Little Lights Preschool, 58 Moo 9, Km. 42, Paholyothin Highway (2026)

01/03/2026

🏖️☀️မိမိကလေးငယ်များကို အချိန်တန်ဖိုးရှိစွာ ကျောင်းမှာ နွေရာသီကိုပျော်ပျော်ရွှင်ရွှင်နဲ့သင်ယူစေချင်တဲ့ မိဘများ Summer class လေး ဆက်ရှိပါမယ်နော်😉

နွေရာသီ Lesson များနဲ့ အတူ Activities များစွာနဲ့ သင်ယူလို့ရမယ့် Summer class လေးကို ဆက် join လို့ရပါတယ်ရှင့် 🏖️

စတင်မယ့်ရက် - (9March- 22 May)
အချိန် - 9:00Am -3:00 Pm

25/02/2026

အမှားလုပ်မိတဲ့ကလေးကို
“ခုချက်ချင်း ‘Sorry’ ပြောစမ်း”
လို့ အတင်းမတိုက်တွန်းပါနဲ့လို့ ပြောရင်…

လွန်ခဲ့တဲ့ရက်ပိုင်းက
ကစားကွင်းမှာ ကလေးနှစ်ယောက်
ဆော့နေရင်း ပြဿနာတက်ကြတယ်။

ကောင်လေးတစ်ယောက်က
သူ့သူငယ်ချင်း လက်ထဲက အရုပ်ကို လုရင်း
ဒေါသထွက်ပြီး တွန်းချလိုက်တယ်။
ဟိုကလေးက လဲကျပြီး ငိုရော။

အဲ့ဒီအခါ
တွန်းလိုက်တဲ့ ကလေးရဲ့ အမေက
ရှက်ရှက်နဲ့ ချက်ချင်း ပြေးလာပြီး
သူ့သားကို ဆွဲလှုပ်ပါတော့တယ်။

“နင် ဘာလို့ သူများသွားတွန်းတာလဲ!
ခုချက်ချင်း ဆောရီးပြောစမ်း!
နင့်သူငယ်ချင်းကို သွားတောင်းပန်စမ်း”

ဆိုပြီး အော်တော့တာပါပဲ။

ကလေးက မျက်နှာကြီး စူပုပ်ပြီး
ကြမ်းပြင်ကို ငုံ့ကြည့်ရင်း
“ဆောရီး…”
လို့ ခပ်တိုးတိုးလေး ရေရွတ်လိုက်တယ်။

အမေဖြစ်သူကလည်း
တောင်းပန်ပြီးပြီဆိုပြီး
ကျေနပ်သွားတယ်။

ဒါပေမဲ့…

အဲ့ဒီကလေးရဲ့ ရင်ထဲမှာ
တကယ် တောင်းပန်ချင်စိတ်
ရှိသွားပါသလား?

လုံးဝ မရှိပါဘူး။

⸻

ချက်ချင်းတောင်းပန်ခိုင်းတာ
ဘာလို့ မှားနေတာလဲ?

စာသင်ခန်းတွေထဲမှာ
နှစ် ၂၀ ကျော် စာသင်လာခဲ့တဲ့
သက်တမ်းတစ်လျှောက်လုံး
ကျွန်မ အမြဲသတိထားမိတဲ့
အချက်တစ်ခု ရှိတယ်။

ကလေးတွေကို
“အတင်းအကျပ် ဆောရီးပြောခိုင်းခြင်း” ဟာ
သူတို့ကို ကိုယ်ချင်းစာတရား
ရစေတာ မဟုတ်ဘဲ…

“လိမ်ညာတတ်အောင်”
သင်ပေးလိုက်တာနဲ့
အတူတူပါပဲ။

ကလေးတစ်ယောက်
ဒေါသထွက်ပြီး အမှားလုပ်မိတဲ့အချိန်မှာ
သူ့ရဲ့ ဦးနှောက်က
စိတ်ခံစားမှု အရမ်းပြင်းထန်နေတဲ့
အခြေအနေမှာ
ရှိနေပါတယ်။

