07/07/2025

ဆေးခန်းတွင် ကျွန်တော်ထိုးပေးသည့်
ဆေးထိုးအပ်နှင့် လူနာတွေထင်သည့် ဆေးထိုးအပ် 😂😂😂

07/07/2025

လွိုင်ကော်မြို့က မိတ်ဆွေများခင်ဗျား။
ရာသီတုပ်ကွေးကာကွယ်ဆေး မိသားစု (၃)စုအတွက် မှာပေးဖို့ရှိပါတယ်။
လမ်းကြုံမှာပေးစေချင်ရင်
09458833341 ကို ဆက်သွယ်မေးမြန်းနိုင်ပါတယ်။

(မနက်ဖြန်မှာမှာမို့ ယနေ့ည အထိပဲ စာရင်းလက်ခံပါမယ်။)

ที่อยู่

Chiang Mai

เวลาทำการ

จันทร์ 08:00 - 14:00
16:00 - 18:30
อังคาร 08:00 - 14:00
16:00 - 18:30
พุธ 08:00 - 14:00
16:00 - 18:30
พฤหัสบดี 08:00 - 14:00
16:00 - 18:30
ศุกร์ 08:00 - 14:00
16:00 - 18:30
เสาร์ 08:00 - 14:00
16:00 - 18:30
อาทิตย์ 08:00 - 14:00
16:00 - 18:30

เบอร์โทรศัพท์

+959458833341

แจ้งเตือน

รับทราบข่าวสารและโปรโมชั่นของ ᴍᴏᴇ ᴛʜᴀᴜᴋ ᴋʏᴀʟ ғᴀᴍɪʟʏ ᴄʟɪɴɪᴄผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ การปฏิบัติ

ส่งข้อความของคุณถึง ᴍᴏᴇ ᴛʜᴀᴜᴋ ᴋʏᴀʟ ғᴀᴍɪʟʏ ᴄʟɪɴɪᴄ:

แชร์

ประเภท

Moe Thauk Kyal Family Clinic

Founded Moe Thauk Kyal Family Clinic on 28th, July, 2014 at Loikaw, Kayah State. The Founder was Dr. Khun Pyaephyoe Kyaw.