အဲ့ဒီအချိန်မှာ
သူက တစ်ဖက်လူရဲ့ နာကျင်မှုကို
နားမလည်နိုင်သေးပါဘူး။

သူ့ကို အတင်း
“ဆောရီး” ပြောခိုင်းတဲ့အခါ
ကလေးရဲ့ ဦးနှောက်က
ဘာကို မှတ်သားသွားလဲဆိုတော့…

“‘Sorry’ ဆိုတာ
အမေ ဆူနေတာကို ရပ်သွားအောင်၊
ငါ့ကို အပြစ်ပေးတာကနေ
လွတ်သွားအောင် သုံးရမယ့်
မှော်စကားလုံး (Magic Word) ပဲ”

လို့ မှတ်ယူသွားပါတယ်။

ဒါဟာ
အလွန်ကြောက်စရာကောင်းတဲ့
သင်ခန်းစာပါ။

⸻

စကားလုံးတွေထက်
“လုပ်ရပ်” ကို သင်ပေးပါ

ဒါဆို ကလေး အမှားလုပ်ရင်
ဒီတိုင်း ကြည့်နေရမှာလား?

လုံးဝ မဟုတ်ပါဘူး။

“ပါးစပ်ကနေ အလွတ်ကျက်ထားတဲ့ စကား”
ပြောခိုင်းမယ့်အစား
“တာဝန်ယူမှု ကို
သင်ပေးရပါမယ်။

⸻

၁။ အရင်ဆုံး စိတ်ကို ငြိမ်အောင်ထားပေးပါ

ကလေးကို အဲ့ဒီနေရာကနေ
ခဏ ဆွဲထုတ်ပါ။

“သား အရမ်း ဒေါသထွက်သွားတယ် မလား။
မေမေ သိတယ်…
ဆိုပြီး
အရင်ဆုံး သူ စိတ်ငြိမ်သွားအောင်
(Calm down) လုပ်ပေးပါ။

⸻

၂။ တစ်ဖက်လူရဲ့ ခံစားချက်ကို ထောက်ပြပါ

စိတ်ငြိမ်သွားမှ
ငိုနေတဲ့ ကလေးဆီ ခေါ်သွားပြီး…

“သား တွန်းလိုက်လို့
သူငယ်ချင်း လဲကျသွားပြီ ကြည့်ပါဦး။
သူ အရမ်းနာသွားလို့
ငိုနေပြီ”

လို့ ပြောပြပြီး
တစ်ဖက်လူရဲ့ ခံစားချက်ကို
မြင်အောင်
လေ့ကျင့်ပေးပါ။

⸻

၃။ “Sorry” အစား
“Action” (လုပ်ရပ်) နဲ့ ပြင်ဆင်ခိုင်းပါ

“ဆောရီးပြောလိုက်”
လို့ အမိန့်မပေးပါနဲ့။

အဲဒီအစား
“သူငယ်ချင်း သက်သာသွားအောင်
သားတို့ ဘာလုပ်ပေးရင် ကောင်းမလဲ?”

လို့ မေးပါ။

လဲကျသွားတဲ့ ကလေးကို
ဆွဲထူပေးတာ၊
ဖုန်ခါပေးတာ၊
အရုပ်လေး ပြန်ကောက်ပေးတာမျိုး
လုပ်ခိုင်းပါ။

ဒါဟာ
ပါးစပ်က “ဆောရီး” ပြောတာထက်
အဆတစ်ရာ ပိုပြီး တန်ဖိုးရှိတဲ့
“အစစ်အမှန် တောင်းပန်ခြင်း” ပါပဲ။

⸻

မေမေ/ဖေဖေတို့ရေ…

လူမြင်ကောင်းအောင်၊
သူများအထင်မသေးအောင်
ကလေးကို ချက်ချင်း
အတင်းတောင်းပန်ခိုင်းတာမျိုးကို
ရပ်တန့်လိုက်ပါ။

“‘ဆောရီး’ ဆိုတဲ့ စကားဟာ
အပြစ်ပေးခံရမှာကြောက်လို့
ထွက်လာတဲ့ စကားလုံး မဟုတ်ဘဲ…

ရင်ထဲကနေ
အမှန်တကယ် နောင်တရလို့
ထွက်လာတဲ့ စကားလုံးပဲ
ဖြစ်ပါစေ။” 🙏❤️

23/02/2026

“ဘယ်အချိန် မူကြိုပို့ရမလဲ”

ဒီမေးခွန်းကို ကျွန်မကို အမြဲမေးကြပါတယ် —
“ဆရာမရေ… ဘယ်အသက်မှာ မူကြိုထားသင့်လဲ?” လို့။

ကျွန်မရဲ့အဖြေက အမြဲတစ်မျိုးတည်းပါ

အသက်အရွယ်ထက် အဆင်သင့်ဖြစ်မှု (Readiness) က ပိုအရေးကြီးပါတယ်။

ပုံမှန်အားဖြင့်
၂ နှစ်ခွဲ မှ ၃ နှစ်ခွဲအတွင်း
မူကြိုစတင်ထားနိုင်ပါတယ်။
ဒါပေမယ့် ကလေးတိုင်းက တူညီမနေပါဘူး။
တချို့က ၂ နှစ်ခွဲနဲ့ အဆင်သင့်ဖြစ်တယ်။
တချို့က ၃ နှစ်ကျော်မှ အဆင်ပြေတယ်။

ကလေး အဆင်သင့်ဖြစ်မှုကို ဘယ်လိုသိမလဲ?

ကျွန်မ မိဘတွေကို ဒီလို ကြည့်ဖို့ လေ့လာဖို့ ပြောပါတယ်
မိဘနဲ့ ခဏခွဲခွာနေနိုင်သလား?
မိနစ် ၃၀၊ ၁ နာရီလောက်
မိဘမရှိဘဲ နေနိုင်လာပြီလား?
အတင်းအကျပ်မကပ်တော့ဘူးဆိုရင်တော့
ဒါက အဆင်သင့်ဖြစ်တဲ့လက္ခဏာပါ

ဖြစ်ချင်တာကို ပြောပြနိုင်သလား?

လိုအပ်ချက်ကို ပြောနိုင်သလား?
“ရေသောက်ချင်တယ်”
“အိမ်သာသွားချင်တယ်” လို့ ပြောနိုင်သလား?

Communication လေး ရှိဖို့လိုပါတယ်။

Basic Self-help Skills ရှိသလား?

လက်ဆေးတတ်လား?
ဇွန်းနဲ့ စားတတ်လား?
အဝတ်အစား လွယ်လွယ်ကူကူ ဝတ်နိုင်လား?

ဒါတွေက ကလေးကို သူ့ကိုယ်သူ ယုံကြည်မှု ပေးပါတယ်။

အခြားကလေးတွေနဲ့ အတူနေတတ်ပြီလား?

Sharing လေး စတင်တတ်လာပြီလား?
အလှည့်စောင့်ရတာရော နည်းနည်းနားလည်လာပြီလား?
ဒီလို Social readiness လည်း အရေးကြီးပါတယ်။

အလျင်စလိုမလုပ်ပါနဲ့

တချို့မိဘတွေက
“စာမြန်မြန်တတ်စေချင်လို့”ဆိုပြီး
မူကြို မြန်မြန်ထားချင်ကြတယ်။

ဒါပေမယ့်
မူကြိုက စာသင်ဖို့မဟုတ်ဘူးလို့
ကျွန်မ အမြဲပြောပါတယ်။

အဆင်သင့်မဖြစ်သေးတဲ့ ကလေးကို
အလျင်အမြန် ထားလိုက်ရင် ကလေးက မူကြိုကို ကြောက်စရာအနေနဲ့ မြင်နိုင်ပါတယ်
ဒါက သူ့ရဲ့ ငယ်ဘဝမူကြိုအပေါ် မကောင်းတဲ့ အမှတ်တရ ဖြစ်နိုင်ပါတယ်။

နောက်ဆုံး ပြောချင်တာ

မူကြိုထားဖို့ အကောင်းဆုံးအချိန်က —
အသက်ပြည့်တဲ့အချိန် မဟုတ်ပါဘူး
ဖွံ့ဖြိုးမှု အဆင်သင့်ဖြစ်တဲ့အချိန်ပါ
ကိုယ်ကမိဘဖြစ်နေတာနဲ့ပဲ ဘယ်ကလေးတော့ မူကြိုထားတယ် ငါ့ကလေးလည်းထားရမယ် မလုပ်ပါနဲ့
မိဘရဲ့ အတ္တပြိုင်ပွဲကို ဝင်ပြိုင်ပေးဖို့ ကလေးတွေမှာ တာဝန်မရှိပါဘူး
သူ့ဖွံ့ဖြိုးမှုအဆင့်ကို ကြည့်ပါ။
သူ့အမြန်နှုန်းနဲ့ သူသွားပါစေ။
အခြေခံကောင်းရင်
နောက်ပိုင်း သူ့အနာဂတ်အတွက်လည်း ပိုကောင်းပါလိမ့်မယ်။
အဓိကကတော့ မူကြိုဆိုတာ
အမြန်စတင်ဖို့ အရေးမကြီးပါဘူး။
မှန်ကန်စွာ စတင်ဖို့ပဲ အရေးကြီးပါတယ်။

ပန်းဝတ်ရည်ဇော်ချင်း

20/02/2026

သူတို့ အလုပ်ကိုယ်စီ နဲ့ အလုပ်ရှုပ်နေကြ 🥰🥰

15/02/2026

🌸ငယ်စဉ်ကတည်းက သင်ကြားပေးထားရမည့် Good Manners vs Bad Manners 🙌🙌🙌

Songs 🎶

https://youtu.be/L8EBdTtgqa8?si=KWx64cAjLVKgSauu

https://youtu.be/UgLrsqlGA3U?si=5QVXeMHMSe9K2Y2u

https://youtu.be/9N0Qixv5p5k?si=1hAQtQ5vLDi4bdGl

13/02/2026

Let's go to the market 🛒
Fruits and Vegetables Market At School 🍉🍇🍌🥕🥬🍆

09/02/2026

Toddlers လေးတွေရဲ့ flashcards Time 😉
စိတ်ဝင်စားမှုအပြည့်နဲ့ 🥰

06/02/2026

#ကလေးငိုတဲ့နေ့မိဘတွေမသိလိုက်တဲ့အမှန်တရား
ကလေးက ကျောင်းဝင်ပေါက်မှာ ငိုတဲ့အချိန် 😢
မိဘရဲ့စိတ်က ကလေးကိုကျောင်းထားဖို့ ဆုံးဖြတ်လိုက်တဲ့
“ငါ့ဆုံးဖြတ်ချက်တွေ မှားသွားပြီလား?” ဆိုတဲ့ မေးခွန်းနဲ့ ပြည့်နေတတ်ပါတယ် 💔

ဒါပေမယ့်
မိဘတွေ မသိလိုက်တဲ့ အမှန်တရားတွေက —
💛 ကလေးငိုတာဟာ ကျောင်းကိုမကြိုက်လို့ မဟုတ်ပါဘူး။အခု ဖေဖေမေမေလက်ကို လွှတ်လိုက်တာနဲ့
သူအချစ်ရဆုံးအိမ်ကလူတွေအားလုံးနဲ့ တစ်နေ့လုံး ခွဲရတော့မယ်၊
သူ့အတွက်သက်တောင့်သက်သာအရှိဆုံးအိမ်ကို ခွဲရတော့မယ်ဆိုတဲ့အတွေးကြောင့် ဖြစ်ပါတယ်။ 🤍

🎒 မိဘပြန်သွားပြီး မကြာခင်မှာ
ကလေးတွေ ကစားနေ၊ စူးစမ်းနေ၊ ရယ်နေတတ်ကြပါတယ် 😊

တကယ်တော့
🧠 ငိုတတ်တာဟာ စိတ်ခံစားချက်ကို ထုတ်ဖော်နိုင်လာတဲ့ လက္ခဏာပါ။အိမ်မှာထဲက ကျောင်းသွားဖို့ငြင်းဆန်နေရင် ခံစားချက်ကို ပါးစပ်ကနေသေချာ ပြောပြဖော်ထုတ်တတ်နေတာပါ။
ကလေးကEmotional Development ဖွံ့ဖြိုးလာနေတယ်ဆိုတဲ့ အချက်ပါ 🌱

🌈 ဒီအဆင့်ကို ဖြတ်သန်းနိုင်ရင်
ကလေးရဲ့ ကိုယ်တိုင်ယုံကြည်မှု စတင်ဖွံ့ဖြိုးလာပါပြီ ✨

မိဘအနေနဲ့ လုပ်ပေးနိုင်တာက —
✅️ အချိန်ပေးပါ
(ကလေးက ကျောင်းသွားဖို့ငြင်းဆန်တာဟာ ၃ပတ်ဖြစ်ချင်ဖြစ်မယ် ၁လဖြစ််ချင်ဖြစ်မယ်.......)

✅️ ယုံကြည်ပါ
(ကလေးက အမြန်ဆုံး ကျောင်းနဲ့အသားကျသွားမယ်ဆိုတာ)

✅️တိုတိုရှင်းရှင်း နှုတ်ဆက်ပြီး နောက်မလှည့်ကြည့်ပဲပြန်ပါ
(Goodbye songဆွဲပြီးရင် လာကြိုမယ် သို့မဟုတ် ညနေ ကျောင်းဆင်းရင် လာကြိုမယ်.........)

ကလေးအတွက်
မိဘရဲ့ ယုံကြည်မှုက
အကြီးမားဆုံး အားပေးမှုပါ 💫

👉 မူကြိုပို့ဖို့ စိတ်ပူနေတဲ့ မိဘသူငယ်ချင်းတွေကို Share ပေးပါ 🤍

ရတနာလှိုင်
၅.၂.၂၀၂၆

#မူကြိုပို့ခြင်း 👶
#မိဘစိတ်ခံစားမှု 💛
#ကလေးဖွံ့ဖြိုးမှု 🌱
#မူကြိုဘဝ 🎒

05/02/2026

အသက်၂ နှစ်မှ ၅ နှစ်အရွယ် ကလေးများအတွက် အပြုအမူဆိုင်ရာထိန်းကျောင်းခြင်းနည်းလမ်းများ

၁။ ရွေးချယ်ခွင့် ပေးပါ (Offer Choices)
ကလေးကို အမိန့်ပေးသလိုမျိုး မဟုတ်ဘဲ သူတို့မှာ အာဏာရှိတယ်လို့ ခံစားရအောင် ရွေးချယ်ခွင့် ပေးရပါမယ်။ ဒါဟာ အငြင်းအခုန် ဖြစ်ခြင်းကို လျှော့ချပေးပါတယ်။
• ဥပမာ: "အခု ထမင်းစားတော့" လို့ ပြောမယ့်အစား "ထမင်းကို ပန်းကန်အပြာနဲ့ စားမလား၊ အနီနဲ့ စားမလား" လို့ မေးပေးပါ။

၂။ ရှင်းလင်းပြတ်သားသော ညွှန်ကြားချက်များ (Clear Instructions)
ကလေးတွေဟာ ရှည်လျားတဲ့ ရှင်းပြချက်တွေကို နားမလည်နိုင်သေးပါဘူး။ တိုတိုနဲ့ လိုရင်းကိုပဲ ပြောပါ။
• ဥပမာ: "သားသား/မီးမီး ဆော့ပြီးရင် အခန်းထဲက ပစ္စည်းတွေ အကုန်ပြန်သိမ်း၊ အမြဲတမ်း အဲဒီလိုပဲ ရှုပ်ပွနေတာပဲ" လို့ ပြောမယ့်အစား "ကဲ... ဒီအရုပ်လေးတွေကို ဒီသေတ္တာထဲ ပြန်ထည့်ရအောင်" လို့ တိတိကျကျ ပြောပေးပါ။

၃။ အပြုသဘောဆောင်သော အားပေးမှု (Positive Reinforcement)
မကောင်းတဲ့ အပြုအမူကို အပြစ်ပေးတာထက် ကောင်းတဲ့ အပြုအမူလုပ်တဲ့အခါ ချက်ချင်း ချီးကျူးပေးတာက ပိုထိရောက်ပါတယ်။
• ဥပမာ: ကလေးက ပစ္စည်းလေး တစ်ခုခု ကူသယ်ပေးရင်ဖြစ်ဖြစ်၊ စကားနားထောင်ရင်ဖြစ်ဖြစ် "လိမ္မာလိုက်တာ" ဆိုတာထက် "သားသားက မေမေ့ကို ကူညီပေးလို့ မေမေ အရမ်းဝမ်းသာတယ်၊ ကျေးဇူးပါနော်" လို့ ဘာကြောင့် ချီးကျူးတယ်ဆိုတာကိုပါ ထည့်ပြောပေးပါ။

၄။ ပုံသေအချိန်ဇယား ထားရှိခြင်း (Consistency and Routine)
ကလေးတွေဟာ ဘာပြီးရင် ဘာလုပ်ရမယ်ဆိုတာကို ကြိုသိနေရင် ပိုပြီး တည်ငြိမ်ကြပါတယ်။
• အကြံပြုချက်: အိပ်ချိန်၊ စားချိန်၊ ဆော့ချိန်တွေကို တိကျတဲ့ Routine တစ်ခု လုပ်ပေးထားပါ။ ဥပမာ- ညအိပ်ခါနီးတိုင်း "ရေချိုးမယ် -> အကျီလဲမယ် -> ပုံပြင်ဖတ်မယ် -> အိပ်မယ်" ဆိုတဲ့ အစဉ်အလိုက် လုပ်ပေးခြင်းဖြင့် အိပ်ခါနီး ဂျီကျတာကို လျှော့ချနိုင်ပါတယ်။

အရေးကြီးဆုံးအချက်- "စိတ်ရှည်ခြင်း (Patience)"
ကလေးတွေရဲ့ ဦးနှောက်ဟာ စိတ်ခံစားချက်ကို ထိန်းချုပ်တဲ့အပိုင်း (Prefrontal Cortex) အပြည့်အဝ မဖွံ့ဖြိုးသေးပါဘူး။ ဒါကြောင့် သူတို့ ဂျီကျတာ၊ ဒေါသထွက်တာဟာ သင့်ကို ဒုက္ခပေးချင်လို့ မဟုတ်ဘဲ သူတို့ရဲ့ စိတ်ခံစားချက်ကို မထိန်းချုပ်နိုင်သေးလို့ဆိုတာကို နားလည်ပေးဖို့ လိုပါတယ်။

"ကလေးတစ်ယောက်ကို ဆုံးမခြင်းဆိုတာ ဒေါသနဲ့ နှိပ်ကွပ်ခြင်း မဟုတ်ဘဲ မေတ္တာနဲ့ လမ်းမှန်ပြခြင်းသာ ဖြစ်ရပါမယ်"

ဒီအချက်လေးတွေက မေမေတို့အတွက်အထောက်အကူ ဖြစ်စေမယ်လို့ မျှော်လင့်ပါတယ်ရှင်။

03/02/2026

မနေ့က ကျောင်းနေရာသစ်လေးမှာဆုတောင်းခြင်းနဲ့ အစပြုခဲ့ကြတယ် 😇
ဘုရားကောင်းမြတ်တယ် 🙌
🥰အနာဂတ်မှာ ဘုရားသခင်က ကြီးမားစွာအသုံးပြုမယ့် ကလေးသူငယ်များ ပြုစုပျိုးထောင်မယ့်နေရာသစ်လေး🥰

“သူငယ်သော်လည်း၊ မိမိပြုသောအမှုသည် စင်သည်မစင်သည်၊ မှန်သည်မမှန်သည်ကို မိမိအခြင်းအရာအားဖြင့်ပြ၍၊ မိမိသဘောကို ထင်ရှားစေ၏။”
‭‭သုတ္တံ‬ ‭20‬:‭11‬ ‭‬

01/02/2026

မနက်ဖြန် ကျောင်းနေရာသစ်လေးမှာ ကျောင်းစတက်ကြပါမယ်နော် 🥰

Little Lights Preschool

01/03/2026

25/02/2026

23/02/2026

20/02/2026

15/02/2026

13/02/2026

09/02/2026

06/02/2026

05/02/2026

03/02/2026

01/02/2026

Address

Opening Hours

Telephone

Website

Alerts

Shortcuts

Share